صار علي حادث

[قحطان الجنوب]

صار علي حادث وسيارتي يوكن 2001 دبل المشكله ان بعد السمكره صار فيه صووت فضيع بالابواب وودي بورشه تعدلي الابواب مع العلم ان الابواب مو مسمكره لان قلبته خفيفه حيل ومغير الباب الراكب مع العلم ان كان الطعج به خفيف وودي بفزعتكم تدلوني على ورشه تكون متمكنه من تركيب مفصلات البيبان ووزنيتها تكفوون يالربع فزعتكم انا بالرياض وربي تعبت والي متعبني زيادة ان الفتحه تهرب ماء يوم غسلت السياره وودي اريح راسي لان مامعي الا هالسياره لاحد ربكم مايفرجها من اوسع ابوابه ولكم تحياتي واسف لازعاجكم

[abo naser 1]

السلام عليكم


أخوي وشوله تخسر زود هذا حقك على راعي الورشة ارجعله بس حاول تعرف اماكن تهريب الهواء عشان تقوله فيه تهريب هنا وهناك ويوزنها لك وبدون فك ان شاء الله مايلزم الأمر فك وبلاش معطيه حق شغله انت مسبقاً
ولاتحاول انه يرجع مثل ماكان الموتر يتغير بعد الأنقلاب حتى لوخفيفة
لآكن مع الوزن بيخف بنسبة كبيرة وارجعله مرة وثنتين وثلاث حقه قد خذها لا ياكلك بكلامه وانا جربت بكذا سيارة مقلوبة

[يكفيني نظرة]

كلام اخونا ابو ناصر سليم غير ان الورشات بيرفعون عليك السعر عشانك ماصلحتها عندهم وبيقعدون يعذربون بشغل الورشه اللي صلحتها عندهم مسبقا فالافضل ترجع للي صلحها ..