صور لــ باذر الربيع بـ عقارب بالشمال 25/8/1423هـ

[فرد حمزة]

بسم الله الرحمن الرحيم

أخواني في المنتدى
السلام عليكم ورحمة الله وبركاته
حبينا نوسع صدوركم بعلوم الشمال وباذر الربيع اللي شفناه
وصرونا لعيونكم علشان تكحلون عيونكم به :D

مقدمه بليلة الوسم
ليلة الوسم زرقنا لشعيب توارن واللي حوله جو والمصك شمال غرب
حايل وصلناه حول الساعه 1.30 بالليل فرشنا شرعنا ونمنا ماخذينا
ساعه إلا ربع وركبت مطر علينا بالشعيب والله أن صفق زخات المطر
على الشرع له نغم خاص ياخي يهيضك ويطلع اللي انت كاتمه للربيع
الوكاد دلينا نصارح وركبتنا هستيريه مع المطر الله يخلف بس مالك
بطويله ومن عقب هالرجال المشوربين صرنا نلعب مثل الوغدان الصغار ..:( ما ننلام :(
هذي ليله الوسم وجاه مطر(ن) طيب بالحيل

أما علوم الشمال عندي علم عقارب وصلناه قبل دخول شهر الرحمة
بليال والباذر طيب بالحيل على ورقتين وثلاث وأربع بتشوفونه بالصور
وضربته له وسميه طيبه بذكر أهل الأجهزة اللي بعقارب
عسى الله يتبع له بالمطر يكفيه شر المربعانيه ...
دورنا الحباري والقطا ... لكن ما وفقنا بشوفته أما الكيروان ذبحنا نهشه
عن طريقنا من كثره وعاده يجي مع الحبارى والقطا

معذرة مقدماً على كبر الصور وذلك ليظهر الباذر بوضوح
هذي صور باذر الربيع عسى الله يتبع له بالمطر


http://w60.13.saudi.net.sa/~u136014901/pic/3qareb/6317-.JPG

وهذي وحدة ثانيه

http://w60.13.saudi.net.sa/~u136014901/pic/3qareb/6319.jpg

وهذي خيال ومزن تصب على عقارب بنفس هاكليوم وعمت عقارب

http://w60.13.saudi.net.sa/~u136014901/pic/3qareb/6324.jpg


تحياتي للجميع ... أخوكم فرد حمزة

[سيف السيف1]

االله يعطيك عافيه على هـذه الصور والله وسعت صدري يافرد حمزه, ماتدري عن اعيوج والزعبيه وهـذيك الديارهي انبتت أرضه,, والله مشتاقين

[فرد حمزة]

ابوفارس

عفواً أخوي

والله أني وسوست من موضوعي أستغربت 55 قاري ولا أحد رد قلت يمكن الصور ما طلعت يمكن ما تحملت ألف أبو هاجوس ركبن :(
لكن أشوى ردك طير الهواجيس

أما بالنسبة يا عزيزي عن أعيوج لينه والزعبيه ما أدري ولا وصلتهن
تخبر هل علينا شهر الرحمة والوقت ضاق قلنا نبي عقارب

لكن أبشر اليوم معانا واحد على الأجهزة ياراسل واحد نداه (( ابو بدر ))
غديني بأقرب فرصه نراسل خوينا يراسل راعي لينه وننشده عن علم أعيوج لينه هو ربع ولا لا :)

أما الزعبيه غدينا نلقا لنا أحد حوله بالأجهزة نأخد العلم منه :)

تحياتي لك ... أخوك فرد حمزة

[شقران]

مالهم حق يابوهمام 55 ومابه الا ردن وحيد الا ابشر بالردود انشاء الله منا لاباتسر
وجزاك الله الف خير على علومك السفره الله يبشرك بكل خير.

[صقر]

تسلم يافرد حمزة على العلوم والصور

نشكر لك هالمشاركة الطيبة والمفيدة

انت مرسالنا للشمال يالغالي.

[الوراد]

بعدي والله

يا خلف جداني انت:good:

ياوالله السنافي ياناس

ايه والله سنافي وشقردي وقرم

فرد حمزه

اشووووووه جبهك

اموووووووووووووووووووووه على ذا الدميجه ياشيخ

تسلم لي وللجميع
تسلم لي وللجميع تسلم لي وللجميع تسلم لي وللجميع تسلم لي وللجميع

[القماري]

ماقصرت يافرد حمزة ودنا لاهنت أنك كثرت من ذي الصور وودنا الله يعافيك تضيف الإحداثيات إن أمكن
مشكووووووووووووووووور لين بكرة الصبح

http://www.baynardscastle.com/hajjisouk/676-883-21.jpg

[ابوساسا]

الله يعافيك على هذي الصور حقيقة ونستـنـا بهذي الصور..

اما عن اعيوج لينة جيتة يوم السبت 27/8/1423 الساعة وحدة الضهر وهو يمشي مشي خفيف مرة والسيل على ذيك الديار من اليل..

والسيل الي جيتة من رفحاء الى محطة الشرق الأوسط حوالي 180 كيلو وهذاء سيل مشى الشعبان وشعيب المناشبي يمشي وقوي ممشاة.. وفيضة ام العصافير مليانة على كبرها.. والفياض الي جيتها كلها مليانة والشغاياء دارجة مدراج طيب والفياض الي قبل نعجة مليانة.. السيل الي جاء ذيك الديار سيل طيب ويبشرون هل الصيد واهل الفقع بالخير.................

[عاشق الصحراء]

الله يعافيك يا فرد حمزة و الله ما قصرت و الله يبشرك
بالخير و اللي يسرك و يفرحك.

و عز الله انك تصلح تكون مراسلنا لربيع المناطق الشمالية
هذا اذا ما كان عليك كلفة.
يا بعد حي ما تدري عن الديار القبلية اطراف الشعبة و هكالديار
_
_
_
بالله و لا عليك امر شف لنا يالغالي ازهم عليهم و لا تنسى اطراف
رمان و غرب سلمى يعني قبلة الروضة و انت رايح ..

بشرنا عسى الله يبشرك بالجنة.

تقبل تحيات اخوك عاشق الربيع.

[NIGHT STAR]

عز الله ماقصرت وبيض الله وجهك.

يا زينك ويا زين صورك ويا زين الأرض اذا صارت ممطورة توسع الصدر.

يا ليت تحط احداثيات المنطقة اللي صورتها شكلها عقب شهر بتصير وش زينها يا ليت تحطها لنا.

تقبل تحياتي :good:

[شاص]

تسلم والله يافرد حمزة هاذي والله العلوم اللي تشرح الخاطر..

[الحزين]

الله يوسع صدرك يافرد حمزه ,, انت رائع ,, ومواضيعك أحبها بالحيل يابعد حيي

أرجوك ,,,,,,,,,,, (( نبي زود يالغالي ))

تحياتي واعجابي ,, اخوك ابو محمد

[فرد حمزة]

~~~~~~~~~~~~~~~~~~~~~

شقران العزيز ..:)
عليكم السلام ورحمة الله وبركاته
أنشهد أنك كبير الذيابه نطقت الذيابه ;)

خوينا بهم الخير لكن يمكن ماهم حول النت ولا ما يقصرون وشوفت عينك ما قصروا
واياك ويبشرنا واللي يقرون بالجنة

~~~~~~~~~~~~~~~~~~~~~

أخوي / صقر
الله يسلمك يا خلفهم

والعفو وماسوينا شي يذكر :)

أبشروا بالعلوم اللي تسركم وكان وجهت شين بعطيكم خبره

~~~~~~~~~~~~~~~~~~~~~

الوارد
عسى الله يوردنا وأياك واللي يقرون حوض النبي اللهم صلي عليه
والله يخليك لعين(ن) ترجيك
ياااااااااخي والله شدقن حموري:( <-------( حمرن شدوقي) :D من حتسيك
راحت علومي :D
و الله خشمك إلا خشمك أمووووووواه يا وجه الرياجيل

~~~~~~~~~~~~~~~~~~~~~

القماري
الله يعافيك ولا شكر على واجب يالعزيز
والله الأحداثيات ما معي جهاز مرتكي على الخوي ((( قرناس ))) راعي الجاررررمن
هو دليلتنا بالطلعه بكلمه بخليه يشارك بالموضوع ويكتب الأحداثيات

~~~~~~~~~~~~~~~~~~~~~

ابوساسا
ويعافيك رب العزة والجلاله وعسى ايامنا كلها فرح وسرور
ومشكور ياراعي العلم عن اعيوج لينه والله يبشرك بالخير على العلوم اللي تسر الخاطر

~~~~~~~~~~~~~~~~~~~~~


عاشق الصحراء
وأياك ... وأياك ... وأياك يالغالي

أما علوم قبلي الشمال وقبلي حايل ما عندي علمه لكن ابشر أبي انشد لك عنه مع أني ما اجيه ودايم وجهتي للشمال :)
ابشر بخبرهن بحاول اجيب لك علمهن :)

~~~~~~~~~~~~~~~~~~~~~

NIGHT STAR نجمة الليل
يالله حيه
وعسى يبيض وجيهنا واللي يقرون يوم الحساب ..
الله يعافيك وشكراً على الإطراء
أما الأحداثيه أصبر يجينا طير شلوى خوينا ((( قرناس ))) ويكتب لنا الأحدثايه من جهازه

