المساعد الشخصي الرقمي

مشاهدة النسخة كاملة : ^ ^ * فوائد الفرارات * ^ ^


F250
15/04/2012, 12:24 PM
السلام عليكم و رحمه الله و بركاته

يا اخوان ابي اعرف فوايد الفرارات

ابي اعرف اجابياتها و سلبياتها

و شكرا
صاحب الجيب
15/04/2012, 12:42 PM
السلام عليكم ورحمة الله وبركاته

أخوي F250 بالنسبة للفرارات وجهت نظري الشخصية بعد تجربة 6سنوات على باثفندر 2005 لا أنصحك بإضافتها إذا لم تكن موجودة من شد البلد
توضع أساساً للتخفيف على الدفع الأمامي وفصله كما وأنها توفر شيئاً لا يذكر بالوقود
ولكن طول مدة القفل يسبب مشكلة في الدفع الأمامي وكذلك جودة الفرارات تحد من مشكلة التوقف الطويل عن الاستخدام

فنصيحتي الشخصية وفر قيمتها في شيء أفضل
أو أنظر رأي الشباب يمكن يكون لهم وجهة نظر مخالفة
ابوسليمان12
15/04/2012, 12:43 PM
نصيحة ركب وانت مغمض اسال مجرب لأكثر من ١٠ سنين لكن احرص علا الاوتو يعني ما يحتاج تنزل تعشق
sgl2002
15/04/2012, 12:48 PM
والله ركبتها وشلتها بعد سنة

مع الجلد والمشي في البر والمطبات ترتخي المسامير وممكن تخرب العكس
ســـبــار ربــعـــه
15/04/2012, 10:16 PM
لو اعلم لأفدتك شريت مواترفيها فرارات بس ما سألت عن فايدتها بس الأخوان ماهم مقصرين ان شاء الله.
MAGNUM
15/04/2012, 10:23 PM
مالها اي داعي ولا فيها مميزات ولا شي

ماتغير شي بالموتر نفس الصرف ونفس الممشى

مركبها على باترول
You Like Me
15/04/2012, 11:14 PM
وعليكم السلام ورحمه الله

هي تنفع للمديلات القديمه اللي صرفيتها عاليه
ولا راح تستفيد منها الا اذا ركبت مراوح وهدرز
راح يبان وقتها انها ساعدت على تقليل الصرفية بنسبة بسيطة
ايضاً للي عنده مشكله في عامود الدبل

اذا سيارتك مافيها مشكله لا تدورها ولا تركبها
والله انها غثيثه انزل اشبك انزل افصل
المبتذي
16/04/2012, 11:28 AM
السلام عليكم
عندي ونه في الدبل
السبب نقص الزيت وسار صرير بسيط
هل تفيدني الفرارات في هدا
المبتذي
16/04/2012, 11:30 AM
نوع السياره فكس ار 93
وطلعاتي كثير للبر
حمااد
16/04/2012, 12:21 PM
ياشباب الفرار كويس وخاصة للسيارات القديمة مثل التويوتا من80 الى 91 يفصل جميع مجموعة الدفرنس والعمود الى مجموعة الدبل
لكن السيارات الجديدة عزمها قوي ولا تأثر عليها الفرار
حمااد
16/04/2012, 12:23 PM
نصيحة
اللي بيركب فرار يركب اصلي وسلامتكم
على رمشي تمشي
16/04/2012, 01:36 PM
انصح بها لانها تفصل العكوس الامامية وتريح الدفرنس الامامي ناهيك عن الخفه بالسيارة وتوقف دوران عمود الدبل عن الدوران داخل المدن والسفر - ايضا اذا عامود الدبل يسبب لك رجه مايحتاج الى تغير الفرارات تقوم بفصله واذا احتجته تشبكه لان استخدامك له للضروره
Ibrahim alkha
16/04/2012, 01:57 PM
وصيت واحد من الشباب على فرارات تويوتا الاصليه لموديل 97 ولقاها اصليه بسعر 1460 ريال

واحد من الشباب معاه نفس موتري يقول امشي من الحسا للجبيل 250 كيلو والبنزين فوق النص بتكه وارجع بالباقي والسرعه بين 140 و 160 كم هذا بعد ما ركب الفرارات واللي ركبها نوعها برازيلي
عاشق السيل
17/04/2012, 05:28 PM
ركبت فرارات على الباترول 98 وخليتها 8 سنوات والآن لي سنتين شايلها ..

إيجابياتها :
ـ تريح الدفرنس الأمامي من الدوران
ـ تخفف الاستهلاك على الصوفة الأمامية
ـ العكوس واالعمدان الأمامية ماتدور
ـ إذا فيه رجة قدام تروح
ـ خفة الموتر وخفة صرفية البنزين للسيارات القديمة فقط

سلبياتها :
ـ انزل اشبك وانزل افصل <<< ياهي غثيثة
ـ مع المطناج أحيانا تسوي قرقشة خفيفة
ـ مع الجور على الموتر ممكن يفرط الفرار وتصير السيارة كأنها بدون دبل <<< توهيقة وسط الطعوس
ـ أحيانا تغرز وماتقدر تنزل تشبك الفرارات بسبب ظروف الجو إما مطر قوي أو برد قوي أو عجاج أو ممكن تغرز فوق بيت نمل وأتحداك تنزل ههههههههه

باختصار شديد : إذا كانت سيارتك قديمة وتعاني من رجة الدفرنس أو صوت حنة أمامية أو الموتر ثقيل ركب فرارات وتبي ترتاح ،، أما إذا سيارتك جديدة ومافيها مشاكل لا تركب تراك ماراح تشوف فرق وهذا عن تجربة !!!!
F250
18/04/2012, 10:12 AM
يعطيكم العافيه على الردود
المبتذي
18/04/2012, 10:56 AM
الله يعافيك
وماقصرو الربع جزاهم الله خير
طيير شلوى
18/04/2012, 01:17 PM
نصيحة ركب وانت مغمض اسال مجرب لأكثر من 10 سنين لكن احرص علا الاوتو يعني ما يحتاج تنزل تعشق

وين أحصل الفرارت التماتيك
PATHFINDER 4
18/04/2012, 02:36 PM
من خلال تجربتي سنتين والموتر باثفندر 2004
ابرز شئ اعجبني فيها وهو خف نفس الموتر عن اول كثير + الطارة صارت خفيفة مرة عن اول
تحس انك تسوق مكسيما مب جيب

لكن يبيلها صيانة كل فترة وفترة تشحمها وخربت علي كم مرة اخرها قبل 3 اسابيع تقريبا
طيير شلوى
20/04/2012, 10:31 AM
شباب محد رد علي وين احصل الفرارات التماتيك