تطعيس جمس سيرا ٢٠١١

[اسبيدر مان]

http://www.youtube.com/watch?v=Kaz1F8SId0Y&feature=youtu.be

[- النشمي -]

ماشاء الله لاقوة الا بالله على الجمس كنه يمشي على اسفلت


والشاص انفقعت مكينته من كثر مايزر عليها راعيه ومع ذلك ماقدر يجاري الجمس في القوه



الفرق واضح بين موتر الاباء والاجداد وموتر عيال النيدو


تحياتي

[لسان الحقيقة]

ماشاء الله عز الله انه نشيط ..
وللأسف مكينة الشاص الجديدة الراسين قللت من وجهة نظري من هيبة وقوة الشاص المعروفة عنه لانها ضعيفة
ناس تقول لانها راسين وناس تقول لان الدعسة كهربائية
وسلامتكم

[كاشت وحداني]

بكل صراحه
الخيل من ركابها
شفت ناس على هايلكسات ودداسن يشقون الدهنا ويكشتون

[ابوهشام 21]

يا اخوان مافيه مقارنه بينهن الجمس ثمانيه اسرندل والشاص سته ..
لاكن الي يميز الشاص انه مافيه خرابات كهرب ولا حساسات يعني بامر الله وانت في البر ما يوهق راعيه ودمتم ..

[ددسن 2008]

ما شاء الله
الله يبارك له

بس ترا هذا حده في البر يرقى الطعس وقت المطر ويعود للمزفلت

ثمانيه سلندر واثقل وارض ممطوره وتماتيك انتهينا .. ولكن في الصيف ما يزبن وعمره قصير

الحقيقه ما مثل الياباني ولو اربعه سلندر ما يخونك ولا يطلب صيانه

الله يعطيك العافيه ومن يقرا

[اسبيدر مان]

الله يعطيكم العافيه وشكرا على المرور


ما شاء الله
الله يبارك له

بس ترا هذا حده في البر يرقى الطعس وقت المطر ويعود للمزفلت

ثمانيه سلندر واثقل وارض ممطوره وتماتيك انتهينا .. ولكن في الصيف ما يزبن وعمره قصير

الحقيقه ما مثل الياباني ولو اربعه سلندر ما يخونك ولا يطلب صيانه

الله يعطيك العافيه ومن يقرا


من ناحية الثقل ترى وزنه قريب من وزن الاكستيرا طبعا حسب الاستماره
واغلب الجيوب الجديده ثمان سرندل وتماتيك ومايردها شي
اما من ناحية الخربات للسيرا الجديد فما اقدر افيدك لاني ماسبق لي جربت امريكي وانت اتعرف من العقل الحكم على الشي بعد تجربته مع اني اشوفه كثير في الصمان وعروق الدهنا وعليه شد السنيدي ولمبات ماشاء الله كأنه ديره متنقله لكن احتاج تجربته للحكم عليه
اما من ناحية الاربع سرندل للدفع الرباعي فصدقني هو عباره عن رفع ضغط فقط ومن واقع تجربه لاخط ولا مراقى وتطعيس
وشكرا على المرور

[راكب الشفر]

يالبيييه
هذا الموتر اللي ينشد به الظهر
راحة قوة متانة امان بعد حفظ المولى عز وجل مواصفات عد واغلط رحابة بالمقصورة شكل يفتح النفس

[مقناص10]

هدو شباب وصلو على النبي
كل واحد له تجربه وممكن واحد تكون له خبره كبيره بالسيرا ويسايره بكل مكان وشخص ثاني بالشاص واخر بالباترول ولو جرب الثاني مااقتنع ولا عرف ....

