كفرات بالون ماكسس (غريبه)

[ABO-NaiF]

مساء الخير للجميع

اهل الخبره لاهنتم ذبحني بالون ماكسس
بالتنسيم كل ثلاث ايام اعبيه وكل بنشري

يفحصه يقول مافيه شي طبعا تتاريخهن

اخر11
بعد ماسالت اكثر من واحد قالي العيب بنفس

الكفر التنسيم
بشفه الجنط فيه احد مارتن عليه هالحاله

ابي لها علاج

[ABO-NaiF]

رفععععععععععععع

[ودب 64]

وانا كذلك مثلك وسئلت عنها قالو
هذي الدفعة الاخيرة من البالون المكسس الفتنامي اغلبه ينسم مع الشفة

[ودب 64]

ولا اعرف له اعلاج الا تركيب لستك

[ABO-NaiF]

اللستك مشكله وخاصه بهالحرر

[عنيزاوي تبوكي]

اصلا البالون ماينصحون فيها ككفرات واصلا تاثر على الموتر
لكن ان شاءالله تلقالك حل

[التعـ King ـديل]

المشكله من طريقه تركيب الكفر اول مره .. اللي ركبه لك ماعرف له

طبعا البالون ماعليه ضمان وهذي مشكله ولكن فك الكفرات كامله وركبها من جديد وان شاء الله امورك طيبه

لاني انا مجرب الماكسس ولا احلا منه لاتنسيم ولا شي

[اميربلااماره]

بسم الله الرحمن الرحيم
انا مارتحت من البالون الا لما ركبت لستك

[بيت طين]

البالون مايصلح الا تيوبلس اكيد الجنط فيه مشكله ولا ابرة الكفرفيها تنسيم

[abo naser 1]

السلام عليكم

البوالين رديئة التصنيع ولاعليها ضمان ولا جربتها بس صاحب محل جملة للكفرات معامله يسب صناعتها ويقول رديئة وغير آمنة واحتمال العيب من الكفر او شفة الجنط

[الخلاوي 15]

ناوي عليها ومتخوف من التصنيع الجديد

[ابوسند9]

بعطيك حل واغلب الشباب جربوها ونجحت معهم
اولا انتبه تركب لستك لانك راح تبلش بكثر البنشره لان ميزة البالون وتيوبلس لو يخش فيه مسمار او اشواك ماعندك مشكله ولاينسم بعكس الستك.
ثانيا البالون الجديد الفتنامي اغلبه ينسم .
ثالثا خذها قااااااااااااااااااااعده اي كفرات بالون تركبها جديده حط الهواء50 لمدة اسبوع وكل ما طالت المدة افضل حتى يتمدد الكفر لا ن التنسيم مع اجناب الجنط وحتى لو كان الجنط جديد واصلي .
رابعا للي يحب يركب بالون جديد فيه نوع هندي جديد واعرف ناس واجد مركبينه ويمدحونه بالحيل
وبالنسبه للماكسس الفتنامي
نزل نوعين:
نوع اللي اغلب الشباب يشكي منه سواء تنسيم او رجه او سلخ
والنوع الاخر برضو فيتنامي وله تقريبا شهرين نازل وعليه ضمان 6 شهور من الهاجري واعرف واحد مركبه اول مانزل ويقول للحين ماشفت منه شي وممتاز وهو يختلف عن الاول في بعض الكتابات والنقوش مع الجنب يعني من اول ما تشوف تعرف انه يختلف عن الاول
نرجع لطريقة معالجة التنسيم::
تاخذ معك سيلكون وتروح لا اقرب بنشر وتخليه يفور الكفرات بدون ما يخرج الكفر من الجنط وبعد ذالك تدهن جنب الكفر واجناب الجنط بالسيلكون وتخليه تقريبا خمس دقائق وتعبي الكفر هواء 40 وان شاء الله تضبط
والكفر اللي ما يضبط حاول فيه بنفس الطريقه مره اخر

[FORD1969]

البوالين عيوبها اكبر من فايدتها


اخطر كفر مر علي

[ابوصالح77]

حي الله الربع
بالنسبة لبالون الماكسس الفتنامي
أغلب الربع اللي ركبوهن ينسم مع الجنب
والحقيقة إنه سيء جداً
الدفعة الجديدة اللي عليها ضمان ما جربتها
ونصيحة لوجه الله يالربع عليكم بالنوع الزين السيام تاير الأول أو المالون أو الهيرو
ركبت بهالفايت طقم هيرو فرق شاسع يالربع كنت ضايع بالماكسس
ولكن عيبهن غلا السعر
فيه الهندي يمدحونه وسعره معقول
بالتوفيق للجميع

