بعد تخفيض البنزين كم تعبي موترك

[فتى التويم]

السلام عليكم ورحمة الله وبركاته


اولا مبروك التخفيض والله يحفظ ابو متعب


ثانيا ودي اعرف كم تعبي سيارتك ووش نوع سيارتك



نبي نطرح هذا الموضوع لفائدة الاخوان

اللي سمعت ان اللي معه vxrيعبي بـ80

واللي معه باترول يعبي بـ70

واللي معه هايلكس ديزل يعبيه بـ14

عاد نبي نسمع منكم يا جماعة الخير

[hani458]

الحسبه بسيطه
اضرب تعبئتك السابقه ب 66 %
فمثلا انا اعبيى ال جي اكس ار 117 ستصبح ب 80 ريال والله يديم التخفيضات مهوب الين 10 /12 /1427

[ولدالشيوخ]

:D اللهم طــوال في عمر ابــو متـــعــب :D

;) بمناسبت تخفيضات االبانزين الدواره على اليوم ههههههههههه :p

بس متى بتطبق ياخوي فتى التويم :rolleyes:

[مرقاب الشرق]

السلام عليكم

المهم الجيوب تبي تطير اسعارها بعد التخفيض ولا وش رايكم ؟

اللهم طــول في عمر ابــو متـــعــب http://mekshat.com/vb/images/smilies/biggrin.gif

[منتعش]

اللهم زد وبارك
وأحفظ أبومتعب

[برق تميم]

ابشركم في شقراء بدت المحطات تنزل السعر

التانكي معبه فل قبل التخفيظ اليوم ان شاء الله اشوف

[ابو نوره]

السلام عليكم

الكابرس جديد خذ 42ريال

وقبل التخفيض 60 وفيها

وطلعت العصر على السفاري الفتك ولا اللمبه مولعه وكذا لاشعورياً وقفت اعبي وقلت فلللللل

اخذ التانكيين 85ريال بس تراه حول مايطفي

وقبل التخفيض 110

[شبح الصحراء]

انا معاي هايلوكس وكنت اعبيها قبل التخفيض بحدود 60 ريال وبعد ما حسبت الفرق راح اعبيها ان شاء الله بـ 36 ريال :) ... علماً ان سعة التانكي 60 لتر .
ملاحظة : ان تخفيض سعر البنزين نعمة كبيرة ولكن لا نجعلها نقمة فيجب الإقتصاد وعدم هدر هذا الوقود في الدوران والفر في الشوارع لأن هذا اسراف ويسبب تلوث للبيئة أيضاً ويسبب ازعاج للناس .

[ا س ح ... 326]

كنت 70
الان 50
الله يحفض ابو متعب ويديم التخفيض.......

[بيّن]

الحمدلله .

ونطمع في المزيد .

[بيرق العزة]

بسم الله والحمد لله والصلاة والسلام على رسول الله نحمد الله على فضله وكرمه وان سخر لنا هذه القيادة الحكيمه العادله المخلصه لشعبهاا ومؤاطنيها ووفقهم لما فيه الخير للعباد والبلاد وثم نشكر قائد هذه المسيره ابو متعب ونسال الله العلي القدير ان يمتعه بالصحه والعافيه ويرزقه البطانه الصدقه المخلصه التي تعينه على خدمه الدين اولآ والعباد ولما فيه عز للاسلام والمسلمين في جميع بقاع المعموره واتمنى من الاخوان اظهر شكر الله على هذه النعمه بالمحافظه على شعائر الدين والتراحم بين الاقارب والارحام والمجتمع والعطف على المحتاج ومساعدة حتى نرضي الله عز وجل ونفوز بشكره حتى نصل لما نتمناه جميعآ بالشكر تدوم النعم ونراقب ما حولنا من اولاد واخوان حتى لا يسخرو هذه النعمه لهلاكهم وهلاك شباب المسلمين بالسرعة والتفحيط ونذكرهم بالخوف من الله وخشيته وان هذه النعمه من الله وهو القادر ان يحرمنا ايهااا في لمح البصر اذا جعلنا هذه النعمه نقمه على المسلمين واخيرى كان 54 ريال الان 34 ريال نوع السياره دايو .........والسلام عليكم ورحمة الله وبركاته

