جهاز مارشال 100 ريشة جديد للبيع + ريش

[بلانر]

السلام عليكم ورحمة الله وبركاته

اخواني انا عندي جهاز مارشال ابو 100 ريشة للبيع .. جديد طبعاً ..
تردد 216 .. يعني يجيب الترددات من 216.000 الى 216.099
يعني بإذن الله تشتغل عليه كل الريش المستخدمة هنا في المملكة .. والجهاز يجي بشنطته..
غير كذا عندي ريش جديدة، ممتازة وقوية للبيع .. مجربة قبل وتوصل مسافات بعيدة ،
ويجي معها قلم مغناطيسي زي الميدالية .. عشان يشغلها ويصكها باللمس ..
الجهاز والريش بيوصلوني بعد فترة يعني ماهي متوفرة الآن
المراد ابي سوماتكم يالربع .. ولا تبخسون حقه يا رعاكم الله ..
وعسى الله يكتب اللي فيه صالح وخيره ..
البيع للجهاز لحال والريش لحال واللي يبيهم جميع الله يبارك له .. وهذي صور لهم جميع:

http://img252.imageshack.us/img252/6972/11766108.jpg

http://img39.imageshack.us/img39/4964/55873522.jpg

http://img193.imageshack.us/img193/1507/44990315.jpg

http://img718.imageshack.us/img718/2648/76077735.jpg

http://img441.imageshack.us/img441/1213/40990533.jpg

http://img72.imageshack.us/img72/6830/72686068.jpg

http://img171.imageshack.us/img171/6918/31160591.jpg

اي استفسار انا جاهز .. نراكم على خير

[جبار1]

الله يرزقك ويوفقك

[البروالطير]

السلام عليكم
انقول بسم الله 2500 ريال شرط انة جديد

[fbi511]

اخوي لاهنت شنو ماركت الجهاز

[البروالطير]

اخوي لاهنت شنو ماركت الجهاز

السلام عليكم
يا حوي ودي أسئلك هل ماركة مارشال لها دول تصنعها غير امريكا؟؟؟

أعذرني ما عندي معرفة بالاجهزة.

[ابونايف العتيبي (511)]

حياك الله اخوي جهازك يشيل (10) ريش فقط ياليت تعدل العنوان

اما الرقم من (00) الى (99) هذا تردد الريش

للتوضيح بارك الله فيك
والله يرزقك من واسع فضله

[اسيرالصمت]

السلام عليكم اخوي اذا كان الجهاز موجود يالية تقولي وكم المسافه الي دق معك فيها
وهل الخبره هل هل جهاز اقوا من 16 ريشه

[ghazyy]

الاخ ابو نايف العتيبي

الجهاز اللي يشيل 99 تردد--يعني 99 ريشه ومجازا تقول 100 ريشه
لان كل ريشه لها تردد خاص فيها
المعلومات اللي ذكرها اخونا (بلانر) عن الجهاز صحيحه--
والله يوفق الجميع

[البروالطير]

أخي (بلاتر)
السلام عليكم
بعد التحية والسلام ممكن رقم جوالك
اريد الاستفسار أكثر اذا سمحت.

[بلانر]

البروالطير (http://www.mekshat.com/vb/member.php?u=167620)

بالنسبة للسعر ترا ماهي هذي اسعاره، تقدر تشوف الاجهزة اللي انباعت قبل وبتفهم قصدي..
بالنسبة لشركة مارشال اعتقد انها شركة امريكية ، ولها فروع في بريطانيا..
بالنسبة لاستفساراتك .. انا افضل انك تستفسر هنا عشان الجميع يستفيد ..



حياك الله اخوي جهازك يشيل (10) ريش فقط ياليت تعدل العنوان

اما الرقم من (00) الى (99) هذا تردد الريش

للتوضيح بارك الله فيك
والله يرزقك من واسع فضله




أخوي العزيز .. وش تقصد بأنه ما يشيل الا 10 ريش؟
أنا يوم قلت انه ابو 100 ريشة .. قصدي انه يجيب 100 تردد ..
اما انه يشيل ما فهمت قصدك صراحة ..
شف مثلاً : http://www4.0zz0.com/2010/04/20/20/931105832.jpg
هالصورة لجهاز ابو عشر ريش .. ومثل ماهو واضح بالصورة ما يجيب الا العشر ترددات..


