يا اهل Vxr

[راع الاولة]

ياشباب ودي اشتري لاند كروزر بس ودي اخذ رايكم بحكم خبرتكم وخاصة في VXR وعندي بعض الاسئلة وهي

ايش الموصفات الضرورية الي تستاهل زيادة السعر لانكم عارفين كل ميزه وراها عشرة لاف :)
وهل تنصحوني بالهدرولك
وهل الفرق في الراحة كبير بين VXR و GXR يستاهل زيادة السعر الكبيرة
وتراني من الناس الي يفضلون الاوتومتيك وكيف هو في VXR
وهل كثرت عليكم الاسئلة :) ;)
وهل 2007 VXR بيتغير لاني سمعت كذا

والي عنده حاجات مهمه ما سئلت عنها يعلمنا وبيض الله وجيهكم مقدما :good:

[مسافر1]

أولاً هل انت من أهل البر بمعنى هل تريده للبر أو للديرة والخطوط ؟
لابد من فهم البر أنك راعي أيام في البر توجهه كيفما تريد نفود وجم وغير ذلك .. حتى تعطى العلم اللي يجمد على الشارب ..


أخر مواضيعي
الآن أثر فرس أبو زيد الهلالي .. ومكان ولا أروع .. (مسافر1)
http://www.mekshat.com/vb/showthread.php?t=49555 (http://www.mekshat.com/vb/showthread.php?t=49555)
قصر إبراهيم الأثري
http://www.mekshat.com/vb/showthread.php?t=49207 (http://www.mekshat.com/vb/showthread.php?t=49207)

[مروق]

السلام عليكم ...


حسب التجربه لل Vxr و Gxr فيه فرق وااضح في الاشياء التاليه ::


المحرك .. الفي اكس 8 سلندرات والجي اكس 6

القير .. الفي 5 غيارات والجي 4

الزجاج .. الفي معزول عن اشعه الشمس بنسبه 30 بالميه جميع الزجاج

الكبينه .. معزولة تماما" بالفي

صرفيه البنزين .. يفرق الربع تقريبا لصالح الفي اكس

صوت المحرك .. خافت جداا بالفكس ار

الاكسسوارت .. تفرق كثير لصالح الفكس ار





------------------------------------





واذا كان استخدامك للموتر للبر اكثر خذ قير عادي ..

واذا انت راعي مدينه وخطوط فالافضل التماتيك ولاعندك مشكله معه :cool:

[راع الاولة]

هلا والله بالمسافر 1 و مروق ماقصرتم واحب اقول لكم اني اروح البر في الشهر مرة كشتات وليس مقناص او تطعيس ولاتنسون تقلولي رايكم في الهيدروليك وهل يفرق كثير عن اليايات وهل يخرب بسرعه

[نجم الخرج]

نصيحتي لك اشتر فكس آر تماتيك افضل بكثير واريح من الجي اكس آر وخاصة كانك رجال تبي تستخدم , وترى بالنسبة للصرفيه قد يكون الفكس آر اقل صرفية من الجي اكس آر , ولاتنسى اخي صلاة الاستخارة والدعاء المأثور عن النبي صلى الله عليه وسلم , مع تمنياتي لك بالتوفيق ,,,,,,,,,,,,,,

[GXR_2005]

:)

اذا عندك دراهم (الله يبارك لك)

لا تحطها الا في أعلى المواصفات علشان ترتاح من الفوارق

[راع الاولة]

شكرا اخواني نجم الخرج الى ماعمري طبيتها بالمناسبة تصدقون اني ما زرت منطقة القصيم ولا مرة مع اني رحت الرياض والشرقية عدة مرات :confused: :j بالطائرة طبعا :D
وشكرا اخوي GXR 2005 على النصيحة بس ما احد ردلي على نظام الهيدرولك ب VXR هل هو زين والا لا
شكل اهل VXRS شايفين حالهم علينا لاكن هين نشترية ان شاء الله ويصير خير :) :)

[الوعب]

السلام عليكم و رحمه الله

راعي الاوله كيف حالك ,, بالنسبه لسؤالك عن نضام الهايدروليك ان شالله اني بجاوبك عليه
في البدايه انا اخوك من قطر ,, انتو في السعوديه عندكم تشعبات كثيره في السيارات
في الدوحه عندنا ماينزل الا الـ G , GX , GXR , VXR بس
شوف عزيزي نظام الهايدروليك انا شخصيا انصحك فيه ,, و انسى موضوع ان السياره ترتفع و تنزل ,, المفيد في الموضوع هو مثلا انك فتحت شنطه السياره و حملت فيها اغراض ( وزن ) طبيعي ان السياره راح تنزل من ورى وخاصتا السيارات هذي اي حموله تنزلها من ورى كثير ,, الفي اكس ار مثلا الي فيه هايدرولك خله شوي و راح تلقاه لحاله وازن نفسه و رجع لوضعه الطبيعي ,, يعني رفع نفسه من ورى و تساوا وهذا شي جدا ممتاز من ناحيه الشكل و الاهم من ناحيه الامان و ثبات السياره على الطريق ,, السلبي في الموضوع انه احتمال و احتمال بسيط انه يخترب الهيدروليك مع انه نادري ,, مثلا واحد من ربعي عنده vxr من سنه 98 و للحين شغال ولا فيه شي و اذا اخترب فا تبديل النظام كامل يكلف اقل من 300 ريال في الشركه
وشكرا

