تنصحون بالبرقع يالربع ولا لا ؟؟؟؟

[بن نويشر]

السلام عليكم ..

ودي أفصل برقع للسفرات ، والحقيقة هالواقي ما خش مزاجي وغالي ، الموتر اكسبديشن .. تنصحون ولا لا ..؟؟؟

نإنتظار ردودكم بارك الله فيكم ..

[RB3_2010]

والله البرقع ممتاز

علئ حسب مايقولون لاكن افضل الفيري

[طير بيروت]

البرقع مامثله بس اذا ركبته حاول تركبه صح ترى لو انطلق ونت مع الخط ينقح بدي السياره هذا من واقع تجربه

[يزيد 999]

والله يااخوي استكر الحمايه اللي قدام ما مثله وعليه ضمان 10 سنوات واهم شي مايتاثر بالماء ولايشوه منظر السياره

[ابومارية]

عن تجربه اخوي لايطري عليك . كنت مركبه على كرسيدا لونه كحلي قديمه السالفه المهم على طريق الدمام الرياض بعد ماوقفت

عند اول محطه الا وحدود البرقع حافره بوية الكبوت والرفارف ( لأن الهوا لازم يحركه )

فيه فكره حلوه . ماء وسكر خضهن ورشهن علي وجه الموتر وانتهينا .

[مخ سعودي]

من استخدام البرقع على كامري ٢٠١٠
المميزات ـ واقي ممتاز عن الغبار
سهل التركيب والفك
العيوب بقوه ـ الحرارة ترتفع مع الطلعات ويكتم السيارة كتم
يلعب في البويه وخاصه الرفارف يحكها مع الوقت والسرعه
يشوه المنظر
خطير في حال انه انطلق
وتم تركيب حماية وجهية بسعر ٢٨٠ ولها ستة شهور علما اني ازلتها وركبتها من جديد

[سيف وقلم]

حماية الوجهية (تجليدة شفافة) بعضهم ما يضبطها شفت كم موتر نفس قصة التجليدة مب مضبوطة يطلع طرف الكبوت والرفارف وهي أهم منطقة يجب حمايتها والفيري مب شين

[المميـز]

:

من واقع تجربه للبرقع من عام ٢٠٠٩ والى الان ولله الحمد والشكر

ماشفت منه اي ضرر ماشاء الله تبارك الله فوائدة كثيره وماله مثيل بالنسبة لي

على شرط انك تفصله من جلد امريكي وعند واحد يضبط المقاسات بالملي

والكبوت لاتحط عليه شي يعني يكون البرقع من الشبك وتحت

اهم شي يكون البرقع ضيق وماسك على الموتر خاصه من تحت الصدام والرفارف

كنت استخدمه اسبوعيا وبعض المرات اخليه على الموتر اسبوعين ما اشيله

الشي الوحيد اللي كان يتضرر بالبرقع / النايلون حق الشمعات والكشافات وكنت اغيره كل ٦ شهور بعشرين ريال تقريبا

:

[(هزاع)]

مامنه خير يحفر البويه

[بن نويشر]

والله البرقع ممتاز

علئ حسب مايقولون لاكن افضل الفيري


بيض الله وجهك وما قصرت

[بن نويشر]

البرقع مامثله بس اذا ركبته حاول تركبه صح ترى لو انطلق ونت مع الخط ينقح بدي السياره هذا من واقع تجربه


بس وين اللي يفصل صح ؟؟ مره شفت واحد مركب برقع لون بني !!

[بن نويشر]

عن تجربه اخوي لايطري عليك . كنت مركبه على كرسيدا لونه كحلي قديمه السالفه المهم على طريق الدمام الرياض بعد ماوقفت

عند اول محطه الا وحدود البرقع حافره بوية الكبوت والرفارف ( لأن الهوا لازم يحركه )

فيه فكره حلوه . ماء وسكر خضهن ورشهن علي وجه الموتر وانتهينا .

الله يجزاك خير ويرحم والديك ...

[بن نويشر]

والله يااخوي استكر الحمايه اللي قدام ما مثله وعليه ضمان 10 سنوات واهم شي مايتاثر بالماء ولايشوه منظر السياره


بيض الله وجهك وما قصرت . بس للمعلومية نسيبي مركب استكر الحماية هذا من عند M3 وسعره غالي ، وسافر عليه موتره مره الغربية ومره الشرقية وشهب .. وراح لهم ولمعوله الأستكر مره ثانية .. يعني فيه إنا ...