[ABO-NaiF]

حي الله الربع
بالنسبة لبالون الماكسس الفتنامي
أغلب الربع اللي ركبوهن ينسم مع الجنب
والحقيقة إنه سيء جداً
الدفعة الجديدة اللي عليها ضمان ما جربتها
ونصيحة لوجه الله يالربع عليكم بالنوع الزين السيام تاير الأول أو المالون أو الهيرو
ركبت بهالفايت طقم هيرو فرق شاسع يالربع كنت ضايع بالماكسس
ولكن عيبهن غلا السعر
فيه الهندي يمدحونه وسعره معقول
بالتوفيق للجميع


صباح الخير ابو صالح

سؤال - تحمل الهيرو للوعر نفس تحمل الماكس

يعني مايتأثر بالوعر ولين مطبه او لا ياليت تفيدنا

[ABO-NaiF]

البوالين عيوبها اكبر من فايدتها


اخطر كفر مر علي



لاوالله عيبه الرجه بس

ماجربت تطرد لك صيده بالوعر غير البالون ينفقع او ينسم مامشيت مترين اما الماكسس نسم هواه 15 بالحجره وامش ولاتشيل هم التننسيم عزالله كفر بس
الصناعه تالي الوقت خربت

[لاند93]

نفس مشكلتك ..

[ABO-NaiF]

[QUOTE=ابوسند9;8148909]بعطيك حل واغلب الشباب جربوها ونجحت معهم
اولا انتبه تركب لستك لانك راح تبلش بكثر البنشره لان ميزة البالون وتيوبلس لو يخش فيه مسمار او اشواك ماعندك مشكله ولاينسم

يعطيك الف عافيه ع هالنصيحه

بس ابي اعرف البالون الهندي لين مطبه

ويتحمل الوعر او لاااا

عليه ضمان
كم سعره

ولاهنت ع المرور

[سآبق الطير]

شف يا غالي كان لي موتر وضربت به طوبة رصيف مرمي عالسكه
كسرت علي الجنط وصار مبنشر ومريت على بنشر وحطيت انتم بكرامه شحم ومعد نسم على حتي بعته

[ABO-NaiF]

شف يا غالي كان لي موتر وضربت به طوبة رصيف مرمي عالسكه
كسرت علي الجنط وصار مبنشر ومريت على بنشر وحطيت انتم بكرامه شحم ومعد نسم على حتي بعته



الله يعطيك العافيه

جاري التجربه بكره

بخلي السيلكون اخر الحلول

ولنا عوده انشاءالله عن قريب وبشوف انجحت

او لااااااا

[راعي العمانيه]

انا كان ينسم عندي البالون فيتنامي ماكسس لاكن شحمت الشفه مالت الكفر وركبته وضبط عقب

[قلقانش]

ابو نايف الغاط حق الهيرو أقوى من الماكسس

الناس تشكل عليها القيمة العالية في الهيرو والمالون لكن على ما قيل اشتر بغالي وارجع بفلوسك

وللمعلومة الهيرو نوعين ( تايواني / صيني )

الصيني ماينفع ولا بريال

التايواني هو اللي عليه العلم

المالوان نوع واحد تايواني لكن يعتبر الخيار الثاني بعد الهيرو في مقاس 16/900

بالتوفيق

[المسروحي]

السلام عليكم...
يابونايف انا اشهد ان البالون الماكسس كفر
وقد مرت علي نفس المشكله الي مرت عليك وماخليت بنشرين مامريته..
وبالأخير لقيت الحل...
طال عمرك فيه بخاخ امريكي الصنع فالأغلبيه تلقاه عند حقين الزينه
واسمه بخاخ تيوبلس..او بخاخ كفر بالون والله مايحضرني اسمه لاكن انت قلهم كذا وبعرفونه على طول
نجي لطريقة استعماله تفك الأبره حقة البلف لين يطيح الكفر بعدين تشبك ألي حق البخاخ فالبلف وتبخ فالكفر على حسب تنسيمه اذاكان ينسم واجد حط في كل كفر علبه وأذا كان تنسيمه خفيف كل كفرين بخاخ واحد وترجع الأبره في محلها وعب الكفر هوا على طول
وبيختفي تسريب الهوا بأذن الله..
((ولا تنسانا من دعواتك))

[ابوسند9]

