الاجواء الممتعه والامطار يشوهها مثل هؤلاء ؟ قياده متهوره |الدائري الجنوبي YuoTube

[Tariq9988]

السلام عليكم ورحمة الله وبركاته
نحمد الله على نعمه الامطار :r فإنزال المطر نعمة من أعظم وأجل نعم الله عز وجل.
اليوم وفي الدائري الجنوبي وانا مبسوط على المطر والنفس منشرحه :D ، ابتلاني الله بواحد اسأل الله له الهدايه :mad:
الفيديو يعبر اكثر :good2:
والزعل هذا كله لاني لم افسح له الطريق؟! :eek: :p

http://www.youtube.com/watch?v=9v-oQ47fwSY

اترك لكم التعليق ! :D

[راكب الشفر]

الله يهديه ويصلحه
مثل هالاشكال المفروض نكبر عقولنا عنهم
ماتدري عنهم بعضهم منرفع ضغطه وعنده هموم ويبي يحط حررته على اول واحد
وبعضهم خارج التغطية

[البواردي5]

مع احترامي لك انت غلطان . ياخي افتح المسار الايسر هو لتجاوز كان مشيت على الاوصط. وثاني شي انت تمشي على الاصفر جنب الصبات. لا وتصور بعد

وهو كذلك مخطي لاكن مايلام رفعت ضغطه .

[المزيدي4]

ما شاء الله عليك :good2:
محترف تصوير وإخراج:cool:

[ابوفيصل vtc]

الصراحه انا عجبني التصوير والتعليق كلكم غلطانين خلك اعقل منه شكله متخلف:good2:

[ABO 3bdullah]

الله يجعلها امطــار خير وبركه ويعم بنفعها البلاد والعباد


مع احترامي لك يالغالي النفس المبسوطه والمنشرحه على قولتك ---> تتأمل عظمة الله سبحانه وتعالى في المطر والبرق والرعد والخــير اللي هي تشوفه وهي تسوق برواق وتسبح وتهلل



مو !!!! تمسك الكتوف وتمشي على الاصــفر وماشيه اقلها 100 بوقت الزلق وانا اللي اعرف اسوق وما احد قدي ,,,, والرجال اللي طمــر نفس العينه وخر ولا تــرى بصدمكــ



نسأل الله العلي القدير الهدايه لي ولكــم وان الله يفكنا من هالعينات وتـــعقل لانها تبلى ناس مالها ذنـب لا تعـرف تصور ولا تعرف تطامــر والامــثله كثيره على ارواح الابرياء اللي مالها ذنب بسبب واحــــد متهووور !!!!


تقبل مروري بصدر رحــب

[رحب الالمعي]

اخي الكريم

مقوله جميله سمعتها من شيبانا الله يحفظهم

لا تجادل السفيه فتسفه معه

أراها هنا على المقطع ذات فائده

وفرضاً لو ان عنده امر ضروري يجبره على السرعه

كان ماأصر على العناد والمجاكر

هذا انسان سفيه وفاضي

الله يعافينا مما ابتلاه

افتح له الخط اذا ماكان امامك و على يمينك سيارات

وخله ينقلع في اللعون الله لا يعافيه

[التعـ King ـديل]

بدايتنا انصحك وقت الامطار والزلق تمسك الوسط علشان لاقدر الله لو زلق موترك يكون عندك مجال يمين ولا يسار .. وبالنسبه لمشاهدتي للمقطع انا اشوف انك غلطان وهو غلطان ولكن غلطه رده فعل لغلطك

اولا اخوي طارق سواء الجو مطر ولا الجو غبار ولا الجو حلو بدون لامطر ولا غبار المفروض تفسح له الطريق لان من اداب القياده انك تفتح المجال لغيرك والطريق مب ملكك ولا ملكه انت اصريت ولا افسحت

مجال له وكانت رده فعله ماشاهدناه بالمقطع .. اتمنى ان تتقبل رأيي بكل رحابه صدر والله يحفظك من كل شر

[كاشت وحداني]

على كل حال
تصرفه هو ماله سنع
وايضا كان من المفترض انك وسعت له وخليته يروح في حاله

انا اعاني من هذه الحاله فكثيرا اجد من يمسك المسار الايسر ولا يفسح المجال
واذا اشرت له بالانوار كع فرامل بوجهك
ياخي اذا شفت زي كذا افسح له وخله يروح فانت لاتعلم ظرفه هل هو صاحي ام خارج التغطيه ام لديه مريض ام جاه اتصال يتطلب حضوره عاجلا ام اي ظرف كان
وتعرف الرياض الحين المشوار فيها محسوب بالدقيقه لكثرة ما يضيع علينا من اوقات في زحام الطرق والشوارع
لكن سعدنا بابداعك في التصوير

