المساعد الشخصي الرقمي

مشاهدة النسخة كاملة : إستشارة بشراء سيارة دفع رباعي لاتزيد عن 130 ألف


hnno
03/04/2012, 03:06 PM
بسم الله الرحمن الرحيم


السلام عليكم ورحمة الله وبركاته

أريد إستشارة منكم أخواني الكرام بشراء سيارة لأحد معارفي بحكم إهتماماتكم بالسيارات ، لاسيما ذات الدفع الرباعي ، أتمنى قراءة سطوري التالية بدقة حتى نصل للإختيار الأفضل

سأتحدث عنه قليلا ، حتى يكَون القارى صورة عن طبيعة حياته وبناءاً عليه تحدد السيارة المناسبة له ، بالإضافة للنقاط التي سأذكرها عن ما يريده من السيارة

شاب يسافر 4 مرات بالسنة على أكثر تقدير ، في الأعياد أو أحيانا هبقة خميس وجمعة ، خروجه للبر قليل يمكن لأن سيارته الحالية سيدان ، غير مهتم بالمطارحات وقوة المكينة والإستعراضات ، لا يحب زيارة الورش كثيرا وبالتالي يبي سيارة ماتخرب بسرعة وقليلة الأصوات بالداخل


سأبدأ بذكر أهم ما يريده من السيارة ، بدءاً بأهم نقطة ثم المهم ثم الأقل أهمية بالأخير

1- تتحمل الكرف والمطبات وتتحمل حرارة جو الغربية ومكيفها جيد ويعتمد عليها ، وماتقربع بسرعة بسبب الحفر والسياقة الشبه خشنة لبعض الوقت وليس دائما.
2- أعطالها قليله ، وقطعها تدوم فترة أطول من منافسيها.
3- قطع غيارها رخيصة أو على الأقل متوسطة السعر.
4- قطع غيارها متوفرة ، لكي لا يضطر للطلبية أو الرجوع لفرع بمدينة كبيرة حتى يحصل عليها ، علما بأنه من سكان جدة ولكن يخاف يتوهق بقطعة عند سفره للجنوب.
5- مريحة المركب.
6- حجم مناسب ذو هيبة بالخط حتى لا يتعرض للمضايقات والصكصكة ، (وبمناسبة ذكر الحجم المناسب يحبذ أن تكون 6 سلندر حتى تشيل نفسها بالطلعات والخطوط)
7- شكل داخلي مقبول ذو فخامة مقبولة ولايشترط التكلف.
8- شكل خارجي مقبول.
9- وسائل أمان وسلامة مقبولة ، مانع الإنغلاق ABS ، الثبات الإلكتروني VSC ، موزع الفرامل الإلكتروني EBD

المبلغ 130 ألف كحد أقصى



جواب لسؤال قد يذكر بالردود
طلباتك في سيارة مستحيل تواجدها بأرض الواقع؟
أقول النقاط مرتبة حسب الأهمية بالنسبة له ، بمعنى ألا أستبدل ميزة بأخرى أعلى منها بالترتيب السابق ، والعكس صحيح
SAS2
03/04/2012, 03:16 PM
اغلب المواصفات الي تبيها ( تويوتا ) وفية موتر ثاني في بالي ما جربتة بس كلام النت يمدحونة وسعرة رخيص

وقطع غيار رخيصة ويتحمل من شركة هيونداي وشكلة حلو اسمة سنتافي بس مدري فية انظمة مثل الي تبي

والا لا وبالتوفيق ان شاء الله ويفيدونك اهل الخبرة
ولد الدلم
03/04/2012, 04:14 PM
اف جي
فيها كل مواصفات اللي قلتها
بس الداخلي لك عليه شوي
بختصار داخليه بسيط جدا
دليلة1
03/04/2012, 04:50 PM
اف جي
فيها كل مواصفات اللي قلتها
بس الداخلي لك عليه شوي
بختصار داخليه بسيط جدا

:good:.. استعمال الكهرب قليل في السيارة .. فهو للبر أولا..وتلقى مستعمل بالقيمة..
عندك قراند شروكي الجديد.. طيب لكن الجودة ما ادري عنها..
الفورتشنر..مشكلته وسائل السلامة معدومة..
الباثفندر..مشكلته الهربدة والحرارة عن تجربة موديل 2009..
التاهو+اليوكن..اخو اجديد..
والله أعلم..
ذيب زلفاوي
03/04/2012, 05:29 PM
اتوقع يصلح لك الاكسبلور فيه كل المواصفات الي قلت وزود بس عزمة متوسط يعني يشيل روحه بالبر والطلعات

الباث فاندر حلو بعد اذا كان فل كامل وعزمة ممتاز

الاف جي ضيق ووسائل السلامة اتوقع بسيطه والداخليه غير مقبوله بس عزمة ممتاز جدا

وفيه الفورتشنر مايفرق عن الاف جي الاشكل الداخلي والخارجي لكنه افضل من الاف جي بالداخليه
XTERRA -2010
03/04/2012, 05:55 PM
الفورتشنر ممتاز

المفروض يسمونه هدد ماشاء الله تبارك الله فيه دف لوك وخفيف والفل يجي قير عادي وسعره أرخص من130
باترول 1987
03/04/2012, 06:00 PM
بسم الله الرحمن الرحيم
يتوكل على الله وياخذ ...نيسان باترول ربع 2009 وفووق
..الشقردي..
03/04/2012, 06:08 PM
التاهو او اليوكن في جميع المواصفات الي ذكرتها واكثر,وانا مجرب اليوكن 2008.
You Like Me
03/04/2012, 06:26 PM
بصراحه اشوف الاكسبلورر يجمع كل اللي ذكرت
وانصحك من مديل 2010 وفوق
hgrkhw
03/04/2012, 07:42 PM
تاهو يوكون اف جي تاهو واليوكن راحه. رساوه
هيبه الخ الافجي اللي صممه سكران صراحه ابوابه مدرد وش شرون
جايه يوكن او تاهو وتوكل على الله وصل الاستخاره وبيوفقك ربي ان شاء الله×
بريدآآآوي
03/04/2012, 07:43 PM
عندك تويوتا فورتشنر 6 سلندر رآئعه بكل ما تحمله الكلمة من معنى ..

