رايك بكفرات ،، هانكوك

[العتيبي 88]

السلام عليكم ورحمة الله وبركاته

كيف الحال ياشباب انا ناوي اركب كفرات ان شاء الله على باترول ..

ودخلت مزاجي كفرات هانكوك نقشة شاهين ..كوري .. مقاس 275/75/16

من الي جربها وكيفها قاسيه لينه كيفها خط بر .. تتحمل سرعات عاليه وحراره ولا لا .. وماذا يعني .. H-L

http://www.alrahalat.com/uploads/2011/512/01299072693.jpg


الله لايهينكم ،،

[ابو محمد السهلي]

فيه ناس كثير تمدحها----ومطبها زين والكفر لين وعملي--- وفيه ناس تقول ثقيل --- اما من نحيتى اقول خذها طيبه ةتراي ماركبتها بس اعرف واحد مركبهن يمدحهن النقشه العاديه مهيب الشواهين

[السومر]

انا مركب هانكوك بس غير نقشة الشاهين ممتاز

[المميـز]

:

بالنسبه للتجربه ماجربتها ولكن نسمع انها ممتازه للرمل لانها لينه ولا تصلح للحجر تنشق بسرعه

وبالنسبه لتحمل الحرارة والسرعة القصوى والاحتكاك والحمل كلها تجدها مكتوبه على الكفر


:

[stranger]

انا مركبها من سنه ولكن النقشة العادية ما شاء الله ناعمه وهادية على الخط

[العتيبي 88]

طيب ياخواني H-L

[العمده 0ون0]

وعليكم السلام ورحمة الله وبركاته
لاهنت والاخوان جميعا
صراحةً بالنسبة لكفرات هانكوك عن تجربتي على وانيت جمس ويوكن صراحةً كد ومد اكثر ثلاث سنوات من ناحية الجودة والليونة ممتازة في البر والخط كذلك بشرط تشتريها من عند وكيلها واحرص على الهواء دائما حسب العيارالمسموح والمكتوب على الكفر هذا في الاسفلت داخل الديرة اما في البر والتطعيس لاينقص الهواء عن18 psi علشان جنب الكفر لا يلحقه الحصى قدر المستطاع
اما السرعة والحرارة ادخل عندك في باحث قوقل مكشات اعلى الصفحة واكتب (مواصفات الاطارات) تلقى مواضيع كثيرة للاعضاء مفيدة جدا واتمنى لك التوفيق والسلامة ان شاء الله0
هذا والله اعلم
:s

[abdullahzaydi]

السلام عليكم

اخوي انا مركبها مره كويسه ودايم اسافر والكفرات طيبه في الحراره ...
بس اقولك اهم شيء تاخذ اربع طبقات علشان الاجواء عندنا حاره
2- خذها من نفس الوكيل علشان تاريخها جديد ويعطيك ضمان سنه
3- اذا اختها من الوكيل في نفس الفاتوره من الخلف مكتوب جميع موصفات الكفر كاملا اوكيه وجميع الرموز
4- خذ النوع A علشان الاجواء عندنا
اذ انت في المدينه المنورة ترى وكيلها في المطار مقابل موسسة النقد اسم المحل بن شيهون
ان شاء الله درب العافيه والسلامه..

[أحمد محمد1429]

ممتازه أنا مركب الآن الطقم الثاني وخدمتها لاتقل عن سنتين .
ملاحظه هامه عمر الكفر الهواء , عب الكفر الهواء المسموح به والمكتوب بجانب الكفر

[كاتم2]

كفرات ممتازه توكل على الله أنا ماركب الا هي في سياراتي
بالنسبه للحروف كيف جايه جمب بعض H-L ولا متفرقه
لأن حسب ماقرات
H معناها يتحمل إلى سرعة 210

[هواي الدهناء]

انا مركبه ع الددسن والدينا وتجيني تريلات مركبتها ويوم ركبتها ع سيارتي الاوله الباترول ماحسيت اني مركب كفرات لينه ومافيها اصوات وفي الطعوس ع كيفك النقشه العاديه

[هواي الدهناء]

والدليل عدم توفرها في السوق وباقي الكفرات موجوده

[ولد وايل 2010]

أتكل على الله وركبها والله يبارك لنا ولك

[صاحب الجيب]

السلام عليكم
أخوي ممتازة جداً بالنسبة لي أنا ما أركب إلا هي مع العلم سبق تجربة كفرات مكسس ولكن الهانكوك لين ومريح بالخط والرمل

[العتيبي 88]

بيض الله وجيهكم

[استحملك]

كفر. ممتاز أفضل نوع من أنواع الكوريه. مجرب
وأنا عندي أفضل من دنلوب

[كم كيلو باقي]

ممتاز.. على سيارتي الحين

لكن يحذرون منه في الحصا يقولون ينشق بسرعة والعلم عند الله

[لسان الحقيقة]

هانكوك لين جداً ويريح السيارة لكن يتعبك انت كل يوم بالعن مسمار

[تميم2222]

للبر فااااااشل تقبل مروري

[الباشاء]

بالنسبة لكفرات هانكوك النقشة العادية ... اذا انت راعي بر وحصى نصييحة مجرب لا تاخذها . لنها تتشقق وتقطع من اول حصاة .. اذا السيارة مو للبر اشتريها للينه ومافيها مطب .

[الخلاوي 15]

مع احترامي اغلب للي ردو .. ما اعتقد ان تجربتهم مع الهانكوك استعمال قاسي

بعضهم ماياصل الوعر الا بالشهر مره ويقول اشتر وانت مغمض وقويه ومدري ويش ..

الزبده على الاستخدام القاسي والوعر .. مافي شك البالون بطل الوعر

لكن للكفرات العاديه ماشفت مثل الدنلوب .. جربت الهانكوك جربوها العيال جربت التي يو جربت البرجستون

التويو والبرجستون قويات للوعر لكن بزود

الدنلوب منتصف ويستاهل قيمته

نصيحتي الزياده بالشي ولاتتعدا الدنلوب اذا استخدامك للبر

اما للديره لاتتعدا الهانكوك

[العتيبي 88]

والله دخلتوا الدنلوب مزاجي ،،، وبالنسبه للبر والوعر والحصى نروح لابد من الطلعات واذا صارت ماتنفع مشكله بس الغريب اشوفها على سيارات .

[do7my]

فيه يوكوهاما 10 غاط بطله مرررره
بس يعيبها الثقل شوي

تحصلها عند الوكيل الجميح