[Tariq9988]

اهلا وسهلا ومرحبا بكم احبتي ردودكم اثلجت صدري
احب ان ابين قبل كل شيء ان الدائري الجنوبي مافيه كتف وانما الذي رأيتوه آثار الكتف لكنه الغي واستبدل بسيد جديد واللي يسلكون الدائري يعرفونه.
بالنسبه للمجاكره على قولتكم انا لم اجاكره القصه انه كان خلفي وناشب فيني والطريق زحمه والجو ممطر و كانت المسافه قريبه بيني وبين الفورد الذهبي لم استطع الالتفاف لليمين وسلك الاوسط لكن بعد ماسلك الطريق هو مسك اقصى اليمين وحصل ماحصل. وانا لم انحرف عن مساري . وانا والله لم اغلق الطريق او اسبب ازدحام ويمكنكم ملاحظه السياره اللي قدامي . بعدين لما وقف قدامي لفيت وابعدت عنه قدام وظل يلاحقني لكن يوم قال وقف وجا الصدق حط رجله
ويا اخوان والله اني اتعب واتعب واتعب من هؤلاء لانك ان وخرت عنه عطيته وجه وحس انه ملك العالم بنوره . وانا ماحطيت هالمقطع الا اني معاني منهم اشد المعاناه ولا اقصد اصحاب الضروف لانه يبين صاحب الضرف والمتهور .
للاخ اللي يقول اني اصور اثناء القياده ... ياحبيب قلبي الكاميرا مثبته على القزاز الامامي ومشغلها من بدايه الدائري لتصوير هذه الاجواء الجميله ;)
اعتذر ان اخطأت لكن هذا غيضٌ من فيض :good:

[عذب الضليل]

مقطع رائع اما صوت الذبان والتكريع تمنيت لو لم تكن فيه

[أبوعبدالرحمن الأسعدي]

اخوي طارق شكرا لك وانا حبيت انوه لبعض الاخوه انه ماهو بالضروره انك تفتح له المسار اذا كنت تمشي بالسرعه القانونيه مثلا الشارع سرعته القانونيه 120 كم وانت تمشي 120 كم ليس لمن خلفك الأحقيه بالتجاوز من اليسار لانه تجاوز للسرعه القانونيه ..وحتى لو صدمك من الخلف هو الغلطان 100% .. الشي الثاني كيف تبيني افسح له الطريق وامسك المسار الاوسط وهو اشد زحمه يعني يا اني اتعدى السرعه القانونيه او امسك المسار البطيئ !!!

عموما أخي الكريم أحس ان في المقطع كنت حليم مع هذا الطفل ! صدقني في الرياض ماينفع الا دعام حديد قوي ينفع لمثل هالاشكال لو مسك فرامل بوجهك تقرشعه هو وموتره وانا بصراحه ارتحت لما ركبت دعام حديد قوي جداً وثقيل الي فيه العده كامله اذا تقدم احد وحاول يستفزني وشاف الصدام والشناكير الي عيه ذل وسفط يمين ..

هذي صورة لنفس الصدام الي على موتري

http://www.toyota4arab.com/upload/i/00004/fj8gb4m4ak7l.jpg

[GM_400]

للأسف هذه العينات واجد على الدايري وكانهم مالكين العالم لا أحترام للمرور ولا الناس
مايقدرون صغير أو كبير ياخي افترض سواق معه عايله افترض شايب يالله يشوف افترض وافترض لا تعتقد ان الناس كلها مثلك صغيره عقل
والله اني اخاف امشي على الدايري وخاصة الشرقي والجنوبي لكثرة هالتصرفات المجنونه .....

كثير مرات اشيل هم المشوار وافكر اركب ليموزين


وراعي هالموتر واضح انه ماوره شغل ولا مشغله والدليل انه هدئ السرعه وصار مغفل لكن هالنوعيات وناخوك المفروض تتجاهلها وتعطيه على قد عقله فقد يكون خطر على الطريق كله ويسبب حوادث مميته لاسمح الله

الحمد له على سلامتك

[XTERRA -2010]

اخوي طارق شكرا لك وانا حبيت انوه لبعض الاخوه انه ماهو بالضروره انك تفتح له المسار اذا كنت تمشي بالسرعه القانونيه مثلا الشارع سرعته القانونيه 120 كم وانت تمشي 120 كم ليس لمن خلفك الأحقيه بالتجاوز من اليسار لانه تجاوز للسرعه القانونيه ..وحتى لو صدمك من الخلف هو الغلطان 100% .. الشي الثاني كيف تبيني افسح له الطريق وامسك المسار الاوسط وهو اشد زحمه يعني يا اني اتعدى السرعه القانونيه او امسك المسار البطيئ !!!