اخوي ابو نايف
-بالنسبه للكفر الهندي زملائي رعين قنص وطرد لدرجة كل 8 شهور يركبون طقم يعني ما ركبوها للزينه والشكل ,وبالنسبه للمطب لوفيها مطب كان ذكرو الشي هذا.
-وباالنسبه للضمان من عمرالدنيا مستحيل انه يوجد كفر بالون عليه ضمان عدا الماكسس الفتنامي الدفعه الثانيه.
-نجي للبالون اسيام تير اسواء كفر مر علي صحيح انه يبطي ما يسحل اي عمره طول لكن ثقييييل بالحيل وقاسسي وقبل فتره احد الزملاء انشق معه كفرين مع العلم ان الهواء فيه 20 وارض مو ذيك الوعره مره .
- نجي لماذكره بعض الزملاء بالنسبه للبالون الهيرو والمالون
هذه الكفرات اولا مبالغ في سعرهااااا مررره مقاس 17 سعره حول 800 ريال ؟
ثانيا الكفر مكرش (اخذ بالعرض)مع الاجناب واذا نزلت الهواء 20 اخذ بالعرض مررره وبكذا بالارض الوعره اي شي يشق جنب الكفر
ويمكن يجي واحد ويقول انا مجرب الكفر وممتاز صحيح هو جيد لكن لراعي الطرد في ارض وعره جدا ما انصح فيه
لذا اخوي ابو نايف انت كد كفراتك واذا انتهت لها الف حلال
الزبده اطلق كفرات بالون الماكسس الاول من حيث قوه التحمل وخفيف على السياره وسعره المناسب لكن الفتنامي النوع الاول سيء لا بعد الحدود
لكن ننتظر بعض الزملاء اللي يركبو الفتنامي النوع الثاني اللي عليه ضمان 6 شهور واعتقد انه ماكان عليه ضمان اللى انه تلافو العيوب من حيث الرجه والتنسيم والسلخ

[قناص الحبارى]

السلام عليكم ورحمه الله وبركاته

أخوي الغالي/ أبو نايف ،،

أسعد الله أوقاتك بكل خير

بالنسبه للماكسس ،، حسب تجربتي

ماكسس 900/16 من الكفرات الممتازه وخاصه الدفعه الثانيه الفيتنامي 8 غاط 2012

مركبه على الشاص ولله الحمد روووووووعه

رفع الموتر وبالرمل ما يحتاج لا تسأل ما شااااااء الله

يوم جيت أركبه قلت للبنشري حط شحم على الشفه والهوا خله 50

خليته اسبوعين وبعدين نزلت هواه لـ 40

وأبشرك الأمور زينه ولله الحمد لا تنسيم ولا رجه ولا شي

ليّن مرررره وريّح الموتر ماشاء الله ولا تحس بالمطب ولا بالبطناج

((((((( هذه تجربتي والأخوان ما قصروا الله يعطيهم العافيه )))))))



أخوكم/ أبوعبدالعزيز

[ابومارية]

بالنسبة لبخاخ التيوبلس تراه يسبب رجه خفيفه بالكفر العايدي . شلون بالبالون

[أبوعذااب707]

صار لي نفس المشكله
بالأخير طلع الغطاء البلاستيك حق الابره ناشب فيه حصاة وكل ما شديته يجلس الكفر فتره وينسم
"
شيك عليها

[ABO-NaiF]

انا كان ينسم عندي البالون فيتنامي ماكسس لاكن شحمت الشفه مالت الكفر وركبته وضبط عقب


جاري التجربه

ومشكور يابعدي

[ABO-NaiF]

ابو نايف الغاط حق الهيرو أقوى من الماكسس

الناس تشكل عليها القيمة العالية في الهيرو والمالون لكن على ما قيل اشتر بغالي وارجع بفلوسك

وللمعلومة الهيرو نوعين ( تايواني / صيني )

الصيني ماينفع ولا بريال

التايواني هو اللي عليه العلم

المالوان نوع واحد تايواني لكن يعتبر الخيار الثاني بعد الهيرو في مقاس 16/900

بالتوفيق

مشكور على هالمعلومه وبيض الله وجهك

[ABO-NaiF]

صار لي نفس المشكله
بالأخير طلع الغطاء البلاستيك حق الابره ناشب فيه حصاة وكل ما شديته يجلس الكفر فتره وينسم
"
شيك عليها


جاري التشييك

تسلم ماقصرت

[ABO-NaiF]

