؟؟ غســــــــــــــــــــــــــيــــ

[mooma]

السلام عليكم
=
=
=
=
=
=
الله يسلمكم بقولكم السالفه أول


قبل يومين ربطت موتر لكن فيه بعض الاصوات ماراحت وقالي الي ربطه رح شحمه عشان الاصوات (رحت بشحمه قالي البنشري(متعامل معه من زمان) اول اغسل الموتر بستم لأنه اذا شحمته بوصخه (كنك بتكحله وتعميها زيادة) فقالي رح للمغسله وخلهم يغسلونه بدون ديزل بس مويه وصابون ؟؟؟؟

وهنا بدأت المشكلة فتحت قوقل وابحث الحاصل إني مالقيت ولا واحد الا ويسب الغسيل البستم !! (الي يقول الموتر صاره يتفتف - والي يقول طلعت لي اصوات طقطقه- واللي يقول .... الخ) !!!!!!! كثييره المشاكل الي قريتها من الاعضاء بمختلف المنتديات طبعا خفتhttp://www.t63ys.com/vb/images/smilies/sad_1.gif وقلت مالي الا انتم عساكم ع القوه http://www.t63ys.com/vb/images/smilies/119.gif) (السؤال هو / موتري هايلكس 2001 وأبغسله بستم ( المقصات والاذرعه نهاية الى الشكمان ) المكينة ماني مخليه يقربها ؟؟ هل هالشي يضر ولا لا (صدى - تآكل- تيبس - طقطقه ... الخ) ؟؟

وأشكركم جزيلا على المساعده مقدما ...

[قناص 28 عفيف]

غسيل مويه صابون ماعندك مشكله بس احذر احذر تغسل بطن الموتر بديزل لان ييبس الجلب ويطلع اصوات وطقطقه

[المسك الابيض]

السلام عليكم
غسل سيارتك بستم بدون أي من مشتقات البترول وتوكل على الله على الأقل مرتين بالسنه ثم شحمها
وأترك عنك كلام الناس أكيد غسلوها ولم يشحمون سياراتهم أو البنشري لم يشحم السيارات زين....

[ســـبــار ربــعـــه]

ما قصروا الربع افادوك والله يعطيك خيره ويكفيك شره.

[بن جابي]

ياخوي ما انصح بالبستم نهائي الافضل بماء عادي علشان ينزل التراب وغيره ولا تستدخم لا بستم ولا ضغط عالي لانه اول شي يطير البوية و يطير التشحيم و قوي الماء يلعب بالاسلاك

وبيني وبينك ادخله البيت و باللي حق البيت ارشله و اغسل المكينه وتحت المكينه وانا متطمن

[mooma]

يمال الغناة والله تسلمون على المساعده

يعني اتوكل على الله واغسله بماء وصابون ومهنا خوف ان شاءالله ؟؟؟

أخوي بن جابي

والله مدري وأنا أخوك بس الموتر (وأنت بالكرامه ) وصصصصخخخخ من تحت مر ر ر ر ر ر ر ه فمدري هقوتك لو أدخله البيت وأرفعه ينفع ؟؟ وياليت تعطيني الطريقه ؟؟

[خبايا انسان]

وده مغاسل التكارنه وسو له جلي للبطن كامل

[جي تي]

لا يهمك كلام الناس اسأل مجرب موتري له معي اكثر من سنه وكل شهر تقريبا اغسله بستم ولا شفت اي شيء من الي يقولونه اصوات ما اصوات ولا تفتفه ولا شيء وقد غسلت المكينه مرتين ولا شفت شيء واغسله كامل مع المقصات وكل شيء يعني تراه مويه وصامون ما يضر لو تغسله كل اسبوع الموتر مصمم ليتعامل مع الاشياء هاذي زي السيول والامطار يعني تاصل المويه الا الشبك وكل البلاوي الي في الشاصي حديد من دفرنس واعمده يعني بالعربي ما يضر

[أبوصالح9]

اذا بتغسل بستم لا تغسله بالديزل انتبه اغسله بالقاز لان الديزل حار على الجلد اما القاز خفيف وينظف انا لي سنين اغسل بستم ولا شفت الا العافيه ياربي لك الحمد وبالنسبة للمكينة لا تكثر غسيلها يعني مرة بالسنة كافي اذا كانت محتاجه غسيل واكرر اذا محتاجه غسيل يعني لو مافيه زيوت متراكمه على المكينه لا تغسلها ابد -وزبدة الهرج البستم لا تحرص عليه الا اذا شفت موترك منعلك بالطين والزيوت
بالتوفيق

[بنزرت]

اول تاكد ان البنشري هو نفسه صاحب مغسله البستم او احد جماعته؟
غسيل البستم له استخدام واحد وهو ان يكون عندك تهريب زيت ومو عارف مصدر التهريب او دخلت الساره في مكان كله طين ولصق فيها
غير ماله داعي ... اصلا تغسلها اليوم وبكره تلاقيها وكأنك ماغسلتها