روضة الخفس

[ناصر الدهمشي]

السلام عليكم

ياخوان الله يجزاكم خير

اللي يعرف لي وصف روضة الخفس من الحفر الباطن

وجزاكم الله خير

[صقرالعارض]

السلام عليكم روضة الخفس ثنتين شماليه وجنوبيه والوصف وانت جاي مع طريق الرياض القصيم باتجاه الرياض تجيك محطة فيحاء العتش تعدها يجيك مخرج الحسي تعده يجيك مخرج مكتوب عليه الثمامة تطلع مع المخرج وتتجه يسار باتجاه الشرق تمشي تقريبا 5كم يجيك تقاطع سيد تمشي حوالي 15-20 كم يجيك نفود الثمامة على اليمين تجيك لوحة على اليسار روضة الخفس الجنوبية . وروضة الخفس الشمالية اذا انت بتمشى انصحك بالشمالية لان ربيعها اطيب وهي شمال من روضة الخفس الجنوبية وقريبة منها . ارجوا ان يكون الوصف واضح واسف على الاطاله.

[بن نويشر]

بعيدة . وما تستاهل العنوة . وربيعها راح .. شد ارضك..

[ركان]

أبشر بعزك أعطيك الأحداثي وتوجه عليها بالتوفيق .

N 25 31 180
E 046 26 600

وبانسبة لها ماعليها وترها ممطورة مطر طيب الأربعاء فات اللي 12/5 وأنا شاهد عيان على ذلك ويكفيك ريحة العشب والله جو يحبه قلبك اذا عزمت توكل على اللــــــــــــــــــــــــــــه.
مع خالص الود أخوكم ركان

[البرفسر]

بصراحة يمدحون الخفس الجنوبية

[ناصر الدهمشي]

الله يجزاكم خير وماقصرتوا