قطع غيار الناتيفا ميتسوبيشي

[ابوعبدالله 22]

السلام عليكم ورحمة الله

يا اخوان من عند خبره بقطع غيار الناتيفا ميتسوبيشي

سمعت ان اسعارها غاليه جدا

واللي سبق ان غير شيء مثل بواجي واسلاك/ قماشات/ فلاتر/ صوف / صفايات / مساعدات

يفيدنا والله يوفقه وين ماكان ....لاني على وشك شراء واحد

[أطلال نجد]

وعليكم السلام ورحمة الله وبركاته
أخوي توكل على الله وخذ الناتيفا، أعرف واحد معه 2007 وكل أسبوع في البر صيف وشتاء
مأخذه جديد ومبسوط من السيارة
وين تحصل جيب 6 سلندر ياباني قوي ومتين بـ 90 ألف جديد؟
ملاحظة
سيارات ميتسوبيشي صحيح أن قطعها غالية بس سيارات مكدة وما تطلب إلا بعد مدة طويلة
يعني ركب وأنسى بإذن الله
لكن أنا أنصحك تمر على محل قطع غيار ميتسوبيشي وتسعر القطع قبل الشراء لتكون على بينه
موفق للخير

[حاضر بالنواظر]

اخوي انا شريت ناتيفا 2006 وغيرت الاتي
1.فحمات امامي ب250ريال
2.سير داخلي (يغير كل 100،000)ب480ريال
3سير ماكينة وسير دريكسون وسير كمبرسن ب200
اصطب خلفي يمينب 400ريال
لكن انا جربتها وانبهرت بجودتها فعلا ياباني 100% وموفق اخوي

[زرياف]

القطع اسعارها معقولة ليشششششش الناس تقول اسعارة مرتفعه

[مداحش]

اخوي زرياف الصدام مثلا سمعنا انه فوق الالف ريااال وحولها وكذلك الشمعات و القطع الاستهلاكية تجي غااااالية مرة , مدري وش رايك لأني صراحة افكر في السيارة لكن خايف من غلاء القطع

[زرياف]

القطع الاستهلاكية اسعارها معقولة واهم شي جودتها عااااااااااااالية يعني الفحمات امامي بعد الخصم تقريبا 290 ريال للباجيروا وكالة اسأل عن فحمات اي جيب من سيارات تويوتا ورح تلاقي السعر مقارب او اكثر الأصلية من الوكالة
وللمعلومية يوجد بديل للقطع الاستهلاكية من فحمات ومساعدات
الغلا فقط في الاكسسوارات

[أطلال نجد]

الغلا في الأكسسوارات وفي القطع الغير استهلاكيه لنكن منصفين أكثر
يعني مثلاً سعر المقصات، العكوس، قطع المكينة والقير الداخلية وما يتعلق بالدبل، الشمعة، الصدام، الاصطب، الرفرف، الأبواب ..... ألخ
هذه القطع تجدها غاليه بشكل مبالغ فيه
موفق للخير ،،،

[نايف البديوي]

يقال انه يوجد محلات بالصناعية القديمة في الرياض تبيع بسعر ممتاز وجودتها ايضاً ممتازة
برازيلي واسترالي ... انا ما رحت لهم للحين ... لكن اللي يروح قبلي يفيدنا يا اخوان

واذا علي انا باذن العزيز الحكيم رايح لهم وبشوف وش عندهم وبفيدكم باللي اعرفه لكن متى الله يامرني اروح للرياض

تغثني زحمتها :(

[الحاير1111]

غيرت جلد عمود توازن هونداي ب 10 ريال وفحمات اماميه 170 وخلفيه 90 ورهم وتتيسر الامور

[ابو وليد 25]

السلام عليكم ياجماعة الخير انا شريت جيب نتافيا
ولله الحمد الان الي اغير سير التايمن فالله يجزاكم خير اللي غير عند ورشة
كويسة يدلنا او ورشه متخصصة بالمتسربيشي بالرياض
جزاكم الله خير
اخوي ناظر ممكن تفيدنا ؟

[الفيلسوف19]

غيرت جلد عمود توازن هونداي ب 10 ريال وفحمات اماميه 170 وخلفيه 90 ورهم وتتيسر الامور


الفحمات الترهيم من اي سيارة

[الفيلسوف19]