السعر ما يتعدآ الـ125 فل اوبشن ..
مواصفات عالسريع ..
خفيف الوزن .. مكينة 4.0 لتر راسين 265 حصان .. 6 سلندر
دبل قير .. وفرامل مانع انزلاق ABS
ثلاث مكيفات وثلاث مراتب وشنطه حليلة تشيل الاغراض اللازمة .. وبالامكان فك المرتبة الثالثة .. والموتر ياخذ على حد اقصى 8 اشخاص بالغين ..
تحمل وقوة رهيبة .. بالخط رساوة لكن فيه اصوات هواء ..
فتحه ومثبت وسي دي وكراسي كهرب ..
السعر عند البيع ما يطيح ( مرغوب )
ألوان متعددة وأبرزها الاسود يجي كامل << اكييييد هههههههه
دعامية لكن مهيب حديد يسمونها سكسوكة !!
شبك فوق التنده تقدر تفكه بكل سهولة .. < حتى الدعامية تقدر ..
داخلي رائع يجي ديكور خشبي ..
مراتب مخمل وجلد ..
جنط 17 كروم شكل رائع
عائلية وشبابية بنفس الوقت .. يعني مثلا لو بتروح لعرس < عادي تقدر تكشخ به ! ههههههه
ومثل ما قلت لك السعر للفل اوبشن ما يتعدآ الـ125 الف
..

على مواصفات طلب خويك اللي قلتها ما اظن بيلقى افضل منه (( من ناحية السعر المطلوب )) خله يتوكل على الله بس ويروح يشوفه ومني لك بياخذه ان قاله الله ..
مجنون نحم
03/04/2012, 08:20 PM
اف جي رقم ١انا خذت ٢٠١١ قبل شهرين اصفار ب١٣٣ تقريبا وعلى اعلى مستوى ماشاء الله تبارك الله
قناص الأشهب
03/04/2012, 09:20 PM
أنا ما بقولك اني الخبير في السوق ولكن عندي الخبرة اللي تأهلني اتكلم عن السيارات بصفه عامة وأكثر اللي بأتحدث عنه عن واقع تجربة وخبرة
أرشح لك السيارة وبأذكر أهم ما يتميز فية وكذلك عيوبه على حسب ما ذكرت
1ـ أف جي كل الميزات اللي ذكرت فية ماعدا عدد الركاب وتصميمة يصعب رؤية الجاي من الخلف بسبب البدي من ناحية القزاز مسكر ولكن سيارة تستحق الأقتناء
2ـ برادو من أروع السارات وذافه وخفة وقوة وخاصة المواصفات الخليجية وبالأخص الكويتي يعيبة شكلة الخارجي شوي بس وإلا الرساوة اللي يتكلم عنها الشباب بحكم شكلة فهذا ماجرب الموتر ( سعره اغلا من حدك إلا أذا بتشتري مستعمل بسنة )
3ـ أكستيرا قمة في القوة والتحمل وقلة الصرفيه يعيبة عدد الركاب لأن المقاعد صفين زي الأف جي ( موتر يستحق الأقتناء )
4ـ الفورتشنر موتر فيه كثير من المواصفات اللي ذكرت عيبة الضيق الداخلي وسوء التوازن مع الفرامل ماعدا الفل منه
5ـ باجيرو آه يالباجيرو 5.8 صدقني من أفظل المواتر في فئته من الجيوب قوي و مريح وفخم و ثلاث صفوف من المراتب و أقتصادي وفيه كل مواصفات السلامة المرغوبة ويخدم أكثر مما سبق ولكن أذا بتتحمل هذا العيب بس ( خدمة الوكيل سيئة ) أما من ناحية غلا القطع فأنا أقولك التويوتا سار أغلا منه بكثير وأقل جودة موتر يستحق بكل جدارة الأقتناء
ما عليك الا تتخير على حسب رغبتك ولاتنسى الأستخارة موفق ان شاء الله
بدوي جنوبي
03/04/2012, 10:38 PM
أكسبديشن 2012 قصير ب 120 الف تقريبا
تميم2222
03/04/2012, 11:21 PM
اخوي اذا انت راعي جووور على السياره ... فلا تعدى النيسان او تويوتا ... اذا انت استخدام حشمه انصحك بيوكن او التاهوو سعر مناسب ..وتصميمه جميل والله يوفقك
كاشت وحداني
04/04/2012, 02:14 AM
الاكسبديشن مناسب جدا
امشعري2
04/04/2012, 05:24 AM
اخي نصيحة لوجه الله
لاتروح يمين ولا شمال
خذ لك تويوتا ويستحب كروزر ولو مستعمل
قناص 28 عفيف
04/04/2012, 05:50 AM
1- تتحمل الكرف والمطبات وتتحمل حرارة جو الغربية ومكيفها جيد ويعتمد عليها ، وماتقربع بسرعة بسبب الحفر والسياقة الشبه خشنة لبعض الوقت وليس دائما.
نعم

2- أعطالها قليله ، وقطعها تدوم فترة أطول من منافسيها.