عموما أخي الكريم أحس ان في المقطع كنت حليم مع هذا الطفل ! صدقني في الرياض ماينفع الا دعام حديد قوي ينفع لمثل هالاشكال لو مسك فرامل بوجهك تقرشعه هو وموتره وانا بصراحه ارتحت لما ركبت دعام حديد قوي جداً وثقيل الي فيه العده كامله اذا تقدم احد وحاول يستفزني وشاف الصدام والشناكير الي عيه ذل وسفط يمين ..

هذي صورة لنفس الصدام الي على موتري

http://www.toyota4arab.com/upload/i/00004/fj8gb4m4ak7l.jpg

أخي الله لايهينك ممكن تزودني بصور إضافيه للصدام ومن وين مركبه وبكم .....
وجزاك الله خير ....:D

أرسلت من GT-I9100

[altheeeb79]

الله يهدي الجميع والشكوى لله

[ماون ماركز]

الطريق ليس ملك لك ولا له .. أفتح الطريق وخله يروح بسلامته

لكن الغريب أن تشكي من شخص أخر وأنت مثله مخالف ومسرع ومهدد نفسك والناس اللي حولك ..

لا أهتميت بأخطار الطريق وقت المطر ولا بحياتك وحياة الأخرين

شف سرعتك أنت .. شف النخل وشف السيارات اللي جنبك كيف تظهر بالتصوير

الحين هذه قيادتك بالمطر ومنشرح النفس ؟؟؟

أجل اذا صار مافيه مطر وش بتسوي ؟؟؟

توقعتك تمشي حسب نظام القيادة بالمطر .. وهو خفض السرعة الى 65 بالمائة
من سرعة الطريق اللي أنت تمشي فيه ..


اقوول .. الله يستر على المسلمين و عليك كان هذه سواقتك بالمطر !

[ماون ماركز]

اخوي طارق شكرا لك وانا حبيت انوه لبعض الاخوه انه ماهو بالضروره انك تفتح له المسار اذا كنت تمشي بالسرعه القانونيه مثلا الشارع سرعته القانونيه 120 كم وانت تمشي 120 كم ليس لمن خلفك الأحقيه بالتجاوز من اليسار لانه تجاوز للسرعه القانونيه ..وحتى لو صدمك من الخلف هو الغلطان 100% .. الشي الثاني كيف تبيني افسح له الطريق وامسك المسار الاوسط وهو اشد زحمه يعني يا اني اتعدى السرعه القانونيه او امسك المسار البطيئ !!!

عموما أخي الكريم أحس ان في المقطع كنت حليم مع هذا الطفل ! صدقني في الرياض ماينفع الا دعام حديد قوي ينفع لمثل هالاشكال لو مسك فرامل بوجهك تقرشعه هو وموتره وانا بصراحه ارتحت لما ركبت دعام حديد قوي جداً وثقيل الي فيه العده كامله اذا تقدم احد وحاول يستفزني وشاف الصدام والشناكير الي عيه ذل وسفط يمين ..

هذي صورة لنفس الصدام الي على موتري




غريبة .. من وين جايب ها الأنظمة أنت ..

وش يدريك عن اللي خلفك يبغى يتجاوز .. وش حالته وأيش عنده ؟

نظام المرور يقول المسار الأيسر للتجاوز فقط ويمنع القيادة فيه .

وحتى لو كان متجاوز السرعة القانونية .. هذا مو شغلك أنت اللي تحاسبه ..

ثاني شي .. نظام المرور بالعالم المتحضر والناس الفاهمه ما تقود بالمسار الأيسر
الأ في حالة التجاوز فقط .. لكن بما أننا متخلفين بعقلية أمثالك فنحن نقود بالمسار الأيسر بكل حرية ..

أتمنى تروح لدولة أخرى وأقربها لك .. البحرين .. وتمسك المسار الأيسر في حالة غير التجاوز ..

