مشكلة في الكربليتر

[ابو اماني 1]

السلام عليكم ورحة الله وبركاته
تحية طيبه لأخواني اعضاء منتدى مكشات اهل النخوة والفزعات
بغيت منكم خدمه لوتكرمتوا عندي جيب باترول91 فيه مشكله في الكربليتر
دعسة البنزين زايده وامبير الضغط مرتفع فوق إلى واحد ونصف واحيانا يطفي الموترإلى رفعت رجلي من البنزين رحت كم ورشة لاكن ماعرفوا يظبطون الكربليتر اللي يعرف ورشة ممتازة في الرياض جزاه الله خير والله يعطيكم العافية

[vtc 2007]

حياك الله ابو امانى 1
يوجد فلبينى فى ورشة داخل محطة فى حى الملك فهد فى الرياض يمدحونة الشباب متخصص فى الكربليتر
بس الوصف ماعرفة والوقت متاخر

[ابو اماني 1]

الله يجزاك خير اخوي إذا عرفت الوصف ياليت تذكره لي

[sgl2002]

بالنسبة للدعسه عندك داخل الكبريتر من جهة الرفرف حق الراكب بتشوف مسمار جنب الدعسه

خذ لك سكروب مربع ولفه يسار عشان تنزل الدعسه

وبالنسبة للطفيه اعكس سلكين من اسلاك البواجي وفك القربة وشغل وخله يعاطس لين ما يتنسم وبيظبط

[يزيد 999]

بالنسبه لضغط الامبير مثل ماقال الاخ sgl2002 رح لم الكلبليتر من جهة رفرف الراكب يعني يمين الكلبليتر بتشوف مسمار بجنبه زي الياي اخضر صغير جاي بالطول من فوق الى تحت هذا المسمار خذ سكروب مربع ولفه يسار وراقب امبير الضغط وخله يصير تحت الواحد بثلاث شرطات

[vtc 2007]

الوصف يابو امانى
طريق الجامعة مخرج 9 الامام محمد بن سعود
وانت طالع من جامعة الملك سعود وجهك شرق بتجيك وكالة لكزس على اليسار ادخل تحت النفق
امش لين تجيك جمعية المعوقين على اليمن بعدها لفة شارع سيدين امشى حولى 800متر بتجيك محطة على اليسار ديور وارجع على المحطة بتجيك الورشة عليها هنقر وفيه مسول سودانى قل ابى الفلبينى يشوف الكبليتر
وشكرا

[الطيب الطيب]

جزاك الله خير
وتقبل تحياتي وفائق احترامي وتقدير

[شرابث]

فك مسمار حساس الكلبليتر وترتاح .. يشبه إبره تعبية الكورة وفيها سسته مثل سسته القلم ... مهمتها لتشغيل السيارة صلنصين ... دايم تعلق

وطمنا وش صار معك

[ابو اماني 1]

جزاكم الله خير جميع
بالنسبة للدعسة إذا نقصت فيها تطفاء السيارة ومشكورين ياأخوان وماقصرتوا
الأخ راعي الوصف مشكور وماقصرت وانشاءالله ابروح يمه

[أحمد محمد1429]

ابو أماني مساء الخير لك رساله خاصه