نعم
3- قطع غيارها رخيصة أو على الأقل متوسطة السعر.

اسعارها متوسطه بس ركب القطعه وانساها
4- قطع غيارها متوفرة ، لكي لا يضطر للطلبية أو الرجوع لفرع بمدينة كبيرة حتى يحصل عليها ، علما بأنه من سكان جدة ولكن يخاف يتوهق بقطعة عند سفره للجنوب.

ماادري عن هالنقطه بس اتوقع متوفره في المدن الكبيره

5- مريحة المركب.

نعم
6- حجم مناسب ذو هيبة بالخط حتى لا يتعرض للمضايقات والصكصكة ، (وبمناسبة ذكر الحجم المناسب يحبذ أن تكون 6 سلندر حتى تشيل نفسها بالطلعات والخطوط)

6 سلندر وفي نوعين عدد الاحصنه تختلف بس اخذ الاكبر 3800 سي سي
7- شكل داخلي مقبول ذو فخامة مقبولة ولايشترط التكلف.

شكله حلو داخلي والناس اذواق

8- شكل خارجي مقبول.

نفس الرد على رقم 7
9- وسائل أمان وسلامة مقبولة ، مانع الإنغلاق ABS ، الثبات الإلكتروني VSC ، موزع الفرامل الإلكتروني EBD

افضل مافي الباجيرو رساوته ووسائل السلامه الي موجوده فيه وجودته
ادخل الرابط هذا بتحصل مزايا وعيوب الباجيرو
http://www.assayyarat.com/forums/thread129581.html


وانا رائيى تجرب السيارات الي في بالك من مكتب التاجير يومين وشف السيارات قبل تتوهق والي يجوز لك اخذه وكاله
ودعواتك لي بالتوفيق
بن سليمان
04/04/2012, 08:13 AM
من الامريكي ياخذ اكسبديشن دبل قصير قوة وحق كرف وحتى يصلح للتحميل عضلاته قويه والبدي متماسك وبنفس الوقت مريح ووسيع
http://images.newcars.com/images/car-pictures/car-defaults/large/2012-ford-expedition.jpg

من الياباني باجيرو ياباني اصلي وقديم ومجرب وفخامة داخليه غير طبيعية
http://automotiveauto.info/wp-content/uploads/2012/01/2012-Mitsubishi-Pajero.jpg

واتوقع اسعارها في حدود 130 الف
زيــآدِ
04/04/2012, 09:19 AM
زود دراهمك وخذ لك لاند كروزر
مسير عليهم
04/04/2012, 09:36 AM
اذا عندك عائلة خذ يوكون او تاهو والتجربة خير برهان
XML FLASH
04/04/2012, 09:39 AM
سيكويا 2011 دبل فتحة اذا جازت لك تران بياع........
ابو رسيل2
04/04/2012, 09:40 AM
اشوف اغلب الشباب يمدح الفورتشنر واتوقع السبب ان سعره قريب من المبلغ اللي طرحته
لكن ما ذكروا عيوبه القاتلة :
1- ضيق السيارة (المسافة بين البابين قصيرة)
2- عزم طايح للستة سلندر وخصوصا ان خويك من الجنوب والسيارة اثبتت فشلها عندنا في الجنوب .
3- قطع الغيار لكامل سيارات تويوتا اصبحت لا تطاق
.......................
وعلشان اكون منصف باذكر لك عيوب السيارات الاخرى :
الامريكي : يسخن في المنحدرات والعقيب ولا يتحمل الكرف .
النيسان : يتفكفك بسرعه عند القيادة الخشنه اما مواد التصنيع الداخلية فاجود بكثير من تويوتا.
الباجيرو : قطعه اغلى من التويوتا مع ان تويوتا غالية مره .

لذلك صعب تلاقي الايام هذي جيب يستقر عليه رأي .

انصحك بالديورانجو الجديد لان سعره لا زال ينطال ومعقول ولكن يضحي بالقوة والتماسك سعره حوالي 110 الاف.
او بجيب ( بايلوت) من هوندا (فضيع جدا) ولكن يضحي بتوفر القطع وغلاها وسعره تقريبا 130 الف
او جيب باجيرو ولكن قطعه غاليه جدا
او باثفايندر ويتحمل مشاكل النيسان

وهذا الواقع المؤلم ... ولا يجي احد مطفي الانوار متعصب لاي شركة ويدافع عنها لان هذا هو الواقع
طويق 2010
04/04/2012, 10:09 AM
للراحة / يوكن تاهو قراند شيروكي درانجو دودج
أما للجلد / فعندك تويوتا ونيسان والرانجلر
أما للرزة / كيان بي أم دبليو أووودي فلكس واجن جيب مرسدس الهمر

