هات العلم بين التايوتا والنيســـــــــــــــــــــان الونيت

[ابو سمسم]

السلام عليكم ورحمه الله وبركاته

عندي جيب نيسان 93 اربع ابواب ماشاء الله تبارك الله مريح وراسي وقوي لكن ودي بونيت دبل يجمل للصيد والسفر

لي كم يوم الف المعارض ولقيت اكثر من سياره لكن رسيت على موترين

1- ونيت ددسن دبل 2007 ماشي حول 150 الف نظيف بودي بلده المكينه 2400

2- ونيت تويوتا دبل موديل 2001 ماشي حول 280 الف نظيف دقات خفيفه ماتاثر بس مو بنظافه الددسن المكينه 2700

كلها بنزين

المطلوب وش تنصوني فيه لاني محتار بينهم ومستعجل واكثر استخدامه للصيد والسفر

لاهنتم ملاخظه سعرهم قريب من بعض

[ابو سمسم]

وين اهل الرابطات مالهم حس

[اتجاه السحاب]

جربهن كلهن وشف وش اللي يصلح لك
ولاتنسى الاستخاره,,
مبروك مقدمآ

[RW7..ALBDAWA]

انصصحك بالهآيلكس الدبل

الددسن عيوبهآ بالقير خآصة الدبل

[sgl2002]

الهايلكس افضل

[mooma]

والله الددسن مهوب شين (جيد ) خاصه الدبل

[ذيب زلفاوي]

مهما كانت مهيب صايره مثل عطي الله الباترول

كانك تبي هلي دبل لا تاخذ الا 2006 وفوق
والددسن اهم شي انها بخاخ

عن نفسي اذا خيروني بين ذولي اباخذ الددسن

[..الشقردي..]

انا اشوف ان الهايلوكس 2001 قديم,انا ارشح الددسن.

[سعد العامري]

ام عزيز طيبة وخصوصا موديلها 2007

[HCW]

الددسن دبلاتة قويه و تتحمل الجور لاكنة ثقيل بالخط مايعدي 170 بالكثير بسبب الارتفاع و وزن السياره.
ماشي اقل من الهايلوكس و موديل اجدد اكيد عضلات السياره من ربلات و خلافه راح تكون بحاله جيده بعكس الهايلوكس موديل قديم وماشي اكثر و راح يحتاج صيانه بشكل اكثر و اسرع

[سيف وقلم]

أرشح الددسن الموديل الجديد أفضل وأظنه بخاخ أخبر واحد معه هايلوكس 2001 بدون دبل غثيث في التشغيل عشانه كلبليتر وفارق الموديل كبير 6 سنين مهب سهلة واستخر وتوكل على الله

[(((.ابوتميم .))))]

الهايلكس قيره نازل من تحت الموتر وهذا اعتبره مشكله وارتفاععه عن الارض عرضه للانقلاب وماشي واجد وقديم نوعا ما
الددسن عزمه ضعيف ودبله الخفيف ضعيف بس هذي المشكلتين لاكنها حليو ويجمل
انا اقول دورلك هايلكس دبل 2006 لانه جامع الرساوه وقوه المكينة تقريبا والشكل المقبول وترا الفرق مهوب واجد من ناحيه السعر اقصد
الناس ما اقبلو على الهايلكس الدبل الا من 2006 وفوق لانه جامع جميع المزايا الممتازه لاكن مكينته ضعيفه مقارنه با الجيوب لاكنها ممتازه
انا اقول اذا ماعندك امكانيه في الهايلكس دبل 2006 وفوق خذ الددسن
انا معي دبل ددسن اي استفسار والا شي تراني في الشوفه

[يزيد 999]

الددسن الدبل بس نسم وطق الخفيف والله انه يطلع على الجيوب من واقع تجربه

[ابونبيل]

الددسن افضل لانه اجدد وماشي قليل بس اذا تفكر تركب معك ناس بالغماره الثانيه ترا ضيقه جدا جدا جدا

والهايلكس حلو وممتاز ويجيب طبلونه بس قديم ماتضمنه بالمقانيص

[ابو سمسم]

الله يجزاكم خير ويرزقكم الجنه ويعطيكم العافيه

انا اشهد بالله انك تنحطون على الجرح لاهنتم


اجل باذن الي ماتنام عينه بعد التوكل على الله الددسن

[مسير عليهم]

ارشح الددسن لإن موديله جديد

لو تشوف لك جمس غمارة افضل

[ابو سمسم]

الجمس ممتاز لكن لازم من غمارتين

[قناص 28 عفيف]

الله يهديك بس وهل فيه مقارنه اصلا
الددسن اكيد موديل جديد وممشى قليل وشكله احسن من الهايلكس

[يزيد 999]

مبروك مقدما والله يعطيك خيره ويكفيك شره بس لا تعلم احد اقضي حاجتك بسكات واذا وقفته قدام الباب عاد علم اي واحد مار بالشارع هههههه الله يرزقك ويوفقك

[المنيعي1]

وشجاب 2007 ل 2001
أكيد الجديدة أفضل

[ابو شكاع]

فرق الموديل للددسن
للناس فيما يعشقون مذاهب
للتويوتا انصار والنيسان كذلك
الله يكتب لك الخيرة

[wafian]

الددسن الددسن الددسن

[زايــ ابومحمد ــد]

الهايلكس قيره نازل من تحت الموتر وهذا اعتبره مشكله وارتفاععه عن الارض عرضه للانقلاب وماشي واجد وقديم نوعا ما
الددسن عزمه ضعيف ودبله الخفيف ضعيف بس هذي المشكلتين لاكنها حليو ويجمل
انا اقول دورلك هايلكس دبل 2006 لانه جامع الرساوه وقوه المكينة تقريبا والشكل المقبول وترا الفرق مهوب واجد من ناحيه السعر اقصد
الناس ما اقبلو على الهايلكس الدبل الا من 2006 وفوق لانه جامع جميع المزايا الممتازه لاكن مكينته ضعيفه مقارنه با الجيوب لاكنها ممتازه
انا اقول اذا ماعندك امكانيه في الهايلكس دبل 2006 وفوق خذ الددسن
انا معي دبل ددسن اي استفسار والا شي تراني في الشوفه

جاك العلم من ابوتميم

[ابومناحي]

اسوزو ارخص منهم كلهم وزينه

[أبوسعد111]

بتلاحظ الفرق بإنتقالك من 6 سلندر إلى 4 سلندر
وقبل لاتتحسف جرب قبل تشتري
وبالتوفيق