محتار بين فتك وجكسار

[عبرود بلجيك]

السلام وعليكم ورحمة الله وبركاته

مساء الخير

كيف الحال طيبين

حبيت أستفسر يالربع الله لايهينكم أنا ناوي أشتري سيارة دفع رباعي
ولكن محتار بين الفتك والجكسار وأبي نصيحة أخو لـ أخوه وأنا داخل
مزاجي الفتك مستحوذ على تفكيري والموتر اللي أبيه أما فتك
من موديلات2005 الى 2009 ولا جكسار من موديلات
2004الى 2007 ومادري يالربع عن نصيحتكم مع ان تويوتا غاليه وصاليه
ولكن اللي جرب الفتك يفيدني عن أستخدام الموتر حراره وعكاسات وخرابات
هل توجد فيه وصرفية البنزين كيفها
ومشكورين ماقصرتوا يالنشامى وبيض الله وجيهكم

[abohmad]

خذلك فتك وخل عنك 0000000000000

[عبدالله //]

حياك اخوي الفتك حلو سعره ,ماشاءالله العزم تمام , الصرفيه اقل من الجكسار.... تقريبا التماتيك يمشيك التانكي الكبير 550 تمشي 140 , وبالنسبه للعادي تقريبا حول 500 ..تقبل مروري

[المنيعي1]

والله يالبناخي كلهن زينات
الفتك له رززه وهيبة وقوة فتاكة على أسمه
والجكسار راحة وسكبة وموتر يستاهل

[.أبوعبدالرحمن]

هذه روابط لرابطات ملاك السيارتين


وهم من يفيدك بإذن الله بواقع خبرة وتجربة


وتم وضع الروابط حتى لا يخرج الموضوع عن مساره


~{ رابطة ملاك لاند كروزر vxr-gxr-gx-g}~ (http://www.mekshat.com/vb/showthread.php?t=283904) ‏

((((( رابطة ملاك الفتك ))))) (http://www.mekshat.com/vb/showthread.php?t=424066)

[مزدهر]

اذا استخدامك للبر خذ فتك وأنت معمض
أما إذا كان خطوط خذ جي أكس آر قير عادي وإنتبه تاخد قير تماتيك تراه ضعيف مرة قريب من الديزل قيادته

[الله يزينها]

الفتك عزم حلو وخفه وشكل ممتاز
لاكن يعيبه قطع الغيار غالي ويعاكس
خاصه انك بتشتري مستخدم

الجي اكس ار عزم حلو ثقيل شكله رسمي
قطع الغيار اسعارها متوسطة
قليل خرابات وافضل عند البيع

وانا ارشح الجي اكس ار

[البدوي الفاهم]

السلام عليكم
من واقع تجربة
تايوتا
افضل من ناحية قطع غيارة وخبرات اقل فية صبر ومتماسك والبيع قوي وانسبك من النيسان بالشكل الخارجي والداخلي
النيسان
قطع غيارة اغلى شوي واقل صبر من التايوتا وقوي عزمة ومو مثل التايوتا بالبيع

تاايوتاا الافضل

[لسان الحقيقة]

انصحك بالفتك بس عليك بالنظيف وحط تحتها 100 خط ويفضل يكون سوبر سفاري او قريب منه

خفيف ونشيط وصرفية مناسبة , يعاب عليه قطع الغيار ربما يكون سعرها اعلى من غيرها لكن عمرها أيضاً اطول ..

مسألة يتفكك ويتهربد ويتخلخل << هذي عبارات اطلقها منافسوه والا فهو منها براء , ولو فرضنا جدلاً انه يتفكك ويتهربد ويتخلخل وغيرها من العبارات فما راح يكون هالشيء الا مع شخص قيادته في البر سيئة وحلها سهل بالتربيط كل سنه بـ 500 ريال عند المتخصصين في الباترول ..

مسألة البيع .. فالفتك له ناس تعشقه و تطلبه والدليل انك بتبحث عن النظيف واتمنى انك تحصله بسعر مناسب .

[.راعي الطير]

اخوي نصحيه من أخوووخذلك جكسار احسن لك في كل شي اما مناحية الفتك خرابات ومشاكل في الكهرب اعرف واحد من اخوي طف الموتر عليه في الصمان والثاني خبطت مكينته واكانك تبي ترتاح صح اسأل ورشة التركي عن الفتك ومشاكله ترا الورشه في الصناعيه القديمه معروفه انها مختصه في النيسان وتقبل مروري

[عبرود بلجيك]

بيض الله وجيهكم وماقصرتو وفيتو وكفيتو لاخلا ولاعدم
وشاكر مروركم الرائع

[عبدالله //]