[راع الاولة]

السلام عليكم و رحمه الله


راعي الاوله كيف حالك ,, بالنسبه لسؤالك عن نضام الهايدروليك ان شالله اني بجاوبك عليه
في البدايه انا اخوك من قطر ,, انتو في السعوديه عندكم تشعبات كثيره في السيارات
في الدوحه عندنا ماينزل الا الـ G , GX , GXR , VXR بس
شوف عزيزي نظام الهايدروليك انا شخصيا انصحك فيه ,, و انسى موضوع ان السياره ترتفع و تنزل ,, المفيد في الموضوع هو مثلا انك فتحت شنطه السياره و حملت فيها اغراض ( وزن ) طبيعي ان السياره راح تنزل من ورى وخاصتا السيارات هذي اي حموله تنزلها من ورى كثير ,, الفي اكس ار مثلا الي فيه هايدرولك خله شوي و راح تلقاه لحاله وازن نفسه و رجع لوضعه الطبيعي ,, يعني رفع نفسه من ورى و تساوا وهذا شي جدا ممتاز من ناحيه الشكل و الاهم من ناحيه الامان و ثبات السياره على الطريق ,, السلبي في الموضوع انه احتمال و احتمال بسيط انه يخترب الهيدروليك مع انه نادري ,, مثلا واحد من ربعي عنده vxr من سنه 98 و للحين شغال ولا فيه شي و اذا اخترب فا تبديل النظام كامل يكلف اقل من 300 ريال في الشركه
وشكرا







حياك الله اخوي وبيض الله وجهك وفيت وكفيت وماحد قدنا جتنى الاجابة دولية :D من دولة قطر الشقيقة وتراني زرت قطر في التسعينات ايام مبارات السعودية وايران نعم الناس والله اتذكر عشان مايخرونا الجوازات طلع الشرطي في الباص واخذ جوازاتنا مره وحدة وحطها في كيس وراح ختمها وجابها وقال حياكم والله اني ماني ناسي الحركة هذي لاكن الله يجازي الي كان السبب :mad:

[الشقردي]

الاخ عزيز
اذا اخترب الهيدروليك, تبديل النظام كامل يكلف اقل من 300 ريال أو 3 آلاف ريال سعودي ؟؟؟ أرجو التوضيح لأني سمعت انه غالي جدا

أما مشكلة نزول السيارة بعد التحميل تقدر تحلها بحلول أقل كلفه من هالنظام (تلقى موضوع في المواضيع المميز في الخيمة) لكن تجدر الاشارة الى اني قبل كم يوم جيت أغير مساعدات الفكسار (طبعا اللي معي بدون هيدرولك) سألت الوكيل قالي ب70 ريال سعودي تقريبا (الله يديم الرخص) ويوم سألت عن المساعد اللي يجي مع الفكسار هيدروليك قالوا لي بحول 300 ما أذكر بالضبط. المهم في الموضوع انه احتمال ان قطع غيار السيارة اللي تختص بالتعليق يمكن تكون أغلى في السيارات اللي فيها هيدروليك

الاخ راعي الاوله ,,,, معك دراهم نصيحه لا تفكر بغير الفكسار وتوما تيك, حسب قولك ان مكاشيتك بالشهر مره خذه وتوكل على الله معنا واحد موديل 98 والى الان ماشى ولله الحمد

واما من ناحية الشكل فيه احتمال يتغير واذا انت معجبك الشكل الحالي ومقتنع فيه خذه, أما اذا ممكن تصبر للشكل الجديد أصبر ومنها يكون لك الخيار أوسع بين الشكلين.

[راع الاولة]

الاخ عزيز
اذا اخترب الهيدروليك, تبديل النظام كامل يكلف اقل من 300 ريال أو 3 آلاف ريال سعودي ؟؟؟ أرجو التوضيح لأني سمعت انه غالي جدا

أما مشكلة نزول السيارة بعد التحميل تقدر تحلها بحلول أقل كلفه من هالنظام (تلقى موضوع في المواضيع المميز في الخيمة) لكن تجدر الاشارة الى اني قبل كم يوم جيت أغير مساعدات الفكسار (طبعا اللي معي بدون هيدرولك) سألت الوكيل قالي ب70 ريال سعودي تقريبا (الله يديم الرخص) ويوم سألت عن المساعد اللي يجي مع الفكسار هيدروليك قالوا لي بحول 300 ما أذكر بالضبط. المهم في الموضوع انه احتمال ان قطع غيار السيارة اللي تختص بالتعليق يمكن تكون أغلى في السيارات اللي فيها هيدروليك

الاخ راعي الاوله ,,,, معك دراهم نصيحه لا تفكر بغير الفكسار وتوما تيك, حسب قولك ان مكاشيتك بالشهر مره خذه وتوكل على الله معنا واحد موديل 98 والى الان ماشى ولله الحمد

واما من ناحية الشكل فيه احتمال يتغير واذا انت معجبك الشكل الحالي ومقتنع فيه خذه, أما اذا ممكن تصبر للشكل الجديد أصبر ومنها يكون لك الخيار أوسع بين الشكلين.

