--=== ؟؟ احترنا في أنواع الزيوت??,,, شاركونا خبراتكم ===---

[mooma]

السلام عليكم
-
-
-
--
-


موضوعي اليوم أبتكلم فيه عن الزيوت وأنواعها ؟؟



-كثر الحديث (سواء في المنتديات أو المجالس بين الشباب) عن أنواع الزيوت (وهذا مو اصلي وذاك أصلي ) وعن أفضل الأنواع آداء وتحمل للسيارات ؟؟



فالييوم راح أتكلم عن نوعين واللي هي :-



- فوكس سوبر جي تي Fuchs super GT -- 20W 50



- بيترومين إلترا7 Petromin Ultra 7 -- 20W 50-



راح أبدا بالسوبر جي تي الي أثار الجدل حوله بسبب كثرة الغش والاحتيال فيه



ولعل الصور أبلغ من الكلام



بحسب متابعتي كان هناك نوعين مغشوشه ( 1 حديد 1 بلاستيك ) وهي كما بالصوره
http://www.mekshat.com/pix/upload05/images201/mk188294_28012011806.jpg



ولكن المصيبه أنه طلع لنا نوع ثالث مغشوش !!!! سوبر جي تي وبشكل متقن أكثر من السابق!!!!!!! حسبي الله عليهم



لاحظو الصور (الي على يمين الاصلي واليسار التقليد )


http://www13.0zz0.com/2012/01/08/05/722676824.jpg


هذي بعد
http://www2.0zz0.com/2012/01/08/05/618108138.jpg


....الفرق بينهم او الفيصل هو


http://www4.0zz0.com/2012/01/08/05/785781149.jpg




ولم انتهى بعد من السوبر جي تي ؟؟ فهناكـ نوع وهو السوبر جي تي الحديد ؟؟



الي هي هذي
http://doraan.com/up/upload/doraan.com13115272002.jpg



(على ذمة كلام كثير من الناس ان هذي الحديد اصلية ) وقرأت ايضا أن لزوجتها عالية



(هذا النوع مجربه سنتين والسياره مابها خلاف + قبل فتره غيرت للنوع البلاستك التقليد الاخير (المتقن) وماش احس الموتر عزمه كاتم شوي <<<ممكن يكون مو من الزيت ؟؟؟)
المشكله ان صورته ميب عندي لكنها مثل هذا (بس الغريب أنه مكتووب سوبر جي تي؟؟؟ وذا العلبة مكتوب سوبر جية تي ؟!؟!؟ واعيد وأكرر أني متأكد %10000!
أنه نفس شكل الي بالصوووره بالضضضببببط !!!! بس مكتوب جي تي مو جيه تي





هنا انهينا من السوبر جي تي وغثاه



الحين نرجع للـ بترومين الترا 7



الـ الترا 7 كنت اسمع فيه كثير وأيضا قرأت انه الزيت الوحيد الي ما انغش الى وقتنا الحاضر ؟؟؟



+ معلومة تدعم الالترا 7



أنه هو مصدر الزيوت كلها (يعني الموبيل والسوبر جي تي وطقتها ) مصدرها بترومين !!!



http://assets.pakwheels.com/forums/2010/attachments/Preventive-Maintenance-Parts---Oils---Fluids/72599-Petromin-Oil-launch-on-Pakwheels-06052010626.jpg


ومثل ماتعرفون مراكز بترومين كثيره وقبل فتره أخوي غير عندهم ويقول شغلهم نظيف


فما أدري بصرااااحه أنا معامل سوبر جي تي من زمااااان بس عقب سالفة هالغش والتقليد


فكرت في الالترا 7 وش رايكم فييه هل هو ممتاز ؟؟؟



وفي نهاية الموضوع ان اصبت فمن فضل الله سبحانه وان اخطأت فمن نفسي والشيطان


..,,,, وشكرا

[سيف وقلم]

عندنا خمس سيارات وما نستخدم إلا بترومين ومن ضمنها زي موترك هايلوكس 2001 نشتريه بالكرتون ,اليوم في الصناعية سعره 225ريال

[لاتكب البيالة]