واختلاف الاراء لايفسد الود بيننا

لكل ميزاته وسلبياته
وممكن انا كنت صح مقتنع بالتايو لكن مشكله غلاء الاسعار وكذلك اغلب اللي معهم ربع الان اعمارهم ماتزيد عن 20 وتلقاهم الزفلت وانتم بكرامه صاف الطبلون ولاتقديرللناس اللي حوولهم ورازه عند البيت دون خبره فيه وهذا ممكن اللي قلل من شانه في الآوان الاخيره

وعجبني توقيعك ابو نبيل وفعلا صدقت وصدق الشيخ وانا كنت متابع لها وبالافتره الاخيره بطلت وسرت مناقض لها وبشده

بعض القصص ماتدل المخ يعني تصدق لو قلتلك بعير دخل في سم الخياط!!

غير مواضيع الاثارة بين ....مع تحفظي

ومعذره خرجت بره الموضوع

[Magellan]

مشكووور جدا على هذا المقطع وليس بغريب على الجمس
فيه اضافة احب انوه عليها ،من المعروف ان السيارات اليابانية تستهوي المراهقين وصغار العمر والطائشين ، فلذلك بالتأكيد دائما حكمهم على الامريكي بتجني ولا أدل من حركاتهم بتغطيس الجنوط والتغبيرة وكفرات الخط على الهايلوكس وغيرها ،كذلك تصفيط المرايا وغيرها الكثير،،،
لذلك من يريد ان يحترم الناس ردوده فعليه بإحترام ذائقة الناس وخصوصا من يتكلم عن التعصب
والناس فيما يعشقون مذاهب ،،،

[شاص99]

اعتقد شي طبيعي ان الجمس اقوى .الجمس ثمانية سلندر والشاص سته سلندر. والجمس مكينة كبيرة والشاص مكينته صغيرة مقارنه بالسييرا. .


صحيح ان السييرا اقوى من الشاص.لكن لو قارنا المكاين لوجدنا ان الشاص ابدع ابداع ماله حدود هذا ومكينته ليست مثل السييرا


وبعدين الصراحة السييرا على هالمكينة الجبارة عار انه يرقى فقط تسذا المفروض يكون افضل بكثير من هذا الاداء.اقصد على مكينته.


اذاً انا مقتنع تمام الاقتناع لو كانت مكينة الشاص تمانية سلندر وبحجم 4700 .تسان بطقة اصبع يروح على السييرا بالنفود.


عموماً يبقى الشاص هو الاول بالبر.

[SAS2]

ياعالم خلصنا سالفة وانتهت ( النشمي ) دايم يمزح بهالمواضيع وهالمرة زودها وانشالله انه ما يقصد

يسب احد واتمنى تحذف الردود الي مالها داعي كلها

ومشكور ياصاحب الموضوع

[ابومناحي]

الي يقول ان الجمس افضل من الشاص انا اقول ماعنده سالفه ونبي نرص الجمس والشاص خمسين كيس شعير والوعد عروق الدهنا نشوف من الي يوصل
اتحدي الجمس يقطع عرقين بدون مايفلش

[اسبيدر مان]

اشكر الجميع على المرور
وياجماعه الموضوع تطعيس وانتم قلبتوه مقارنه


الي يقول ان الجمس افضل من الشاص انا اقول ماعنده سالفه ونبي نرص الجمس والشاص خمسين كيس شعير والوعد عروق الدهنا نشوف من الي يوصل
اتحدي الجمس يقطع عرقين بدون مايفلش

حسب علمي ان الجمس يجي عدة انواع وكل نوع له اختصاصه
عندك مقاس 1500 ومقاس 2500 ومقاس 3500
لكن ماادري وش تقصد بي مايفلش

[عبدالعزيز بن احمد]

اخواني الكرام حتى تكون المقارنه عادله

قارن تاندرا من تويوتا
مع
سييرا من جمس


كذا راح تعرف المستوى الحقيقي
شكرا

[اسبيدر مان]

شكرا على التعليق والمرور

[FORD1969]