السلام عليكم اخوي اذا كان الجهاز موجود يالية تقولي وكم المسافه الي دق معك فيها
وهل الخبره هل هل جهاز اقوا من 16 ريشه

انا ما جربت الجهاز والله ..
لكن الجهاز اللي موجود بالصور عطيته احد الاخوه له خبره بهالامور..
ويبي يجربه قريباً .. وراح اعلمكم كم بيوصل معه ان شاء الله.. الريش المستخدمة هي الفضية الموجودة بالصور..


الاخ ابو نايف العتيبي

الجهاز اللي يشيل 99 تردد--يعني 99 ريشه ومجازا تقول 100 ريشه
لان كل ريشه لها تردد خاص فيها
المعلومات اللي ذكرها اخونا (بلانر) عن الجهاز صحيحه--
والله يوفق الجميع

وهذا اللي اقوله ..
لكن على فكرة ترا الجهاز فعلاً يشيل 100 ريشة وليس مجازاً ..
لأنك اذا حسبت التردد 216.00 مع الـ 99 الباقيات بيصيرون 100

[راشد الهاجري999]

أسوم الجهاز ب ٣٠٠٠ وهذا رقمي ٠٥٥٦٩٦٦٩٩٩

[الزعـبي]

البروالطير (http://www.mekshat.com/vb/member.php?u=167620)

بالنسبة للسعر ترا ماهي هذي اسعاره، تقدر تشوف الاجهزة اللي انباعت قبل وبتفهم قصدي..
بالنسبة لشركة مارشال اعتقد انها شركة امريكية ، ولها فروع في بريطانيا..
بالنسبة لاستفساراتك .. انا افضل انك تستفسر هنا عشان الجميع يستفيد ..





أخوي العزيز .. وش تقصد بأنه ما يشيل الا 10 ريش؟
أنا يوم قلت انه ابو 100 ريشة .. قصدي انه يجيب 100 تردد ..
اما انه يشيل ما فهمت قصدك صراحة ..
شف مثلاً : http://www4.0zz0.com/2010/04/20/20/931105832.jpg
هالصورة لجهاز ابو عشر ريش .. ومثل ماهو واضح بالصورة ما يجيب الا العشر ترددات..



انا ما جربت الجهاز والله ..
لكن الجهاز اللي موجود بالصور عطيته احد الاخوه له خبره بهالامور..
ويبي يجربه قريباً .. وراح اعلمكم كم بيوصل معه ان شاء الله.. الريش المستخدمة هي الفضية الموجودة بالصور..



وهذا اللي اقوله ..
لكن على فكرة ترا الجهاز فعلاً يشيل 100 ريشة وليس مجازاً ..
لأنك اذا حسبت التردد 216.00 مع الـ 99 الباقيات بيصيرون 100


السلام عليكم المعلومة الي قالها ابو نايف ان الجهاز يشغل 10 بس صحيحة


صحيح الجهاز فيه 100 تردد من 216.000 الي 216.099 ولكن كل عشر ترددات بريشة وحده يعني:
الريشة رقم 1 ترددها 216.005
الريشة رقم 2 ترددها 216.015
الريشة رقم 3 ترددها 216.025
الريشة رقم 4 ترددها 216.035
الريشة رقم 5 ترددها 216.045
الريشة رقم 6 ترددها 216.055


وانت رايح لن توصل الريشة رقم 10 الي ترددها 216.095


يعني هذا هو اخر رقم يوصله جهازك لانك تقدر تغير خانتين فقط 216.0XX
بس في الجهاز الي يشغل 100 ريشة بتلاحظ ان الثلاث خانات تقدر تغيرها 216.XXX مثل الجهاز الي بالصورة تحت


http://www.mekshat.com/pix/upload05/images245/mk15106_fm1000lg.jpg


مثلا الريشة رقم 50 الي ترددها 216.495 ما تقدر تشغلها بجهازك


واي استفسار حاضرين للطبين وكل واحد يصلح سيارته والجهاز انا مجربة والصراحه الجهاز لا يعلى عليه :D