[paper]

وشي الكاميرا ...ما شاء الله

[بن نويشر]

شباب طايش ثم طايش ثم طايش
لا تقيد بالسرعة ومعدومين الأخلاق وأنا شخصياً عانيت منهم كثيراً
وهي في الحقيقة يكونون ظاهرة مشوهه للبلد بمعنى الكلمة ولا بد من ضربهم بيد من حديد
لا كثرهم الله

[تميم2222]

هههههههههههههههههههههه بصراحه اخرااااج ميت ضحك ابدعت يعطيك الف عافيه ...وخير ماسويت مع هل أمعه تقبل مروري ^_^

[You Like Me]

اخوي طارق شكرا لك وانا حبيت انوه لبعض الاخوه انه ماهو بالضروره انك تفتح له المسار اذا كنت تمشي بالسرعه القانونيه مثلا الشارع سرعته القانونيه 120 كم وانت تمشي 120 كم ليس لمن خلفك الأحقيه بالتجاوز من اليسار

وشذا النظام الجديد
سبحان الله
ياخي عجيب امركم
اجل من وين تبغاه يتجاوز
يعني منت فاتح له الخط ولا تبيه يتجاوز بعد
يا أخي الكريم اعط الطريق حقة
والشارع مو ملك لأحد

اذا انت وغيرك فايق ورايق
ياخي الناس ترا عندها مصائب ولا تدري ايش ظروفها
والله ماتسوى عليك تناشب انت وخلق الله
والا تطيح لك بواحد مو صاحي يدفك ينشبك في الصبات ويروح ويخليك
افتح له الخط وخله يطير في ابليس
ولا عليك الا من نفسك

[ولد وايل 2010]

هذي حركات البزارين ولو توقف له انحاش وخلاك مااقول الا (( الله يصلح نيتي وذريتي ))

[الخلاوي 15]

الله يهديكم كلكم مسرعين

وياشين الرياض

[- النشمي -]

اللي مثله لو انت بلحالك مامعك عايله وقفه وعطه كفين على وجهه عشان يعرف ان الله حق


انا صار لي موقف عند الاشاره اثنين مراهقين ماسكين يمين الاشاره ومعطلين السير وادق لهم بوري ويالله يفتح لي يعني بالقوه ويوم جيت الف يمين والا الورع مطلع مسدس على باله انه رجال ويعرف يهز بالسلاح وقفت موتري وطالعت فيه مثل اللي يقول لو فيك خير اطلق والله ان المره اللي جنبي ارجل منك يالبعيد وهو سوا نفسه مايناظر وعشق ومشا واللا والله لو اني بلحالي غير الحقه واعلمه كيف يرفع السلاح بوجيه الرياجيل


تحياتي

[ودب 64]

الله يهدية

[SAS2]

الله يهديك ياصاحب الموضوع ويكبر عقلك انت غلطان يعني وش المصلحة من هالفيديو ماشالله قوي يعني ؟

والا تحس انك اذا خليتة يروح بدربة انة فاز عليك وانت اقل منة عموما الله يهديك وبس

[كم كيلو باقي]

الصراحة .. والحقيقة المره

أن كلكم غلطانين

يالغالي الشارع ماهو مكان طقاق .. لو هجت بهالمراهق وهو يحاول يتجاوزك وقتل نفس لا قدر الله كان بتاكلك الندامة أكل

هد اذا بيحدك .. خله يعيش الجو أنه الكنق
طبعا اذا فلها حبتين وقف مباشرة مباشرة مباشرة .. لأن الطريق ليس المكان المناسب للإنتقام

مع تقديري لصبرك عليه وسمو نفسك عن تفاهته .. بس الأفضل ترك الطقاق بالسيارات لأنه يؤدي لنتائج مأساوية

[سلكي نت]

الحمد لله على سلامتك
اخوي احذر السرعة وقت الامطار والعواصف
وبعدين انا كنت زمان كذا ... اي نظرة ما ارتاح لها اسوي فيها فلم هندي
الى ان نصحني اخوي الكبير وقالي انتبه :(انت يعني بتربي خلق الله كلهم ... والشوارع تلم الصاحي والمجنون والسكران والمحشش)
من بعدها في اي موقف اتذكر كلامه الله يرجعه للوطن بالسلامة

[Tariq9988]

شاكر لمروركم احبتي
لكن قد اختلف في وجهة النظر مع الاغلبيه
مثل هؤلاء ماينعطون وجه وماعندهم صبر يبيك اول ما يكبس عليك توخر عنه ان شاء الله لو تطير!