السلام عليكم ورحمه الله وبركاته



أخوي الغالي/ أبو نايف ،،


أسعد الله أوقاتك بكل خير


بالنسبه للماكسس ،، حسب تجربتي


ماكسس 900/16 من الكفرات الممتازه وخاصه الدفعه الثانيه الفيتنامي 8 غاط 2012


مركبه على الشاص ولله الحمد روووووووعه


رفع الموتر وبالرمل ما يحتاج لا تسأل ما شااااااء الله


يوم جيت أركبه قلت للبنشري حط شحم على الشفه والهوا خله 50


خليته اسبوعين وبعدين نزلت هواه لـ 40


وأبشرك الأمور زينه ولله الحمد لا تنسيم ولا رجه ولا شي


ليّن مرررره وريّح الموتر ماشاء الله ولا تحس بالمطب ولا بالبطناج


((((((( هذه تجربتي والأخوان ما قصروا الله يعطيهم العافيه )))))))





أخوكم/ أبوعبدالعزيز



الله يعطيك العافيه ماقصرت

[ABO-NaiF]

اخوي ابو نايف
-بالنسبه للكفر الهندي زملائي رعين قنص وطرد لدرجة كل 8 شهور يركبون طقم يعني ما ركبوها للزينه والشكل ,وبالنسبه للمطب لوفيها مطب كان ذكرو الشي هذا.
-وباالنسبه للضمان من عمرالدنيا مستحيل انه يوجد كفر بالون عليه ضمان عدا الماكسس الفتنامي الدفعه الثانيه.
-نجي للبالون اسيام تير اسواء كفر مر علي صحيح انه يبطي ما يسحل اي عمره طول لكن ثقييييل بالحيل وقاسسي وقبل فتره احد الزملاء انشق معه كفرين مع العلم ان الهواء فيه 20 وارض مو ذيك الوعره مره .
- نجي لماذكره بعض الزملاء بالنسبه للبالون الهيرو والمالون
هذه الكفرات اولا مبالغ في سعرهااااا مررره مقاس 17 سعره حول 800 ريال ؟
ثانيا الكفر مكرش (اخذ بالعرض)مع الاجناب واذا نزلت الهواء 20 اخذ بالعرض مررره وبكذا بالارض الوعره اي شي يشق جنب الكفر
ويمكن يجي واحد ويقول انا مجرب الكفر وممتاز صحيح هو جيد لكن لراعي الطرد في ارض وعره جدا ما انصح فيه
لذا اخوي ابو نايف انت كد كفراتك واذا انتهت لها الف حلال
الزبده اطلق كفرات بالون الماكسس الاول من حيث قوه التحمل وخفيف على السياره وسعره المناسب لكن الفتنامي النوع الاول سيء لا بعد الحدود
لكن ننتظر بعض الزملاء اللي يركبو الفتنامي النوع الثاني اللي عليه ضمان 6 شهور واعتقد انه ماكان عليه ضمان اللى انه تلافو العيوب من حيث الرجه والتنسيم والسلخ


عزالله غير الماكسس للكرف ماشفت وخص بالوعره

تسلم يابعدي ماقصرت لاانت ولا الاخوان اللي شاركو جاري تطبيق تجاربكم ورايح افيدكم
اول بأول

لتعم الفائده

[MOHAID]

بالنسبة لي ركبت الماكسس حوالي خمس طقوم وما عليهن خلاف
كان صناعتة صيني ماعلية بس يسحل بسرعة يعني ما تم 7 شهور ثم جت صناعة تايواني وهو افضل ما ورد بحيث انه من تركيبة الى ما يسحل ما ينسم
والاخير فتنامي وهو الردي
لكن الماكسس من تالي جت دفعة مضروبة ركبتهن وخلال اسبوع وكل الكفرات منسمة
جرب عبي الكفرات صابون تايد مخلوط بماء تقريبا ملا علبة موية صحة صغيرة

[ABO-NaiF]

بالنسبة لي ركبت الماكسس حوالي خمس طقوم وما عليهن خلاف
كان صناعتة صيني ماعلية بس يسحل بسرعة يعني ما تم 7 شهور ثم جت صناعة تايواني وهو افضل ما ورد بحيث انه من تركيبة الى ما يسحل ما ينسم
والاخير فتنامي وهو الردي
لكن الماكسس من تالي جت دفعة مضروبة ركبتهن وخلال اسبوع وكل الكفرات منسمة
جرب عبي الكفرات صابون تايد مخلوط بماء تقريبا ملا علبة موية صحة صغيرة