[بلانر]

^^

كلامك على متمه اخوي، لكن انا عندي ريش مختلفة تردداتها .. يعني مثلاً ..
216.005 و 216.010 و 216.015 .. كلها هذي موجودة عندي وتشتغل زي الحلاوة..
يعني مهوب شرط انه يكون فيها خمسة مثل: 216.025 او 216.015 ..
بينما جهازك اللي قلته أدق لأنك تقدر تتحكم في الخانة الأولى ..
وهذي مهيب مهمة لأن الجهاز اللي عارضه يشغل 99.99% من الريش اللي بالسوق..

عموماً اللي يبي ابو 800 ريشة.. ابو 1000 ريشة .. أو حتى ابو 5000 ريشة يقول لي وانا اجيبه له..

طبعاً ابو 800 ريشة يشغل الترددات 215, 216 , 217 , 218.. طبعاً 100 تردد بكل واحد..
يعني مثلاً 215.045 ..

ابو 1000 ريشة مثل اللي قاله اخوي الزعبي، يشغل 216 مثلاً لكن بعده ثلاث فاصلات ..
أبو 5000 ريشة عاد هو الافضل وهو آخر اللي وصلت له الشركة .. هذا يشغل كل الريش اللي تطلعها مارشال .. 215, 216 , 217 , 218 , 219 .. وبعدها ثلاث خانات ..

طبعاً حنا نتكلم عن الـ FM .. لأن مارشال طلعت ترددات جديدة اللي هي 434 ، وهذي ميب موجودة هنا بالسعودية ويحتاج لها جهاز خاص اختصاره UHF..

اتمنى ان الصورة وضحت ان شاء الله..


راشد الدغمانيسومة طيبه ، لكن ما وصلت اللي ابيه فيه .. الجهاز يسوى اكثر من كذا بكثير ..
تراه جديد و اسأل عنه بتعرف سعره، على حد علمي الوكيل يبيع واحد اقدم منه بأكثر من السعر اللي حطيته انت..

[ســـبــار ربــعـــه]

الله يطرح لك البركه والله مدري للحين وش اخذ من الاجهزه هذي الشوف بدا يقصر والربع الي تعتمد عليهم وكانو سباره محترفين اليوم كلهم شوفهم شجر وانا من ضمنهم. يبي لنا جهاز من الموسم الجاي.الله يرزقك البيعه الطيبه.

[MASA-X55]

يا اخوان اعذروني على الدخله الغلط ولكن لويش يستخدم

ومهو يشبه الي في نشنل جكرفك يزرعون قطعه في اسد ويفلتونه وبعد فتره يتعقبونه بمثل هذا الجهاز او لا

[الذحاح]

يا اخوان اعذروني على الدخله الغلط ولكن لويش يستخدم

ومهو يشبه الي في نشنل جكرفك يزرعون قطعه في اسد ويفلتونه وبعد فتره يتعقبونه بمثل هذا الجهاز او لا

يستخدم لتتبع الطيور و ايضا للحيوانات

[البروالطير]

السلام عليكم
اخي الكريم(بلاتر)
ارجو انك ما تكون زعلان هذا اهم شئ
ما عند اخوك اي علم ببنوع جهازك ويعلم الله
فما بالك بسعرة ولكن هذا مزاد (صح)السعر يبدا من 100
ويوصل 10000اذا كان سعر الشي فية
والجهاز اللي بعرفة يجي بشنطة ومعة 3ريش
وكلاب لالصاق القطعة النحاسية بذنب الطير
الله يرزقك البيعة الرابحة انشالله

[بلانر]

لا ابد وش دعوا ..
عموماً الجهاز بيع بسعر مرضي ولله الحمد ..
الموسم الجاي ان شاء الله راح احاول اوفر كمية لأن الطلب واجد ..