[ابومارية]

كلامك صحيح ياصاحب الموضوع . ما ينعطون وجه . يجي ماشي وراك 200 وانواع التكبيس طيب شلون افتحلك والمسارات فل

[قناص 28 عفيف]

اهنيييييييييييييييييييييييييك على سعه بالك وصبرررك على هالاشكال على الحرام لو اني مكانك لااانسيه حليب امه اقل اقل شئ بكلم الدوريات اخليهم يتصرفون مع هالاشكال

[قناص 28 عفيف]

ياشباب المسار الايسر ليس لاتجاوز المسار الايسر للطواري فقط اسعاف دوريات الخ
بس بعضهم يبتليك بنفسه اذا مسكت المسار الايسر يكبس يكبس يبيك تفتح الخط والخط مزحوم شلون افتح له الخط قدامي سياره ويميني سياره ويساري الصبه اطييير يعني ولا وش اسوي

[رحّال 9]

هاذي احد الاسباب اللي محليه البر في نظري :D :r

يازين البر والجلد كان ولد ابوه يجي يحارش في البر هههه

على العموم ستر الله والسعيد من ترك هؤلاء السفهاء .

رحّال 9

[العتيبي 88]

الله يشفيه قاضي يبي له صبخه ..

عمتي مطاره تصبخ ،،

[أبوصالح9]

ياصاحب المقطع عندي سؤال اتمنى تجاوب عليه بكل صراحة
وش بيكون شعورك لو انحرفت سيارتك او سيارة هاللي معك واعدمت نفس او انفس ؟؟؟؟؟؟؟؟؟؟؟؟؟
بتقول انا سواق واعرف اسوق بالمطر طيب انت سواق لكن ترى غيرك يتدوكر ويرتبش وش ذنبه لو حاول يبعد عنك انت واللي معك وصبخ بالصبة او انحرف على سيارة ثانية والثانية انحرفت على الثالثة وووو وبالاخير وبكل بساطة تقول سفيه كان ملحم صدامه بصدامي
ياخوي اذا براسك شر او قشر صفط انت وياه وطلع كل قوتك وشطارتك عليه- لكن لاتعدمون الناس بمثل هالمواقف- الله يصلح حالنا وحالكم

[@ بحار مجيرمة @]

الله يهدي الجميع

[terke mekshat]

الإخراج قوي

[Tariq9988]

شاكر لمروركم واثرائكم للموضوع :D
وتبين انه هناك اختلاف في وجهات النظر بين مؤيد ومعارض :)
لكن الاختلاف لايفسد للود قضيه!
وبالنسبه للأخ ابوصالح عن الانحراف واللعب بالسياره
يا اخي انا حاولت اوخر عنه بالبدايه وتعديته بعد مالف علي وتبين من هو في راسه عناد بعدها جا قدامي واخذت المخرج ابيه يلف لكن زي ماشفت كمل طريقه !

تحياتي لكم
واكرر اعتذر ان اخطأت :good2:

[بريدآآآوي]

هذآ لو معي جمس 1979 كان جدعت الموتر عليه وعدمته ومشيت !!

[ألكسنر]

هههههههههههه المقطع رايق ,,

لكن صراحه انت بارد ماسك الايسر و تمشي اقل من 120

[Tariq9988]

مشكوين لمروركم
واحمد الله على نعمه الصبر

[Tariq9988]

هذآ لو معي جمس 1979 كان جدعت الموتر عليه وعدمته ومشيت !!

التعامل مع هالاشكال تتطلب حلم وتأني وصبر واذا جا عندك ابتسم في وجهه وسوف يجن جنونه :good2:
لايرتفع ضغطك على غير سنع
تحياتي لك

[غزال البوادى]

الله يهدى كل مجنون عندنا فى مصر نصيحه اذا فكرت تركب عربيه وتتعلم القياده اعرف ان اللى وراك حمار واللى قدامك حمار عفاكم الله بمعنى انك اصابع يدك مش زى بعضها فى انسان يفهم بالشاره وفى مايفهم الا لوطبلت له اهم شى سرعة البديهه يحماك الله طريقتك فى القيادة ما شاء الله دير بالك من خطاء الغير

[السفاري]

صراحة من يفكر بقيادة السيارة بالرياض او في المدن الرئيسية عليه ان يشرب نعناع وليمون قبل ان يخرج من البيت ان فكه الله من السفهاء والاطفال مافكه الله من العماله وقيادتهم السيئة وسيارتهم المهترئه .

