تحذير من محل قطع الغيار داخل مركز اليرموك لصيانة السيارات

[الجندلي]

السلام عليكم ورحمة الله
دخلت موتري صيانه دوريه لميزان اليرموك بحي الروابي بالرياض..(فحمات..سيور..فلاتر..بواجي. .وتشييك) المهم قالو لي تجيب القطع ولا نجيبهن!!! قلت وشلون الاسعار؟قالوا مثل السوق..طيب توكلوا على الله..بعد ما استلمت السياره..والفاتوره..قلت خل ابشيك على الاسعار..وادق على راعي قطع بالصناعيه. .بن مظفر. .وطلعت الاسعار اعلى من المعدل الطبيعي بكثييييير..رجعت لهم قلت ورا اسعاركم نار. .قالوا هذا السعر بعد الخصم!!!
قلت حسبي الله ونعم الوكيل..
طبعا الخطأ مني انا. .
هو خطأ وقعت فيه وحبيت ان غيري يتجنبه. ..
تحياتي للجميع

[اتجاه السحاب]

جزاك الله خير على التنبيه

[hgrkhw]

مسكور على المعلومه وماقصرت اليوم لاتامن احد
دقق وراهم وخلك نشبه يمشون معك سيده تدلعهم
بيبزوطون عليك

[abo naser 1]

السلام عليكم

أفضل زبون للمراكز والورش الي يحط السيارة ويقول عطوني فواتير عليها اذا جيت تستلمها

ها الصيانة الي ذكرت ماتستغرق ساعة جب القطع من الصناعية القديمة وأشرف على سيارتك بنفسك حتى لو ماتفهم وجودك ضروري وأسئل وطل وناظر تشوف بعض الأحيان شي حتى الي ما يفهم يعرف أنه غلط وأسعار اليرموك وغيره من عضيب وطقته الي في الصناعية تختلف عن المركز الي خارج الصناعية وأحرص تجي قبل الرواتب أجور اليد أقل من بعد الراتب وأخف زحمة

[ابوسند9]

جزاك الله خير
لكن المشكله مو با السعر الزائد
المشكله ايش نوع القطع اللي ركبوها!يمكن مركب لك تجاري على انه اصلي وحتى لو كانت الفواتير من ابو جميل

[شاعر وحساس]

صار لي معهم العن من موقفك وهو تركيب قطع خايسه من محلهم اللي قدام المركز تللي بالصناعيه القديمه

[SHOT]

شراء القطع بنفسك و التسعير أيضاً و كذلك إشرافك المباشر على الفك و التركيب أمر ضروري
لا تأمن أحد

[مسير عليهم]

الافضل تشتري القطع بنفسك اذا اول مره تتعامل معهم وتشرف عليهم وقت تركيبها

اليرموك في الصناعية القديمة اسعارهم معقوله

[مسير عليهم]

الافضل تشتري القطع بنفسك اذا اول مره تتعامل معهم وتشرف عليهم وقت تركيبها

اليرموك في الصناعية القديمة اسعارهم معقوله

[adnanmgh]

جزاك الله خير على التنبيه

[أطلال نجد]

تعود على تسعير وشراء كل أمورك بنفسك من قطع غيار سيارات و قطع غيار منزلية مثل مكيفات وثلاجة ووو ولا تنسى أيضاً تأخذ على أي شيء تشتريه فاتورة
أنا صار لي مثل ما صار معك لكني تأدبت بعدها !
جزاك الله خير على تنبيه أخوانك

[RB3_2010]

والله يابعض هالورش مايخاف الله تلقاه يركب قطع تجاريه ويعطيك اياها بقيمه الاصلي وزياده

انا مره رحت للصناعيه القديمه في الرياض كان معي هايلكس جديد مالي اسبوعين مطلعه من الوكاله

المهم رحت وقصيت شوي من الياي اللي قدام عشان ينزل وطبيعي ان الموتر بتصير كفراته اللي قدام مايله شوي بسبب التنزيل

رحت لميزان العضيب ووقفت عندهم وقلت له ابيك توزن لي كفرات قدام قال لي خلاص رح وقف الموتر علئ الحفره

ووقفته ويجيون اثنين فلبينين ويناضرون تحت الموتر بعدين راحو وكلموا السوري المدير واجي لمه قلت يالله ابدو اشتغلو

قال اووه انت سيارتك تبغا اذرعه يالله بسرعه روح جيبهن ويقولها كانه يقول عجل عشان يخلص بسرعه

واناضره مستغرب قلت ياخي موتري جديد ابيك تعدل الكفرات بس ما ابي اغير شي

ووزنوها والحمدلله الموتر استخدمته اكثر من سنتين ولا فيه اي خلاف

لاكن بعض الورش ما نقول الا حسبي الله ونعم الوكيل

[قلم فنان]

لو كلمت السودانى تاج تراهو حبيب كان حل المشكله لانى اعرفو من قديم ايام الصناعيه

[خيال الغلبا]

اليرموك كثير من الناس يظن انه هو نفسه اللي في الصناعيه

علما بان صاحب ميزان اليرموك المحلات الجديده لاعلاقة له بالقديم

انتبهواااااااااااا


الجديد ابن عمهم ولسا داخل بالصنعة جديد وعمالته ماعندهم اي خبرة ويبالغون ويكذبون حسب تجربتي

صاحب المحلات الجديدة استعار اسم الميزان القديم ليوهمكم انه صاحب خبرة قديمه


اذا انت مصمم على اليرموك اذهب للقديم اللي في الصناعية القديمة

[قلم فنان]

اليرموك كثير من الناس يظن انه هو نفسه اللي في الصناعيه

علما بان صاحب ميزان اليرموك المحلات الجديده لاعلاقة له بالقديم

انتبهواااااااااااا


الجديد ابن عمهم ولسا داخل بالصنعة جديد وعمالته ماعندهم اي خبرة ويبالغون ويكذبون حسب تجربتي

صاحب المحلات الجديدة استعار اسم الميزان القديم ليوهمكم انه صاحب خبرة قديمه


اذا انت مصمم على اليرموك اذهب للقديم اللي في الصناعية القديمة
لا ياخوى من يوم ماعرفت السيارات وعرفت اليرموك هم هم مايختلفون والفى الروابى والسويدى كلهم واحد انت تقصد ميزان العضيب وليس اليرموك لانى بتعامل معاهم من قديم واعرفهم زين

[أطلال نجد]

مركز اليرموك ومركز الدرع والعضيب بالصناعية القديمة هذا أول شغلهم زين والآن شغلهم كله ماشي على السمعة
المراكز الجديدة جميعها مقلدة لهم وإذا جينا للجد
هذه المراكز عمالتها غير مدربه وغير مؤهله وتديرها عماله عربية الغالبية فيهم لا يخافون الله
سبق أن دخلت سيارتي عند مركز المجد ( عمالة أسيوية ) وخربوا الفحمات الأصلية والهوبات عندي بسبب قلة الخبرة والمعرفة في المكنيكا والتعامل مع مكينة المخرطة.
هذى خرط هوبات كيف بالشغالات الثانية الكبيرة مثل التوضيب والشنبر ومشاكل الدبل والدفرنشات ؟؟

[mezen311]

مسير عليهم (http://www.mekshat.com/vb/member.php?u=32061) http://www.mekshat.com/vb/images/statusicon/user_offline.gif
مكشاتي نشيط

الافضل تشتري القطع بنفسك اذا اول مره تتعامل معهم وتشرف عليهم وقت تركيبها

اليرموك في الصناعية القديمة اسعارهم معقوله

كلامك عين الصوووووووووووووووواب