حياك الله اخوي وعلى اسمك شقردي اذا فعلا بيتغير سوف انتظر افضلي لانه حتى لو ما اخت الشكل القديم بينزل سعر القديم زيادة بس ما احد يدري متى ينزل عساه ماهو بعد الصيف وتروح علينا الصيفية
وعندي سؤال هل للي عندهم نظام هيدرولك هل الفايدة منة بس التحكم في الارتفاع والا اريح من العادي لان مشكلة الهيدرولك مايجي الا في اغلى فئة من الفكس ار على حد علمي :)

[همام الحارث]

اخي العزيز .......................

نصيحة مجرب خذ ال في اكس اذا تبي الراحه والوجاهه وقلة صرف البنزين وافضل القير الاتوماتيك لانه مريح وما رايح يسبب لك مشاكل في القير وابتعد عن الهيدرولك لانه اذا اخترب عليك تصليحه يبغيله ميزانيه خاصه وانا جربت الانواع كلها ال في اكس والجي اكس واللكزس الجيب وعندي لك نصيحة خاصة لو انك تنتظر لشهرين لاني سمعت من وكالة البهوان في البريمي انه من المحتمل نزول الموديل الجديد خلال شهر 7 ميلادي .

وعليك مثل ما ذكر بعض الاخوه بالاستخاره قبل المبادره والله يوفقك .

[راع الاولة]

اخي العزيز .......................

نصيحة مجرب خذ ال في اكس اذا تبي الراحه والوجاهه وقلة صرف البنزين وافضل القير الاتوماتيك لانه مريح وما رايح يسبب لك مشاكل في القير وابتعد عن الهيدرولك لانه اذا اخترب عليك تصليحه يبغيله ميزانيه خاصه وانا جربت الانواع كلها ال في اكس والجي اكس واللكزس الجيب وعندي لك نصيحة خاصة لو انك تنتظر لشهرين لاني سمعت من وكالة البهوان في البريمي انه من المحتمل نزول الموديل الجديد خلال شهر 7 ميلادي .

وعليك مثل ما ذكر بعض الاخوه بالاستخاره قبل المبادره والله يوفقك .

شكرا اخوي همام ماقصرت :good:

[أبوعلي99]

الله يجزاكم كل خير على هذه المعلومات ...

[ابو نوااف]

الاخ عزيز
تحية طيبه للجميع حبيت ان اشارك بالموضوع بحكم انه عندي جيب في اكس ار وسبق انه تعطل فيه نظام الهايدروليك وصارت لي قصة ومواويل مع الوكاله قيمه اصلاح النظام بالوكاله يكلف 22000الف ريال غير اجور اليد بس قطع الغيار
كلفني نظام الهيدروليك 10500 ريال مع العلم ان كل قطعة من النظام انا اللي مشتريها من عند الوكيل وصرت اغير قطعه قطعه الين ما صلح النظام والحمد لله السيارة من ابدع ما يمكن الان
القطع :
1- 4 كور تجي علي الشاص قيمة الواحده 1550 ريال
2- طرمبة زيت الهيدروليك 3830 ريال .
3- مساعدات هيدروليك قيمة الواحد 380 ريال على ما اذكر
4- طرمبة هيدروليك ( علي شكل انبوبه غاز صغيرة معلقه على الشاص ) 1900 ريال
هذا غير اجور التركيب تقريبا 2000 ريال

[الشقردي]

ابو نواف الله يعوض عليك ولكن الموتر يستاهل من يتسلف عشانه << واحد يسمع بالفكسار

[الكونترولCONTROL]

لا تقرب الهيدروليك !!!
------------------
أصلا ال في اكس ار رقم 3 كله مشاكل ....
--------------------------------
افضل شي رقم 2 لا فتحة و لا ونش و لا هيدروليك ...... لأن الثلاث حاجات هذي تكلف صيانتها كثير
و تضر اكثر من نفعها ........ و انصحك برقم 2 اوتوماتيك . مثبت سرعة - يكفيك !!!! وكثير !!

[ابو نوااف]

جزاك الله خير اخي الشقردي الحمد لله على كل حال والله انها سيارة ما شاء الله ما تتعوض
اخي كنترول / والله لامشاكل ولا شي بالعكس اهم شي متابعه الصيانه مو شرط الوكاله متابعه منك تكفي للسيارة ماهو بس للجيوب لجميع السيارات

[هاوي الله]

الونش أهم شي في السياره وخاصه إذا كان اوتوماتيك بس المشكله إن الونش مايجي إلا بفتحه سقف وهذا شرط إلزامي@

لعنة الله على اللي يتحكم في المواصفات وبس @

[الكاسر23]