المشكله من الصناعه الاخيره

والمشكله الاهم الاماراتي اردى ماخلق ربي

الطمع اعماهم

[waleed.m.f]

يالغالي بالنسبه للماكسس اسوء دفعه هذي السنه انحش عنه لا 16 ولا 17 غير السيام لاتركب
تحياتي

[تميم2222]

اخي الفاضل ماكسس .. هالسنه االكثير من الربع اشتكوووو منها ...يبدو انهم قامو يلفون ويدورن في صناعتها ...لذلك استحدثت هذي المشاكل بها .... وهي الان مدرجه في القائمه السودا عندي ... وبصراحه السيااام تاير هي الان هي القمه ولو ان فيها ضلعه لكن تعتبر منتاااازه في ضل الصناعات الرديه بهالوقت تقبل مروري

[ABO-NaiF]

يالغالي بالنسبه للماكسس اسوء دفعه هذي السنه انحش عنه لا 16 ولا 17 غير السيام لاتركب
تحياتي



مشكور على مرورك

[ABO-NaiF]

اخي الفاضل ماكسس .. هالسنه االكثير من الربع اشتكوووو منها ...يبدو انهم قامو يلفون ويدورن في صناعتها ...لذلك استحدثت هذي المشاكل بها .... وهي الان مدرجه في القائمه السودا عندي ... وبصراحه السيااام تاير هي الان هي القمه ولو ان فيها ضلعه لكن تعتبر منتاااازه في ضل الصناعات الرديه بهالوقت تقبل مروري



السيام تاير

جربوه ناس يقولون ثقيل على الموتر

ومطبه اقسى من الماكسس بكثير

[تميم2222]

السيام تاير

جربوه ناس يقولون ثقيل على الموتر

ومطبه اقسى من الماكسس بكثير
ابو نايف ... كل البالون ثقبل .. على السيارات ...هي وجه نظر ..ياخيي . والمشكله معد فيه شي .. قوي مثل اول .. تعرف شي ؟؟ .. انا اول ما طلعت الماكسس كنت من اشد المعجبين بها ...وكانو الربع يركبون السيام .. وانا اركب الماكسس بسبب سعرها المانسب واثبتت قوتها ..معي ... لكن الان المشاكل فيها كثر .. والوكيل قام يلعب .. وهذا الشي وااااضح .. لو أنها كويسه مثل اول كان ماشفت الناس تشتكي والله ياخوي الفاضل الوكلات عندنا مافيها امااااان لذلك لعب جهراء والعين وهذا زمن السمعه ..^_^

[ابوأريام]

ياخوي الكل يشتكي من الفيتنامية صارت معي هالتنسيم والكفر شبه جديد وركبته على ثلاث جنوط ونفس المشكلة ينسم مع الشفه ورحت للوكيل الهاجري وتهاوشت معهم وفالخير ركبت لستك

[خبايا انسان]

انا عندي نفس المشكله ,, بس متاقلم مع الوضع كل 3 ايام تقريبا ازيد هواها ,,

[katab]

انا ركبت فيتناميه وعليها ضمان سنه ومع ذلك تنسم
وبعد عرضها على احد البناشر قال لي فكها ونظفها ثم ركبها

لانها مع التنسيم في النفود يدخلها رمل ثم تنسم على طول

قلت له فكها ونظفها

فكها وبعدما ركبها زبط منها ثنين واثنين لازالت تنقص

[ابوصالح77]

صباح الخير ابو صالح

سؤال - تحمل الهيرو للوعر نفس تحمل الماكس

يعني مايتأثر بالوعر ولين مطبه او لا ياليت تفيدنا

حياك الله يابونايف
بالنسبة لأيهم أكثر تحمل ما أقدر أحكم الآن
وبالنسبة للمطب ألين من الماكسس
أما الجلد بالوعر عقب غلاء الكفرات ركدنا حبتين
وما دم اللي معك فيهن عمر كدهن لين ينتهن وبعد كذا دور على البديل
بالتوقيق

[ABO-NaiF]

حياك الله يابونايف
بالنسبة لأيهم أكثر تحمل ما أقدر أحكم الآن
وبالنسبة للمطب ألين من الماكسس
أما الجلد بالوعر عقب غلاء الكفرات ركدنا حبتين
وما دم اللي معك فيهن عمر كدهن لين ينتهن وبعد كذا دور على البديل
بالتوقيق