السلام عليكم
انا استخدم بترومين وممتاز ولزوجته جيدة حتى لو مشيت عليه 6000
وانا اليوم شاري كرتون ب 240 ريال من وكيله
وغريبه الاخ سيف وقلم من وين تاخذه ب 225 وانا يوم كاسرت راعي المحل يقول نبيعه للي يشيل كميات ب 236 ريال لو ياخذ 1000
وزيادة معلومه السيفونات يباعن عن محل بشارع الريل كرتون 10 حبات ب 75 ويقول اليمنى حقين البناشر يشرون من عندنا وياخذون نوع اردى من ابو 75 بعد

[كرم القلوب]

والله هو زيتي المفضل الترا 7

[mooma]

سيف وقلم

لاتكب البياله

كرم القلوب

مشكوورين على مروركم العطر

واستنتاج من ارائكم ان الافضل هو الترا 7

طيب هل لازم اشتري كرتون ولا أغير عند الورشة (مركز بترومين (ارتاح وسلمنا المفتاح ) ) أظن تعرفونه أكيد

هل الزيت الي عندهم نفس الي يباع بالجمله (يعني باختصار هل هو أصلي )

[سيف وقلم]

شارع علي بن أبي طالب بس ما أدري وش اسم المحل وفيه واحد في المنتدى يبيعه ب230 زيت الترا 7 بترومين للبيع بالكرتون (http://mekshat.com/vb/showthread.php?t=490586)

بالنسبة للسيفون وش صناعته

ـــــــــــــــــــــــــــــــــــــــــــــــــ
خذ العلم ازرق للصناعية وخذ لك كرتونين وحطها في المستودع واشتر لك كرتون سيفون فيه عشر حبات خذها من الضحيان أو الوكالة تطلعلك الحبة في الطعشات وكل ما بغيت تغير رح للبنشري وغير عنده ب10 وإلا15 ومرة بسيفون ومرة بدون

[sgl2002]

انا اتعامل مع سوبر جيتي من زمان

لكن في الاونة الاخيرة كثر الكلام عنه وفيه ناس صارت تسبه وتقول يفقد لزوجته واللي يقول ينقص

فقررت اغير الى الترا ٧

ونصيحه لاتاخذ سيفون من عند مراكز بترومين

[You Like Me]

والله انا من قرأت موضوع للأخ المشرف اصيل حجازي
وانا من زماان استخدم إلترا 7 لجميع سياراتي
وفعلاً الزيت هذا اقتنعت فيه سواءً في سيارات السيدان او الجيوب
خصوصاً اني استخدمه في جيوب مرهمه مع الجلد في البر والخطوط الا اني اغيره حول 5000
والاحظ لزوجته طيبه

بالنسبة للسيفون والله السوق صار كله يخوف
وصار لي سنتين ما آخذه إلآ من الوكيل

يعطيك العافيه اخوي mooma
لإثارة مثل هالطرح
لك وللجميع التحيه

[mooma]

sgl 2002 مشكور على مرورك الكريم

بخصوص السيفون مااخذه من مركز بترومين؟؟؟(هل فيه مشكلة؟؟؟) وهل أغير عندهم بالمركز (الزيت يعني الي عندهم هل هو أصلي )؟؟؟؟

You Like Me

مشكور على الافاده وبخصوص السيفون موضوعه بسيط (الضحيان فيه فرع قريب حولنا اخذه منه سيفونات )

بس الزيت الالترا 7 الي في مراكز بترومين هل هو الاصلي ؟؟؟؟؟

[sgl2002]

ناس اعرفهم غيروا السيفون من عندهم وطلع تجاري

وبعدين تغيير الزيت ماهو شغله معقدة عشان اروح عند ناس متخصصين

اهم شي الزيت والسيفون يكون اصلي

[ابو فارس12]

بالنسبة للزيت الأفضل عندي -سوبر جتي -اللي فيه علامة ((فوكس)) فوق
ويجي في علب بلاستك

[ملك الفكتوريا]

يا ليل ابو لمبة



الحين الفوكس سوربر جي تي فيه فرق بينهم


القرطاسه اللي تجي تحت الغطاء فيه اللي لونها اسود وابيض والثانية الملونه


والفرق الاخر بالجهة المكتوبه بالانجليزي فيه نوع ثلاث مربعات ذهبيه مكتوبه ونوع مربعين ذهبيه مكتوبه

واختلاف بنفس علامة الفوكس

وايضا اختلاف في علامة رمي العلبة بسلة المهملات بعبلة من اليمين وبعلمة من اليسار الحين وين الصح والاصلي

[mooma]

مشكورين على المرور

أخوي ملك الفكتوريا

والله أنا بعد مثلك احترت وانقلب راسي ؟؟؟؟؟؟؟؟؟؟ ما أدري وش الاصلي حسبي الله ونعم الوكيل

[الخلاوي 15]

انا طول وقتي اغير سوبر جي تي أصلي طبعاً لأني معامل هندي (كافر) وامين .. عسى الله يهديه لدين الاسلام

الوكاد اني موتري سفاري واجلده بر وخطوط وطعوس والحمدلله اشوف الزيت طيب

[قناص 28 عفيف]

انا مااحط الى سوبر جي تي الاصلي ومعامل هندي شخص امين وكويس
وحاب انبه الاخوان اي بنشري فيه يمني لاتغير الزيت عنده نصيحه والله لانهم غشاشين كل ماعملت يمني في اي مكان احصله غشاااش ولازم يغشك

[الجني العبد]

عن تجربة شخصية ، موتري هايلوكس 2011 ، كنت أغير سوبر جي تي أصلي 100% ، إذا مشيت خمس آلاف يقلب لون الزيت أسود
استخدمت بعدة بترومين الترا 7 ، يشهد الله علي إني مغيرة على 1000 آلاف ومازال باقي فيه لزوجه وصفار ! مع إني سافرت عليه 2000 كيلو تقريبا ، وكشت عليه مرتين بس ماتغير

فلذلك من عقب هاك المرة وأنا ما اغير إلا الترا 7 ،، سعر العلبة جمله 10 ريال

[ابوالوليدخالد]

مع احترامي لأرائكم جميعا
لا تدور زيت غير الموبيل سوبر توربو ابو علبة ذهبية

[mooma]

أشكركم جميعا على مشاركة خبراتكم وتفاعلكم مع الموضوع

وياليت فضلا من الاخوان الي يغيرون سوبر جي تي ( الاخ الخلاوي - وقناص عفيف )
ياليت بعد اذنكم تحددون النوع السوبر جي تي الاصلي الي تغيرونه ( من الصور الي بالموضوع ) علشان نعرف الاصلي (اسأل مجرب ولا تسأل طبيب)

[ابوعبدالله530]

السلام عليكم

فيه شى انا ملاحظه مدرى انتم مثلى او لا ؟

زمان كان كل زباله تكرمون جنب اى بنشر مليانه بعشرطعش علبه زيت فاضيه والوقت الحاضر ماتلاقى اى علبه !!!

وبعد تدقيق وتمحيص بالموضوع اكتشفت انهم يعيدون تعبه الزيت المحروق بعد خلطه بشحم علشان يرجع لونه طبيعى وختم وانتهى الموضوع ويبيعونه على البناشر الى بدورهم يبيعونه لنا بسعر الزيت الاصلى

وللتاكد من الموضوع اسئل اى بنشرى بكم تبيع الزيت المحرووق ؟؟؟؟
فى السابق كان يرميه او يبيعه ب 50 او 100 ريال للطن بالكثير على شركات المقاولات لاستخدامها بالطرق
والان صارو يبيعونها من 1000 الى 1500 للهنود والعماله الى تستسخدمه باعاده التعبئه

ومكانهم حول المحرقه الى فى السلى بمخرج 18 ولكن ماشفت بعينى شى

فنصيحتى للاخوان بكل مكان ياتشتري الزيت من مكان موثوق او اشتر علب معدنيه

والله الموفق

[alt]

