كفرات للفتك

[واثق الخطوه-]

السلام عليكم ورحمة الله وبركاته

اخواني انا راعي خطوط والصيف قرب ابي للفتك موديل 2009 كفرات بس ابي اغير البرجستون حق الوكاله قاسي ابي كفر لين ويتحمل كرف رحت ادور ميشلان مالقيت الى تايلندي هل اركبه ولا وش النوع الزين على جنط الوكاله 17

[حاب الربع]

السلام عليكم
خذ ماكسس تايلاندي ممتاز جداً وسعره معقول
٢٧٥/٦٥/١٧

[ذيب اللابه]

نصيحة لا تدور غير ميشلان روح الرياض او جده او الدمام المدن الرئيسية ان شاءالله تحصل فيها

[«نجم الخير»]

وعليكم السلام

موتري عليه دنلوب 17 ع كيفك وهي الافضل

[وليد46]

والله اني مثلك ابركب ولا ادري محتار

ودي احد يعطيناا رايه من الي ركبو كفرات جديده

انا محتار بين ماكسس العريض وبين ميشلان بس مادري اخااف ميشلان مطبه قااسي

تكفون الي جربوا ميشلان يعطينا رايييه

وبالنسبة لخوي المطرودي معقوله الدانلوب زين اخبر مطبه يشق الراس شق

[راعي طويلات]

وعليكم السلام ورحمة الله وبركاته
لاتتعدا الدنلوب بضمان ابن زقر

[vtc 2007]

الدنلوب الافضل
بر
زفلت
الوكيل بن زقر فى شارع الضباب الرياض الوصف في شارع الضباب بأتجاه الشمال مقابل مدينة الملك فهد الطبيه من الناحية الغربية للمدينة الطبية .
وعندك بناشر الطيار تحصل عندهم دنلوب وفروعهم منتشره بالرياض

[التعـ King ـديل]

من واقع تجربه ركبت كفر هنكوك 275/65/17

ركبته عام 2009 وكان تاريخ السنه واستخدمته حتى شهر 1 / 2011 ومشيت عليه اكثر من 80 الف كيلو مابين سفر وبر وكنت اسافر عليه مشاوير طويله جدا دعسه وحده ولا ازين منه

ولمن جيت ابيع السياره والله العظيم لو ماني متاكد اني انا اللي شاري الكفر كان قلت مركب امس وميزه الهنكوك انه لين ومع الاستخدام يلين اكثر ومطبه زين بس عيبه غالي

يوم اشتريه ب 450 والحين الظاهر ب 600

[واثق الخطوه-]

يعطيكم العافيه طيب ميشلان التايلندي زين ولا ماكسس التايلندي ومشكلة الدنلوب تنمسح الدعسه بعد كم شهر

[عالي المسبار]

غير كفر الفرّستون الياباني لاتدور بر وزفلت
انا مجربه يانشمي والله ماتندم

[S.Guard]

السلام عليكم
الله لايهينك يا صاحب الموضوع


يا اخوان ياليت احد منكم يزودنا بالاسعار وخاصة الدانلوب للاندكروزر مقاس الجنط 16...ويعلمنا كيف نعرف المقاس المناسب...وجزاكم الله خير