تعال متع ناظريك .. ووسع صدرك ... وخذ لك فنجال .......((صورة وتعليق))

[ريف النشاما]

السلام عليكم ورحمة الله وبركاته



مساكم الله بالخيرات يالربع وحياكم الله في خيمتنا

صب القهوه ياولد ,,,,,,,,, وقلط التمر..............وهات واحد نفر مندي ;)


(( وسع صدرك وأكتب تعليقك ..... وإذا منت شاعر رشح أفضل ما تراه يا أبيض وجه ))

طبعا عقب هالمشاهد أكيد بتهيض القرايح

وسلامتكم وسلامة المشاهدين


http://up.c-ar.net/06/04/ec59.jpg

""
http://up.c-ar.net/06/04/4a57.jpg

""

http://up.c-ar.net/06/04/161b.jpg

""

http://up.c-ar.net/06/04/fb1b.jpg


"""

http://up.c-ar.net/06/04/600a.jpg


""

http://up.c-ar.net/06/04/4114.jpg

""

ننتظر تعليقاتكم

:)


""

[ريف النشاما]

ملاحظة

- نرجوا من الإخوان أن تكون التعليقات تصب على موضوع الصورة :good:

- الترشيحات لن تنال المنقول :(

[ريف النشاما]

((السجل الشرفي للفائزين))
http://www.mekshat.com/pix/upload/images11/mk8178_image.gif (http://www.mekshat.com/vb/showthread.php?t=49575)

[عاشق الضلعان]

ياما حـــــــــــــــلاها طلعة البر يافلان ++ جنب الشعيب اللي هدر وسطه السيل
في وسط جيب وباخره طيب الــــــضان ++ نقوه تنقيناه من طيب الحيــــــــــــــل
بأرض(ن) خلا ماينسمع حس سكـــــان ++ مع صحبة كله رجال(ن) حلاحيــــل
بأرض(ن) لها مع زين الأعشاب عنوان ++ ثم قرب العزبه وهات المعاميـــــــــل
شب الحطب وانس الزعل وين ماكــــان ++ صف المزاج بشف بيض الفناجـــــيل
وليا خدر شاهيـــــــــــك واللون له زان ++ صبه بكاساته وقهو الرجاجـــــــــــيل
ثم نستلم بالصلـــــــــــــخ من قبل الآذان ++ وقت العشا نصليه من دون تعجيـــــل
نغرف عشانا واللحم تو نجضــــــــــــان ++ ونقلطه يم الرجال المشاكيـــــــــــــل
ثم نكمل السهره قصـــــــــــــــايد وقيفان ++ ونوثق الحاصل بفيديو وتسجيــــــــل

وسلامتكم
وأشكر أخوي ريف النشاما على الموضوع الممتاز

[مسامر النجم]

سر يا قلم واكتب تحية وتقدير من واحد يـملي خـفـايا ظـمـيـرة
الذ واحللى من حليب النغاتير ترعى زهر نوار بارض مطيرة




ما شاء الله على هالديرة والله يبارك لهلها فيها



اعتذر عن القصور

[وشلون مدري كي]

ما شاء الله صراحه مناظر قمه واللي صورها قمه واللي عرضها فمه مشكور وصراحه كنت اتمني يكون فيه صور اكثر ومشششششششششكور

[العطيشان]

أخوي ريف النشاما تحيه طيبة وبعد:

تسلم يمينك على هالصور اللي توسع الصدر وأقبل تعليق أخوك والمعذره عن التقصير

تحياتي.


اليوم طاروقي لريف النشاما = تسلم يمينك يا زبون المناعير

مبطي وأنا قلبي طواه الحياما = مشتاق لمعانق نسيم النواوير

وتكمل ليا خاويت ربعن حشاما = فجرية(ن) وإلا بعد حزة عصير

ربعن لهم خبره وعرف ومقاما = والكل منهم ما يجي منه تقصير

بأرض سقاها من حقوق الغماما = هذا الونس ما هوب جمع الدنانير

[جرير]

مناظر تسر الخاطر

الله يعيدها


هذي بويتات خفيفه نقازيه يمكن تنفع















جاد الولي من جوده



والسيل عدا حدوده



وردو عليه وروده



هذا من فضل ربي











جانا الخبر بالصوره



فياضنا ممطوره



ونفوسنا مسروره



وكل الشعاب تصبي









الارض فاضت ماها



يوم الولي سقاها



ياسعد من هو جاها



شوفه علاج وطبي









وين انت ياكشات



خذ العلوم وهات



حسنا مع التنهات



مناظر ن تنحبي









مراتع اهل الحيل



صارت تقول النيل



يوم ن غشاها السيل



عم النقا والخبي









شوف السحاب يرفي



وبارقه ما يطـــفي



هو غايتي وشفي



ندعي الولي ونلبي

[ريف النشاما]

الله الله إبداع إبداع ....... ماقصرتوا يالنشامى .......

تسلمون وتراني ماسك الصف ,,,,,,,,,,,,,,,, ......

[ريف النشاما]

السلام عليكم ورحمة الله وبركاته

مساكم الله بالخير

نشكر أحبابنا الشعراء الذين شاركوا معنا في هذه المسابقة جميعا


ونظرا لعدم وجود أي ترشيحات من قبل الأخوان :( فإنني قد اخترت هذه المشاركات الثلاث

عاشق الضلعان

العطيشان

جرير


لكي يتم ترشيح واحدة منها .......(بالقرعة)....... :) وقد فاز بها =جرير=


نشكر جميع من شارك في هذه المشاركة والمشاركات السابقه


ونهيب بالإخوان المشاركةفي الترشيح

وشكرا



((السجل الشرفي للفائزين))
http://www.mekshat.com/pix/upload/images11/mk8178_image.gif (http://www.mekshat.com/vb/showthread.php?t=49575)