السلام عليكم

مرحبا ياجماعت الخير اللي خلاني ارد والله شي يقهر شفته انا من زمان احط لسيارتي اي زيت مايهمني بس يوم اني شريت سيارة جديده بديت اهتم بكل شي خصوصا الزيت فقلت مرات اغير عند الوكاله ومرات عند بترومين لاني معتقد<<<<انهم شركه كبيرة ومستحيل تغش بالزيت على حساب سمعتها لكن المصيبه كلمه ارتاح وسلمنا المفتاح والله بعد اللي صارلي انهم اكبر غشاشين يركبولي سيفون تجاري يلعن ابو القهر وثاني شي من زود محافضتي على السيارة كنت احط الزيت اللي يمشي 15 الف وكنت اغيرة على 10 الاف لكن المصيبه غيرة مرة عندهم زيت علبته ب35 ريال للحبه وقالي يمشيك 20 الف والزيت ماكمل 7 الاف الا محترق يعني زي ابو 10 ريال ويمكن ابو 10 افضل بعد ماودي اضلم احد يمكن الفرع اللي كنت اغير عندهم هم اللي يغشون وباقي الفروع ماتغش الله اعلم لكن مستحيل اغير عند اي فرع من فروع بترومين ماكتبت هالكلام الا يعلم الله ويشهد اني ما ابي الا الفايده لكم والانتباه من هالشركه ...وشكرا

[mooma]

طيب يا أخوان والله الموضوع خطير ويخوف ؟!؟!؟!؟1؟

يعني قهر في ديرتي وأنغش (والله الغبنه الي مابعدها !!!!)

طيب والحل مع ذا الي مايخافون الله حسبي الله ونعم الوكيل ؟؟؟

طيب وش الزيت الي ممكن نثق فيه ؟؟

[قناص 28 عفيف]

أشكركم جميعا على مشاركة خبراتكم وتفاعلكم مع الموضوع

وياليت فضلا من الاخوان الي يغيرون سوبر جي تي ( الاخ الخلاوي - وقناص عفيف )
ياليت بعد اذنكم تحددون النوع السوبر جي تي الاصلي الي تغيرونه ( من الصور الي بالموضوع ) علشان نعرف الاصلي (اسأل مجرب ولا تسأل طبيب)
ابشر والله ان شاء الله اذا غيرت الزيت بصور العلبه

[mooma]

^^^^
تسلم والله

[قرناس الشرقيه]

يالربع انا موتري نيسان استخدم سوبر جي تي والله

الموتر اشوفه انه ينقص كل 350 كم احيانا علبه

او نص علبه

وخلال الف كم يقلب لونه اسود

وابتلشنا والله

[اسماي]

الله المستعان ..كثر هالغش التجاري وكأنهم يتعاملون مع مجانين(اقصد التجار) معاد فيه خوف من الله

[ويكو]

على حد علمي ان زيت اكسترا ابو حصان من افضل الزيوت ذكرة لي مكانيكي سعودي وذكرة لي صديق يقول والدة رحمه الله كان يعمل في ارامكو قبل 50 سنة ويمدح هذا الزيت

[mooma]

حسبي الله ونعم الوكيل

[google-999-]

قاطعووو اي بنشررر فيه يماني

[ابوالعنود2012]

الترا سفن وسوبر شل افضل الزيوت حاليا ولا فيها مغشوش

[WWS]

1- زيؤؤؤؤت بترؤمين بجميع آنؤآعهـآ
من شحم ؤ زيت فرآمل ؤ زيت قير ؤ هيدرؤليك ؤ ؤ

2- مؤبيل سؤبر تيربؤ آلعلبه آلذهبيه ؤ مؤبيل آلآزرق

3- آكسترآ آلعلبه آلذهبيه من شل تقريبـآ

إن شاء الله كلهم مضمؤنه
ؤ خذــآ لك بآلكرتؤن آحسن لك ؤ آفؤد لك
ؤ خش هـآلرآبط عن مرآكز بترؤمين
,,,,
..
,
مــرآكـز بترؤمين ؤ آلضحك بآلبـآقـآت آلذهبيه ؤ آلفضيه !! (http://mekshat.com/vb/showthread.php?t=481046) ‏

[abo naser 1]

السلام عليكم


زيت سيارات الحكومة ما يستخدمون الا هو الترا سفن لاتعداه
وترا العماله طايحن يدخل كم علبة مغشوشة مع الكرتون بحيث ما ينكشف

[mooma]

ممشكورين على المرور جميعا

أخوي ابو ناصر مشكور ع الاضافه المهمه ونقطه لزيت الترا7

[Light of live]

الترآ 7 ..

استخدمه انا الوالد على سيآرآتنآ .. كرآون فيكتوريآ 2007 و جي اكس آر 2005 وايسوزو ديمكس 2007 ديزل ..

طبعا الديزل زيته يختلف .. بس مانشتري الا الترا 7 ..

