ما هي أفضل طريقة لحماية السيارة من السرقة ؟

[عرهب]

يا شباب هالأيام يقولون كثرت سرقة الجيوب وعندي في أكس آر 2005 يوجد فيه حماية لكن ما هي ذاك الزود وانا بصراحة خايف على سيارتي من السرقة وابي أفضل طريقة للحماية بعد الله سبحانه ,,,,وشكراً

[ماجد الشمري]

اذا كان اللاند في خاصية التشفير للمفتاح فلاتخاف .. ان شاء الله ماراح يصير له شي ..
لكن الصراحة انا ماني متأكد ان كانت فعلا موجودة هذي الخاصية لأن ابو جميل تعودنا عليه يشيل كل شي ، مع العلم انها موجودة في اغلب السيارات من المصنع .......









اخوكم ماجد الشمري

[سروروسعود]

افضل حل تسوي فاصل عند اقرب كهربائي وعشان تطمئن كل الجيوب الجديدة اضن من موديل 95 وانت طالع كلها

مفتايح مشفرة وإذا تبي تتكد من تشفير المفتاح روح لصاحب مفاتيح وانسخ لك مفتاح بخمسة ريال حديد واذا شغل الموتر

فهذا يعني انه مو مشفر واذا ما شغل الموتر مانك خسران شي حط المفتاح في الاسطب الخلفي ممكن تحتاجة في يوم من

الايام تقفل على المفتاح واي سكروب مربع تفك الاسطب وتفتح موترك وشكراً اسف اذا طولت عليكم.......؟

[راعي المقانيص]

أخوي عرهب

السلام عليكم ورحمة الله وبركاته

أشوف في جريدة الوسيلة لعدة أسابيع أعلان لشركة عندها جهاز للحماية من السرقة ويمكن ربطه بالجوال وفيه مزايا ممتازة اذا أعلانهم صحيح وصادق .

ومن ضمن المزايا :

أنك تقدر تطفي السيارة أو تعطلها عن الحركة فقط بمكالمة من جوالك للسيارة ! ! ! !

وتقبل تحياتي ،،،،،،

[مهراس]

ألسلام عليكم ورحمة الله وبركاته:

أذاكان تقصد بسرقة السياره كليا فالأخ اللي قال فاصل كهربائي واعتقد انه يقصد فاصل لكيبل البطاريه فهذه طريقه وأنا أرى طريقة اسهل وهي نزع أي فيوز يمكن يعطل الدائره الكهربائيه من لوحة الفيوزات ايا كان محلها.

أما اذا كنت تقصد سرقة محتويات السياره من الداخل فجهاز الأنذار أفضل طريقه واللتي ارى انها غير فعاله لخبرة اللصوص بأمكانية ابطال ذلك فبل فتح السياره. تبت يدا كل سارق.

أبو فهد

[غالي]

انا اضم صوتي لصوت راعي المقانيص
في جريدة المبوبه الي تتوزع مجانا في شركة المخترعات اذا ماخنتني الذاكره كذا اسمها
عندهم جهاز ينحط بالسياره ويرسل لك مسج على موبايلك اذا تمت السرقه وبإمكانك ترسل مسج من جوالك للجهاز الي في السياره
ويطلق صوت الجهاز للسائق الي سارق موترك بإن بقى 10 ثواني او 5 ثواني وتتوقف السياره واذا مرت هذي الثواني فعلا تطفي السياره ويبلش الي سارقها

[شبح الصحراء]

افضل طريقة للحماية انك تخصص كاراج في بيتك وتركب عليه باب كهربائي بالريموت ولا توقف سيارتك إلا داخل الكاراج ، ولا مانع لو تربط بجنب الموتر كلب بوليسي للحراسة :d ولكن يكفي جهاز انذار سرقة .

[عرهب]

شباب الله يعطيكم العافية وأشكركم على الردود الطيبة