مشورتكم حصلت لاندكروزر 2007 في الامارات

[القوة العاشرة]

يا اخوان انا حصلت لاندكروزر في الامارات


جي اكس ار ابيض فل بدون ونش ودفلك سبير علاق الباب الايمن وجزء من الرفرف الخلفي الايمن رش بدون سمكره ماشي 66 تشكيات وكاله قير عادي


بس فيه مشكله عليه هدرز وقزوز هذا اللي خايف منه وعلى كلام راعيه افحص بالوكاله
عاد انا قلتله فك الهدرز والقزوز خله على وكاله عند الفحص
الموتر نظيف يبي يطلع علي مع رسوم والجمارك وكل شي 105


هل تنصحوني فيه وسعره مناسب مقارنه بالاسعار اللي عندنا


وشكرا

[الشنه]

افحص السياره وكاله
وخذ تقرير شامل

اذا كل شي زين توكل على الله

[ابو راكانm]

رجال يركب هدرز ـــــــــــــــــــــــــــــــــــ
وموتره ماشي 66 ـــــــــــــــــــــــــــــــــــــ

[البيـرق]

كلام اخوي ابو راكان صحيح

فعلا العداد موضع شك كبيييير.......وخاصة لهذه الفئة

[القوة العاشرة]

والله محتار

[بوعبدالعزيز84]

استخير ولا تاخذه الا بعد ما تفحص وتتأكد اذا كلشي سليم خذه

[omarx5]

العداد مرجع 100%

[راعي السلقه]

هدرز + ماشي 66 = ؟؟!!!

إستخر وربك يختار لك الصالح , هذي امور الغيب مايجيبها الا علامها

[الأيمن البدرا]

السلام عليكم

000
العداد فيه شك والعالم الله
لكن
السعر مناسب جدا جدا
اذا كان سليم
الله يوفق الجميع

[أطلال نجد]

السلام عليكم
وضع السيارة مريب ، رأيي أن تبحث عن غيرها ويفضل vxr نظيف ما ركب عليه إضافات ولا تزويد ، عداد أقل من 100 ألف
موفق للخير

[- النشمي -]

تبي تعرف اذا العداد صحيح او مرجع اتبع الخطوات التاليه وتبي تعرف ممشى السياره

1- شف نظافة المحرك

2- افحص مسكة الدركسون ونظافته

3- افحص ازرار المسجل والمكيف اذا فيها مسح خفيف او قوي او باقي جديده

4- افحص نظافة المراتب والفرشه الارضيه

5- الكفرات اذا كان تاريخها نفس تاريخ صنع الموتر فهي شد بلد وكذلك الاستبنه


اعرف لاندكروزر GX-R موديل 2002 ابيض وكاله وارد البازعي فل كامل قير عادي

ماشي فقط 36 الف كيلو وكفراته شد بلد دنلوب تاريخ التصنيع 2002 بزرعها جديده جدا

مسيوم 180 الف وراعيه مايبي يبيعه ابد هذا الموتر اللي نقول عنه وكاله ومخزن ماشاء الله لاقوة الا بالله

[مجنون عسل]

يا الغالي الموتر يقولك مرشوش رش بدون سمكرة والعلم عند الله
انا اقول لك تركد وان شاء الله راح تلاقي النظيف لا تستعجل وانا اخوك

[يزيد 999]

اخوي بمعارض دبي ولا الشارقه لان حقات الشارقه تصير الرشوش والسمكره فيها واجد ونصيحه ابعد عنه ودورلك غيره السالفه فيها ((إن))

[قناص 28 عفيف]

يارجال ماركب هدرز وفلاتر الانه انه مفجر الموتر تفجير
نصيحه استخر وافحص الموتر والموتر يبين شكله من ممشاه

[ذيب زلفاوي]

والله سعره رخيص مررره
انت افحصه كويس وعند اكثر من ورشه واذا طلع مافيه شي مايضر الهدرز ان شاء الله وبعدين ترا اغلب المواتر بالسوق مجلوده وخاصه هالنوع يعني مافرقت

[.أبوعبدالرحمن]

رجال يركب هدرز ـــــــــــــــــــــــــــــــــــ
وموتره ماشي 66 ـــــــــــــــــــــــــــــــــــــ



فعلا موضع شك

فلا تستعجل واصرف النظر عنه وشف لك غيره

والله يرزقك باللي يرضيك

[القوة العاشرة]

الله يعافيكم ما قصرتو

بشوف موتر غيره

[de7my]

الاماراتيين ماياخذوا القير العادي الا للتطعيس...اكيد الجيب رايح فيها.

[منصور الفايز]

اشور عليك تدور غيره ...

بالتوفيق

[ابن طاحوس]

يالغالي كانك فالرياض
انا شريت جكسار 2009
امس
وقبله معي 2006 فكسار
لؤلؤي قير عادي
بريمي
بدون ونش ودفل لك
لكن شرط وعلى فحص الوكاله
بدي ومتحركات
اذا لك نظر هذا رقمي
0563388939
ابوفيصل