بيض الله وجهك

جربت حركتين وزبطن معي

وكله من الله ثم منكم ومن ارائكم واقتراحاتكم وتجاربكم

وهي انك تنسم الكفر بالمره. ووتنظفه عن الرمل او نضفه وحط ع شفه الجنط شحم او زيت حاجه خفيفه بس وعبه هواه خمسين لمده اربع ايام وبعده رجعه ل20

واستمتع مع البالون ههههه بس انتبه من الحوصه

[هاني 999]

اخوي الحل من خلال تجربه


في محل الرمايه بخاخ خاص بالتنسيم

الحبه 10 ريال تكفي كفرين

تنسم الكفر على الجنط والبلف يكون فوق فك الابره وركب لي البخاخ وعب نص البخاخ بالكفر ويفضل تكون عند بنشري وعلى طول ركب الابره كي لاتخرج الرغوه وعب هواء 20 بالكثير وامش بالكفر مسافة كيلو

بسرعه لا تتعدى ال 15 وبعدها عب الكفر بالهواء اللي تبي

البخاخ ينفع للتنسيم الخفيف اللي دايم يكون بالبالون من عند شفت الجنط


دعواتكم لي بالنقل

[خبايا انسان]

اخوي وش اخر شي صار معك ؟ ؟؟ ياليت تفيدنا بالطريقه بالتفصيل

[ABO-NaiF]

اخوي وش اخر شي صار معك ؟ ؟؟ ياليت تفيدنا بالطريقه بالتفصيل



اسف على التأخير
بعد تفاعل بعض الاخوه جزاهم الله خير ونصايحهم وتجاربهم طبقت تجربتين

الاولى تنسيم الكفر من الهوا مره وتنظيف شفه الجنط بلي الهوا وعبه45 لمده 4 ايام وانشاءالله يضبط
الثانيه نفس الاولي بس نضفه عن الرمل زين وادهن شفه الجنط بشوي شحم

وعبه هوا 45 كم يوم وبعده رجع الهوا للي تبي ويضبط معاك

وشف باحد الردود ذكرلي واحد بخاخ عند الرمايه بس اكثرهم ماينصحون فيه خص البالون يرج خلقه مايبيله شي

ياليت ببععد التجربه تفيدنا وش صار معك

[خبايا انسان]

اسف على التأخير
بعد تفاعل بعض الاخوه جزاهم الله خير ونصايحهم وتجاربهم طبقت تجربتين

الاولى تنسيم الكفر من الهوا مره وتنظيف شفه الجنط بلي الهوا وعبه45 لمده 4 ايام وانشاءالله يضبط
الثانيه نفس الاولي بس نضفه عن الرمل زين وادهن شفه الجنط بشوي شحم

وعبه هوا 45 كم يوم وبعده رجع الهوا للي تبي ويضبط معاك

وشف باحد الردود ذكرلي واحد بخاخ عند الرمايه بس اكثرهم ماينصحون فيه خص البالون يرج خلقه مايبيله شي

ياليت ببععد التجربه تفيدنا وش صار معك


يعني انسمه للاخير بدون ما افك الكفر من الجنط ؟؟

وهل الترصيص يروح من الحركه هذي ؟

[ABO-NaiF]

يعني انسمه للاخير بدون ما افك الكفر من الجنط ؟؟

وهل الترصيص يروح من الحركه هذي ؟


لازم تفك الكفر

والترصيص لاتفكه بس نظف اللي حوله من الغبار

[ابوحضيض]

المشكله في الجنوط اذا كانت تجاريه

[ابو شريفة]

الا ورى مآتغير الجنط .؟ يمكن يكون البلا من شفة الجنط نفسة
وشف مقآس الكفر بعد عأدي تصير ماخذ لك سبع طعش وججنطك ست طعش ههههه:D

[ABO-NaiF]

الا ورى مآتغير الجنط .؟ يمكن يكون البلا من شفة الجنط نفسة
وشف مقآس الكفر بعد عأدي تصير ماخذ لك سبع طعش وججنطك ست طعش ههههه:D



ههههههههههههههه

لا متأكد هههههههه

[ابو عزوز f-16]

يفيدونك اهل الخبره

[ســـبــار ربــعـــه]

ليس عندي خبر يا استاذي.