اللي يقول الفتك اغلى قطع غيار ... طلبتك ياراعي الموضوع اتصل على الوكالتين تويوتا ونيسان واسال شف الاشياء الاستهلاكيه كم سعرها .ههههههه يحسبون زي زمان تابوتا رخيصه خلاص الحين ارتفاع بالاسعار على العموم عندك ناس هنا تبغى تمشيك على رايهم ,افضل شي جرب الموترين وانت احكم بنفسك واسال احد من اقاربك اذا معه ذا الموترين الشي الوحيد الذي لايقبل المقارنة القوه والعزم بالفتك لايقارن بالكروزر ابدا :alarm:

[العنابي 616]

أهم شي انك لا تاخذ سياره إلا و انت مقتنع فيها

[صياد الجبل]

جكسار

خصوصا لاطحت ب 2007 يالبيه خطه الحمر

شكل هيبه قوه شيك بالجيب

الله يوفقك

[عبرود بلجيك]

والله يالربع أني محتار بين الموترين والفتك مستحوذ على بالي والتويوتا خربت مو مثل زمان
قطع غيارها تايون وأسترالي مو ياباني والجكسار مشكلته ثقيل وماش قوة والله يكتب اللي فيه الخيره
واحد من الجماعه معه فتك سألته عنه قالي ولد موتر ماعليه كلام لو قطع غياره غاليه بس ركب وأنس
موديل موتره 2008 سوبر سفاري وهو راعي مقانيص والدوام بتبوك الرجال يثني على الموتر وكان مععه
جكسار 2009 مدري وش اللي خلاه يتركه الله يكتب اللي فيه الخيره

[حبل الوريد]

فتك وذا ملزم جكسار خذ عايدي

[عبرود بلجيك]

حبل الوريد مشكور ياذيبان ماقصرت على مروركـ الرائع

[Hwer]

اذا واحد من جماعتك معه باترول خذه وجربه واحكم بنفسك واترك عنك هرج المنتديات

[بن فليج]

اخوي صاحب الموضوع انا كنت مثلك قبل مشتري موتر اشاور عليه ونصحوني فيه وشريته وكالة وتوهقت مشاكل في الكهرب والضفيره وقد طف على في البر ومن مشاكله حساس الفلتر اخوي نصيحه ابعد عنه لوتشتري ٤٥٠٠احسن من وتبي الدليل اسأل ابوصالح اللي في ورشة التركي تحياتي لك

[عشق البر]

والله نصيحتي وانا اخوك استشارة ربك مامثله اسجد له وادع دعاء الاستخارة واللي يرتاح له ربك هو الزين بأذن الله
وماعليك من هرج العالم المتعصبه وعليك بالتجربه بس اهم شي جرب شي نضيييف

انا ابعلمك اذا انت راعي عايله ومنتب شبابي فكر زين بالجكسار واذا انت شبابي وراعي فله وكشتات من تجربه
انا كان معي فكسار 2003 والحين سوبر 2008
كلهن مواتر ومايحتاج والخرابات على حسب استعمالك

وبالنسبه للقطع الاستهلاكيه الفتك برأيي افضل انا ماشي 100الف والفحمات من الوكاله وباقي بها حول الثلث
فلتر الهوا انساه يطووول والبواجي تعمر والسيور نفس الكلام الخ

الفحمات من الوكاله قيمتها حول 340 ريال انا ودي راعين الجكسار يعطونا خبر بكم الفحمات مع انها ان طولت معك تمشيك 70 الف

اهم شي عليك بالنظيف جكسار ولا فتك

وبالتوفيق

[فاقدخوي]

والله يتشنت فكرك من الآراء

استخير اهم شي

[sgl2002]

شف وانا اخوك

اسال المجربين والا المتفلسفين مايفيدونك

انا جربت الثنين وكل واحد فيه مميزات ماتلقاها في الثاني وفي الاخير استقريت على الباترول

الفتك اذا بتاخذه لاتاخذ الاقير عايدي واقل اكسسوارات

والقير والمكينة والدفرنسات انسى خرابها او تنقيص زيت
والحرارة حافظ على تغيير الماء اصلي ولاتهمل شي فيه
وبعدها بتعرف ان معك موتر وين ماتدوسه مايفشلك

الجكس ار طامن شوي ومكينته تنقص وماتكمل 300 الا وتشوف العجه

وانا لو باخذ ماخذيت غير الباترول ويكفيك في الباترول انك تمشي مرتاح ماتخاف الغراز ولا التعليق ولا القطعه

وشف مواتر هل البر كلها بترولات والا الجكس ار اغلب ماله موتر عايله

[ابونبيل]

جكسار وانت مغمض هيبه وكشخه وموتر بر ومريح

الفتك اقوى من اللند بس قطعه غاليه و مايمسك سعره مثل الجكسار ويشتكون راعينه من مساعد الدركسون يعني يبيلك ترهم له مساعد عشان تصير الطاره ممتازه
+وكيله الحمراني يعني هج

[ســـبــار ربــعـــه]

الله يختار لك ما ينفعك ان شاء الله.

[.راعي الطير]

حبيبي راعي الموضوع ارجووو انك تسأل ابو صالح اللي مختص بنيسان وانا مسولف معه عن الفتك يقول جربت ٨ فتكات وكلهن يذمها وهو ابخص والله يكتب اللي فيه الخير تقبل مروري

[السومر]

بشور عليك شور ما طرى على بالك

خذ لك فكسار وترى مكينة الفكسار 4700 مافي فرق عن الفتك 4800

وان بغيته قير عادي ولا تماتيك يعجبك

[عبرود بلجيك]

أشكر كل من رد على الموضوع وماقصرتو وبيض الله وجيهكم
مع أني واثق ماكل اللي ردو من مستخدمي الفتك ولاقد لف طارته بعد
بس الله يعين الفلسفه علم بحد ذاته شاكر لكم ومقدر تحياتي لـ ملاك الفتك

[عبرود بلجيك]

أنا سألت واحد من الربع معه فتك قالي موتر رجال عاقل
طبعآ الفتك معه له حوالي4 سنين وراعي مقانيص وقالي
قطع الغيار أدفع بس بشي يصبر مو مثل تويوتا التايون
وقالي بعد زيت الدبل ماغيره الا بعد 70 ألف كيلو ولكن
الله يكتب اللي فيه الخيره


يابوشاهر صايرن بالقلب خــــلـه
تالي الايام يطريلي طـــــواري
من جلوسي صابني ضغط وممله
ودي امشي مع صحاصيح الصحاري
مل قلبن فيه هاجوسن يتـــــــــله
تلت السواق للجيب السفــــــــــــاري
يوم تله عطب الويل بمحلـــــه
ونطلق يشدي الطلقه من ســــــواري
في ثواني صفر الطبلون كلـــه
لين حطه حدر جنحان الحـــــــــباري
فوقه اللي كل طاروقن يدلـــــه
ابلجن ضاري المجهام ومســـــــــــاري
ماشراه وقفه حدر المظله
يدفع اقصاده على البنك التجــــــــــاري

الشاعر / صنيتان البرازي المطيري

[عاشق الحيسية]

الله يكتب لك اللي فيه الخير


وانا لو أني مكانك خذت VXR

[على رمشي تمشي]

المواتر حظوظ - تاخذ فيكسار يخرب معك تاخذ باترول يعيش معك والعكس صحيح
ناس تمدح وناس تذم - ناس مجربه وناس ماجربت على السمع
ماتدري وش الله كاتبه لك عليك بالاستخاره - والا كلهن مواتر ممتازه لا بالبر ولا بالديره

[الحنومي]

الفتك ايدك على قلبك من ناحية السعر والماكينة وهذا اخم شي
اما التويوتا لاخوف ولا شي من ناحية الصلابه وثبات السعر ورخص قطع الغيار بالنسبه للفتك غاليه

[مجنون عسل]

كلها زينات الاند والفتك ما عليها اغبار ابد
انت اللي نفس طايبتا له خذه ولكن شوف استخدام هو الفاصل بين السيارتين

[patrol-fa]

السلام عليكم ..

يا اخوان إلي يقول اسعار الاند ارخص من الفتك .. مين قال :؟؟ رح شف القطع بالوكالة وبتعرف إن الله حق

واحد يقول سمعت ما سمعت .. بيني وبينك الوكالة ..؟

وإن كان قصدك محلات القطع اليابانية كذلك فيه محلات تبيع للفتك يابانية انا معي باترول .. والوالد لاند كروزر

من ناحية تفكك كلهن يتفككن وهو زي ما قالوا الإخوان ع الإستخدام ابوي ما عمره طب البر بموتره بس انه بالمطبات ما يهدي لكن له قرقعة والقطع غااالية بالوكالة ناار شابه الله لا يعاقبنا .. الاند ثقيل والباترول خفيف
اي موتر تبي تحافظ عليه بيمشي معك منت محافظ سلمني عليه بيطلع شيب في راسك .

والاند ينقص زيت مكينته والباترول ما ينقص وافضل حل جرب الموتر إلي تبيه

[.راعي الطير]

ياراعي الموضوع يالي تقول اللي ردو محد جرب الفتك ولا لف طارته معليش ياخوي أنا مارديت عليك متفلسف وانا راد عليك من واقع تجربه ...
وعلى كلام الشاعر ...
يالي خذاله من نياسين عله
نيسان امحق دايمن بالكراجي
في ساحة السكراب هذا محله
راعيه يبطي مالقاله علاجي.

