أهل الخبرة في الباترول

[مخاوي النيسان]

السلام عليكم ورحمة الله وبركاته

وكل عام وأنتم بخير

رمضان كريم

وأنا سعيد بأن أشارك معكم في هاذا المنتدى

وبعد :

عندي باترول نيسان موديل 97 GL كان ماشي معي تمام وقبل فترة بدا يكربن يعنى مايشتغل بسرعة ويطلع دخان أسود من الشكمان وإذا شغلته في الصباح يرتفع ضغط المكينة حتى يوصل بعض الأحيان ألى 3.5 حتى إذا تركته شغال ربع ساعة زي ما هو نفس المشكلة . وإذا مشيت عليه يكتم وبعد فترة (إذا برد ) في نفس اليوم ينزل ضغط المكينة إلى درجة يثقل معها الدركسون .

إذا أحد يعرف حل المشكلة أرجو أنه مايبخل ويقول لي الحل .

شكرا وجزاكم الله خير

[صقر]

السلام عليكم ورحمة الله وبركاتـــــــــــــه.


المشكلة عندك في الكاربريتر فيه وسخ

او البواجي

او الانابيب المطاطية (الليّـات)

وعموما نظف الكاربريتر وغير بواجي وغير الليات وسيرجع موترك مثل الحصان ياعاشق النيسان.

[صقر]

اخوي مخاوي النيسان

بالنسبة لتغيير البواجي لاتنسى تغير اسلاك البواجي وخلك جزل غير اسلاك وكالة والا ماراح تستفيد

والله يشفي موترك ويقومه بالعافية....

[NIGHT STAR]

شربة عزيمة:D

ماعندي زود مثل ماقالوا الأخوان بواجي واسلاكها ونظف الكلبليتر ويطلع زي الحلاوة ان شاء الله

[عاشق الصحراء]

بالتجربة:

اشتر لك بخاخ للكربريتر و رش على الكربريتر من الخارج
و ليس من الداخل و ذلك من الجهة اللي فيها الابنص و ميزانية
رفع الريز ... حتى تشمل كل الكربريتر من كل الجهات و خلك
كريم بالرش.... حتى يتلين الصدء و سف ترى من الغد ان الموتر
زانت نفسه و غدا و ليده:D ...... و هذه من واقع تجربة.

[azeez]

ياأخي العزيز

عندي موتر نفس موترك ونفس المشكلة وزود عليها يشرب بنزين واجد
وفي الأخير رحت لواحد في الوكالة وغير لي منظم الكربريتر ورجعـــــت
السيارة زي أول وأحسن وكل الشغلة حوالي 370 ريال مع التركيب .

تحياتي

[ابو الريم]

السلام عليكم .......


اذا اول ما شغلت السيارة يرتفع الريس معناها ان منظم البخاخت ( منظم الهواء ) فيه مشكلة لان الريس ما يرتفع الا اذا دخل هواء زائد للمحرك ........

فأنت قبل كل شي تسويه تغير المنظم والبواجي لان المنظم اذا كان خربان فالبواجي تكربن على طول ..... وان شاء الله تضبط .....