نسال الله السلامة للجميع

[السومر]

الله يصلح شبابنا المتهورين

[R P G]

كيف أركب كاميرا في السيارة زيك !؟؟
وبكم ومن وين وكيف طريقة التوير

[راعيية]

:good2::good2:

الله يجعلها امطــار خير وبركه ويعم بنفعها البلاد والعباد



مع احترامي لك يالغالي النفس المبسوطه والمنشرحه على قولتك ---> تتأمل عظمة الله سبحانه وتعالى في المطر والبرق والرعد والخــير اللي هي تشوفه وهي تسوق برواق وتسبح وتهلل



مو !!!! تمسك الكتوف وتمشي على الاصــفر وماشيه اقلها 100 بوقت الزلق وانا اللي اعرف اسوق وما احد قدي ,,,, والرجال اللي طمــر نفس العينه وخر ولا تــرى بصدمكــ



نسأل الله العلي القدير الهدايه لي ولكــم وان الله يفكنا من هالعينات وتـــعقل لانها تبلى ناس مالها ذنـب لا تعـرف تصور ولا تعرف تطامــر والامــثله كثيره على ارواح الابرياء اللي مالها ذنب بسبب واحــــد متهووور !!!!



تقبل مروري بصدر رحــب

[Bader-M]

وعليكم السلام

الصراحة الاخراج و التصوير جميل

بنسبة لراعي السوناتا فان الشوارعنا مليئة بهذه العينات الله يكفينا شرهم

[موسم الجن]

الصراحه راحه اذا كان الخط مو مزحوم فلايحق لاي شخص احتكار المسار اللي على اليسار بس اذا كان الطريق زحمه فلا تاخذك بهذي الاشكال لومة لائم انا مرات صارت لي بس اتفاداها باي شكل الا اذا نشب لك واحد ماعاد منه فكه فمره من المرات نشب لي راعي كورولا بنفس الطريقه وصار يتلكع علي ويدعس بريك قدامي والناس تشوفه المهم جاني مخرج وطلعت يمين والا يطلع معاي وطلعت يسار الا ويطلع معاي المهم سيارتي يوكن كان يوقف بوجهي بنص المخرج كان المسه الصدام حق اليوكن من الطرف الايمن وانا أشتله ذيك الشتله اللي مايدور غيرها وادفه لين اسرع والف عنه يمين والا هو يستدير بالخط ويضرب بالصبات وانا أخلي سيره عدل والا هو جاي مكيم وراي ومتجاوز من اليمين كان احذف عليه شوي شوي لين طلعته اجباري من المخرج اللي جاي وانا اروح سيده قدامه اشاره كبري وبعدها ينزل واشاره ثانيه وبعدها مدخل للطريق وانا رحت ولا شفته بعض الناس يبتليك بلوى

[Tariq9988]

مشكورين لمروركم واثرائكم للموضوع
احب ابين للاخوان من خارج الرياض الطرق الدائريه حذف الكتف واستبدل بخط جديد

[R P G]

س/ أنت مركب كاميرا في السيارة ولا كيف ؟؟!!!

[الساري خالد]

الله يهديه ويصلحه

[مشعل ksa]

ماشالله عليك وانت ليش ماتفتح له الطريق يمكن رجال مستعجل ماتدري وش عنده

الله يهدي الجميع

[ابوفهاد]

هو الله يهديه,, وانت بعد سواقتك..!!!!!!

[escape_man]

الواحد يجيه حالات نفسية يسوي الي سويته انت واعظم .. انا ما اوافقك على تصرفك ولكن لعل الله يهديني واياك وكل مسلم .. شوارعنا صارت حلبات للمقارعة والمصارعة وابراز القوة بحديد عسى الله يكافي المسلمين شره ..

المدنية جميلة .. الاسلوب الحضاري هو الي بيخلي عربنا بهالاجواء من حر وغبار مثال اعلى لاخلاق المسلم وابرازها على حقيقتها لو عودنا انفسنا ان نكون مدنيين اكثر ..

المدنية تعني الالتزام بالقيم والتمييز بين المواقف وفرض الطرق والاساليب الصحيحة للتعامل مع النفس ومع الآخرين..

