فيه سلك موصول بالدفرنس وشسالفته ؟؟

[أبوسيف]

السلام عليكم

امس اهندس بسيارة رودماستر (بويك) موديلها 93 وتفاجأت بسلك ماشي الين الكارونه وشابك فيها بغيت اشيله بس خفت اتوهق وش ممكن يكون ؟؟؟؟

[القماري]

مثل ذا السلك كان موجود عندي في أحد السيارات وماكنت أعرف عنه شيء لين ما الميكانيكي لاحظه مقطوع وخبرني عنه وسألته عن وظيفة ذا السلك وما أعتقد أنه جاوبني صح فيه (قال يمكن يكون حساس لمستوى الزيت بالدفرنش أو أنه يساعد في تقليل الضغط في الدفرنش) وعموما أنا ما صلحته وخليته في حاله وما لقيت عندي أي مشكله لين مابعت السيارة. والله أعلم

[أبوسيف]

اي والله ياخوي الظاهر انه مثل ما قلت لان السيارة ما فيها زود تعقيد او انظمة جديدة اكيد انه للزيت اجل والله يعين

[القناص]

السلام عليكم

كان عندي كدلك ولاحظت السلك هذا عند الدفرنس
وطلع سلك حساس مستوى ارتفاع السياره
يعني يعطي كهرب لجهاز رفع السياره عن طريق المساعدات اذا تحملت السياره بوزن اضافي.

مدري هو اللي تتكلمون عنه ولا لا
شكرا

[أبوسيف]

الا هو فيه النظام هذا يرفع السيارة اذا تحملت لكن الغريبه انه داخل الكارونه والموتر دفرنس ما هو كرونه وعكوس زي الجداد الله لا يهنك يخوي

[القناص]

السلام عليكم
يقول لي واحد سالته عن الموضوع ان السلك قد يكون لنظام يسمى TC يعني نظام منع (التفحيط) ان جاز التعبير يعني عند الاقلاع السريع بالسياره يمنع الكفرات من التفحيط
ويخلي السياره تتماسك على الاسفلت وتقلع بسرعه..... و يسمى تراكشن كنترول
والله اعلم.

[ابو الريم]

هذا السلك ببساطة لقياس مستوى الزيت ............ فأذا نقص تطلع لك ذيك العلامة البرتقالية شيك الموتر ....... وتروح الوكالة وصلخخخخخخخ


اما عن حساس المساعدات واللي يرفع السياراة ان كان فيه حمل زائد فهو موضوع داخل الهيدرولك ...... والهايدرولك معناه بدل ما تكون السيارة مرفوعة عن طريق اليايات العادية ....... يتم رفعها بواسطة ( بالون ) ضخم واحد على اليمين وواحد على اليسار ....... فأذا زاد الحمل وانضغط البالون اشتغل الحساس وبدأ بزيادة الهواء ........ وهذا النظام موجود بالسيارات الامريكة مثل الرود ماستر واللنكون وبعض انواع الفكتوريا والمركيز والكادلاك


اما يا اخ قناص النظام التي تتكلم عنه فأسمه ليس TC وانما ESP وهو مانع انزلاق الاطار ......... وهذا لا يوجد الا بالسيارات الالمانية الفخمة او اليابانية والقوية ( السريعة ) ........... مثل المرسدس والبي ام وعام 2000 وضعته لكزس اما السيارات الامريكة لم يصلها هذا الاختراع :):)


ميزة هذا النظام انك اول ما تدوس بنزين بدل ما تفحط السيارة واحتمال انها تفر عليك او تحوص او اذا كان تحتها ماء او رمل تقعد تفحط فأول ما يبدأ يفر الكفر يفصله هذا النظام ويترك الكفر الاخر واذا كان الاثنان يدورن ينفصلون الاثنان ......


عذرا على الاطالة .,
تحياتي ابو الريم ,,,,

[القناص]

السلام عليكم

الاخ ابو الريم
ان شاهدت شخصيا الرمز اللي ذكرته انا TC هو اختصار TRACTION CONTROL
وهذا فقط في السيارات الامريكيه والذي يتحكم في منع تفحيط السياره عند لاقلاع المفاجئ مثل ما رايت شخصيل في اليوكون 2002 ويمكن التحكم فيه بتشغيله او تعطيله بضغط زر في الطبلون.

ام ما تفضلت به ESP Electronic Stability Program هويتحكم في ضبط انحراف السياره عند الالتفاف السريع او المفاجئ .

ايضا هناك انظمه اخرى لاداعي لذكرها الان مثل BAS و ABS وهي خاصه بالفرامل
شكراً

[المستشار الخبير]

السلام عليكم

السلك الموجود هو سلك توصيل حساس ABS الحثي في السيارات الي من نوع سيارتك يكون هناك حساس واحد في الخلف لنظام منع انغلاق الفرمل ABS يكون مثبت امام ترس التاج في الدفرنس اما الان تم الغى هذه الطريقة ووضع حساس لكل جهه مستقل مثل الامام يكون على الهوب حق الفرامل ترس وقد لاحظه بعضكم اكيد
هذا الترس مايعشق مع ترس ثاني بل تجد فوقه الحساس تبع ABS وهو مثل الاصبع الي له راس حديدي وطالع منه كيبل متين نسبيا...............


والله اعلم
وشكراااااااااااااا

[ابو سعود]

السلام عليكم

هذي أول مشاركه لي في المنتدى هذا


بالنسبه لل TRACTION CONTROL فهو موجود في الامريكي من موديل 2000 في الومينا والكابرس