السلام عليكم ورحمة الله وبركاته

أخوي راع الأولة
ولا يهونون الربع

أنت متردد عشان كثر الكلام عن مشاكل الهيدروليك وتكاليف اصلاحه، كما ذكر اخونا نوااف، الي تصل إلى 20 ألف ريال تقريبا. خذ مني ايجابيات نظام الهيدروليك ، وكيف تحميه من العطال عشان لا تطيح في سلبياته وهي شي واحد فقط اللي هو تكلفة اصلاحه الغير عادية.
شوف اخوي
نظام الهيدروليك كما ذكر اخونا عزيز، فيه ميزة توازن السيارة خصوصا بعد زيادة الأحمال عليها، بحيث انها تعيد السيارة الى ارتفاعها الطبيعي، ويتحمل نظام الهيدروليك في الفي اكس ار 200 كجم على كل كفر بحد أقصى ، بمعنى أنك لو زدت الحمل عن 200 كجم على كل كفر ما راح يرتفع الجيب ويبقى نازل على ثقلة الموتر!!
ثانيا : ميزة الهيدروليك أنه وانت ماشي وفيه حمل على السيارة، وفيه منعطفات خطيرة، فيه جهاز كمبيوتر يرتبط بنظام الهيدروليك بحيث يعيد توازن السيارة أثناء المنعطفات ويمنع انقلابها. وهذه بحد ذاتها اهم ميزة.
ثالثا : الهيدروليك في وضعه الأدني (وهو نازل إلى آخر مستوى للأرض) يكون ارتفاعه أعلى من ارتفاع الجي اكس ار، وهذا من خبرتي في الجيوب لانه كان عندي الاثنين واقفه في البيت وأميز الارتفاع بينهم.
رابعا: في المواقع اللي فيها نقع ماء سواء في شوارع المدن أو البر لا تخاف ، ارفع الهيدروليك الى أعلى حد له وتوكل على الله حيث يزد ارتفاعه من الأمام 5 سم ومن الخلف 7 سم تقريبا.
كيف يتعطل نظام الهيدروليك :
يتعطل النظام في حال وجود حمل كبير داخل السيارة وأكلت لك مطب وانت مسرع في هذه الحالة فقط ينفقع الهيدروليك، وغير كذا ما عليه اي خلاف.
انا عندي في اكس ار 2003 واموره على ما يرام .. مركب وارتفاع تحس انك فوق العالم، بينما في الجي اكس ار حول السيارات الصغيره تقريبا مثل تاتا والباثفندر وغيرها وعندما تحملها تنزل اكثر ومع الوقت ينزل الموتر ويصير قرب من الأرض.
طع شوري وتراني باذن واحد احد ناصح لك.
والله يوفقك ويرزقك الرزق الطيب ولجميع المسلمين
اخوك
الكاسر

[anas]

اخي ابو نوااف :الله يجزاك خير ممكن تذكر لنا سبب الخراب .

اخي الكاسر 23 : طيب إذا باطعس إيش العمل او في الأماكن الصخرية اخاف يخرب الهايدروليك وما هي فائدة زر(off ) الموجود جنب زر الهايدروليك...وشكرا لكما على المعلومات الطيبة .

[ابو نوااف]

يا عزيزي انس السبب طول الله عمرك طحت بحفرة قويه على جهه وحده ( على كفرين ) الامامي والخلفي

[anas]

شكرا جزيلا لك اخي ابو نوااف..
وباقي اخي الكاسر ننتظر رده ..

[الكاسر23]

أخي راع الأولة
تحية طيبة وبعد
سواء كنت في منطقة صخرية أو رملية أو أنك تطعس .. الهيدروليك راح يكون في حالة On على طول ولا تقدر تفصلة ابدا. إلا في حالة أنك تروح للوكالة وتقول لهم يفصلون النظام وتبقى المساعدات تعمل كاي سيارة عادية وفي هذه الحالة راح تفقد ميزة التوازن في السيارة.
على فكرة في حالة التطعيس الهيدروليك راح يوازن لك السيارة في الميلات الخطيرة، لكن حرام سيارة قيمتها تصل الى 190-200 ألف ريال تطعس فيها. تراها مركب شيوخ.
أما الزر اللي جنب القير حق فصل الهيدروليك، فهو يعمل في حالة أن لديك شيبان أو عايلة وتبي تركبهم، وزي منت عارف الفي اكس ار مرتفع، ففي هذه الحالة تنزل الهيدوليك الى اخفض مستوى وتضغط هالزر حتى يبقي السيارة منخفضة حتى سرعة 40 كم/ ساعة، بس اذا زدت السرعة عنها راح يرتفع الهيدروليك اتوماتيكيا ويرجع لحالته الطبيعية، بينما لو انك نزلت الهيدروليك ولم تضغط زر فصل الهيدروليك فانه سوف يرتفع للحالة او المستوى الطبيعي له اذا وصلت سرعة السيارة الى 30 كم/ساعة.
على فكرة في شباب يطلبون من الوكالة تنزيل الهيدروليك الى اخفض مستوى له ويفصلون الهيدروليك ويحطون له زر فاصل خارجي. بس هالحركة تؤثر على النظام وممكن تفقع الهيدروليك في حال المطبات والحمل والسرعة العالية.
وشوف اخوي راع الأولة .. اذا انت محافظ على السيارة فتوكل على الله، ما راح يصير لها الا ما كتب الله.
ان شاء الله قدرت افيدك.
اخوك
الكاسر

[الكاسر23]

على فكرة أخوي راع الأوله فيه هناك ميزة رائعه في الهيدروليك ، وهي إن الهيدروليك تقدر تتحكم فيه حسب حالة الأرض اللي انت فيها، مثلا:
فيه أربع حالات لوضع الهيدروليك
الأول وهو للوضع الصلب، بمعنى يخلي الهيدروليك جامد وما يتحرك الا بصعوبه لان النظام ضاغط الزيت بقوة عالية في المساعدات، وبالتالي اقل مطب تحس ان السيارة راح تتفكك.
الحالة اللي تليها للوضع العادي وهي الطرق المسفلته.
الحالة اللي تليها للمناطق الرملية واللي فيها تمطبات بسيطه ، وفي هذه الحالة يلين الهيدروليك ويخفف عن السيارة المطبات بس ملحوظ ، يعني انت في البر وطحت في مطب والهيدروليك على هذه الحالة (الثالثة) راح تحس ان المطب خفيف واقل من المتوقع لان الهيدروليك عطى المساعدات مجال لامتصاص الصدمة.
الحالة الرابعة وهي الحالة الرياضية بمعنى أنك شاد على السيارة في مناطق وعرة وفيها مطبات، ففي هذه الحالة تكون السيارة خفيفة على المساعدات وتتحرك لاعلى واسفل مع شكل الارض ، بمعنى اذا كانت الارض اللي تمشي فيها غير مستوية فان السيارة تتحرك بسلاسة وخفة.
واللي يصير لأغلبية الناس اللي يشتكون من الهيدروليك ومشاكلة وخرابة، هو انهم يطعسون وهو في الوضع العادي (رقم 2) أو ربما أنه في الوضع رقم (1) ، وهذا بالتأكيد راح يفقع المساعدات ويفكك السيارة، لكن لو انه في الوضع الرياضي (رقم 4) فتأكد انه راح يريح الركاب ولا يشعرون بالبطناج والمطبات الخفيفة.
وهذه من المزايا الهامة في الهيدروليك.
وصلى الله على محمد.
اخوك
الكاسر

[راع الاولة]

على فكرة أخوي راع الأوله فيه هناك ميزة رائعه في الهيدروليك ، وهي إن الهيدروليك تقدر تتحكم فيه حسب حالة الأرض اللي انت فيها، مثلا:
فيه أربع حالات لوضع الهيدروليك
الأول وهو للوضع الصلب، بمعنى يخلي الهيدروليك جامد وما يتحرك الا بصعوبه لان النظام ضاغط الزيت بقوة عالية في المساعدات، وبالتالي اقل مطب تحس ان السيارة راح تتفكك.
الحالة اللي تليها للوضع العادي وهي الطرق المسفلته.
الحالة اللي تليها للمناطق الرملية واللي فيها تمطبات بسيطه ، وفي هذه الحالة يلين الهيدروليك ويخفف عن السيارة المطبات بس ملحوظ ، يعني انت في البر وطحت في مطب والهيدروليك على هذه الحالة (الثالثة) راح تحس ان المطب خفيف واقل من المتوقع لان الهيدروليك عطى المساعدات مجال لامتصاص الصدمة.
الحالة الرابعة وهي الحالة الرياضية بمعنى أنك شاد على السيارة في مناطق وعرة وفيها مطبات، ففي هذه الحالة تكون السيارة خفيفة على المساعدات وتتحرك لاعلى واسفل مع شكل الارض ، بمعنى اذا كانت الارض اللي تمشي فيها غير مستوية فان السيارة تتحرك بسلاسة وخفة.
واللي يصير لأغلبية الناس اللي يشتكون من الهيدروليك ومشاكلة وخرابة، هو انهم يطعسون وهو في الوضع العادي (رقم 2) أو ربما أنه في الوضع رقم (1) ، وهذا بالتأكيد راح يفقع المساعدات ويفكك السيارة، لكن لو انه في الوضع الرياضي (رقم 4) فتأكد انه راح يريح الركاب ولا يشعرون بالبطناج والمطبات الخفيفة.
وهذه من المزايا الهامة في الهيدروليك.
وصلى الله على محمد.
اخوك
الكاسر

اخوي الكاسر 23 والله انك ماقصرت وبيض الله وجهك ولايهنون بقية الاخوان ولاكن كم سعر التماتيك منهن ابو هيدرولك والي بدون هيدرولك :good: :good: :good:

[الكاسر23]

الهيدروليك اساسي في الفي اكس ار. واذا اني مخطي صححوا لي.

[Alhzzen]

انا عندي في اكس ار موديل 99 قطري والله ماعليه كلام من الناحيتين على الخط وعلى البر وانا قيري تماتك
وماعليك من الكلام حتى في البر يقوم التماتك حتى في السحب والتل

اسأل مجرب لا يقولون لك يخترب القير التماتك


وتوكل على الله

واحلى سيارة واحلى عزم بر وعلى الخط ودبل قوي وممتاز


شكرا هذاا الي اقدر افيدك فيه

[anas]

الهيدروليك اساسي في الفي اكس ار. واذا اني مخطي صححوا لي.


