مشكلتي مع الباثفيندر؟؟؟؟ [الأرشيف]

المعمري

27/04/2006, 02:38 PM

من لديه حل عن مشكله الباثفيدر.....
الا وهي عندما أدخل مع طريق بري او طريق به مطبات الاحظ تسرب زيت من علو الدفرنس اي البلف الي فوق الدفرنس
مع ان موديل السياره 2005 وماشيه 20000 كلم ولما ذهبت للوكاله نظفوه وقالوا لي هذا طبيعي بسبب قوة المكينه والمشكله رجعت للمره الثانيه وتهاوشت معهم وقالو هذي اول مرة تمر علينا ونظفوه للمره الثانيه وقالوا لازم تتغير القطعه ..
والمشكله الثانيه لما تقوم السياره اسمع صوت طقه مثل دبة الغاز ورا وهذي المشكله صارت مع اكثر من واحد هل أذا غيرت مساعدات استراليه الي لونها اضفر راح تروح المشكله ..
من لديه حل أو اي شئ من الاخوه الاعضاء فل يساعدنا مشكورا..
اخوكم- المعمري

روح البداوه

27/04/2006, 02:48 PM

سلام عليكم

اخوي اطلع لمدير الصيانه اذا مانفع رحو للمدير العام وشب عليه

انا سيارتي حليا بالوكاله مشكلة في الحساسات مره ثانيه وهذي خامس مره اروح لهم (باث فيندر 2004) الله يعينا

ولد الشايب

27/04/2006, 02:56 PM

أخوي المعمري

بالنسبة للزيت اللي من علو الدفرنش فهذا شي عادي وتسير أكثر عند الاشخاص اللي يسرعون بالخط فوق 160كلم/س لأن السرعة العالية
تظغط الزيت يخرج قليل منه عبر المنسم اللي فوق الدفرنش وتقريبا ً أي باثفيندر فوق 2003 فيه نفس المشكلة وهي طبيعية جداً

أما بالنسبة للصوت فالقير العادي يصدر هذا الصوت من المكينه وتلاحظها اذا عشقت بالثالث وانت تمشي 60 - 70 ( نيسان ما ضبطو القير العادي بالباثفيدر فوق 2003 لأن فيه مثل هالصوت اللي تسمعه وثانياً الكلاتش تعبان جداً )

المعمري

28/04/2006, 03:15 PM

اشكرك اخوي- روح البداوه على ردك وياليت تخبرني وش المشكله معك بالنسبه للحساسات علشان أسال واففيدك عن موضوعك بعض الشباب
اخوك - المعمري

المعمري

28/04/2006, 03:27 PM

اشكرك اخوي - ولد الشايب
بالنسبه لصوت الطقه مثل دبة الغاز كانت معي من موديل 2001 وكذلك 2002 والان 2005 هي عند رقية مطب او اول ماتقوم السيارة من ورا السيارة ولكن لو احط المساعدات الاستراليه الصفراء هل تنفع معي
ولك تحياتي

روح البداوه

28/04/2006, 07:25 PM

هلا اخوي المعمري

انا تولع عندي اللمبه الصفر حقت (الانجن) المكينه ولما تقرا الكاتلوج حق السياره يقولك هناك مشكله راجع اقرب وكيل لك ولاتسرع على السياره اكثر من 70 كيلو واللمبه هذي سبب قلق نفسي لي وشكرا لك

أبوناصر

28/04/2006, 11:32 PM

بالنسبة للطقة فأنا معي 2003 وهذي أكبر مشكلة واجهتني وإلى الآن ما لقيت لها حل

غيرت الآتي بدون فايدة

كرسي القير

المساعدات

اليايات

كل ربلات المقصات الخلفية بلا استثناء

فكيت عمود الكردان وشيكت عليه

وللأسف ما فيه فايدة

بعد طول تفكير أظن المشكلة إما في عمود التوازن الي قدام الدفرن لأني شحمت الربلات الي فيه وخف الصوت أو من المقصات الخلفيه الي فوق لأني أيضا شحمتها وخف الصوت