وعندنا باسلامنا منها الكم الوفير ويكفينا قول رب العزة والجلال في الحبيب المصطفى (وانك لعلى خلق عظيم)

لو استعرضنا الموقف وطرحت انت السؤال على نفسك وطرحته انا وغيري من الشباب وطرحه صاحب السيارة المشاكسة:

1- اين الكاضمين الغيظ .. العافين عن الناس ..
2- كم مرة سمعنا حديث لاتغضب وهو حديث ووصية المصطفى صلى الله عليه وسلم لاصحابه ومن تبعهم .. ولم نطبق ماورد فيها.
3- الم يكفل الاسلام حقوقاً للمسلم لايصح التعرض لها (للنفس - المال - العرض - الدين) الم نوصى بصيانتها والحفاظ عليها. ليش نهدرها لاسباب واهية وسخيفة.. هذا بيسبقي .. الا والله لاسبقه .. حد الرجال لايخطم عليك .. هذا ليش يطلعني .. وشعنده .. يوووك .. هو انا بوقف طابور وباحتري هالسيارت؟
4- الم ينهى الرسول صلى الله عليه وسلم عن التدافع في مناسبات واحوال عدة .. التدافع بالامامة .. مزاحمة النساء .. التدافع في مناسك الحج.. اليس مانفعله الان نقض صريح لوصية الحبيب صلى الله عليه وسلم.
5- وين الايثار وتقديم الغير على الذات وهذا اساس الفلاح (ويؤثرون على انفسهم ولو كان بهم خصاصة. اولئك هم المفلحون).


هذه مدنية الاسلام مو مدنية الغرب .. للاسف اخذو تعاليمنا واحنا نسفناها .. من الممكن ان يكون مشوار الشخص من مكان لآخر بشوارعنا سخط ونقمة واذية وممكن ان يكون سبيل للخير والفلاح وطريق لتحصيل عدد لامتناهي من الحسنات والرفعة بالدرجات اذا استحضرنا المبادئ التي ذكرتها وغيرها في كتاب ربنا وسنة نبينا الكثير.

[شاهين0]

خذوها قاعده في حياتكم
الحلم سيد الاخلاق

[volcano]

الواحد يجيه حالات نفسية يسوي الي سويته انت واعظم .. انا ما اوافقك على تصرفك ولكن لعل الله يهديني واياك وكل مسلم .. شوارعنا صارت حلبات للمقارعة والمصارعة وابراز القوة بحديد عسى الله يكافي المسلمين شره ..

المدنية جميلة .. الاسلوب الحضاري هو الي بيخلي عربنا بهالاجواء من حر وغبار مثال اعلى لاخلاق المسلم وابرازها على حقيقتها لو عودنا انفسنا ان نكون مدنيين اكثر ..

المدنية تعني الالتزام بالقيم والتمييز بين المواقف وفرض الطرق والاساليب الصحيحة للتعامل مع النفس ومع الآخرين..

وعندنا باسلامنا منها الكم الوفير ويكفينا قول رب العزة والجلال في الحبيب المصطفى (وانك لعلى خلق عظيم)

لو استعرضنا الموقف وطرحت انت السؤال على نفسك وطرحته انا وغيري من الشباب وطرحه صاحب السيارة المشاكسة:

1- اين الكاضمين الغيظ .. العافين عن الناس ..
2- كم مرة سمعنا حديث لاتغضب وهو حديث ووصية المصطفى صلى الله عليه وسلم لاصحابه ومن تبعهم .. ولم نطبق ماورد فيها.
3- الم يكفل الاسلام حقوقاً للمسلم لايصح التعرض لها (للنفس - المال - العرض - الدين) الم نوصى بصيانتها والحفاظ عليها. ليش نهدرها لاسباب واهية وسخيفة.. هذا بيسبقي .. الا والله لاسبقه .. حد الرجال لايخطم عليك .. هذا ليش يطلعني .. وشعنده .. يوووك .. هو انا بوقف طابور وباحتري هالسيارت؟
4- الم ينهى الرسول صلى الله عليه وسلم عن التدافع في مناسبات واحوال عدة .. التدافع بالامامة .. مزاحمة النساء .. التدافع في مناسك الحج.. اليس مانفعله الان نقض صريح لوصية الحبيب صلى الله عليه وسلم.
5- وين الايثار وتقديم الغير على الذات وهذا اساس الفلاح (ويؤثرون على انفسهم ولو كان بهم خصاصة. اولئك هم المفلحون).


هذه مدنية الاسلام مو مدنية الغرب .. للاسف اخذو تعاليمنا واحنا نسفناها .. من الممكن ان يكون مشوار الشخص من مكان لآخر بشوارعنا سخط ونقمة واذية وممكن ان يكون سبيل للخير والفلاح وطريق لتحصيل عدد لامتناهي من الحسنات والرفعة بالدرجات اذا استحضرنا المبادئ التي ذكرتها وغيرها في كتاب ربنا وسنة نبينا الكثير.