عندنا قروب لملاك الناتيفا على الواتس اب

تبادل خبرات وتجارب لكل ما يتعلق بالناتيفا

اللي يبي يدخل معنا
يرسل لي على واتس اب

0504975850

[ابومشاري2020]

السلام عليكم فيه ورشه محمد جوهر بالصناعيه القديمه متخصص بالباجيرو والرجال ممتاز

[ابومشاري2020]

تقريبا ارخص قطع اصليه للمستوبيشي فيه الحمرور عنده خصم اقل من الوكاله مقابل السالم للزجاج وفيه بعد المسجد علي اليمين مجموعه محلات قطع مستوبيشي رقم الحمرور 4465615 واللي حوله 4464455 عندي باجيرو محتاج ترس صغير بالسلف وسالت عنه بالحمرور 280 والوكاله 350 ورحت لواحد باكستاني متخصص بالسلف ضبطه لي بالمخرطه 170 مع التركيب وضبط

[ابومشاري2020]

فيه استفسار مدري احد عنده معلومه ليش الباجيروات ماتتعدي 400 الف الا يحتاج شنبر مدري الحراره او طبيعه الاستعمال احد يقدر يفيدنا

[رقبة حاشي]

فيه استفسار مدري احد عنده معلومه ليش الباجيروات ماتتعدي 400 الف الا يحتاج شنبر مدري الحراره او طبيعه الاستعمال احد يقدر يفيدنا

ورنا سياره تمشي 400 الف بدون تصليحات
وماهوب شرط انا اعرف واحد مشت معاه السياره نوع باجيروه اكثر من 700 ألف

[أطلال نجد]

فيه استفسار مدري احد عنده معلومه ليش الباجيروات ماتتعدي 400 الف الا يحتاج شنبر مدري الحراره او طبيعه الاستعمال احد يقدر يفيدنا
ترجع للمستخدم أنا أعرف ناس السيارة ما تكمل معه 200 إلا مخبطة وهذا راجع لطريقة الاستخدام و استبدال الزيت في حينه و أغلب الناس عندنا ما يحافظ على سيارته و بعضهم يعدم سيارته من زود المحافظة المبالغ فيها و البعض الآخر يحافظ على سيارته السنتين الأولى و بعدها ما عاد يفتح الكبوت و أنا أعرف لك ورش فيها سيارات من كل نوع و موديلاتها حديثة و طالبة توضيب كامل

[أبوحمد 505]

موديل ٢٠١٠ ماشية ١٠٠ الف
بسعر ٤٠ الف هل السعر مناسب

واذا خذيتها هل اغير سير التيمن والفلاتر وموية الاديتر
وكم يكلف سير التيمن والشدادات

[ليل الخير]

جيب ناتيفا 2007 للبيع
محركات وبدي ميه ميه ماعدا الصدامات فيبر وجايها دقش بسيط
المكيف ما يشتغل مدري كمبرسل والا ثلاجة
السوم 23 الف وماني بعيد
التواصل على الخاص

[AHMED HARBI]

اسعد الله مساءكم بكل خير
بالنسبه لاسعار المساعدات الاماميه في الشركه 430 ريال للواحد وفي المحلات التجاري ياباني 150 والصيني ب 100 ريال على حسب كلام صاحب محل قطع الغيار .

عندي مشكله في لمبة الدبل شغاله فلاشنق من عنده علم في السبب والحل يفيدنا بارك الله فيكم ونفع بكم

[فهد الراشد]

لسلام عليكم ورحمة الله وبركاته،،
اسعد الله صباحكم بكل خير،
اخواني حبيت اسألكم عن مكينة الناتيفا،
انا من حايل وابي مكينة ناتيفا من أي تشليح برا حايل،
بحايل دورت ومالقيت، وان لقيت يمار ممروشه وتعبانه،
تكفون اللي يخبر لي تشليح بأي ديره يعلمن الله لايهينكم .

[مجنون الباجير]

لسلام عليكم ورحمة الله وبركاته،،
اسعد الله صباحكم بكل خير،
اخواني حبيت اسألكم عن مكينة الناتيفا،
انا من حايل وابي مكينة ناتيفا من أي تشليح برا حايل،
بحايل دورت ومالقيت، وان لقيت يمار ممروشه وتعبانه،
تكفون اللي يخبر لي تشليح بأي ديره يعلمن الله لايهينكم .

عندي ماكينة ناتيفا تواصل معي