آخر مره شرينآ كرتون زيت الترا 7 للبنزين بـ 214 ريآل .. هالكلام قبل شهرين تقريباً ..

وللمعلوميه .. الحكومه ماتستخدم الا زيوت الترا 7 ..

واكبر دليل شفته .. شرينآ الكرتون بـ 214 ريال .. وبصراحه استغربنا سعره لآنه نازل حدود 10 ريال من السوق ..

قلنا توكلنا على الله ونشتريه ..

يوم رحت البيت وفكيت الكرتون وجيت اصفه بالدرج المخصص له ..

الا والقى على الكرتون ختم ((( مبيعآت حكوميه )) !!!

لو اني داري قبل افك كرتونه كان رديته له وشريت غيره لو بفرق عشرين ريال .. اهم شي مايكون مسروق ..

حسبي الله على اللي سرقه و حط درآهمه في مخبآهـ ..



موفق اخوي

[ابونجم 1]

والله انا من زمان مع موبيل 40 ومواتري كلها تمام والحمدلله ولزوجته حلوه صحيح الاحظ يقلب بسرعه بس اللزوجه ممتازه مع اني من النوع اللي مايغير الزيت الا بعد ماتصيح البساتم وتزهمني بعدين اغيره :D
وامدحوه لي اثنين من أهل الورش الشيبان في صناعية الدمام أعرفهم من سنين عادهم شباب وأهل خبره كبيره

والله أعلم

[قناص 28 عفيف]

اخوي انا وعدتك اجيب صوره علبه الزيت بس ماقدرت انزل الصوره في الجهاز
عموما هو زيت سوبر جي تي ممختوم من الخلف بختم النص الاول ابيض والنص الثاني احمر
ومكتوب فورس ترانس

[لسان الحقيقة]

للاسف حتى يوم شرينا الزيت من وكالته والسيفون من وكالته ماسلمنا من جشع عمال محطات غيار الزيوت
اذا شاف الزيت والسيفون معك شانت نفسه وبدا يحلطم .!!
وكلهم من جنسية وحده ومعروفة للجميع الله يفكنا منهم عاجلاً غير آجل

[سيف وقلم]

للاسف حتى يوم شرينا الزيت من وكالته والسيفون من وكالته ماسلمنا من جشع عمال محطات غيار الزيوت
اذا شاف الزيت والسيفون معك شانت نفسه وبدا يحلطم .!!
وكلهم من جنسية وحده ومعروفة للجميع الله يفكنا منهم عاجلاً غير آجل



المشكلة بعضهم يستقعد يا يرفع عليك السعر أجل يقول ب30, أو يقول ما أغير لك لازم الزيت من عندنا

أنا أغير عند بنشري هندي ب15 بسيفون و10 بدون سيفون في حي المصيف

[اشهب .]

امين الله يفكنا منهم اومن جشعهم

الله يحلل الهندي في الديره يغير الزيت بـ5

وسيفون 10

وأحد الهنود غيرت عنده بـ15 في الرياض

وربعنا ان طاعك بـ25 او قال مانغير

ياحلات الحفره بالدار بس

كان كل البناشر صكو هههه

[مغلي]

الان 99% من تغيير الزيت كلهم يمنيين ... ومتفقين ... ممنوع تغير الزيت لاي شخص يجيب العلب معاه ... غصب يشتري العلب من البنشر ... وانت وحضك ... ممكن تكون العلب عنده تقليد وتخرب مكينة سيارتك بسبب طمع وجشع اليماني

[ابوخلف..]

اغير زيت تويوتا الاصلي
جدا ممتاز

[ابوشهد966]

السلام عليكم رحمه الله وبركاته
واحدغير زيت بترومين لسيارت بعد فترة سمع في المكينة راح للوكالة علشان يشيك على الزيت حصل ان زيت مكرر اقول واكرر غير زيت موبيل الخفيف لا تغير علبته هلالية

[برادو 99]

اغير زيت تويوتا الاصلي
جدا ممتاز

انا ما استخدم الا هو من اكثر من 6 سنوات لكن في اخر التغييرات لاحظت ان لزوجته خفت كثير كانه او قريب من الماء مع انه نفس العلبه ونفس اللزوجه اللي هي 50 w 20