المساعد الشخصي الرقمي

مشاهدة النسخة كاملة : رجاءً جواب ....... ياأهل المعرفة والخبرة؟؟


بارق الخير
29/04/2006, 10:02 AM
السلام عليكم ورحمة الله وبركاته

ممكن استشارة لأهل الخبرة

جيب Vxr موديل 2002 فل كامل ماشي 135 تقريبا

كم يصل سعره ..... وهل فيه ملاحظات على النوع من هذا الموديل ...

ياليت تعطوني خبر بأسرع وقت ... وماظنتي تخيبوني ورجائي بالله ثم فيكم.

أخوكم


بارق الخير


.
خالد العوض
29/04/2006, 10:33 AM
بس الله يجزاك خير هذا منتدى التوقعات الجويه وش علاقته بالسيارات
رح على منتدى السيارات وهناك تلقى مطلوبك
ذيب ولد ذيب
29/04/2006, 11:00 AM
والله يالحبيب اتوقع ومن خبرتي 80000او85000على حسب نظافة الموتر مافيه صدمات ولون لوه دور في رغبت السياره ===== >شريطي في المعارض سابقاً وعلنت الاعتزال ههههههه
بارق الخير
29/04/2006, 01:39 PM
أعتذر يبدو إني ضيعت الجاده وعرضت الموضوع بهالقسم ..... لكن ومع ذلك مايمنع

من اللي يشوفه يقولي رايه وخبرته ..... مشكور أخوي خالد العوض على لفت الإنتباه.

وبالنسبة لخوي ذيب ولد ذيب الله يعطيك العافية على الرد .. وفعلا الظاهر إنك شريطي وفاهم السوق

مشكور أخوي على التوجيه.

أخوكم

بارق الخير


.
بارق الخير
29/04/2006, 10:24 PM
ياليت أهل الخبرة يفيدوني.... محتاج النصيحة ضروري بكرا آخر فرصة لي..

(((من فرج عن مسلم كربة من كرب الدنيا فرج الله عنه كربة من كرب يوم القيامة)))

وأنا ماعندي خبره بالجيوب وخاصة الجيب الصالون .

وجزاكم الله خير

أخوكم


بارق الخير


.
غضنفر
30/04/2006, 12:34 AM
ما يقل عن 90 الف باي حال من الأحوال
حتى لو هو طايح من سطح بيت
انا محصل Gxr موديل 2001
اقل فئة قير عادي ما شي متين الف ومكسر مع كل جهه وسيم من راعيه ب 89 الف وعيا يبيع
وسانك بتسمع نصيحتي
تويوتا لا تشري منها مستعمل ابد
لأنك بتحصله غالبا مكسر وسعره غالي ولا يفرق عن سعر الجديد مره
النيسان هو الي فيه فرصة ان الواحد يشري حاجة نظيفة وبسعر معقول جدا
حـاتـم
30/04/2006, 07:54 AM
أخوي انا شايف

لاندكروزر 2004 عنابي وصل السوم الى 105 الاف

مع العلم انه جكسار فل كامل

ولا تشتري غالي حرام بصراحه مستعمل وغالي

خذلك الباترول الجديد قيمته جديد 123 الف

سفاري فل كامل لايفوتك


افضل واحسن فالبر وجديد


والله يوفقك فالزين بين المواتر

وشكرا


أخوك / حاتم