وسلامتك
ابوعزيز707
04/04/2012, 03:55 PM
اخوي انسب سياره هي الاف جي قير عادي سعره128 وفي كل الموصفات المطلوبه في الامان اضف الدف لوك والتراكشن كنترول ورخص قطع الغيار وتوفرها في كل مكان
بن جابي
04/04/2012, 06:35 PM
ياخوك طلباتك ماله الا التاهو او يوكن
أطلال نجد
06/04/2012, 07:35 AM
http://up13.up-images.com/up/viewimages/2914ce3ecf.jpg
مطر وربيع
06/04/2012, 12:53 PM
الفورد الاكسبدشن عليه عرض ب115 على ما اذكر 4x4 بسعر الي بدون دبل
وعندك الفورتشنر وعندك الباثفندر وعندك الاكستيرا والافجي والرانجلر والشروكي والجراند شروكي 6 سلندر
والدرانقوا 6 سلندر والباجيرو والباجيرو سبورت وربع التايوتا هههههه ماخليت شي في السوق الا وقلته
مهزوز
06/04/2012, 01:10 PM
السلام عليكم ورحمة الله وبركاته مالك الا تويوتا لاند كروزر فئة G سائل عن قيمته قبل اسبوعين 140 الف موديل 2012 الحين بتلقا سعره نازل شوي جميع المواصفات الي قلت موجوده فيه وشكرا
المميـز
08/04/2012, 02:34 AM
:

فورتشنر 6 سلندر 2012 لون لؤلؤي فل كامل شاشه وكاميرا ومواصفات إلخ ....

بسعر معقول 128 الف تقريبا وقد يكون اقل والله اعلم

السعره اعتبره معقول بالنسبه لمواصفات وقوة مكينة السيارة مقارنه لنفس فئتها من الشركات الثانيه

عليك بالاستخاره بعد الاستشاره
والله يكتب لك اللي فيه الخير

:
غروب الافق
10/04/2012, 04:54 PM
السلام عليكم اخوي hnno مواصفاتك اللي طلبتها يمكن يكون اغلبها متوفرة في الفورتشنر 6 سلندر بالقيمه او المبلغ اللي معك هذا اللي بتجيب لك افضل واجود وبصراحه ماشاء الله اشوفه منتشر بكثره بالذات 2012 في كل مكان تروح اللا ماتحصله اثبت وجوده وانت عاد فكر ومبروك مقدما على الموتر اللي يقع عليه الاختيار وبالتوفيق تحياتي
hnno
10/04/2012, 06:19 PM
اذا عندك عائلة خذ يوكون او تاهو والتجربة خير برهان
لا والله أخونا عزوبي ، لكن يرغب سيارة بالحجم المتوسط


سيكويا 2011 دبل فتحة اذا جازت لك تران بياع........
الله يبارك لك بالبيعة الطيبة


اشوف اغلب الشباب يمدح الفورتشنر واتوقع السبب ان سعره قريب من المبلغ اللي طرحته
لكن ما ذكروا عيوبه القاتلة :
1- ضيق السيارة (المسافة بين البابين قصيرة)
2- عزم طايح للستة سلندر وخصوصا ان خويك من الجنوب والسيارة اثبتت فشلها عندنا في الجنوب .
3- قطع الغيار لكامل سيارات تويوتا اصبحت لا تطاق
.......................
وعلشان اكون منصف باذكر لك عيوب السيارات الاخرى :
الامريكي : يسخن في المنحدرات والعقيب ولا يتحمل الكرف .
النيسان : يتفكفك بسرعه عند القيادة الخشنه اما مواد التصنيع الداخلية فاجود بكثير من تويوتا.
الباجيرو : قطعه اغلى من التويوتا مع ان تويوتا غالية مره .

لذلك صعب تلاقي الايام هذي جيب يستقر عليه رأي .

انصحك بالديورانجو الجديد لان سعره لا زال ينطال ومعقول ولكن يضحي بالقوة والتماسك سعره حوالي 110 الاف.
او بجيب ( بايلوت) من هوندا (فضيع جدا) ولكن يضحي بتوفر القطع وغلاها وسعره تقريبا 130 الف
او جيب باجيرو ولكن قطعه غاليه جدا
او باثفايندر ويتحمل مشاكل النيسان

وهذا الواقع المؤلم ... ولا يجي احد مطفي الانوار متعصب لاي شركة ويدافع عنها لان هذا هو الواقع
كلام جميل جدا وواقعي ، أنا متفق معك بأغلب النقاط اللي ذكرتها ، على طاري النيسان ومشاكله ، أنا أفكر بالاكستيرا ، إذا عندك أي معلومة عنه أو عن النيسان عموما لاتبخل علينا بارك الله فيك

للراحة / يوكن تاهو قراند شيروكي درانجو دودج
أما للجلد / فعندك تويوتا ونيسان والرانجلر
أما للرزة / كيان بي أم دبليو أووودي فلكس واجن جيب مرسدس الهمر

وسلامتك
الله يسلمك ، عز الله أنك جبت الزبدة ومن الأخير


اخوي انسب سياره هي الاف جي قير عادي سعره128 وفي كل الموصفات المطلوبه في الامان اضف الدف لوك والتراكشن كنترول ورخص قطع الغيار وتوفرها في كل مكان

صدقت ، مواصفات الامان طيبة واطلعت عليها بموقع تويوتا ، لكن إصطدام الهوا بالزجاج الأمامي يسبب إزعاج قوي ، أضف إلى أن السيارة ما تجي قير أوتو ، والأوتو من أهم الأولويات بس نسيت أضعه بالنقاط أعلاه ، أما القطع وتوفرها فما يحتاج ما شاء الله



ياخوك طلباتك ماله الا التاهو او يوكن


الأمريكي ما ودي أغامر بشرائه ، لاسيما أني جريته قبل كم سنة وفشلنا بالجنوب ، بسبب إرتفاع الحرارة
ألف شكر يالغلا


http://up13.up-images.com/up/viewimages/2914ce3ecf.jpg

لولا غلاء القطع كان أخذته من غير مشاور


الفورد الاكسبدشن عليه عرض ب115 على ما اذكر 4x4 بسعر الي بدون دبل
وعندك الفورتشنر وعندك الباثفندر وعندك الاكستيرا والافجي والرانجلر والشروكي والجراند شروكي 6 سلندر
والدرانقوا 6 سلندر والباجيرو والباجيرو سبورت وربع التايوتا هههههه ماخليت شي في السوق الا وقلته

يعطيك العافية أخوي ، ماشاء الله إطلاعك واسع على أنواع الدفع الرباعي


السلام عليكم ورحمة الله وبركاته مالك الا تويوتا لاند كروزر فئة G سائل عن قيمته قبل اسبوعين 140 الف موديل 2012 الحين بتلقا سعره نازل شوي جميع المواصفات الي قلت موجوده فيه وشكرا

السعر فوق+مواصفات ستاندر = معادلة غير ناجحة ، ناهيك عن بدء إرتفاع أسعار قطع اللاند بسبب أنه السيارة الأولى بتويوتا لدينا



:

فورتشنر 6 سلندر 2012 لون لؤلؤي فل كامل شاشه وكاميرا ومواصفات إلخ ....

بسعر معقول 128 الف تقريبا وقد يكون اقل والله اعلم

السعره اعتبره معقول بالنسبه لمواصفات وقوة مكينة السيارة مقارنه لنفس فئتها من الشركات الثانيه

عليك بالاستخاره بعد الاستشاره
والله يكتب لك اللي فيه الخير

:



السلام عليكم اخوي hnno مواصفاتك اللي طلبتها يمكن يكون اغلبها متوفرة في الفورتشنر 6 سلندر بالقيمه او المبلغ اللي معك هذا اللي بتجيب لك افضل واجود وبصراحه ماشاء الله اشوفه منتشر بكثره بالذات 2012 في كل مكان تروح اللا ماتحصله اثبت وجوده وانت عاد فكر ومبروك مقدما على الموتر اللي يقع عليه الاختيار وبالتوفيق تحياتي

فكرت بالفورتشنر أكثر من مرة ، حجمه طيب وداخليته متواضعه مقبوله ، ومكينة طيبة وسعره لابأس ، بس مواصفات الأمان تكاد تكون معدومة بشكل مخيف


اغلب المواصفات الي تبيها ( تويوتا ) وفية موتر ثاني في بالي ما جربتة بس كلام النت يمدحونة وسعرة رخيص

وقطع غيار رخيصة ويتحمل من شركة هيونداي وشكلة حلو اسمة سنتافي بس مدري فية انظمة مثل الي تبي

والا لا وبالتوفيق انشالله ويفيدونك اهل الخبرة
لا والله لم تصل أنظمة الأمان فيه لمستوى الأمان بسيارات نيسان السياحية (أقل فئه)


اف جي
فيها كل مواصفات اللي قلتها
بس الداخلي لك عليه شوي
بختصار داخليه بسيط جدا

مشكلته أنه لا يأتي قير أوتو ، بالإضافة لحركة الباب اللي خربت مشاريع اللي يفكر يجعله للعائلة مستقبلا



:good:.. استعمال الكهرب قليل في السيارة .. فهو للبر أولا..وتلقى مستعمل بالقيمة..
عندك قراند شروكي الجديد.. طيب لكن الجودة ما ادري عنها..
الفورتشنر..مشكلته وسائل السلامة معدومة..
الباثفندر..مشكلته الهربدة والحرارة عن تجربة موديل 2009..
التاهو+اليوكن..اخو اجديد..
والله أعلم..


هل مشكلة حرارة الباثفاندر موجودة بالإكستيرا...؟
ويعطيك العافية على المقترحات


اتوقع يصلح لك الاكسبلور فيه كل المواصفات الي قلت وزود بس عزمة متوسط يعني يشيل روحه بالبر والطلعات

الباث فاندر حلو بعد اذا كان فل كامل وعزمة ممتاز

الاف جي ضيق ووسائل السلامة اتوقع بسيطه والداخليه غير مقبوله بس عزمة ممتاز جدا

وفيه الفورتشنر مايفرق عن الاف جي الاشكل الداخلي والخارجي لكنه افضل من الاف جي بالداخليه
صدقت الفورتشنر أفضل بالداخلية من الإف جي


الفورتشنر ممتاز

المفروض يسمونه هدد ماشاء الله تبارك الله فيه دف لوك وخفيف والفل يجي قير عادي وسعره أرخص من130
الله كريم


بسم الله الرحمن الرحيم
يتوكل على الله وياخذ ...نيسان باترول ربع 2009 وفووق

ربع...؟ ما ظنتي ، أغلب وقته داخل المدينة وماراح يحلله مثل ما يقولوا


التاهو او اليوكن في جميع المواصفات الي ذكرتها واكثر,وانا مجرب اليوكن 2008.

وأنا بعد جربت التاهو ما شاء الله عليه داخل المدينة ، بس السؤال هل يعتمد عليه في الصيف بطلوع العقبات..؟



بصراحه اشوف الاكسبلورر يجمع كل اللي ذكرت
وانصحك من مديل 2010 وفوق


الله كريم
ألف شكر أخوي


تاهو يوكون اف جي تاهو واليوكن راحه. رساوه
هيبه الخ الافجي اللي صممه سكران صراحه ابوابه مدرد وش شرون
جايه يوكن او تاهو وتوكل على الله وصل الاستخاره وبيوفقك ربي ان شاء الله×
آمين ومن قال يارب



عندك تويوتا فورتشنر 6 سلندر رآئعه بكل ما تحمله الكلمة من معنى ..