بسلامتك .. ما يجيبه ابو جميل إلا مع الفل كامل فقط 191000ريال

[راع الاولة]

انا عندي في اكس ار موديل 99 قطري والله ماعليه كلام من الناحيتين على الخط وعلى البر وانا قيري تماتك
وماعليك من الكلام حتى في البر يقوم التماتك حتى في السحب والتل

اسأل مجرب لا يقولون لك يخترب القير التماتك


وتوكل على الله

واحلى سيارة واحلى عزم بر وعلى الخط ودبل قوي وممتاز


شكرا هذاا الي اقدر افيدك فيه

حياك الله اخوي وسلامتك من الحزن والله :no2: تري اادنيا ماتسوى وسع صدرك وشكرا على النصيحة وابشركم نويت اخذ فل ابشن 2005 ماشى 40000 في اكس ار طبعا بس تكفون قولوا لى كم يسوى بالريال السعودي وترى السيارة اخو الجديد :confused:
واشكر جميع من شاركنا براية في هذا الموضوع وتحياتي للجيع

[الكاسر23]

انا بعت سيارتي في اكس ار (3) فل أوبشن موديل 2003 قير اوتوماتيك طبعا، ماشي 39000 كم، قبل 3 شهور بـ 140 ألف ريال. بس أخو الجديد.

[هاوي الله]

حياك الله اخوي وسلامتك من الحزن والله :no2: تري اادنيا ماتسوى وسع صدرك وشكرا على النصيحة وابشركم نويت اخذ فل ابشن 2005 ماشى 40000 في اكس ار طبعا بس تكفون قولوا لى كم يسوى بالريال السعودي وترى السيارة اخو الجديد :confused:
واشكر جميع من شاركنا براية في هذا الموضوع وتحياتي للجيع

ياراعي الاوله يااازييييييييييييين الــ 2006 @

أما من ناحية الـ 2005 الفُل اوبشن اللي ماشي 40000 والله ياخوك ماعندي خلفيه عن سعره @

أعيد وأكرر ياراعي الاوله يازيييييييييين VXR 2006 وبس @

بالتوفيق @

[anas]

انا بعت سيارتي في اكس ار (3) فل أوبشن موديل 2003 قير اوتوماتيك طبعا، ماشي 39000 كم، قبل 3 شهور بـ 140 ألف ريال. بس أخو الجديد.

اخي الكاسر انا مقدم على شراء فكسار 2006 فل كامل او جيب لكزس موديل 2004 وطالع.. يا اخي ما تحس ان الفكسار ثقييييل في القومة والطعوس ولما تتعدى السيارات خاصة في طريق مثل طريق الطائف الباحة .

[الكاسر23]

أخوي anas
بالعكس الفي اكس ار يعطيك وكلما زدت الدعسة عطاك مجال، ويعطيك مدى للتغيير من نمرة للي بعدها عند ضغط ماكينة يصل الى 5000 دورة في الدقيقة في الجير الاتوماتيك. وهذا دليل على ان ماكينة السيارة رياضية، وعند تجاوز السيارات في الطرق المزدحمة والتجاوزات لا يعلى عليها تعطيك عزم ومرونه .

[الحسكولي]

الشلام عليكم
الاخوان ماقصرو غطوا كل الموضوع لكن عندي معلومه يمكن ماذكروها وهي ان الدبل في ال vxr شغال على طول في السرعة دون 80كم /ساعة وهذا انا جربته عند دخول مناطق غراز خفيفه ترتاح جدا واقول انها ميزة مهمة جدا .
الهيدروليك هج عنه ويقول القايل ابعد عن الشر وغني له

[الكاسر23]

الدبل الخفيف شغال على طوووول في كل موديلات اللاندكروزر من 98 وحتى 2006، وهذا يزيد من رساوة السيارة في الطرق المنزلقة والملفات الخطرة. وفي الطعوس ما تحتاج الا تنسيم الكفرات فقط.

[2500HD]

خذ في اكس ار ولا تشاور
وانتب انتبه انتبه انتبه انتبه انتبه انتبه انتبه انتبه تاخذ من عبداللطيف جميل
لاني انا احد الضحايا
وحياك الله

[راع الاولة]

خذ في اكس ار ولا تشاور
وانتب انتبه انتبه انتبه انتبه انتبه انتبه انتبه انتبه تاخذ من عبداللطيف جميل
لاني انا احد الضحايا
وحياك الله

ممكن توضح لية لو سمحت شركة عبدالطيف جميل من اكبر شركات السيارات في المملكة :confused: :confused:

[Mohammad]

الدبل الخفيف شغال على طوووول في كل موديلات اللاندكروزر من 98 وحتى 2006، وهذا يزيد من رساوة السيارة في الطرق المنزلقة والملفات الخطرة. وفي الطعوس ما تحتاج الا تنسيم الكفرات فقط.