[هاوي الله]

اول كنت أعبي الهدد Gx بــ 120 والحين بــ 80 والحمدالله ***

[غضنفر]

لا تطيرون في العجة
تخفيض سعر البنزين لمدة سنة فقط (ال 10 أشهر المتبقية من عام 1427)

الين ما تبدى تنسب الأسهم:D

[فتى التويم]

:D اللهم طــوال في عمر ابــو متـــعــب :D

;) بمناسبت تخفيضات االبانزين الدواره على اليوم ههههههههههه :p

بس متى بتطبق ياخوي فتى التويم :rolleyes:


من امس مطبقينها

[فتى التويم]

كنت 70
الان 50
الله يحفض ابو متعب ويديم التخفيض.......

طيب وشو موترك

[أبوأحمد98]

هايلكس غماره فل بــ(31)

[الشاعر العربي]

شروكي قبل 55 بعد 40

[منتعش]

حياكم الله وبارك الله فيكم
أنا عبيت جمس حوض بـ 51 ريال
وفي السابق 80 ريال .

************
وعبيت اليوم جيب vxr بـ 70 ريال
وفي السابق 120 ريال .

[المربث]

انا كنت افول 162 ريال مئة واثنان وستون ريال
والحين اعبي 105 ريال يجيب الفل

للعلم السيارة برادو والتانك 180 لتر

[MARINE]

السلام عليكم ورحمة الله وبركاته

الله يحفظ ابومتعب ويجزيه كل خير

كنت اعبي فل ما بين 75 الى 80 ريال

اما الان ما بين 47 الى 50 ريال

كابريس

[كبريت]

اول اعبي بــ 52-55

الحين 38-40

علما ان الموتر باث فندر 2005

[أبو ريم]

انا اعبي هايلكس ديزل 16 واول 24 واعبيها 64 لتر


الله يحفض المللك بحفظة




السلام عليكم ورحمة الله وبركاتة
اخواني المكشاتييين


ارحب بكم واريد ان اعطيكم معلومات لا تعرفونها او قد لبست عليكم

اولا: في عام 1990 وما قبلة كان البنزين نوعين اوكتين 91 واوكتين 95 ولكن كثر الغش وخلطها
وبيع 91 على انة 95 وبعد ذالك نزل قرار الغاء النوعيين وجعل نوع واحد وهو 91 ولكن الان وبعد
ابو متعب الله يحفضة يبي يعدل الامور ورجع البنزين وخفضة يعني التخفيض على طول للبنزين ولديزل
وللكن الى نهايت السنة لانة يبي يفصل البنزين وراح يكون فية 91 وسعرة 60 هلله للتر و95 وراح
يكون سعرة 75 ريال ولا فية شي ب 102 كل هذي اشاعات وناس تبي تكرة الشعب بالحكومة

طيب نرجع للبنزين والفرق
الفرق ان فية سيارات صنعت لتستخدم بنزين 95 وسيارات صنعة لتستخدم 91 طيب وش الفرق
السيارة الي تستخدم 91 لو تحط لها بنزين 95 والا 91 مايفرق شي ولا يضرها ولا يفيدها بشي
اما الي تستخدم 95 فإن اذا عبتها ب 95 تزيد الادا ويطول عمر المحرك وتختلف عليك اختلاف
ملحوظ واما اذا عبيت 91 فإن هذا كلة يختفي
طيب كيف اعرف سيارتي تستخدم 95 والا 91؟
انا اعلمك ارامكو السعودية مسوية موقع وجامعة فية كل السيارات والجديدة والقديمة
وكل المعلومات عن 95 و 91 ولكن للاسف سوف يفتح في نهايت السنة الميلادية اي
قبل فصل البنزين بفترة يسيرة

طيب كيف اعرف بالمحطات؟
راح يكون هناك لون لل95 خاص ومكتوب ممتاز
ولون عادي لل91 وراح يكون مكتوب علية عادي

[تيتشر]

انا معاي بليزر 90 كنت اعبيه ب 95 تقريبا الحين تقريبا ب 65
اللهم احفظ لنا ابو متعب

[ابومرتاح]

هدد 2002 اعبيه ب 111 فاضي واللمبة مولعة الحين 71 ريال .....الله يطول عمرك يا بومتعب .................