ابي ورشه سمكره ورش شغلهم ممتاز

[فارس العيون]

مساكم الله بالنورر
قدر الله على اخوي وصار له حادث والحمدلله طلع سليم
لكن الموتر تاثر الكبوت وبعض الاشياء فودي بورشه يكون رشهم ممتاز ولايفرق اللون ويكون سعره مناسب وموقعا الصناعيه القديمه او النسيم او صناعيه 18 الجديده اذا ماعليكم امر
شكرا

[كاشت وحداني]

مركز وفاء في الصناعيه القديمه
شغلهم يتحدى الوكاله ويضمنون اللون
وكل شغلهم مضمون
بس غالين لكن يهون الغلا مع الشغل المضبوط
المركز واجهته فخمه لازم تنتبه ترا فيه كذا ورشه مسمين انفسهم بها الاسم


Sent from my iPhone using Tapatalk

[فارس العيون]

مرحبا بك
وفاء ممتاز لكن السمكره ولا بريال
يبيك تجيب قطع جديد

[ع. بن عمار]

حياك الله والحمدلله على سلامة أخيك
عندك سلمك الله ورشة ارناج في الصناعية القديمه في الحوارى اللى ورا تراى ستار وتشالنجر شغلهم ممتاز عن تجربه سابقه
اللى يشتغلون فيه أتراك وأنا مصلح موتر أهلى فيه قبل كم سنه أيام ما كان على عزه ومعطينى ضمان على البوية (الحين مدرى عنهم)
فيه ورشه يصلحون فيها التعاونيه للتأمين أسمها شمس العروبه في صناعية الدائرى اللي في 18 غرب من المسجد (لونه برتقالي بني مثل كذا) تفتح شرق
أشوف بويته رشها زين بس السمكره مدرى عنها
عاد أنت شف شغل الورش في الأول وقرر قبل لا تحط الموتر ولا تحرص على السمكرة جب قطع جديدة وريح راسك

[فارس العيون]

جزاك الله خير اخوي
ابمر الورشه واشيك على الشغل

[جي يونت]

عندي لك ورشه متخصصه رش دهان ماركات عالميه احسن من الوكالات بألف مره شغل بالكمبيوتر دقيق جداً, سبق وديت لهم أمبالا موديل 1974 رجعوها لي بشكل خيالي

[دائرة 11]

الرحيمي في الصناعيه القديمه ..بس كثر فلوسك

[بنز560]

اذا تبغى رش مضبووووووووووووط عندك المبارك في صناعيه الدايري

[.ابن سمران.]

الحمد لله على السلامه
اذا تبغا ورش شغالها وكاله عندك الضويان في صناعيه النسيم وورشه السلطان ذولا شغلهم وكاله بس غالين

[فارس العيون]

اخوي بنز
ورشه المبارك وين موقعها بالصناعيه ؟