استفسار لصحاب الشيصان الله يعافيكم

[سعد الموسى]

السلام عليكم ورحمة الله
مساء الخير
صباح الخير
اخواني انا ودي اشتري شاص وماعندي اي خبره فيها
ابي اعرف كيف اعشق الدبل ووش رموزه ووش فايدة كل وحده واللي على الاسفلت نمرة وش
يقولون يختلف مع الموديلات
وكيف اعرف الموتر نضيف او لا من حيث المكينه والقير والدبل
والرفرف متى نزل في اي موديل
وارجوا انكم تفيدوني لانكم انتم اهل الخبره الوحيدين في النت الله لا يهينكم
واسف ع الاطاله
لو كل واحد يعطيني معلومه استفدت منكم

[مريتو]

ماخليت شئ الأفضل أن تقرأ الكتالوج

[(((.ابوتميم .))))]

الدبل الارضي في اغلب السيارات الرموز تدل على شي واحد
رموز الدبل نتكلم عن القير (( عادي )) .

H2 تعني ان الدبل مفصول و السياره تمشي بالدفع الثنائي ( خلفي فقط ) .
H4 هذا الدبل الخفيف . وتشغله والسيارة تمشي عادي بس السرعه لازم تكون تحت 60 كم
N فاضي و هو يفصل الدبل والقير يعني الموتر فاضي ولا يمشي في اي نمره
L4 هذا الدبل الثقيل . ولازم تشغله وانت واقف

اذا جيت تحط الدبل الثقيل ( بعد رمز الــ N تضغط قير الدبل(((( الى الأسفل ))))ثم ترجعه الى الخلف علشان يصير في نمرة الدبل الثقيل ) . في النيسان

الدبل الثقيل في التويوتا يختلف( بعد رمز الــ N فبدال ما تضغطه للأسفل ((ارفع قير الدبل الى الأعلى ))و رجعه الى الخلف و يشتغل الثقيل) ..

[مواسي الطعوس]

يارجال قل له رح نم .....مارفع الجيوب الا ناس تشتريه ماتعرف له وليست في حاجته

[((ابوملاك))]

الرفرف نزل من موديل 2000

انا معي شاص 11 سعودي

[حبل الوريد]

يا رجل خذلك هلكس اصرف لا تجاوب عليه على التنده وتجلس به الموتر مهو رخيص

[وايل11]

وعليكم السلام اخوي انت وش تبي به شكلك منت راعي حلال وش حادك على الموتر
الموتر امكانياته محدوده يعني للشيل والحط مهوب للرزه والتشخيص شف لك جيب اصرف

[محنك]

نعم الشاص هو الجيب المناسب لك .
والحوض تستفيد منه أكثر من الصالون ..
لأن الصالون الجي اكس والفكس ار وغيرها من الصوالين عائلية ...
أما الشاص .. فهو اللي يوسع الصدر وينقلك إلى عالم أخر غير عالم الصوالين والمراتب .

[سعد الموسى]

اشكر الخوه اللي ردوا علي وافادوني الله يجزاهم خير
ولا اللي يطول لسانه القول حسبي الله ونعم الوكيل
والشاعر يقول ليا جهلت انشد ترا مابها عيب
والموديلات القديمه كيف الدبل فيها من 99 وتحت

[قناص الجنوب11]

صح لسانك
يالشاعر

[راعي المقانيص]

اذا انت شريت شاص اسئل الله تعالى ان يعطيك خيره ويكفيك شره ويجعله موتر مبارك

واذا انت لحد الان ماشريت ما انصحك تشتريه لانه مايستاهل سعره مطيرينه بالسماء وانا اخوك اصبر لحد مايفرجها ربك والا خذ البديل من غير تويوتا


http://im21.gulfup.com/2012-02-16/1329408709181.jpg

[صياد الجبل]