[ABO-NaiF]

شكرا ع مروركم 

[خبايا انسان]

ابو نايف ,, الطريقة الي قلتها لي ,, هل طلعت منها بنتايج ؟ ؟ ضبطت ولا بعد ؟ ؟ نبي العلم الاكيد

[YUKON_GMC]

وطيب ليه الماكسس الناس ماتركب الا ماكسس مع اني جربت الهيرو والمالون ممتازه حيل لولا الرجه والعرجه مع بداية الممشى وبالنسبه للموتر اللي يطعس به والهواء قليل لازم ينسم حتى لو الكفرات دنلوب او برجسون او اي نوع

صارت معي كثير لما اتنزل الهواء 10 وتطعس في نفود قوي يخش الرمل بين الكفر والجنط ويبدا ينسم مع جنب الجنط ولازم تنزل الهواء وتنضف حواق الجنوط الاربعه كل فتره

[البواردي5]

قبل كم يوم جلست مع العيال بالاستراحه واغلبهم راعين بر وسئلتهم عن كفرات البالون الماكسس الكل منهم يشتكي من التنسيم.

[ABO-NaiF]

وطيب ليه الماكسس الناس ماتركب الا ماكسس مع اني جربت الهيرو والمالون ممتازه حيل لولا الرجه والعرجه مع بداية الممشى وبالنسبه للموتر اللي يطعس به والهواء قليل لازم ينسم حتى لو الكفرات دنلوب او برجسون او اي نوع

صارت معي كثير لما اتنزل الهواء 10 وتطعس في نفود قوي يخش الرمل بين الكفر والجنط ويبدا ينسم مع جنب الجنط ولازم تنزل الهواء وتنضف حواق الجنوط الاربعه كل فتره



الماكسس نجح بالكرف وقله السعر

بس. الصناعه التاليه الكل يشتكي منها

[ABO-NaiF]

ابو نايف ,, الطريقة الي قلتها لي ,, هل طلعت منها بنتايج ؟ ؟ ضبطت ولا بعد ؟ ؟ نبي العلم الاكيد


ولله الحمد نسيت شي اسمه البنشري

اول كل ثلاث او اربع ايام امر اززود الهوا

لدرجه اذا دخلت البنشر الهندي يستقبلني

بلي الهوا من كثر مامره. (:

والفضل لله وللأخوان اللي عطوني تجاربهم

الله لايغنينا عنهم وعن علومهم الطيبه

[ABO-NaiF]

قبل كم يوم جلست مع العيال بالاستراحه واغلبهم راعين بر وسئلتهم عن كفرات البالون الماكسس الكل منهم يشتكي من التنسيم.



الصناعه الاخيره هذا عذروبها التنسيم

الا الماكسس للي جربه بالبر مايستغني عنه

[دحيم الخلاوي]

أخوي أبو نايف وش الطريقه اللي زينته

[ABO-NaiF]

أخوي أبو نايف وش الطريقه اللي زينته



ارجع للردود فوق شف الطريقه اللي سويتها
وشف طرق اشرحوها بعض الاخوان جزاهم الله خير

[منصور القريشي]

مساء الخير للجميع
اخوي ابو نايف بالنسبه للبالون وتنسيمه ومشاكله واجد وهذا من تجربه وللصراحه انا جربته مره وحده وتوووووبه اركبه وكان النوع اللي مركبه انا بالون دنلوب صناعه اندونيسيه ماكمل 7 شهور الا وهو متمسح وخصوصا اللي قدام واللي ورا راجي منها خير بس بالعكس يالربع اول ماتفقع الللي ورى حصل فيها شقوق وش السبب مدري!!
غير التنسيم وغالبا تنسيم البالون من شفة الجنط وحالتي كانت مثل حالتك كل ثلاث ايام اربعه اعبي وتوني مغيرهن الاسبوع اللي راح عقب ما بنشرن اللي ورا وطشيت اللي قدام موليااات ومتمسحات وركبت هانكوك 235/85 صراااااااااااحة روووووووووووعه حسيت باختلاف شاااااسع والموتر صار خفيف الله يقطع البالون انا اشهد ان ضرره اكثر من نفعه وصار الموتر لفته حلوه في المنعطفات والرجه وراحت والمطاب وخفت بحكم ان الهانكوك لين وحلوو صراحة

ارجوا اني ما طولت عليكم بس حبيت اعرض لكم تجربتي وعسى الله لا يردها ان شاء الله
تحياتي لكمـ..