السعر ما يتعدآ الـ125 فل اوبشن ..
مواصفات عالسريع ..
خفيف الوزن .. مكينة 4.0 لتر راسين 265 حصان .. 6 سلندر
دبل قير .. وفرامل مانع انزلاق ABS
ثلاث مكيفات وثلاث مراتب وشنطه حليلة تشيل الاغراض اللازمة .. وبالامكان فك المرتبة الثالثة .. والموتر ياخذ على حد اقصى 8 اشخاص بالغين ..
تحمل وقوة رهيبة .. بالخط رساوة لكن فيه اصوات هواء ..
فتحه ومثبت وسي دي وكراسي كهرب ..
السعر عند البيع ما يطيح ( مرغوب )
ألوان متعددة وأبرزها الاسود يجي كامل << اكييييد هههههههه
دعامية لكن مهيب حديد يسمونها سكسوكة !!
شبك فوق التنده تقدر تفكه بكل سهولة .. < حتى الدعامية تقدر ..
داخلي رائع يجي ديكور خشبي ..
مراتب مخمل وجلد ..
جنط 17 كروم شكل رائع
عائلية وشبابية بنفس الوقت .. يعني مثلا لو بتروح لعرس < عادي تقدر تكشخ به ! ههههههه
ومثل ما قلت لك السعر للفل اوبشن ما يتعدآ الـ125 الف
..

على مواصفات طلب خويك اللي قلتها ما اظن بيلقى افضل منه (( من ناحية السعر المطلوب )) خله يتوكل على الله بس ويروح يشوفه ومني لك بياخذه ان قاله الله ..

شبه كامل والكامل الله ، بس وسائل السلامة ماتجمل يالغلا ، ومافي أغلى من الروح ، يعني في حالة الإصطدام الجانبي لاقدر الله ، فإن رأس السائق والراكب الخلفي سيصطدم بالزجاج الجانبي لأنه لايوجد وسائد هوائية جانبية
يعطيك العافية أخوي الغالي


اف جي رقم ١انا خذت ٢٠١١ قبل شهرين اصفار ب١٣٣ تقريبا وعلى اعلى مستوى ماشاء الله تبارك الله
الله يبارك لك فيه


أنا ما بقولك اني الخبير في السوق ولكن عندي الخبرة اللي تأهلني اتكلم عن السيارات بصفه عامة وأكثر اللي بأتحدث عنه عن واقع تجربة وخبرة
أرشح لك السيارة وبأذكر أهم ما يتميز فية وكذلك عيوبه على حسب ما ذكرت
1ـ أف جي كل الميزات اللي ذكرت فية ماعدا عدد الركاب وتصميمة يصعب رؤية الجاي من الخلف بسبب البدي من ناحية القزاز مسكر ولكن سيارة تستحق الأقتناء
2ـ برادو من أروع السارات وذافه وخفة وقوة وخاصة المواصفات الخليجية وبالأخص الكويتي يعيبة شكلة الخارجي شوي بس وإلا الرساوة اللي يتكلم عنها الشباب بحكم شكلة فهذا ماجرب الموتر ( سعره اغلا من حدك إلا أذا بتشتري مستعمل بسنة )
3ـ أكستيرا قمة في القوة والتحمل وقلة الصرفيه يعيبة عدد الركاب لأن المقاعد صفين زي الأف جي ( موتر يستحق الأقتناء )
4ـ الفورتشنر موتر فيه كثير من المواصفات اللي ذكرت عيبة الضيق الداخلي وسوء التوازن مع الفرامل ماعدا الفل منه
5ـ باجيرو آه يالباجيرو 5.8 صدقني من أفظل المواتر في فئته من الجيوب قوي و مريح وفخم و ثلاث صفوف من المراتب و أقتصادي وفيه كل مواصفات السلامة المرغوبة ويخدم أكثر مما سبق ولكن أذا بتتحمل هذا العيب بس ( خدمة الوكيل سيئة ) أما من ناحية غلا القطع فأنا أقولك التويوتا سار أغلا منه بكثير وأقل جودة موتر يستحق بكل جدارة الأقتناء
ما عليك الا تتخير على حسب رغبتك ولاتنسى الأستخارة موفق ان شاء الله

أوفقك بأغلب نقاطك ، بخصوص البرادو في رأيك يكلف موديل 2011 شبه جديد
وعلى طاري الإكستيرا هل يوجد فيه عيوب غير عدد الركاب ، لأن بصراحة صفين مقاعد يفي بالغرض
ألف شكر ، مشاركة تستحق النظر


الاكسبديشن مناسب جدا

أكسبديشن 2012 قصير ب 120 الف تقريبا
كبير جدا ، الله يكتب اللي فيه الخير
ألف شكر أخواني


اخوي اذا انت راعي جووور على السياره ... فلا تعدى النيسان او تويوتا ... اذا انت استخدام حشمه انصحك بيوكن او التاهوو سعر مناسب ..وتصميمه جميل والله يوفقك
ومن قال ، يعطيك العافية


اخي نصيحة لوجه الله
لاتروح يمين ولا شمال
خذ لك تويوتا ويستحب كروزر ولو مستعمل
الله كريم
يعطيك العافية



من الامريكي ياخذ اكسبديشن دبل قصير قوة وحق كرف وحتى يصلح للتحميل عضلاته قويه والبدي متماسك وبنفس الوقت مريح ووسيع
http://images.newcars.com/images/car-pictures/car-defaults/large/2012-ford-expedition.jpg

من الياباني باجيرو ياباني اصلي وقديم ومجرب وفخامة داخليه غير طبيعية
http://automotiveauto.info/wp-content/uploads/2012/01/2012-Mitsubishi-Pajero.jpg

واتوقع اسعارها في حدود 130 الف

1- تتحمل الكرف والمطبات وتتحمل حرارة جو الغربية ومكيفها جيد ويعتمد عليها ، وماتقربع بسرعة بسبب الحفر والسياقة الشبه خشنة لبعض الوقت وليس دائما.
نعم

2- أعطالها قليله ، وقطعها تدوم فترة أطول من منافسيها.

نعم
3- قطع غيارها رخيصة أو على الأقل متوسطة السعر.

اسعارها متوسطه بس ركب القطعه وانساها
4- قطع غيارها متوفرة ، لكي لا يضطر للطلبية أو الرجوع لفرع بمدينة كبيرة حتى يحصل عليها ، علما بأنه من سكان جدة ولكن يخاف يتوهق بقطعة عند سفره للجنوب.

ماادري عن هالنقطه بس اتوقع متوفره في المدن الكبيره

5- مريحة المركب.

نعم
6- حجم مناسب ذو هيبة بالخط حتى لا يتعرض للمضايقات والصكصكة ، (وبمناسبة ذكر الحجم المناسب يحبذ أن تكون 6 سلندر حتى تشيل نفسها بالطلعات والخطوط)

6 سلندر وفي نوعين عدد الاحصنه تختلف بس اخذ الاكبر 3800 سي سي
7- شكل داخلي مقبول ذو فخامة مقبولة ولايشترط التكلف.

شكله حلو داخلي والناس اذواق

8- شكل خارجي مقبول.

نفس الرد على رقم 7
9- وسائل أمان وسلامة مقبولة ، مانع الإنغلاق ABS ، الثبات الإلكتروني VSC ، موزع الفرامل الإلكتروني EBD

افضل مافي الباجيرو رساوته ووسائل السلامه الي موجوده فيه وجودته
ادخل الرابط هذا بتحصل مزايا وعيوب الباجيرو
http://www.assayyarat.com/forums/thread129581.html


وانا رائيى تجرب السيارات الي في بالك من مكتب التاجير يومين وشف السيارات قبل تتوهق والي يجوز لك اخذه وكاله
ودعواتك لي بالتوفيق


لولا غلاء القطع ، مثل ما قلت سابقا مايحتاج أشاور في الباجيرو
ألف شكر أخواني على ترتيب الرد ، والمعلومات


زود دراهمك وخذ لك لاند كروزر
للأسف حدي 130
ألف شكر
ابوسند9
10/04/2012, 07:11 PM
توكل على الله وخذ اكستيرا قوه ونشاط مو صاحي ومع اغلب الشباب انواع التطعيس والعسف وما قال شي
والباجيرو ممتاز ورساوه وبالنسبه لقطع الغيار ما شاء الله انسى انه يطلب
ابونبيل
11/04/2012, 02:20 AM
الفورتشنر او الافجيه
قطب 999
11/04/2012, 12:24 PM
هذا الجيب اللي تدور عليه


http://www.autowp.ru/pictures/toyota/land_cruiser/autowp.ru_toyota_land_cruiser_za-spec_9.jpg

http://img-fotki.yandex.ru/get/4509/volosiva.1de/0_3de87_2a6653f9_-1-L
http://www.autowp.ru/pictures/toyota/land_cruiser/autowp.ru_toyota_land_cruiser_za-spec_1.jpg
أبو هشام راشد
11/04/2012, 01:11 PM
ما دام السيارة جديدة فهي بإذن الله مناسبة إذا كانت 6 سنردل وفوق وبما ان عائلته صغيره فليفكر بسيارة أصغر أوفر في الاستهلاك وأريح وأقل أعطال
والله ييسر للجميع ما فيه الخير
أطلال نجد
11/04/2012, 03:04 PM
أخوي الباجيرو إذا أخذته جديد 7 سنوات بنزين وزيت فقط بإذن الله
وإذا طلب ركب وأنسى متى ركبت القطعة لأن قطع غياره ذات جودة عالية ولا تقارن بجودة التويوتا أو النيسان من واقع تجربة
على فكره .. يوجد ورش وموزعين قطع غيار متخصصه بالباجيرو وبأسعار مناسبة ولن تحتاج إلى الوكالة أبداً بإذن الله
أختصر عليك المشورة
لن تجد في سوقنا سيارة دفع رباعي بمحرك قوي ومواصفات وفخامة وجودة أفضل من الباجيرو بهذا السعر
بالتوفيق
mezen311
12/04/2012, 11:44 AM
كل التحية للاعضاء المشاركين
و لا خاب من استشار و الكل ادلى بدلوه
توكل على الله و استخر من توصيات الشباب
و الله يوفقك
P O W E R
12/04/2012, 03:48 PM
اف جي ولك التجربه
][][زلفاوي][][
13/04/2012, 12:07 PM
وانا اخوك طلباتك جميلة لكن كلها مجتمعة بموتر واحد صعبة.. صحيح انها تتوفر بالتويوتا او النيسان أو يمكن الميتسوبيشي لكن شف الفئة اللي تتوفر فيها هالمواصفات او الطلبات واعتقد ان مبلغ 130ألف ما يغطيها ابد.. من هنا و حقيقة ابنصحك بالامريكي واحدد الجمس او الشفر.. ولك الخيار اما يوكون او تاهو او صالون مثلاً.. وابعد عن الفورد لانه حقيقة عملي لكن ما انصح فيه للاستخدام الشاق..
باترول - 91
13/04/2012, 05:52 PM
مستوبيشي حقت كرف
عبدالله الغربي
13/04/2012, 06:36 PM
http://www.almuraba.net/2013/Ford-Explorer/epr13_pg_029_ext_full.jpg
hnno
14/04/2012, 07:53 PM
توكل على الله وخذ اكستيرا قوه ونشاط مو صاحي ومع اغلب الشباب انواع التطعيس والعسف وما قال شي
والباجيرو ممتاز ورساوه وبالنسبه لقطع الغيار ما شاء الله انسى انه يطلب

صدقت ياخوك مثل ما سمعت عند الكثير عن الاكستيرا أنه قوي وحق كرف ، لكن سمعت أن سيارات نيسان بشكل عام تتفكفك بسرعة ...! هل من معلق بهذه النقطة



الفورتشنر او الافجيه

الله كريم
يعطيك العافية




هذا الجيب اللي تدور عليه


http://www.autowp.ru/pictures/toyota/land_cruiser/autowp.ru_toyota_land_cruiser_za-spec_9.jpg

http://img-fotki.yandex.ru/get/4509/volosiva.1de/0_3de87_2a6653f9_-1-L
http://www.autowp.ru/pictures/toyota/land_cruiser/autowp.ru_toyota_land_cruiser_za-spec_1.jpg

السيارة هذي مايحتاج بالكرف والقوة والتحمل ، بس ياخوك وسائل السلامة معدومة ، حتى إيرباق للسائق لايوجد
ينطيك العافية يالنشمي




ما دام السيارة جديدة فهي بإذن الله مناسبة إذا كانت 6 سنردل وفوق وبما ان عائلته صغيره فليفكر بسيارة أصغر أوفر في الاستهلاك وأريح وأقل أعطال
والله ييسر للجميع ما فيه الخير

أمين ، تسلم حبيبي الله يقدم اللي فيه الخير للجميع




أخوي الباجيرو إذا أخذته جديد 7 سنوات بنزين وزيت فقط بإذن الله
وإذا طلب ركب وأنسى متى ركبت القطعة لأن قطع غياره ذات جودة عالية ولا تقارن بجودة التويوتا أو النيسان من واقع تجربة
على فكره .. يوجد ورش وموزعين قطع غيار متخصصه بالباجيرو وبأسعار مناسبة ولن تحتاج إلى الوكالة أبداً بإذن الله
أختصر عليك المشورة
لن تجد في سوقنا سيارة دفع رباعي بمحرك قوي ومواصفات وفخامة وجودة أفضل من الباجيرو بهذا السعر
بالتوفيق

الخوف ماهو من أن السيارة تتحمل أو لا ، السيارة لايعلو عليها بالنقط اللي ذكرتها وهذا الكلام ما يختلف عليه إثنين ، الخوف إذا صار لك حادث لاسمح الله ، تبي تغرف من جيبك لتصليحها ، خصوصا القطع الغير إستهلاكية مثل الأبواب والرفارف والشمعات وغيره ، ترى أسعارها ناااار




كل التحية للاعضاء المشاركين
و لا خاب من استشار و الكل ادلى بدلوه
توكل على الله و استخر من توصيات الشباب
و الله يوفقك

آمين ومن قال يارب
بإذن الله ماراح أخرج عن السيارات المقترحة




اف جي ولك التجربه

الله كريم




[][زلفاوي][][;8255321']وانا اخوك طلباتك جميلة لكن كلها مجتمعة بموتر واحد صعبة.. صحيح انها تتوفر بالتويوتا او النيسان أو يمكن الميتسوبيشي لكن شف الفئة اللي تتوفر فيها هالمواصفات او الطلبات واعتقد ان مبلغ 130ألف ما يغطيها ابد.. من هنا و حقيقة ابنصحك بالامريكي واحدد الجمس او الشفر.. ولك الخيار اما يوكون او تاهو او صالون مثلاً.. وابعد عن الفورد لانه حقيقة عملي لكن ما انصح فيه للاستخدام الشاق..

الله يجزاك بالخير ، وأنا حاطن ببالي نيسان أو تويوتا




مستوبيشي حقت كرف

صدقت يا خوك ، بدليل أن الموديلات القديمة إلى يومك هذا ماشية بالشوارع




http://www.almuraba.net/2013/Ford-Explorer/epr13_pg_029_ext_full.jpg

يعطيك العافية حبيبي
الله كريم
hnno
14/04/2012, 08:00 PM
تفاعل كبير لم أتوقعه صراحة ، المنتديات الخاصة بالسيارات لم يكن تفاعلهم مثل هذا المنتدى
حاب أشكر جميع المشاركين بالرأي ، ماقصرتوا يا أخوان ، خذيت معلومات منكم واستفدت من خبراتكم وآراءكم
أحب أشكر أيضا إدارة المنتدى ، على إتاحة الفرصة للإستشاره من أصحاب الخبره
وإن شاء الله عند الشراء سأنزل تقرير مدعم بالصور والمعلومات عن السيارة
صراحة لم أستقر على سيارة معينة ، ولكن غالبا ستكون إما تويوتا أو نيسان
والسلام عليكم