ربيع الصمان // زوار لربيع الصمان غداً 12/5/1433 / هات العلوم

[سيف الظفير]

السلام عليككم

يا اخوان ربيع الصمان هاليومين وش علومة مع العلم أن الرجال وربعه ممشاهم بكرة بـ 1433/5/12


نبي الافادة يا الغالين + اسم الفياض الربيعية + الاحداثية ان وجدت

[مرسال الوسطى]

يالربع لاتتعبون اعماركم في البحث عن الربيع في الصمان مابه ربيع يذكر حنا قبل 3اسابيع تقريبا. كنا بالتنهات وقلنا خلنا نعس الصمان الشمالي ودوجنا فيها لين قلنا بس والله مابه ربيع يذكر ماغير ارض شهبا ومقحله. وغبره الله يرحما برحمته
حسنة ورديفتها والضلماء والعوشزيات وطقتها ونصيحة خلكم بعروق النتهات وان بغيتوا تميلون على الروضة فهي قريبة.
تحياتي

[الخلاوي 15]

نصيحه لاتدشها .. هالحين شهبت ولهبت

[ابو عزام الشمالي]

والله أخيوي مرسال الوسطى أفادك

[ابوريناد1979]

جزاكم الله خير ريحتونا من المشوار

[Al3rands]

الاخوان يفيدونك اسف مامريتها

[تميمي عنقري]

الصمعاء مالية الفياض والحزوم وهي علامة بداية الصيف -ليس القيظ -
وابشر بتنشب في الفرش والثياب والله يعينك
أخوي عليك بالنفود ربيعه يطاول وبيفز خصوصا عقب مراويح الصيف السابقة الله يعيدها ويزيدها(الثويرات)
تحياتي العطرة

[لامبورجيني]

يعطيك العاااافية

[الدوسري2010]

اجلوها انشأ لله ان كانا من الحيين الى السنه الجايه السنه ذي ماش ربيع

[ساهر حايل]

بالتوووووووووووووووووووووفيق

[ابوسلطان911]

كنت بالصمان ما جيت الا الجمعة
الربيع شمال شرق الخمه بحوالي 7 كيلو الفياض خضره بس خضار بسيط
وحسنه السبق وردايفها الفياض خضره بس بسيط كمان
وفيضة نورة
اتمنى اكون افدتك
وتقبل مروري

[سليمان 10]

شغلوا الرادرات واكشتو الخميس تحت المطر ان شاء الله اما الربيع فقد اقفى والصمعا مسنبله 000

[خزاف]

روضة الرغوة بالصمان يمكن خضرت الحين بس يعيبها البعد