بطاريه اي سي ديلكو

[وجعين]

السلام على الجميع ودي اطرح موضوع بطاريه اي سي ديلكو من واقع تجربة حيث اني هذه السنة غيرت ثلاث بطاريات وحده للمكسيما وثنتين للباترول الديزل وها الحين تبت ماعد اشريه ياجماعة البطاريه مهب على جودته اول ( 7 اشهر وتنتهي) انا بعد تقريبا شهرين بعد ماركبته لاحضته تضعف انا اتوقع ان المصنع مسوي ها الحركه ودارسه درسه على شان الناس تستهلك .واحد من الربع مركب كوريه على الباترول حقه يقول لها اكثر من سنتين والغريبه انها عايديه الي تعبأ :good2:. اختصار الموضوع نبي تجربه الشاباب مع البطاريات العايديه وافضلها قضينا من الاكتروني:( مبالغ خياليه على سلعة تعبانة.:mad:

[سيف وقلم]

الضمان سنة رح رجعها وغيرها على الضمان كانك محتفظ بالفاتورة

[مستربوب]

انا ماكملت سبعة أشهر ورحت لأوتوستار واعطيته الفاتوره وكشف على البطاريه وقالي خربانه وأعطاني وحدة جديدة على الضمان
بإختصار رجعها..............

[يوكون2666]

انا اركب الكورية الالكترونيه افضل بكثير

ونوعها دايو

وجدت انها اقوى من اي سي ديلكو

[المميـز]

:

البطاريات العادية افضل من الالكترونية من خلال تجربتي لهم

الالكترونية حدها بالكثير سنه ولكن العادية كل مانقص ماها عبه وتزين

:

[استحملك]

ليش تأخذون أي سي دلكو
وتحاتي متى تخترب وتهرب ماي ومشاكله كثر وأنا الحين مقبلين على موسم الصيف
جبرو اوبتيما. ترتاح من هل مشاكل امن اتشده على موترك أنسئ هل مشاكل
لي متى وكل يشتكي من بطاريات أي سي. دلكو

[abadi1]

عن نفسي طلقت الألكتروني ثلاثا

وأستخدم بطاريه FB باقادر تتعبأ

في نوع ياباني 100%

وفي نوع تجميع تايلندي

اللي عندي تايلندي والحمدلله ماشكيت منها

[أطلال نجد]

السلام عليكم
بطاريات أي سي ديلكو ماشيه على السمعة القديمة
من أردى البطاريات في السوق غيرت ثنتين في أقل من سنة ونصف !
بالنسبة لبطارية FB حقها سنة وتنتهي
عليك بالبطاريات العادية اليابانية أو بطارية هانكوك أو دايو أسعارها مناسبة وتخدم من سنة إلى سنة ونصف حسب الإضافات على السيارة واستخدامك
كذلك يوجد بطارية نوع بانسونك هذه النوعية جيدة على سيارات 4 - 6 سلندر مدة الاستعمال من سنتين إلى ثلاث حسب ما قرأت عنها
وفيه بطاريات جافة أمريكية الصنع لكنها غالية شوي يصل سعرها إلى 1000 ريال
لكنها تخدم حسب ما قرأت عنها من 5 إلى 7 سنوات
اسمها أوبتيما وضمانها 3 سنوات ويجي منها ثلاث أنواع نوع لسيارات الدفع الرباعي ونوع للسيارات الصغيرة ونوع للشاحنات
بالتوفيق

[وجعين]

الله يجزاكم خير على الردود على الموضوع بنسبه لبطاريه بنسونك ب1000 غاليه بلحل وماضنتي ابركبه على موتر للبر وللجلد لاكن الي جرب بطاريه هنكوك الكوريه يعطينا معلومات عنه وهل هي جافه او عادي لاني اشوف اكثر الاخوات يشيرون به

[WWS]

انا اركب الكورية الالكترونيه افضل بكثير

ونوعها دايو

وجدت انها اقوى من اي سي ديلكو


:good2::good2::good2::good2:

ركبت دـآيؤ آلكؤريه
بـ280 ريـآل ؤ ضمـآن سنه
ؤ آي سي ديلكؤ بـ370 ريــآل سلآمـآت نهـآبه آلدعؤآ صــآرت
ؤ فيه آكس آيـد
ؤ NBC





:

البطاريات العادية افضل من الالكترونية من خلال تجربتي لهم

الالكترونية حدها بالكثير سنه ولكن العادية كل مانقص ماها عبه وتزين

:




كلن ؤده بهـآ
بس آلمشكله في آلآصـآبع جنبيه مؤ فؤق
لؤ قصيتهـآ مثلآ من مؤتري يقصر آلسلك مره
تقل مؤزؤن على آلجنب بس
ؤ لآ فيهـآ مجـآل آلعـآديه تربطهـآ كؤؤد من فؤق زي آلددسن

لكن الحمدلله كثيره خيــآرآت آلآن بطـآريـآت

[أطلال نجد]

الله يجزاكم خير على الردود على الموضوع بنسبه لبطاريه بنسونك ب1000 غاليه بلحل وماضنتي ابركبه على موتر للبر وللجلد لاكن الي جرب بطاريه هنكوك الكوريه يعطينا معلومات عنه وهل هي جافه او عادي لاني اشوف اكثر الاخوات يشيرون به

أخوي بنسونك في حدود 400 ريال البطارية اللي بـ 1000 ريال نوعية أوبتيما أمريكية الصنع وهي بطارية جافة وحسب ما قرأت عنها أنها تعيش معك إلى 5 سنوات وربما أكثر
يعني طلعت أرخص بكثير من البطاريات الثانية اللي أقيامها 380 ريال وما تعيش معك سنة واحدة .
تحياتي

[العمده 0ون0]

وعليكم السلام ورحمة الله وبركاته
اخوي
عن تجربة
على سيارتي اليوكن حاليا بطارية هانكوك الكترونية 74 امبير اساسية مركبتها قبل سنة وثمانية شهور ماشاء الله تبارك الله ما اشتكيت منها ابدا مع انه كم مرة الله يصلح لنا ولكم الاولاد اوقات يتركون انوار السقف الداخلية شغالة الى يوم ثاني وادق سلف تدق زي اللوووز ههههه ماشاء الله تبارك الله
وسلامتكم
:s

[1 أبو يزن 1]

أضم صوتي لصوت صاحب الموضوع من واقع تجربة

[الواهج]

بطارية اسي ديلكو حصل معي موقف معاها وكرهتها هو انفجارالبطارية مع تشغيل السيارة

ارشحلك بطاريات

باناسونيك
تويوتا
فورد
يوشا

رخيصة واسعارها معقوله

اما اذا تبي الغالي
بلاك هورس
اوبتيما
كاتربولر

[وجعين]

صح لسان القايل شكله من الشمال او حايل بيتين من ذهب

[وجعين]

كم سعره يا الغالي وكيف اعرف انه 74 انبير الباترول الي عندي ديزل93 يبيله اقل شي 80 يالله تقواه تخبر الديزل خاصه الصباح قومته ثقيله يبي كهرب والله شكلي عزمت على هانكوك كلن يمدحه

[استحملك]

خلكم على اوبتيما شيخت البطاريات
كل يشكي. من بطارريات العاديه
إلي جرب أوبيتما يعطينه قوته وفي الكهرب وفي تحمل في العمر
وفي الماده إلي فيه

[وجعين]

تم تركيب بطاريه وارد عمان عاديه عليها قوة تحس فها ونت تشغل السياره بعكس اسي ديلكو الضعيفه بس مادري عن عمرها هي تطول ولا لا الزبده رخيصه 150+70 انبير مع البطاره القديمه مع المكاسر اول ماجيت قالي 190

[قناص خلاوي]

الله يبارك لك بما ركبت
لكن الديزل نصيحة مرة ثانية لا تركب اقل من 100 امبير
اذا تبيها تعيش معك
وأسأل مجرب ديازل ياماتغربلنا بالبطاريات :)

[أطلال نجد]

أضم صوتي لصوت أخي قناص خلاوي
الديزل يبي له بطارية قوية
بالنسبة لمحركات البنزين ستة سلندر أقل شيء 80 أنبير