????????????
الاخ العزيز 2500HD ماهى المشكله مع عبداللطيف؟ ارجو التحديد او اتق الله فى اخوانك ولا تشتت افكارهم و تخسرهم لمجرد هوا فى النفس!

تويوتل لن تصنع حفنه من السيارات لوكيل او وكلاء صغار لا يذكرون حتو لو دفعو ضعف السعر ززز نحن نتعامل مع شركه عملاقه تصنع ملايين السيارات لجميع اسواق العالم ما عدا امريكا اعتقد لديهم مصنع لتويوتا

كل ما نراه من فروق هى تتعلق بالشكل والاكسسورات فقط لا غير

[الكاسر23]

ترا وارد عبداللطيف جميل والبريمي هي الوكلاتين الوحيدة اللي صناعتها وتجميعها في اليابان، وغيرهم من الموردين مثل البازعي والفطيم في الأمارات تجميع استراليا.
اللي يفرق بين البريمي وجميل المواصفات والسعر، لكن كلاهما الأفضل من ناحية المتانة.

[الشقردي]

الاخ الكاسر ,,,


المشاركة الأصلية بواسطة الكاسر23
الدبل الخفيف شغال على طوووول في كل موديلات اللاندكروزر من 98 وحتى 2006، وهذا يزيد من رساوة السيارة في الطرق المنزلقة والملفات الخطرة. وفي الطعوس ما تحتاج الا تنسيم الكفرات فقط.


صحيح انه دفع رباعي دائم ,لكن مهوب الدبل الخفيف اللي يشتغل هو شئ يمكن أسميه أخف من الخفيف أما الدبل الخفيف له رز خاص وان اخوك للمهمات الصعبه , وأما الدبل الثقيل فهو في قير الدبل L بدون ضغط أي زر.

وهل أنت متأكد من ان البزعي والفطيم تجميع استراليا.... أرجو انك توضح لنا الفروقات اللي انت ملاحظها في الصناعة ؟ أو تقصد الاكسسوارات ؟

وموفق ياصاحب الموضوع

[الكاسر23]

اخوي الشقردي
صحيح ان الدبل (اللي اخف من الخفيف) هو اللي شغال على طول، لكن وين الزر اللي اشبك فيه الدبل الخفيف، لان اللي عندي جير اوتوماتيك وما فيه عندي اي زر لتشغيل الدبل الخفيف، اما القير الثقيل معروف كيفية تشغيله. أرجو التوضيح.
اما بالنسبة للتجميع والمواصفات للاندكروزر، فهذا كلام وكالة تايوتا بسلطنه عمان (البريمي)، حيث قال لي أحد المسئولين في الوكالة أن افضل المواصفات والجودة في التجميع هي اللي تجي من اليابان، قلت له طيب كل اللاندكروزر من اليابان، قال كل اللاندكروزر صناعة يابانية بس تجميعها يختلف، واللي تجمع في اليابان هي اللي تجي طلبية لوكالة عبداللطيف جميل والبريمي فقط، والباقي شف فرق المواصفات حتى في الموديل، وعطاني فروقات gxr بين الفطيم والبازعي وقال توريد البازعي للسعودية يختلف عن الشام حيث ان مواصفاته في الشام ما فيه بوصلة في المراية وما فيه كذا وما فيه كذا .... الخ.
وقالي معلومة مهمة، يقول حتى الاماراتيين اللي يعرفون السيارات زين يجون لنا في عمان ويشترون سياراتهم من عندنا لانها أقوى وافضل مواصفات، بينما اللي تجي للامارات (الفطيم ، واللي في الميناء) تجهز حسب طلب الزبون ويحطون الخطوط والاكسسوارات اللي هو حاب يضيفها، يعني اذا طلبت شي اضافي هم يجهزون قبل تسليم السيارة لك، عدا الاشياء المصنعية مثل الفتحة وخلافة.
يقول لذلك تلقى سياراتنا وسيارات جميل قوية الهيكل وتستمر متماسكة فترة أطول، بينما السيارات المستوردة من الجهات الأخرى أقل عمر من ناحية التماسك والقوة، لذلك يلجأون إلى اغراء الزبون بالمواصفات الاضافية مثل الزنون والفورمايكا والخطوط ومسجل السيدي وغيرها من الاكسسوارات الاضافية.
هذا ما قيل لي من ذاك الرجل، والله أعلم.
اخوكم
الكاسر

[الشقردي]

انا الفكسار اللي معي 98 توماتيك يعني نفس الشكل الخارجي الى موديل 2006
القير التوماتيك يختلف من موديل 2003 ولا أدري عن الدبل اللي عندك كيف لكن اللي عندي الدبل الخفيف تضغط الزر اللي تحت الفليشر (أما قير الدبل يكون على وضعيته H) وبتحس بالفرق أكيد


http://www.mekshat.com/pix/upload/images17/mk286_cap0007.jpg


أما الدبل الثقيل تكون وضعية قير الدبل على L بدون ما تضغط الزر.

[الذيب الابيض]

اسمع يالطيب كلام مجرب


انا استخدمت جي اكس ار موديل 99 ثلاث سنين
وبدون مبالغه معه ماغير الا زيت واعبي بنزين وفحمات
وزيه بالتحمل ماشفت لامن ناحية مكرف بر وكرف مدينه
ومشى معي 222000كيلو والله انه كنه جديد



والان معي جيب لكزس الفين واثنين وهو زي الفكسار الفل كامل
اول شي بقوله لك فيه انه يغمضك بالتطعيس ومطامر البران
الثاني بالخط اريح من الجكسار
ومن ناحية انه بيتغر الفين وسبع خذها مني وعلى مسؤليتي مارااااح يتغير اقول ومستعد ابصم بالعشره
والنصيحه خذلك جي اكس ار فل كامل توماتيك وانشا الله منتب متحسف

مع تحيات اخوك الذيب الابيض

[راع الاولة]

ابشركم تعبكم معي ماراح بلاش :) اخذت لي في اكس ار 2 لون لؤلوي ولله الحمد بس للحين ما استلمته من الوكالة بس ابغى نصائح للمحاقظه على السيارة ويش اركب له مثل وجة صدامات تلبس مراتب الخخخخخ عطوني رايكم تري ما نستغني عن راى الطيبين الى مثلكم واحب اشكر جميع من شاركنا في هذا الموضوع حيث اني استفدت فائدة كبيرة في اختيار نوع السيارة وتقبلوا تحياتي وعلى فكرة تراكم انتم راعين الاوله وراع الاولة ماينلحق

[الشقردي]

مبروك الله يطعمك خيره ويكفيك شره

أهم شئ عن السرعة اللي مالها داعي وعن التكسير اللي ماله داعي (تطعيس على غير سنع )

[راع الاولة]

مبروك الله يطعمك خيره ويكفيك شره

أهم شئ عن السرعة اللي مالها داعي وعن التكسير اللي ماله داعي (تطعيس على غير سنع )

الله يبارك في عمرك اخوي وابشرك انا ماني راعي سرعه ولا تطعيس انا راعي جلسات بر وناسة وعلوم رجال مع مثلك وشرواك

[ولد شقرا]

اخي راعي الاوله انت تزهب العصبه قبل الفلقه
توكل على الله سبحانه وخذلك في اكس ار اوتوماتيك وبهيدروليك
انا معي واحد من البازعي فل كامل وبهيدروليك
راح تفرق بالخط وبالتحميل وفي البر اذا تخذت هيدروليك راااااحه بشكل ماتتصور
توكل على الله وستخير ماخاب من استخار

[راع الاولة]

الاخ عزيز
تحية طيبه للجميع حبيت ان اشارك بالموضوع بحكم انه عندي جيب في اكس ار وسبق انه تعطل فيه نظام الهايدروليك وصارت لي قصة ومواويل مع الوكاله قيمه اصلاح النظام بالوكاله يكلف 22000الف ريال غير اجور اليد بس قطع الغيار
كلفني نظام الهيدروليك 10500 ريال مع العلم ان كل قطعة من النظام انا اللي مشتريها من عند الوكيل وصرت اغير قطعه قطعه الين ما صلح النظام والحمد لله السيارة من ابدع ما يمكن الان
القطع :
1- 4 كور تجي علي الشاص قيمة الواحده 1550 ريال
2- طرمبة زيت الهيدروليك 3830 ريال .
3- مساعدات هيدروليك قيمة الواحد 380 ريال على ما اذكر
4- طرمبة هيدروليك ( علي شكل انبوبه غاز صغيرة معلقه على الشاص ) 1900 ريال
هذا غير اجور التركيب تقريبا 2000 ريال

الاخ ابو نواف بعد التحية انا عندي كم سؤال بعد اذنك :cool: وهي :-

1- ماهو سبب خراب الهيدرولك عندك
2-لو ماصلحته هل افقد ميزة الهيدرولك فقط ولا يؤثر علي السيارة وشكلها
3-لو اشتريت vxr جديد هل تاخذ نظام هيدرولك مرة ثانية


وشكرا مقدماً

[الخادم]

اخوي الله يبارك فية
سوالي عن الشاشة ( البوصلة ) هل تعرب و طريقة وضع خرائط الصحراء بالشاشة

اخوك
الخادم:)

[v..x..r]

اخوي انصحك بالفي اكس ار لان اول شي الفرق بين في والجي ان المكينه 8سلندر وعزم اقوى وطبعا في اختلاف في البر اما الهيدروليك فني مانصحك فيه ابدا خراباته واجد اما من ناحية القير انصحك بالعادي وغيره لاتدور والراحه مافيه مثل الفي اكس لان الفرق واضح للمجرب .....2007 اضن انه لن يتغير
وسلامتك ....... اخوك v..x..r

[أبو أسيل]

السلام عليكم ورحمة الله وبركاته

أخوكم مشارك جديد
أريد المراسلة على الخاص فماقدرت وش السالفة ؟

[الكونترولCONTROL]

مبروك
=========
اهم شي تنتبه من دخول المياه الوحلة ( الطين )
و تراه موتر طيب ما شاء الله
==================
و الاستخدام الصحيح للبور - و الدبلات - و مثبت السرعة
ترى الثلاث حاجات هذي هي نصف ال في اكس ار
===============================