بيض الله وجهك كلام في الصميم :good:

[Tariq9988]

الواحد يجيه حالات نفسية يسوي الي سويته انت واعظم .. انا ما اوافقك على تصرفك ولكن لعل الله يهديني واياك وكل مسلم .. شوارعنا صارت حلبات للمقارعة والمصارعة وابراز القوة بحديد عسى الله يكافي المسلمين شره ..

المدنية جميلة .. الاسلوب الحضاري هو الي بيخلي عربنا بهالاجواء من حر وغبار مثال اعلى لاخلاق المسلم وابرازها على حقيقتها لو عودنا انفسنا ان نكون مدنيين اكثر ..

المدنية تعني الالتزام بالقيم والتمييز بين المواقف وفرض الطرق والاساليب الصحيحة للتعامل مع النفس ومع الآخرين..

وعندنا باسلامنا منها الكم الوفير ويكفينا قول رب العزة والجلال في الحبيب المصطفى (وانك لعلى خلق عظيم)

لو استعرضنا الموقف وطرحت انت السؤال على نفسك وطرحته انا وغيري من الشباب وطرحه صاحب السيارة المشاكسة:

1- اين الكاضمين الغيظ .. العافين عن الناس ..
2- كم مرة سمعنا حديث لاتغضب وهو حديث ووصية المصطفى صلى الله عليه وسلم لاصحابه ومن تبعهم .. ولم نطبق ماورد فيها.
3- الم يكفل الاسلام حقوقاً للمسلم لايصح التعرض لها (للنفس - المال - العرض - الدين) الم نوصى بصيانتها والحفاظ عليها. ليش نهدرها لاسباب واهية وسخيفة.. هذا بيسبقي .. الا والله لاسبقه .. حد الرجال لايخطم عليك .. هذا ليش يطلعني .. وشعنده .. يوووك .. هو انا بوقف طابور وباحتري هالسيارت؟
4- الم ينهى الرسول صلى الله عليه وسلم عن التدافع في مناسبات واحوال عدة .. التدافع بالامامة .. مزاحمة النساء .. التدافع في مناسك الحج.. اليس مانفعله الان نقض صريح لوصية الحبيب صلى الله عليه وسلم.
5- وين الايثار وتقديم الغير على الذات وهذا اساس الفلاح (ويؤثرون على انفسهم ولو كان بهم خصاصة. اولئك هم المفلحون).


هذه مدنية الاسلام مو مدنية الغرب .. للاسف اخذو تعاليمنا واحنا نسفناها .. من الممكن ان يكون مشوار الشخص من مكان لآخر بشوارعنا سخط ونقمة واذية وممكن ان يكون سبيل للخير والفلاح وطريق لتحصيل عدد لامتناهي من الحسنات والرفعة بالدرجات اذا استحضرنا المبادئ التي ذكرتها وغيرها في كتاب ربنا وسنة نبينا الكثير.
جزاك الله خير

[عاشق السيل]

خير ماسويت في تجاهلك لمثل هالعينات ،،

الفديو جدا رائع في المونتاج لكن الأصوات خربت بصراحة ( الموسيقى والذباب ومدري إيش ) ههههههه

[THE KILLER]

ياسلام على التصووووير
وبالنسبة لهذولا العينات لا تفتح لهم المجال وان جا قدااامك وقالك وقف اووقف وجيب ومعك مفك العجل وانزل فيييه ضرب
ووجع يقهرووني الي كذاااا

[jed_sir]

ياليتك لبسته في اي سياره

[Tariq9988]

حياكم الله جميعا
صراحه لم اكن اتوقع ان البعض يقول ليتك صدمته او وقفت له
بالنسبه لي ما اذا جا قدامي ووقف ثم خلاني في حالي ادعي له بالهدايه
لكن اللي في راسه حب ماطحن وماسكه معه احاول اسفهه او اسوي زي مايبي واوقف لكن موب ع الرئيسي الافضل يكون ع الخدمه لكن ٩٩٪ من هالاشكال اذا جا الجد حط رجله
شاكر لمروركم

[saleh_tm]

تصوير واخراج ومونتاج ابداع :good2:

اما الورع الي اذاك في الخط فصراحة حركات مبزرة والغلط من المرور ماسحب رخص الاشكال هاذي

يتريت تتطبق نظام النقاط والي مايلتزم بنظام المرور يسحبون رخصته ويصير يشوف له سواق يوديه ويجيبه زي الاطفال الصغار ومنها نضمن بإذن الله سلامته وسلامة غيره من المسلمين من مرتادي الطريق