نصيحتكم يا الربع من وين اخذ التاهو من التوكيلات او الجميح او العيسائي

[بن عويشير]

السلام عليكم يا شباب المنتدي

الامطار هلت والسماء ابرقت والارض ارتوت الله لك الحمد والمنه


شباب وش نصيحتكم لخوكم بالتاهو دبل او دون دبل علما ماني راعي بر

وكذلك من وين اخذ التاهو اي وكيل تنصحوني وهل فى فرق فى المواصفات بينهم


وهل فى فرق بين التاهو lt و lts

علما اني رحت للتوكيلات اللى بالاحساء قالوا لى التاهو 2012 lt
135 الف

شباب نصيحتكم دبروني وش الخيره

[بن عويشير]

للرفع ............................ وينكم

[طال الانتظار]

هلا اخوي بن عويشير والله اتوقع ان الدبل احسن لأنك راح تحتاجه يوم من الايام
وانا افضل الجميح لاني قبل خمس سنوات اخذت من عندهم كابرس طبعا مريت العيسى
وصراحه فيه فرق بالسعر وكذالك المواصفت فالجميح افضل مواصفات وسعر اذا ما تغيرو والله يباركلك ويعطيك من خيره يكفيك شره :D
اللهم آمين اللهم آمين

[الله يزينها]

هلا بك اخوي
الافضل تاهو دبل lt
مواصفات حلوة سعر معقول مرغوب في السوق لو بغيت تبيع
انا اشوف ان العيسى افضل مواصفات من التوكيلات والجميح
ولو انه اغلى لاكن مواصفاته زي مواصفات الخليجي وتاكد بنفسك

[hamo0o0ody]

العيسائي للأقمشة والاجهزه الكهربائية:D
العيسى للسيارات
وانا اشوف تاهو دبل :good2: يمكن تحتاجه يوم من الايام مدامك منت راعي بر

[بن عويشير]

وين الردود يا الشباب

[ذيب زلفاوي]

انا اقول روح لكل الوكالات وشف الاسعار والمواصفات وقارنها ورح للمعارض بتلقى ارخص من الوكالات

وانصحك بالدبل لانه افضل عند البيع بوااجد وخاصه ال تي

يعني لا تستعجل دور الافضل من ناحية السعر والمواصفات

[بن عويشير]

ال تي يجي واحد بس السعر يختلف من يعرف سعر ال تي الدبل التاهو كم

[بدوي جنوبي]

خذ بدون دبل دام انك ما تطلع للبر
مشاكل الدبل ما تنتهى

[راكب الشفر]

انا عن نفسي اقول شف ارخصهم سعر
وانا عن نفسي اشوف التوكيلات العالمية افضلهم

وان قدرت عالدبل خذ
والتاهو بدون دبل لداخل المدينة والخطوط ممتاز

[You Like Me]

خبري مديل 2011 دبل بـ 140 الف التوكيلات
سمعت ان 2012 وصل 150

والدبل اكيد افضل حتى لو ما تستخدمه

الاجازة اللي راحت قبل كم اسبوع
انا ساحب عائله على طريق الشرقيه
مغرزين تغريزه في مكان ولا اغبى منه
وقف على جانب الطريق يصلون وغرز اليوكون
فالاكيد انو الدبل له اوقات لا غنى عنها خصوصاً اذا السيارة عائلية

والله يكتب لك اللي فيه الخير

[العبله]

يا مرحبا بخوي
يا طويل العمر بالنسبه للتاهو عند العيسى ب 148 الف هذا الدبل وطبعا مخصوم منه قية dvd
اسعار العيسى اغلا بشي بسيط يعني اليوكن 2012 ب 161400 والجميح ب 161000 ومعه جهاز اكس بوكس.
طبعا الاسعار مختلفه من فتره لفتره احيانا يكونون اقل واحيانا مثل بعض لكن اللي شفته ان العيسى اكثر الوان ومتوفره بعكس الجميح.
بالنسبه للدبل يفرق 10000 عشرة الاف ريال عن غير الدبل المبلغ مهوب قليل لكن اللي اعرفه ان المطلوب في السوق لو بغيت تبيع تكون بيعتك له سريعه لوجود الدبل لكن نظرية اشتر عشان تبيع بعدين هذي انا صراحه ما احبها انت اشتر اللي تبيه لا تفكر بعدين رزقك بيجيك ولا هيب واقفه على دبل او شاشه او غيره انت شف اللي يناسبك وسوه والله يكتب لك اللي فيه الخير ومبروك مقدما ..

[بن عويشير]

رحت للتوكيلات رفعوا السعر خلال اسبوع بس 3000 ريال

[لسان الحقيقة]

خذ من الجميح
العيسى الغيت منه الوكالة وخلال اشهر بيسكر

[patrol vtc]

^^^

بيسكر , لكن لو شاري من عندهم ما عندكـ مشكلة فيه الوكالات الثانية أتوقع يقبلون الموتر ,

توني قبل فترهـ ماخذ سييرا من التوكيلات , بعد بحث تقريباً حول الشهر لأفضل مواصفات وجدت انه التوكيلات ,

و أرشح لك بدون دبل عن تجربه , عندنآ يوكن وسوبربان , السوبر بدون دبل واليوكن بدبل , <<< الشكل القديم..
الحمدلله ما هنآآ قلق واجد بالنسبة للسوبر عكس اليوكن ,
تخيل معي مرهـ كنت مسافر باليوكن ووقف علي الموتر فجأهـ وعيا يمشي , وجات السطحه وقعد بالوكاله فترهـ ! , غير انه اللي بدون دبل أريح لوجود اليايات قدام بعكس اللي بدبل ,
فأنت بطبيعة الحآل ما تحتاجه ,

ممجرد رأي حبيت أفيد فيه أخوي المسلم .

أتمنى لكــ التوفيق وتحصيل ما تريد دنياً آخرهــ

[- النشمي -]

رح للمعارض واترك الوكالات لانها غاليه


وشوف اكثر من معرض ان شاء الله تلقى باسعار اقل من الوكالات

[jamli]

التاهو LT


- السعر التاهو LT موديل 2012 تقريبا 140 بدون دبل و بدون كاميرا عند التوكيلات ضمان 5 سنوات والعداد مفتوح اذا مع كاميرا تقريبا زياده 2000 ريال طبعا شامل تأمين ونقل باسمي


- السعر التاهو LT موديل 2012 تقريبا 140 بدون دبل ومع كاميرا عند الجميع ضمان 5 سنوات والعداد مفتوح - بس بدون تأمين ونقل

تحياتي