[الله يزينها]

ياصاحب الموضوع انت تستشير وانت تبي توهم نفسك
اقسم بالله اني مجرب 3فتكات
كلها بعتها بعد مابهذلتني بالعكاس
2 تماتيك وواحد قير عادي
وشريت جكسار وبعته لانه جاني فيه مكسب طيب
واللحين معي شاص والله على مااقول شهيد
يعني اذا فيه احد قد جرب الفتك فهو انا
وعطيتك الزبدة في ردي الاول

مع اني تبهذلت من اول فتك شريته
الا اني اتهيض عليه وارجع اشتريه ثم اللعن اليوم اللي شريته فيه
زيك اللحين متهيض على شكله وخفته لاكن الوعد قدام

ولا قلت لك ذا الكلام الا وانا ناصح

[abohmad]

الله يا زينها على هونك على هونك واللة ان عندى سفارى 2008 قير عادى يزين القاع اللى يمشى عليها وكل اسبوع فى الصمان وكرف من شعيب الى فيضة ومن فيضة الى حزوم وما فية احسن منة موتر يطرب راعية الاند ثقيل فى البر سوا الفكس ار ولا الجكس ار ما يطربك فى البر وانت على راحتك القرار لك

[ابوسند9]

اخوي صاحب الموضوع
بقولك تجربة حول خمس سنوات مع الفتك وللحين معي وباقي شوي ويمشي 300 الف وراح افند كلامي بشكل نقاط
_ الجكسار ابعد عنه تقيييييييييل تقل ديزل وخاصه اذا حملت الاهل او اغراض سواء قير عادي واو اوتو وممكن اللي يمدحونه كان معاهم جيوب ديزل اول
_ اذا تبغى تويوتا لا تتعدى الفكسار 8 سرندل ونشيط ولو تمشي 180 لا تسمع صوت مكينه ولاشي عكس الجكسار
_ اذا عندك عائله كبيره انصحك با الفكسار وما يميز الفكسار او الجكسار عن الفتك وسيع من الداخل والركاب في المرتبه الخلفيه الوسطى مرتاح عكس الفتك

_ قطع الغيار سعر فحمات امامي فتك ب 230 ريال وتمشي حول 200 الف كيلو ويمكن اكثر
_ فحمات الجكسار امامي ب 430 ريال عند النهدي ويمكن تمشيك 30 الف كيلو
_ يعني بالعربي قطع غيار تويوتا ليست زي اول نار في نار
_ اللي يقول الباترول يهربد احب اقوله موديلات 88 وطالع للحين مع الناس ونشوفها بالبر وبالخطوط عكس تويوتا!!
_ بالنفود وباالبر مستحيل تقارن الفتك بالتويوتا بجميع فئاته سواء متعة القياده او الطرد ا والراحه وكلها لصالح الفتك
_ والاخ اللي يقول مر على ورشة محمد التركي تراني اعرفه زين وما قد بحياته اشترى فتك الرجال معه باترول موديل 92 وسياره ثانيه واعرفه يوم هو يرضع اصبعه ولو كان الفتك راعي اعطال كثر خيره اكثر اللي يشترونه اما راعي طرد وقنص ومن يد نشيط ليد انشط وتعطيس وتيربو وهيدرس وانت ماشي
_ زبدة الكلام والله ثم والله وها الكلام راح اسئل عنه يقوم القيامه زي الفتك ما شفت جبببببار بما تعنيه الكلمه وانسى انه يطلب قطع غيار طبعا انا تكلم عن سيارتي مشى حول ال 300 الف والقطع استهلاكيه فقط وشايف نجوم النهارمعي من تطعيس وقنص وطرد وا اذكر الله يا جماعه والحين افكر في باترول 400 حصان لكن عجزت اخليه
_ زبدة الكلام انت استخر وشف اللي تميل له نفسك وجرب قبل ما تشتري الفكسار والجكسار والفتك لكن وحطها بين قوسين احرص على قليل الممشى والنضيف حتى لو زاد سعره وجرب سياره نضيفه مو تجرب فكسار او فتك ماشي مليون
تحيه للجميع

[دانفوس]

الجمس والتايوت والفرت الاخرق
كله مع البترول خاقي وخقيا

[فتك 32]

اذا بتاخذ فتك خذ قير عادي نصصصصصصصيحه

[بدر بن براهيم]

لا تبعد عن التيوتا .. لك ولزمن ولا خرابات ولا مشاكل ما تعرف شي اسمه صناعيه حتى الفحمات صارت تغير عند العضيب في كل شنق تلقالك عضيب ... والتيوتا طويل عمر و شيك بيدك ولا هنا قرقعه وديكورات حلوه .. الفتك لو توقفه بالشمس ينفر طبلونه < يضرب نفسيتك اذا نفر

[.أبوعبدالرحمن]

يغلق

...