[بن نويشر]

من استخدام البرقع على كامري ٢٠١٠
المميزات ـ واقي ممتاز عن الغبار
سهل التركيب والفك
العيوب بقوه ـ الحرارة ترتفع مع الطلعات ويكتم السيارة كتم
يلعب في البويه وخاصه الرفارف يحكها مع الوقت والسرعه
يشوه المنظر
خطير في حال انه انطلق
وتم تركيب حماية وجهية بسعر ٢٨٠ ولها ستة شهور علما اني ازلتها وركبتها من جديد


الحرارة أكيد أنت مسكر وجهية الموتر ببلاستيك وليس شبك . طيب ليش أزلة الحماية بعد 6 شهور ..؟؟

[بن نويشر]

حماية الوجهية (تجليدة شفافة) بعضهم ما يضبطها شفت كم موتر نفس قصة التجليدة مب مضبوطة يطلع طرف الكبوت والرفارف وهي أهم منطقة يجب حمايتها والفيري مب شين

الله يجزاك خير ،،

[بن نويشر]

:



من واقع تجربه للبرقع من عام ٢٠٠٩ والى الان ولله الحمد والشكر


ماشفت منه اي ضرر ماشاء الله تبارك الله فوائدة كثيره وماله مثيل بالنسبة لي


على شرط انك تفصله من جلد امريكي وعند واحد يضبط المقاسات بالملي


والكبوت لاتحط عليه شي يعني يكون البرقع من الشبك وتحت


اهم شي يكون البرقع ضيق وماسك على الموتر خاصه من تحت الصدام والرفارف


كنت استخدمه اسبوعيا وبعض المرات اخليه على الموتر اسبوعين ما اشيله


الشي الوحيد اللي كان يتضرر بالبرقع / النايلون حق الشمعات والكشافات وكنت اغيره كل ٦ شهور بعشرين ريال تقريبا



:


صح الله لسانك ، وعزا الله أنك أصبت كبد الحقيقة مشرفنا القدير ،،

طيب تعرف يضبط لنا الدعوه بارك الله فيك .. والجلد الأمريكي وش لونه (رصاصي) مثل الصيني ؟؟ ولا لون ثاني ،،؟؟

حفظك الله ..

[بن نويشر]

مامنه خير يحفر البويه


وجهة نظر ... لك مني كل الإحترام ..

[وايل11]

وعليكم السلام اخوي ما انصحك بالبرقع بيخرب عليك الوجهيه هذا غير فك وركب
ويبي يتمغط مع الاستعمال ويتوسع وتعال خذ طقطقه وغثا

ما فيه افضل من الحمايه الشفافه خذلك الماني يكلفك ما بين 300 الى 400 في الغرابي ونم مرتاح
ومتى ما بغيت تسافر ولا فك ولا اربط ولا يغير شكل الموتر ولا يسبب مشاكل ولا يترك اثر

[ابوعمر1397]

كان عندي ماركيز والان اكسبلورر وكلها فصلت لها براقع من محل السماعيل بالغرابي في الرياض
شغل متقن وجلد ممتاز ومبطن باسفنج لا ياثر على البوية ولا شي واختر اي لون
انصحك فيه
السعر في حدود 250 ريال

[المميـز]

وعليكم السلام اخوي ما انصحك بالبرقع بيخرب عليك الوجهيه هذا غير فك وركب
ويبي يتمغط مع الاستعمال ويتوسع وتعال خذ طقطقه وغثا

ما فيه افضل من الحمايه الشفافه خذلك الماني يكلفك ما بين 300 الى 400 في الغرابي ونم مرتاح
ومتى ما بغيت تسافر ولا فك ولا اربط ولا يغير شكل الموتر ولا يسبب مشاكل ولا يترك اثر

الجلد الامريكي لو تمدد يرجع يضيق مره ثانيه وهذا من واقع تجربه

والجلد الامريكي يجي ألوان اختر اللي يناسبك

فصلته بالمدينه عند محل بـ 280 ريال

[You Like Me]

والله انا اخذته من السماعيل
مبطن واسفنج وحركات
ركبته وسافرت الجنوب ونزلت على الحجاز
المهم جلس 12 يوم على السيارة بالضبط
ويوم فكيته حصلته معلم على اطراف الكبوت والرفارف
ولا راحت الا يوم دخلت السيارة التلميع

هو كويس اذا اول ما تاصل بالسلامه تنزله على طول
ما تخليه يطول على السيارة
والا ريح نفسك من الشغله كلها فك وركب غير تشويه شكل السيارة
وركب عازل امريكي او الماني واشتر راحتك
ومافيه مشكله لو غبش ورجعت لمهم يلمعونه مدام ضمانهم 5 او 10 سنوات
والله ييسر امرك

[جوالة]

من واقع تجربة ... مسكت طريق الشرقية وكان الجو غبار ومركب البرقع ويوم فكيته للأسف نزلت شحنة تراب وصنفر لي الوجهية ...
والبرقع مشتريه من السماعيل في الغرابي "تفصيل" ...