[البواردي5]

مساء الخير للجميع
اخوي ابو نايف بالنسبه للبالون وتنسيمه ومشاكله واجد وهذا من تجربه وللصراحه انا جربته مره وحده وتوووووبه اركبه وكان النوع اللي مركبه انا بالون دنلوب صناعه اندونيسيه ماكمل 7 شهور الا وهو متمسح وخصوصا اللي قدام واللي ورا راجي منها خير بس بالعكس يالربع اول ماتفقع الللي ورى حصل فيها شقوق وش السبب مدري!!
غير التنسيم وغالبا تنسيم البالون من شفة الجنط وحالتي كانت مثل حالتك كل ثلاث ايام اربعه اعبي وتوني مغيرهن الاسبوع اللي راح عقب ما بنشرن اللي ورا وطشيت اللي قدام موليااات ومتمسحات وركبت هانكوك 235/85 صراااااااااااحة روووووووووووعه حسيت باختلاف شاااااسع والموتر صار خفيف الله يقطع البالون انا اشهد ان ضرره اكثر من نفعه وصار الموتر لفته حلوه في المنعطفات والرجه وراحت والمطاب وخفت بحكم ان الهانكوك لين وحلوو صراحة

ارجوا اني ما طولت عليكم بس حبيت اعرض لكم تجربتي وعسى الله لا يردها ان شاء الله
تحياتي لكمـ..

ممكن صورة للكفر وبكم سعره بارك الله فيك

[المهاجر انا]

فيه بخاخ يباع تبخه على الشفه للجنط ثم تنفخه ان شاء الله ماعاد ينسم مجرب

[ABO-NaiF]

فيه بخاخ يباع تبخه على الشفه للجنط ثم تنفخه ان شاء الله ماعاد ينسم مجرب


نبي اسمه ومكان بيعه لاهنت

[خبايا انسان]

كثير من الاخوان يشتكون من البالون الماكسس لكثره سلبياته مقارنةً بايجابياته ,, والعكس كذلك فيه ناس تمدحه ,

وعن نفسي اقول الي بيستخدم البالون الماكسس بيلقى ايجابيات وسلبيات ( من واقع تجربتي )

الايجابيات الي لاحضتها :
1 يرفع الموتر ويعطي منظر جميل للموتر
2 ممتاز في الوعر والحصى والرمله وينفع لاهل الطرد والقنص ( بشرط تنسم الكفر 20 او 15 )
3 راحه تامه في البر ماتسمع قربعه ف الموتر ولا يتفكك الموتر بأذن الله
4 لين في المطب وبعض الشوارع المكسره والتعبانه

سلبياته

1 بالنسبه للنفوذ المرتفعه ماتقدر تقطعها كامله بالبالون الماكسس
2 ثقيله قومه الموتر
3 في الخط اذا كان هوا يتعبك مع السرعه لازم تتجود بالطاره لانه يروح بك يمين ويسار
4 في الخط يمشي البالون مع الشقوق والزفلت المنحفر من التريلات يلف بك الموتر غصب

وهذي الايجابيات والسلبيات الي تحضرني من حيث تجربتي ,, بس بالنسبه لي الايجابيات هي الي تهمني ,, اما السلبيات مقدور عليها

[ABO-NaiF]

ياحبي له هو وسلبياته

ههههههههههههههه

عزالله منتب شايل هم الوعر والشوك

والحجره والبطناج لانزلت البر حطبه هوا. 15

وبالازفلت عبه 40 او45 ويخف عليك الموتر

جرب وشوف الفرق

[ابو ماجد vtc]

البالون الماكسس الجديد صناعه فيتنامي هذا عيبه الاول تايواني كان حلو انا ركبت اثنين صناعته فيتنامي وزعجني بالنقص وبدلته بالسيام الحبيب ورتحت منه

[خبايا انسان]

ماعمري زدت الهوا في الماكسس عن 35 !!

وش رايكم ازيده ل 45 ؟ ؟ اخاف يأثر بعدين او يضرب !! وكم مدى الهوا ف البالون يوصل لكم ؟

[ABO-NaiF]

ماعمري زدت الهوا في الماكسس عن 35 !!

وش رايكم ازيده ل 45 ؟ ؟ اخاف يأثر بعدين او يضرب !! وكم مدى الهوا ف البالون يوصل لكم ؟



كل مازاد هواه خف الموتررر

هو ماسح ماسح بكل الحالتين

مايكمل 7 شهور

[العمير]

السلام عليكم تأكد اخي ان الكفر مكتوب عليه تيوبلس لأن بعض الكفرات ليست مخصصه للتيوبلس تحياتي

[خبايا انسان]

جزاكم الله خير

[ABO-NaiF]

السلام عليكم تأكد اخي ان الكفر مكتوب عليه تيوبلس لأن بعض الكفرات ليست مخصصه للتيوبلس تحياتي



بالون ماكسس تيوبلس

والبالون اذا ركبت لستك احذفه ماله سنع