مساعدة عاجلة

[almake]

بسم الله الرحمن الرحيم

السلام عليكم ورحمة الله وبركاته

ابي اعرف مواصفات الاكسبديشن نص فل من توكيلات الجزيرة اللي سعرة 13500 ريال

لان اليوم موعد الاستلام والسيارة لشخص عزيز وغالي واريد ان اعرف ماذا يوجد داخل السيارة قبل الاستلام .
وماهي نصائحكم قبل الاستلام وبعد الاستلام .

وشكرا لتعاونكم

[almake]

40 مشاهدة بدون ولا رد

تكفون يالربع مستعجل على المعلومات للضرورة القصوى

بانتظاركم

[إكسبلور2010]

انا مستلم سيارتي الاكسبلورر قبل اسبوع

طبعا اول ما تجي راح يجهز لك اوراق الضمان
طبعا تأكد انها خمس سنوات او 200000كم ثلاث شامل وخمس دفرس وجربكس ومكينة
بالاضافة الى عرض الاكسبدشن ثلاث سنوات صيانة مجانية وتغيير الزيت مجاناا
راح يختمه لك ويعطيك اوراق استلام السيارة قالوا لي وقع قبل ما اشوف السيارة قلت امعصي ما راح اوقع الا بعد ما اشيك على السيارة
شيكت على السيارة من اسبير الكفر والعفريته والعدة وشنطة الاسعافات الاولية فيها طفاية الحريق وفيها مفكات واغراض الاسعافات بالاضافة الى محقان البنزين بالاضافة فرشات الدعاسات للرجلين
وشيكت على البدي وعلى الكفرات وعلى الهوبات لا يكون فيها صدأ وفتحت كبوت السيارة تشوف اعمدة المكينة لا يكون فيها صدأ وبس
بالاضافة الى اني نشف ريقهم على برمجيات السيارة من والى
الله الله فيهم نشف ريقهم لا اوصيك هذا حقك
طبعا كل هذا قبل ما اوقع اوراق استلام السيارة
اذا وقعت لا تنتظر انهم يطلعون معك للسيارة خلاص راح يدورون فريسة غيرك

بس للأمانة ترا توكيلات الجزيرة افضل الموجود عندنا من الوكالات

وبالنسبة لمواصفات الاكسبدشن
تجيك لون واحد السيارة كامل + دبل + الظاهر والله العالم انها جنط 20

بس اذكر ان ذي كان سعرها قبل اسبوعين 139750 ريال

وبالتوفيق لك ولخويك والله يعطيه خيرها ويصرفه شرها

[almake]

الله يجزاك خير

[almake]

خلاص استملنا السيارة ولله الحمد

المواصفات كالتالي

مرتبة السائق كهربائيه فقط وبقية المراتب يدويه

السيارة لون واحد

دبل

الزجاج الخلفي الطويل متحرك

الجنوط 20

بلوتوث

نظام ساينك

المسجل سي دي واحد

منفذ يو اس بي



----------------------------

موجود بالسيارة التالي

عفريته مع اليد ومثبت الكفر ومفك العجل
طفاية حريق
شنطه صغيره جدا اسعافات اوليه
شنطه فيها قياس هواء ومفك وزراديه ومفك مسامير
مثلث
قطعة توضع بالتانكي لتعبئة الوقود من غير المحطات
فرشات السيارة عدد 4 قطع

--------------------

مع السيارة ضمان الـ 200.000 كيلو
وارواق الصيانه المجانيه
وتخفيض لعمل عازل وحامي للمقدمه
مفتاح السيارة مع بطاقة ارقام الدخول
----------------------

السيارة ماشيه 4 كيلو فقط عند الاستلام
----------------

للمعلوميه والسلام عليكم

[azu]

بارك الله له بها ، والله يعطيه من خيرها ويكفيه شرها

مبروووووووووك

[ابوتركي11]

ما شاء الله الله يطعمك من خيره ويكفيك شره

وعساه مبروك يا رب

[almake]

الله يجزاك خير ويوفقك