لكن ما أجزم

أنت حاول وخل واحد يفك أول عمود التوازن وشحم الربلات وجرب إن راح الصوت فمنها

ولا جرب المقصات العلويه

زميل واحد أعرف يقول إنه غير الرلات الي فوق بريلات باترول وراح الصوت لكن مدري

آمل إنك تفيدني لأني أنتظر الحل بفارغ الصبر

وقبل ما أنسى لا تروح للوكالة عشانها تراهم بيمصون دمك ولن تجد نتيجه فقد رحتلهم ونقيت 1700 بدون فود

أخوك أبوناصر

ولد الشايب

29/04/2006, 12:51 AM

المعمري

بالنسبة لصوت الطقطقة عرفتها موجوده عندي ويوم رحت للميكانيكي قال من ناحية ميكانيكية كلش تمام لكنها ما أتوقع أنها تضر الموتر
لكن عندي صوت ثاني يروع وهو اذا شغلت الدبل الثقيل وريوست ورا يطلع صوت طقطقة وكأنه من الدفرنش أو العمود اللي بالنص
لكن بالشارع أجربها وتمام ما يطلع الصوت ما أدري ليش

روح البداوة

طف الموتر وافصل اصابع البطارية لمده 10-15 دقيقة واشبكهم يمكن تزبط وتطفى اللمبة لأنها قد صارت معي وزبطت الحركة

حـاتـم

29/04/2006, 05:09 AM

أخواني الاعزاء

عندي ثلاثه من ربعي معهم باثفايندر

وكلهم اذ كبت معهم فالبر احس بطقه فالبدي او تحت السياره (( طقه تروع ))

ولما سألتهم قالوا لي انها طبيعيه !!!

وعلى فكره ترى الباثفايندر من 98 ال 2005 الشاص والبدي واحد يعني ملاصقين بعض

واتمنى اني افدتكم

وشكرا

أخوكم / حاتم

غضنفر

29/04/2006, 07:03 AM

بالنسبة للطقة طبيعية
وهي من القير
وقد سمعتها في ربع نيسان

المعمري

29/04/2006, 10:13 PM

اخوي -روح البداوه

والله انا قد سمعت عن هذي في احد المنتديات وهي الحساسات المكينه وهي تجي من كثرة التطعيس ويسولها تنظيف والله اعلم
اخوك

المعمري

29/04/2006, 10:22 PM

اخوي - ابوناصر
الله العالم انها صوت مقصات لانه كان معي 2001 وكان الصوت قوي وشحمت ربلات المقصات وخف الصوت ثم رجع الصوت بقوه عند قومة السياره او راقي مطب وقال لي مكانيكي ان الشحم يأكل البلاسيك الي في المقصات وماأدري يمكن حقت الباترول يمكن تنفع...
المشكله ان السيارة الي معي جديده

المعمري

29/04/2006, 10:28 PM

اخوي - ولد الشايب
يمكن المشكله عدم تعشيق الدبل الثقبل كويس لان الثقيل في الباثفيدر شوي يعل الواحد وخصوصا اذا كان تماتيك اتوقع انه مايشبك الدل معك صح..
اخوك - المعمري

المعمري

29/04/2006, 10:35 PM

اخوي - حاتم
بالنسبه لصوت الطقه الي بالبر سببها معروف وهو ان ان الموتر اذا حملته واجد مع المطب يضرب المساعد في هيكل السياره وهي موجوده في الباثات وبعض الاخوان يغيرونها بأستراليه قيمتها 500 ريال لونها اصفر ومهما حملت الموتر ماراح يتأثر انشاء الله ولكن مطبها قوي شوي
اخوك - المعمري

المعمري

29/04/2006, 10:38 PM

لكن ياأخوان ماحد ردلي عن البلف الي فوق الدفرنس وتهريب الزيت وهل احد جت معه المشكله ..
ودمتم بود

الجنوبي

30/04/2006, 12:16 AM

الاخ العزيز
المعمري
بالنسبه للزيت حصلت معي في باث 2002
بس بزيت الجربكس
وعند مراجعة الوكاله حصلو الزيت زايد
والسبب في خروجه السرعه الزايده عن160

فلان بن عفتان

01/05/2006, 01:48 AM

تفضل الحل هنا : :)

http://mekshat.com/vb/showthread.php?t=49409

tomas73

13/05/2006, 05:45 AM

السلام عليكم غير اليايات مع المساعدات وحطلها الاسترالي وما تندم اما عن الزيت ارفع السيارة في مغسلة السيارات على بستن وفك برغي الدفرنش الى فوق موهب الى تحت وخل الزيت يقطر الين يوقف الظاهر ان الزيت زايد في الدفرنش وابي انصحك بوكيل نيسان في الكويت ترى الخدمة ممتازة فية فرع الخدمة السريعة في صناعية الفحيحيل وفية الاحمدي وترى ربعنا هل الخفجي ما يصلحون الا في صناعية الفحيحيل .........................................وسلامتك

واحد من البشر

14/09/2006, 02:07 PM

الأخ المعمري ترا هذا موضوع طبيبعي في الباثات
بس أبا أسألك الكامري كلبليتر أو بخاخ هههههههههههههههههههههههههههههها

المعمري

14/09/2006, 02:15 PM

الاخ -واحد من البشر مادي الكامري موديل 2000 اعتقد انها الظاهر انها ماتجي الا ديزل

ولـد الدوادمي

14/09/2006, 02:23 PM

أخوي الصوت مع وين تسمعه بالضبظ ؟

كن كن

14/09/2006, 02:28 PM

إلى عشاق الباثفندر

الموتر ما يحتاج ولا فيه عله أبد يمكن مشاكله تكون في الكلتش يخرب بسرعة مدري ليه لأنه خفيف يمكن وبالنسبة أهم شيء تغير اليايات وتركب استراليه يفرق الموتر كثير ولا شيء ثاني ما فيه تبغاه في خط خذ رجال في بر ما يحتاج ما شاء الله عليه وانصحكم تشترونه موتر عائلة ووذف ولا هوب غويلي

واحد من البشر

15/09/2006, 01:28 PM

الأخ المعمري والله إني أقدرك ولكن هل وجدت حلاً لمشكلة البببببببببببببببببببببببببببببببباث
الرجاء الإفادة حتى انتبه للكامري لا تجي فيها المشكلة
هههههههههههههههههههههههههههههههههههههههههههههههههه ههههههههههههههههههههههههها
شكراً

حقوق المطر

15/09/2006, 10:20 PM

نصيحه لاي راعي بر .. لايقربكم الباثفاندر .. موتر حريم

نجد 1

17/09/2006, 10:20 PM

اخواني الاعزاء
يطلع عندى صوت طقه قدام اذا طلعت مطب ( مع العلم تم فحص المساعدات الاماميه ولاصار فيها شى)
الموديل 2003 وش الحل ؟؟؟:j

Abo Nader

18/09/2006, 09:34 AM

السلام عليكم..

أخواني أعضاء مكشات...

كل المشاكل الي قلتوها لها حل و ذكرتوه بالموضوع لكن الطقه...

كلام الوكاله و مكانيكي له باع بالباث السالفه هي ريل المقصات فيه فضاوه طبعا ربل المضصات الخلفيه الي فوق يكون الربل متاكل...

فإذا تبي الصوت يروح لاززم تغير المقص كامل و تقريبا سعره700مع التركيب لا تغير بس الربل لأنه راح تبقى الفضاوه...

و الميكانيكي رحت جبت ربل بس و قال لا تغيره راح تبقى الفضاوه و قال أنا أشتغلت على 6 باث وكلها نفس المشكله...

