هل جيب الشاص ينفع بدون دفلك

[مخاوي العشه]

بسم الله الرحمن الرحيم


السلام عليكم ورحمة الله وبركاته


كيف حالكم وعلوومكم يالنشاما


ياخوان هل جيب الشاص ينفع بدون دفلك
يعني بالمناطق الوعره والجبال والنفود
بما ان الشاص طويل شوي
ونظام التعليق هل هو جيد



وايهم أفضل

جيب الشاص من موديل 2006 ونازل او الفورد حوض f150 موديلات 2005 و 6 و7

من ناحية البر والنفود والخطوط والجبال والتحمل والصبر ومن كل شيء



أنتظركم

[ALBDRANE]

الدفلوك الي جربه في تعليقه لن يستغني عنه بسهوله عند تبديل سيارته بأخرى

[kbobe]

السلام عليكم ورحمة الله وبركاته

انا جربت الشاص 2006 الونش والدفلك والعادي
العادي خفيف نفس والفل ثقيل شوي
اللحين نجي للعادي العادي بعض الاحيان تقول ليت معي هايلكس لانه طويل بالنفود وبسرعه يتعلق
اما الفل عطا الله ما يرده شي تنسى التعلق والتغريز
وانا انصحك نصيحة اخ ل اخ لا تقرب العادي
والدليل شف اليوتيوب لو اعرف انزل كان نزلت مقاطع وتشوف الفرق
الشاص طويل و عضل( قاسي) يعني لو يرتفع الكفر وينضغط الكفر الثاني يتعلق علطوول
وما يطلعك غير الدفلك
واتمنا اني افتك الافاده الكامله وااسف على الاطاله

[sgl2002]

اسال مجرب الشاص

بدون دفلك تحس انك بكرولا مغير تخاف من التعليق والاماكن الوعرة

لاتاخذ الا بدفلوك

وبالنسبة للمقارنة فما فيه بينه وبين الفورد مقارنه

لان الامريكي ماينفع ولا احد يصلحه وخرابه واجد

[((ابوملاك))]

يا رجال هذا هو معي بدون دفلك وما به مكان ما شاءالله مارحت به ولا عمره فشلن

[راعي جويخان]

والله ياخوك أنا دايم أقول

جيب ماهو دوفلوك ماهو جيب (مايهقويك )

مرة جلسنا نحفر تحت شاص 2006 ساعتين لو فيه دوفلوك ما حفرنا

وبعدين الدوفلوك يخدمك بالمناطق الوعره زي الجبال ماتحتاج تزر على الموتر وتكسرة

والله يهديك للي به الخير لك

[مخاوي العشه]

بيض الله وجيهكم

[رفيع المقآم]

ياخوي الفرق كم وتاخذ شي ترتاح نفسيا منه

يعني تطلع للبر وتدور الوعر وتروح له

ماتاخف من شي ولا يردك شي

وبالتوفيق

[كشت وجأ]

أخوي
الشاص
موتر ما له مثيل للي يحبه ويهاوهـ ويصبر على مطبه
كل شيء ثمنه بشي.

إذا فلوسك تاصل الدفلك
توكل على الله
وإذا ما تاصل
لا تشيل هم الشاص شيخ وما عمرهـ قال لا

[مخاوي العشه]

مشكووورين على المرور اخواني

وآسف على التاخير

وبيض الله وجيهكم على الافاده

[الشهابة]

اخوي باختصار .. جيب بدون دفلوك لا تشتريه .. ماعدا الشروكي لولا خراباته ..

[بلاتين]

الدفلوك الي جربه في تعليقه لن يستغني عنه بسهوله عند تبديل سيارته بأخرى

صادق والله يا انه يطلعك من ازنقات اذا شغلته كنك توك مشغل الدبل ضروري دفلك اهم من الونش وفي السحب اذا واحد مغرز يعطيك

[أبوعابد 22]

الدفلوك هو زينت الشاص
ونا عن نفسي مسميه الشيخ دفلك ولا يهون ابوشنب الونش
ويالبيه يالشاص

[قناص الصباخ]

الدفلوك ممتاز لطلوع الجبال على سرعات بطيئه جدا وكذلك ينفع بالنفود اذا ثولث الموتر ومافيه موتر مايثولث

[monsixnet]

جيب ماهو دوفلوك ماهو جيب

[Abusliman]

اخوي باختصار .. جيب بدون دفلوك لا تشتريه .. ماعدا الشروكي لولا خراباته ..

اصلاً الشروكي ما يجي بدون دفلوك ابداً
بس ما يسمى دفلوك مدري وش يسمى
طبعاً ميزته انه يشبك توماتيك اول ما ينضغط كفرين يعني مستحيل يعلق
بسطبعاً هذا الي يخلي دفرنس الشروكي علطول يطق لانه يبتل يشبك ويفصل

[1 أبو يزن 1]

الحوض بدون دفلك و خاصة من موديل 2000 وفوق مشكلة

[Somebody]

مرحبا اخوي ابو سليمان

مع احترامي لجميع الآراء

اللي بيشتري سيارة دفع رباعي تحكمه دراهمه من ناحية المواصفات

اما الفرق بين الشاص وسيارات الدفع الرباعي الاخرى شاسع

ولا فيه مقارنه ابداَ بينه وبين FORD , GMC , الخ

اللي استخدم الشاص يعرف ذلك الفرق والفرق هنا اقصد به عندما تستخدمة بعيد عن الأسفلت.

( قوي - يتحمل الحرارة - خفيف في الوعر- بمجرد تخفيف الهواء لن تحتاج الى الدبل -لا يتهالك - قطع الغيار

اكثرها رخيص وأصلي مقارنه بالأمريكي - مكيف بارد ثلج في اسواء الظروف - لا تعني له الحمول الزائدة اي

مشكلة .... ولو بتكلم ما خلصت محاسنه)

بالنسبة للموديل اسألني عن 2006 ونازل.

اما مسألة دف لوك او بدون هذي ترجع لك شخصياَ

اذا لك خبره بعد ما تلف عن الاسفلت ما تحتاجه ابداَ

وكم واحد فيه دف لوك وعجز راعيه لا يظهره عن تجربة وليس افتراء.

والمثل يقول الخيل من خيالها ونا خوك

اتمنى اني افدتك والسموحه على الإطاله.

[تميم2222]

والله يالحبيب ... ينفع ونص .. لكن يعد ميزه حلوه بالسياره ...

[ســـبــار ربــعـــه]

والله يا اخوك اشوف ان ماله اي فايده بس زود دريهمات للأخ عبداللطيف جميل.

موتر اخوك 2010 ما شغلت الدفلوك من يوم شريته وانتبه تسحب فيه السيارات الكبار مثل الدنا والكبره تراي سحبت كبرة البل حوالي خمس امتار وخربت علي الدزق والصحن والكلدشاي.
وعلى كثر مارحت مع الخليان اما مقناص ولا مع البل ما اذكر اني شغلت الدفلوك يعني دفعت دراهم للأخ عبداللطيف ولا استفدت. اتمنى ماتطيح في نفس خطأي.
اما سلمك الله الفرق فهو شاسع بين الفين وسته وتحت والفين وسته وفوق.
ولا جا شاص مثل الألفين وسته . التاليات زينات من ناحية الراحه بالمطب ولكن الأولات من الفين وسته وتحت عز الله انها مواتر تهقويك.