~~~~~~~~~~~~~~~~~~~~~

شاص
الله يسلمك ويرضالي عليك يعافيك رب العزة والجلاله

~~~~~~~~~~~~~~~~~~~~~

الحزين
الله يطيب أعمالك كلها و يرزقنا واياك واللي يقرون الجنة بغير حساب
الله يعافيك على الإطراء ، وقليل في حقكم ما أقدمه
أبشر بسعدك واللي يسرك يالغالي الحزين
أصبر علي :)

[الوراد]

حييوووووووه


http://www.almuhands.org/forum/images/smilies/tsfeeq11.gif



حييوووووووه

[النجم الهاوي]

اللة يعطيك 1000 عافية على هالصوروخاصة صورة الخيال بس بصراحة هيضتني على البر مادري بعد اسبوعين من المطر كيف الارض الان اذا فية صور اللة لايهينك:heart:

[قرناس]

مشكور أخوي فرد حمزة على هذه الصور
وعن إذنك نبغي نعطي الشباب الإحداثية ( إحداثية نفود عقارب) اللي حول الموقع
إحداثية نفود عقارب هي : N:29.24.292
E:42.47.702
الربيع شمال هذه الإحداثية بثلاث كيلو تقريباً

طبعاً هذه المنطقة غنية بالقطا بأنواعه والحباري

[naef1382]

ماشاء الله جهد رائع يستحق الثناء والشكر والتقدير .. تحياتي وتقديري ....... ودمتم

[سيف السيف1]

وش صار على باذرعقارب نبى صورة ثانية , والربيع الزين وين هو فيه ترى العيد قرب ما ندري وين نروح
يقولون الحيانية مربعة هل هو صحيح يا راع الشمال;)

[فرد حمزة]

كاتب الرسالة الأصلية مخلص النية
اللة يعطيك 1000 عافية على هالصوروخاصة صورة الخيال بس بصراحة هيضتني على البر مادري بعد اسبوعين من المطر كيف الارض الان اذا فية صور اللة لايهينك:heart:

الله يعافيك مخلص النية

والله يا عزيزي من جاء شهر الرحمة وأنا ما طلعت ...

لكن علومه كلمت أمس واحد راح لعقارب يقول توه بدري عليه ومحيوس ويقول لا هاللحين توه ما ينعنا له بدري عليه

[فرد حمزة]

قرناس
الله يعافيك
ومشكور وما قصرت

والله يشفيك عاجلاً وتفك الجبس من رجلك علشان نلحق على عطلت العيد :)

[فرد حمزة]

كاتب الرسالة الأصلية naef1382
ماشاء الله جهد رائع يستحق الثناء والشكر والتقدير .. تحياتي وتقديري ....... ودمتم

الله يجزاك خير ،،،، ولا شكر على واجب ... تستاهلون كل خير ... حفظك الله

[فرد حمزة]

كاتب الرسالة الأصلية ابوفارس
وش صار على باذرعقارب نبى صورة ثانية , والربيع الزين وين هو فيه ترى العيد قرب ما ندري وين نروح
يقولون الحيانية مربعة هل هو صحيح يا راع الشمال;)

هلابك ،،،

حياك ربي أبو فارس

يا بعد حي عقارب توه بدري عليه هاللحين ماتسوى العنوت له ،،، وقته أن شاء الله بعطلة الحج ومن بعده

والربيع عموماً توه ماهناش الربيع اللي يذكر ،، لكن أبشر به ربعن راحو قبل أمس إذا جو باخذ العلم منهم وش أطيب ماوطه من الأرض والربيع

[فارس الصحراء]

مشكور ياعزيزي على هالصور
- بس لي طلب عندك لوتكرمت تهتم به
ابي استفيد من خبرتك في ادراج الصور في موضوع بالمنتدى ( اذا كانت الصور محفوظة في المستدات على الجهاز ) حيث انه عندي صور جميلة عن باذر الاراضي الشمالية ( شمال المملكة ) / الحماد والحرة.
مشكور مقدماً.

[السرحان]

تشكر يا فرد ,,, والله يعطيك على قد نيتك يا رجل ,,,, مجهوداتك واضحه ومشاركاتك رائعه ,,,, وربيع طيب مثل كاتبه ,,,,, وعقبل المربعانيه ,,,, وكل عام وانت بخير

[فرد حمزة]

كاتب الرسالة الأصلية فارس الصحراء
مشكور ياعزيزي على هالصور
- بس لي طلب عندك لوتكرمت تهتم به
ابي استفيد من خبرتك في ادراج الصور في موضوع بالمنتدى ( اذا كانت الصور محفوظة في المستدات على الجهاز ) حيث انه عندي صور جميلة عن باذر الاراضي الشمالية ( شمال المملكة ) / الحماد والحرة.
مشكور مقدماً.

فارس الصحراء

العفو عزيزي

تامر أمر عزيزي

بسيطه أن شاء الله

عندك طريقتين :-
الطريقه الأولى
هي أن تقوم برفع صورك على النت أقصد مواقع مجانيه مثل أين أو جيران وغيرها ...
ومن ثم تقوم بنسخ رابط الصوره بالضغط على الصورة بزر الفأرة الأيمن وأختيار خصائص وثم نسخ رابط موقعها ...
ثم إدارج موضوع جديد في المنتدى وثم تضعط على زر صورة وأنت في إطار أعداد موضوع جديد وتلصق رابط الصورة في مربع الحوار الذي ظهر لك بعد ضغط زر صورة

الطريقه الثانيه
ترفق صورك بموضوعك
قبل كل شئ لا بد أن يكون عرض الصورة لا يتعدى 540 بكسل ، إذا كان أعلى من ذلك تقوم بتصغيره عن طريق الفوتوشوب ، إلى 540 بكسل
ومن ثم ترفق الصورة


الطريقة الأخيرة لا تحتاج إلى موقع مجاني ترفع عليه الصور

تحياتي لك ... فرد حمزة :)

[فرد حمزة]

كاتب الرسالة الأصلية السرحان
تشكر يا فرد ,,, والله يعطيك على قد نيتك يا رجل ,,,, مجهوداتك واضحه ومشاركاتك رائعه ,,,, وربيع طيب مثل كاتبه ,,,,, وعقبل المربعانيه ,,,, وكل عام وانت بخير


السرحان

العفو أخوي

ويعطيك عزيزي على قد نيتك يالطيب ...
وهذا قليل من حقكم ... علينا
والله يجعل القرآن الكريم ربيع قلوبنا
ويجعل الأرض ربيع دايم الدوم

وأنت بخير عزيزي :)