تنظيم المرور للسير في العاصفة الرملية | غبار الرياض | الا يستحقون الشكر؟

[Tariq9988]

السلام عليكم ورحمه الله وبركاته
قبل مانبدأ بالموضوع تكفون لايجي واحد يقول هذا شغلهم وغصب عليهم يسوون كذا ..
عمل بسيط اشكر فيه رجال المرور لخدمتهم في اعنف وأشد الاوقات وتحملهم موجه الغبار ناهيك عن تحملهم للمتهورين والمستهترين امثال راعي الرانجلر اللي تحكه رجله اذا ضغط الفرامل ! الله يهديه . ضاربين بذلك مثال للصبر والقوة
المكان : تقاطع طريق ابوبكر الصديق رضي الله عنه مع شارع التخصصي و طريق الدائري الشمالي
الزمان : عصر الجمعه 21 جمادى الأولى 1433
الموافق 2012/04/13
الكاميرا : GoPro Hero 2 :D
SYJkPEDhIfI

[راكب الشفر]

يعطيهم الف عافية


وياليتك ماحطيت هالاغنية
تكسب ذنوب وانت في غنى عنها

[abo mani3]

يعطيهم العافيه وما يقصرون

بالتجاوز عن بعض الاخطاأ الفردية < في كل دائرة حكومية

لكن استفسار الكاميرا كم سعرها ومن وين لاني ادورها وما حصلت

[ذيب زلفاوي]

للاسف الشعب مايشوف الا عيوبهم ولا يقول هذا شغلهم

[GM_400]

بيض الله وجيههم في العج ينضمون السير بس وين اللي يقدر ذلك

[RW7..ALBDAWA]

تسلم تسلم تسلم يآشرطي المرور < يهز رآسه مع الاغنيـه

[Tariq9988]

شاكر لمروركم

[عاشق السيل]

أخوي طارق الله يهديك ،،

مونتاجك قمة بالروعة وواضح إنك رجل واعي وصاحب أخلاق رفيعة ،، بس ليتك ماحطيت هالموسيقى !!!!

تخيل كل واحد يفتح الفديو ويسمع الأغنية تسجل عليك سيئاته ،، الله يوفقك لكل خير وصلاح يالغالي .......

[كاشت وحداني]

عزيزي اولا مشكور عالمقطع
وبصراحه انا رجعت سنين تذكرت اذاعة الرياض يوم كانت صاحيه
والحين لاباس بها لكن مو زي اول
اما رجال المرور في الرياض الله يعينهم فهم ١٢٠٠ شخص للميدان
قسمهم على اربع ورديات
ما يسوون شي لمدينه مثل الرياض
معاناتهم شديده جدا
والشعب من جا التأمين وهم طايحين حوادث ولابه حرص ولا اهتمام
مشكور على توثيقك لجهدهم في هذا الجو العاصف
والسعوديين معروفين بفزعتهم في مثل هذه الظروف حتى لو ماهم عسكر


Sent from my iPhone using Tapatalk

[تركي بن حميد]

ياخي هذا صميم عملهم ولا لهم فضل ولا منه
لكن للاسف اصبح عملهم من تالي جمع اكبر عدد من المخالفات

[اشهب .]

جعلهم على القوه


لكن استفسار الكاميرا كم سعرها ومن وين لاني ادورها وما حصلت

[Tariq9988]

ياخي هذا صميم عملهم ولا لهم فضل ولا منه
لكن للاسف اصبح عملهم من تالي جمع اكبر عدد من المخالفات
اخي الحبيب
حتى ولو من صميم عملهم يعني مانشكرهم؟
للمعلوميه رجل المرور اللي بالكمامه تراه ضابط وبامكانه تكليف اي فرد يحل محله
وبعدين انت وانا والجميع موظفين او طلاب مطلوب منا اشياء نؤديها في علمنا او دراستنا لكن تختلف درجه الاحساس بالمسؤليه الوظيفيه من شخص لآخر

جعلهم على القوه

شاكر لمروركم
وبالنسبه للكاميرا تم شرائها عن طريق النت

[التعـ King ـديل]

يعطيهم العافيه وتصويرك اكثر من رائع

عندي سؤال للي يقول هذا صميم عملهم هل انت تؤدي عملك صح ؟ يعني تكون موظف حكومه وتلطع خلق الله تنتظر بالساعات علشان تفطر نص ساعه واذا قالك مواطن كلمه ولا ليش معطلنا قلت له تعال بكره نكايه فيه قبل انت تقول عن الناس هذا صميم عملهم راجع عملك وهل قمت به على اكمل وجه وبدون تعطيل لمصالح الخلق او لا