عيب الجمس طامن مع رفعه بسيطه يعطي نتايج طيبه
والخيل من خياله لاجمس ولا شاص ولاربع ولافرت ولاددسن ولاهمر ولا فكســار دور السواق واركب معه

[عأاشق القميري]

صلو علي الحبيب صلى الله عليه وسلم

شكرا علي التطعيس واتمني من الاخوان الهدوء

[طير شلوى نجد]

والله وانا اخوك الجمس مايختلف عليه اثنين على نشاطه والسيارات الامريكيه بشكل عام غنية عن التعريف بقوة محركاتها لاكن العلم عقب التطعيس والمراقا وش بيصير عليهم راعي السيرا وراعي الشاص اول مايركبون السفلت؟؟؟؟؟؟؟؟؟

[جمس 19]

السلام عليكم ورحمة الله وبركاته


من وجهت نظري الجمس اقوى في النفود واريح في الخط بس ما ينفع للكرف

اما الشاص افضل في الوعر والجبال ويتحمل الكرف


وكل واحد حسب استخدامه والي يناسبه

[اسبيدر مان]

الله يحييكم وشكرا على المرور

[barracuda]

ما شاء الله عليه
والله يعطيه خيرها

[الباحث_6610]

اساسا مافيه وجه مقارنة بين قوة السيرا والشاص اولا الشاص 4500 والسيرا 5100 وثانيا الشاص 6 سرندل والسيرا 8 سرندل

[اسبيدر مان]

شكرا على المرور

[sgl2002]

قوة المكينة ماهي كل شي

عندك الباترول ماهو بزود عزم لكن في الاماكن الوعرة والصعبه مايقدر يصف السييرا بجنبه

وفي الربضات السييرا ينشب بسرعه بعكس الباترول واللاند

مواتر البر اللي عليها الكلام الباترول واللاند والا غيرها حقت زفلت وطعوس دوارات العويضة

[دح ديح]

يعطيك الف عافيه على المقطع
و بخصوص المقارنه
كل موتر و له معجبينه و مقتنيه
اكثر اصحاب الحلال يتوجهون لــ الشاص لانه قليل خرابات و يتحمل ماغير غير زيت و امش و كرت بالجيب اذا بغيت تبيع
اما الجمس السييرا انا من مقتنيه
السييرا 1500 اريح بالخط من الشاص بمراحل و اكثر مقتنيه ديره و سفريات و كشتات
السييرا 2500 اخف من الشاص بشي بسيط ( بالخط ) و يعتبر موتر للكرف و التحميل الشاق
السييرا 3500 هذا حق مهمات خاصه هههههههه يتحمل الكرف و التحميل بشكل ما يتصور

و الي بالمقطع 1500 غماره مكينته 5.2 فيه 3 تراشن ( مانع انزلاق ) تقدر تفك اثنين بزر و الثالث لازم دبل ثقيل
بس اداء الموتر فيه اداء ما يستهان فيه نسم و فك التراكشن ( ولا تنسى ترفع الوجه ) و عيش حياتك

انا ما استهين بالشاص و قوته و برضو ما ارضى احد يستهين بالجمس
وأختلاف الاراء لا يفسد من اللود قضيه
و موفقين

[ابو شريفة]

للتوضيح فقط اخوأني

السسيرآ : اولاً دفرنسة الخلفي عباره عن وصلات حلق يمين ويسار ويدخل بحاضن الكارونة يعني لو يضرب رصيف على السرعه ينفهق واحد من الحلوق ويلأ عآد قشر بصل
الثانية : قدم عبارة عن عكوس وفيه ربلات بلاستيك أي ضربه عثمور ينشق ويدخله رمل ويلا عآد قشر بصل حتى الموتر مايطيع يمشي
الشاص : مازالت دفرنساته صبه كاملة وحده واكثر صلابه وتحمل
لكن القوة معروفة بالامريكي ماله مقارن مع احد ، لكن الجودهـ الياباني يتصدر القائمة
دمتم سالمين