شوفوا لنا حل مع كركعة النيسااااااااااااااان

[برق تميم]

السلام عليكم

يا الربع وش الحل مع النيسان ودي اعرف ليش كركعته واجده

وش الحل معه

[بيّن]

هلا يالتميمي ,,

النيسان مشكلته مشكله .

يبيلك بعد كل مشوار للبر تربيييييييييييييييييييييط وصيانه هذا اذا كنت في منطقه وعره .

الحقيقه النيسان سيارة نفوووووووود فقط

اللي معجبني فيه شي واحد بس الراحه اللي ماهيب في كل الجيوب ,

سلااااام

[دسم الشوارب]

السلام على الجميع


ليش كركعته واجده


وش يصير لك الكايد ابوصالح اللي في التغريبه الفلسطينيه ..:rolleyes: امزح
أولاً ((حدد)) ددسن ولا باترل وايش الموديل بالضبط
ولا اقول!! ما يحتاج
خلني اتفلسف عليك شوي
أما إذا كنت تقصد الددسن فوالله انك لم تصدق
والله والله وبكسر الهاء انك لم تصدق
الددسن وحش
الددسن جمل
أنا راعي الددسن ؛مهوب غيري
معي ددسن وقبله ددسن وقبله ددسن
وكلها دفرنس واحد بس
أنا اشهد انه موتر ما تحسفت قطرة بنزين تروح فيه
والله لو ينكر البنزين ان اقطع وريدي واسقيه من دمي
ما أستكثر هالكلام في موتر جريته جر الجيف على ضلعان سودا وصفرا
وياما عوّمته عوم السمك على الطعوس
وياما سافرت به مع البطانيج
وياما سريت به مع الخطوط
وياما طافش في المناقع وسبح في السيول
وياما عشّقت بالواحد قبل اشغل ولا احميه لو في المربعانيه
ولا اعرف غيار الزيت الا كل ست وسبع آلاف كيلو
وعلى هذا كله ما قط كركع(على قولتك) ولا انفك فيه شي ولا انكسر فيه شي ولا خرب في ميكانيكا ولا كهربا ولاحتى ارتفعت حرارته
وعايش إلى ذالحين ويقول هل من مزيد
وإذا الدعوى بس كركعه فيه ورش يربطونه لك بثلاث مائة ريال (انحش يا سك العمله) ويرجع كويس
أما الباترل لا أفتيك فيه
انتهى..

[حر اليدين]

السلام عليكم ورحمة الله وبركاته

اخوي حمد التميمي
اذا تقصد الباترول
فيه ورش متخصصة في التربيط اسال عنها مثل لين مرضاح والخويطر وفيه ورشة في قطر يمدحونها اذا الموتر يستاهل

واذا تقصد الددسن ماقصر اخوي دسم الشوارب كفى ووفى واذا تبي مزيد عن الددسن علمني ازيدك

تقبلوا تحياتي اخوكم حر اليدين

[برق تميم]

اشكر الجميع على المرور والتعليق

اخوي دسم الشوارب انا معي دفرنيسن الفين وخمسه الفين وخمسه والله انه يقرقع والركبه عندي منعدمه والقزاز خرب مع المطاب والبطانيج والمسجل بعد مع البطانيج

والنيسااااااااااااان معروف بالكركعه والتفكك

انتظر زياده منك اخوي حر اليدين