اختيار موفق اتمنى انك تشتري الزين

بالنسبه للرفرف شف اذا تبي الراحه وكذا الرفرف اريح من السلق

واخف منه شوي بالمنقز

السلق قوي في التحميل والقوه

انت انزل المعارض كذا وخذلك كم فره وسلف معه ذا وذا راح تعرف كل شي

[قلايد الخيل]

الشواص وليس الشيصان

[احب الحيا]

الشواص وليس الشيصان

السلام عليكم اول شي يالغالي الشاص يصلح لواحد راعي مزرعه او راعي حلال بالعربي راعي تحميل وتنزيل وبالنسبه للشيخ قلايد الخيل عندنا بمناطقنا لو واحد يقول شواص نضحك عليه لان حنا نسميهن شيصان وشكرا

[بليزر]

والله يا اخوي خذها نصيحه من اخوك مجرب عندي شاص 2010 انا الي فاكه من الوكاله اخدمه اكثر مما يخدمني من زود الحرص عليه ويشتر ولدي سوبارو دفع رباعي مستمر 2012 واضحك عليه واقوله وش هالموتر الي ما يتكل عليه قال خذ الموتر وجربه واخذ الموتر واحده على التغريز الين دكر بطن الموتر بالرمل وانا انسم له تنسيم بسيطه ويطلع بكل بساطه وقيمة الفل منه 95000 ريال والأستاند من الشاص يصل فوق 110000 ريال هذي نصحة ولا انت ملزم بها لك ولكل من قرأها وازودك من الشعر بيت اليوم موعدي مع الوكاله عشان ينزلون القير يغيرون فحمة الكلتش والحمد لله على كل حال وعقبها نوي انزله للسوق للبيع ونسال الله الرزق والعوض وشف كاتب موضوع بعنوان الفزعه يا اهل الشيصان

[ابا الأفلح]

يارجال قل له رح نم .....مارفع الجيوب الا ناس تشتريه ماتعرف له وليست في حاجته



اشره على المشرفين كيف يخلون هذا العضو بالمنتدا
يا اخي عيب تادب مع الناس تعلم طريقة الحوار الرجال سأل تبي تجاوب او اصمت انت انسان ارعن ودائما ما اجد ردودك المخجله
هل انت تستحق الجيب ؟؟؟؟
انا برأيي انك لا تستحق حتى سيكل على كلامك واعتقد ان عقليتك لم يتجاوز سنها ال 14 سنه

[D.luffy]

اشره على المشرفين كيف يخلون هذا العضو بالمنتدا
يا اخي عيب تادب مع الناس تعلم طريقة الحوار الرجال سأل تبي تجاوب او اصمت انت انسان ارعن ودائما ما اجد ردودك المخجله
هل انت تستحق الجيب ؟؟؟؟
انا برأيي انك لا تستحق حتى سيكل على كلامك واعتقد ان عقليتك لم يتجاوز سنها ال 14 سنه
ياخوي مهب اول مره يسويها قبل ينطل كلام انا لو بحلف ان عمره ما يتعدا 18 توه بزر سفيه لا تشرهون عليه

[سعد الموسى]

السلام عليكم
اشكر كل من رد علي و افادني واقول جزاكم الله خير وبيض الله وجيهكم
اللي انا ابيه من 94 الى 99
كم اسعارهن ؟النضيف والا محركاته نضيفه وهو فيه سمكره زينه يعني غير واضحه
والدبل فيه كيف قوته وتعشيقه ؟
وهل يجي فيها مكره ودفلوك ؟
واسف ع الاطاله وادري اني ثقلت عليكم

[ابومناحي]

يارجال قل له رح نم .....مارفع الجيوب الا ناس تشتريه ماتعرف له وليست في حاجته

انت ماتستحي على نفسك
وش عليك من الرجال ؟
الرجال طالب منك دراهم ؟
ياخوك دراهمه وهو حر فيها علامك حاقد
سبحان الله العضو مواسي الطعوس يسرح ويمرح ويقذف بخلق الله ولا احد يحاسبه