الزبده نصحني بعدم التغير لأنه ما فيه أي ضرر إلا الصوت فقط من واقع تجربه...

جاكم العلم الإكيد أن شاء الله ولا يهنون الربع...

ابو راجي

18/09/2006, 10:24 AM

الله يمسى الجميع بالخير

الباثفندر مشاكله واجد احد اصدقائي مع 2005 وكل يوم وهو في ورشة تصدقون تاصل الحرارة فوق النصف ويفور الموتر وظهرت عنده مشكلة في عمود الدبل وراح لمخرطة وحيد اللي بصناعية الرياض قال لازم تغيره والله تبهذل المسكين مع انه رجال سواقته راكده ولا ياخذ الموتر منه احد ومحافظ عليه بس شكل الباثفندر عله خاصة الموديل المذكور

hsb_128

18/09/2006, 03:29 PM

السلام عليكم .. انا معي باثفاندر 2005 ونفس السالفه الدفرنس هرب زيت بس كانت الايام وكتها كنت كاشت عليه ونزل الزيت ورحت للوكاله صيانة العشرين الف وقالو طبيعي والحمد لله مانزل مره ثانيه طبيعي ولا تستغرب والدقه هذي من القير عندي وكذالك طبيعي

نجد 1

18/09/2006, 09:47 PM

اخونى الاعزاء
الكثير يشتكى من ارتفاع الحراره، وانا من ظمنهم؛
اول ماطلعت سيارتى 2003 كان هناك ارتفاع فى درجه الحراره الى النص ، وتمت مراجعه الوكاله وافادوا بانها طبيعي؟ وبعد ان فورت السياره معى ورجعتهم قاموا بتغير الرديتر على الضمان ومع الاسف نفس الطريقه لازال الوضع قائم؛
قمت بتصيخ الردياتر وتفاجاءت بان جزء كبير لايعمل منه ؛ وقمت بحذف البلف
والحمدالله ماعد فيه حراره بعد ذلك الى اليوم:j

أبو سيف السيف

01/10/2006, 03:00 PM

طيب انا معي باث 2005 ما ادري وش فيه بعض الاحيان القير يدقر معاي
اذا جيت ابى اقومه بواحد كود افك رجلي عن الكلتش وبعدين يعشق معي
ما ادري هو الكلتش محترق والا لا وديته لواحد قالى لاماهو محترق مافيه شى..؟
وبالنسبة اذا حملت معي ناس ينزل الموتر ويرتفع النور وش الحل اركب مساعدات استرالية وتروح الحاله
والا مساعدات ويايات مع بعض ..!؟ تكفون ابى جواب

نجد 1

01/10/2006, 11:47 PM

اخوى
بالنسبه للنزول
اناء مركب يايات استراليه :good:

برق السما

02/10/2006, 03:20 AM

اخوي بالنسبة لصوت الطقة .. والله العالم انه مايضر الموتر ..
لكن افحص عمود الكردان .. وجرب الريوس اذا طق معك فانه منه

حـاتـم

02/10/2006, 04:43 AM

انا ما اتوقع العامود

لان الباث فيه هاذا العيب طبيعي

ودايم اسمع عنه

وترى الباث حساس اصلا

ومايبي كرف مثل الباترول والاندكروزر

وشكرا للجميع

أخوكم / حاتم

نجد 1

02/10/2006, 11:52 PM

الاخ/ برق السما
مثل ماتفضل الاخ حاتم الصوت ليس من العمود تم التشيك على العمود بالنسبه للسيارتي ولازال الصوت يطلع قدام اذا طلعت مطب مع العمل بان المساعدات الاماميه ليس فيه شى ولازلت محتار:confused: وش الحل؟

الشرق

05/10/2006, 05:04 AM

السلام عليكم ورحمة الله وبركاته

بالنسبه للطقه شيك على مواسير الكنداسه وخصوصا اللي تحت السواق ممكن تكون منها ؟؟

salehhd

05/10/2006, 04:45 PM