اي افضل للاستخدام الكورلا او صني او اكسنت

[بربنجي]

طبعا العنوان واضح
لكن عندي ملاحظه على الكورلا مع انه اكثر من شخص مدحها لي
لكن انا خايف من مثبت السرعة تخبرون نسمع عن مشاكل التويوتا عند السرعه وانها تزيد من حالها نسال الله السلامه للجميع
الصني يقوولون يباناني ياباناني اصليه
اما الاكسنت يقولون كوري وزينه لكن ما تعمر واجد على خير يعني مثلا بعد سنتين تحتاج قطع واجد

طبعا ان شاء الله باطلعها اقساط

ابي رأيكم وش تنصحوني فيه منهم ؟؟

والله يحفظكم ويرعاكم

[لاتكب البيالة]

احس موضوعك بيجي واحد يمشي مليون ويصكه :D
لكن انا رايي افضل الصني لاني استخدمته تقريبا 8 سنوات وتكد
اما الكرولا تدفع به فوق ال60 وهي صغيرة ما تسوى

[بربنجي]

الصني ما شاء الله ثمان سنوات وهو معاك مكده
الله يعطيك خيرة ويكفيك شره ويكفينا واياك وجميع المسلمين الشر كله
شكرا على النصيحه
الكرولا قالوا فيه بـ 64000 و 69000 ريال
اما الصني قالو 52000 والاكسنت قالوا 49000 ريال
اكرر شكري لك وتقديري لمرورك
وانبته لا تكب البياله
والله يحفظك ويرعاك:good2:

[Abusliman]

ولا وحدهـ
خذ النترا 2012 ارخص من الكورلا وازين
اما الصني صغيرهـ بس حقت كد وسعرها غويلي شوي
والاكسنت صغيرهـ بالحيل ولا سعرها حلو
والكورلا جيدة وتكد بس سعر خيااااااالي على لا شيي وترا ما قد سمعنا بمشاكل مثبت السرعة بالكورلا
الالنترا الافضل برايي وسع وشكل جديد بططل وقطع رخيصه ومتوفرهـ وهذا وقت الهونداي بالسيارات الصغيرهـ
واذا على المكدة عندنا النترا 2005 مفجور فجر توهـ تخبط مكينته وخراباته لا تذكر ممشاهـ 275 بس على الفجر الي جاهـ كانه ماشي 400 ولا 450

[الدلافين]

اخي العزيز انصحك ماتاخذ تويوتا لانهم مبالغين في اسعارها كثير وعليك هونداي انترا اذا في مجال ماديا لديك بصراحه شركة عبداللطيف اصبحو يرفعون الاسعار واكثر سياراتهم تجميع

[ماون ماركز]

حسب القيادة وحسب الصيانة والأهتمام ..

السيارة تقاس جودتها ومتانتها في عمرها من الأمور اللي ذكرتها

يمكن أحد يمدح لك الصني .. فيه سيارات صني ما كملت سنتين
يمكن أحد يمدح لك الكورلا .. فيه سيارات كورلا ما كملت سنة ونصف

مو دليل كلام الناس ومدحها وذمها ..

أنت تقود صح .. تسوي صيانة .. تهتم بالسيارة

خذ اي سيارة في بالك .. لو سيارة صينية

أنا وزميل اشترينا سياراتنا في يوم واحد وفي ساعة واحدة ومن وكيل واحد
هو جلست معه 8 سنوات وأنتهت .. أنا جلست معي 21 سنة وبعتها ومطلوبة بألحاح عن طريق صديق

تحياتي

[HCW]

خير الامور اوسطها
الصني سعر معقول جدا و عمليه و معروفه نفس الشكل ماتغير و يابانية و فيها منها تجميع كوري و كلهم زينات
الاكسنت جيده و مافيها مشاكل و تكد و اعتبرها الخيار الثاني
كورولا ماتسوا ادفع فيها ريال وشفيها زود عن الباقين عشان يرفعون السعر 17000 ريال اغلي من الصني و اغلي من الاكسنت ب 20000 الف ريال ؟؟؟ و صداماتها بسرعه تتفكك من الهواء و بديها ضعيف مقارنة مع الصني و الاكسنت.
يارجل الفرق هذا اللي تدفعه عشان تشتري كورولا يمديك تشتري صني او اكسنت و تسوي لها صيانة لمده عشر سنوات بالوكاله و ماراح تدفع 20000 الف ريال وفر فلوسك و توكل على الله يا صني او اكسنت و ان شاء الله كلهم راح يكدون معاك على الاقل خمس سنوات بدون مشاكل

[7ابو نواف7]

الكورلا زينة لكن يعيبها سعرها المرتفع جدا على مثلها
الصني جيدة
الأكسنت جيدة لكنها صغيرة والسعر اللي كاتبه غالي جدا عليها 49ألف !!!
أرشح لك وبقوة الألنترا سيارة مناسبة من حيث الحجم والسعر والشكل والجودة للي بيحافظ ...

[خبايا انسان]

ارشح الالنترا ,, ممتازه والدليل شفها منتشره في مكاتب التاجير

[راكب الشفر]

الحين الكرولا قيمتها مرتفعه وقطعها غالية
فما انصحك بها لهذا السبب

اما الصني ماعندي علم بها

[المميـز]

:


يمنع : كتابة موضوع عن سيارة غير مكشاتية كامرى او كابريس (دفع رباعي وونيتات فقط)

موضوع مخالف يغلق

: