ادخلوا لاهنتوا / الموضوع يستاهل

[sulaiman.fj40]

اولا ارحب بجميع الاخوه اعضاء المنتدى وابارك لكم بامطار الخير والبركه. والان ادخل الموضوع: سبق ورهمت مكينة كابرس 305 على جيب عشه 83 لكن انقص ظهري من المناقز وفكيتها ورجعت مكينته الاصليه/ الان اشوف بالمنتدى ترهيم مكاين 8 سرندل على النيسان الربع وكلن يجيب من راسه صوت/ بصراحه مالي رغبه بالمطامر والتطعيس والهبال. رغبتي اركب ال305 على نيسان ربع بابسط واقل تكلفه لاني ابغاه للخطوط الطويله ولانيب راعي سرعات عاليه/ السؤال: من افضل ميكانيكي توصون به/ كم التكلفه التقريبيه/وشهي الاشياء المطلوبه من قطع وغيرها علما ان المكينه كامله موجوده عندي. اكون ممتن لكم بالتفاعل وسدح النصايح جزاكم الله خير والف شكر .

[خبايا انسان]

بالتوفيق بمشروعك ,, يفيدونك الاعضاء بأذن الله

[sulaiman.fj40]

شكرا لمرورك اخوي خبايا انسان وننتظر بقية الاعضاء المحترمين وما تجود به خبراتهم.

[ابوسند9]

فيه شخص ممتاز بالرياض اسمه سليمان الخطيب بالرياض وعنده ورشه بصناعية الدائري بالرياض مخرج 18 تحصل رقمة عن طريق قوقل طبعا اذا انت بالرياض
لكن نصيحه اذا ناوي ترهم احرص كل الحرص على السياره النظيفه لانه اذا اجتمع مكينه قويه وسياره بديها لك عليه راح تتعب منها بالخطوط من رجه واصوات وتنسيم هواء وغير ذالك
وان شاء الله الاعضاء راح يفيدوك اكثر

[مسير عليهم]

بتعاني مثل ماعانيت كل من رحت له بيقول لك مانشتغل الا على ls 1

ولو تخليها على العشه ترى ازين لك والقساوه طبيعيه لإن الموتر سست وانا معي باترول 86 عليه 350 ومشكلته المناقز والحل انك تقلل عدد السست وتركب لعابات عشان ترفع الموتر

[sulaiman.fj40]

ابوسند9 /ومسير عليهم مشكورين وكلامكم وملاحظاتكم صحيحه / اشكركم على التفاعل وننتظر بقية الاعضاء ممن جربوا مع تحياتي