لخبراء الجمس الونيت الشكل القديم من 99 وتحت

[التعـ King ـديل]

السلام عليكم ورحمه الله وبركاته

ممكن مساعده لاخوكم .. عندي واحد من الزملاء بيشترى له ونيت جمس موديل 96 مقاس 2500 قير تماتيك دفرنسين دبل ارضي شاص طويل

مبدئيا وش عيوب هالموتر ووش مميزاته وكيف صرفيه البنزين واسعار القطع بصراحه انا مالي خبره بالجموس لذلك قلت اسألكم

وابي اعرف اقيامها .. وكذلك ابي اعرف البنزين المستخدم لها 91 ولا 95 والزيت كم علبه حسب كتلوج الوكاله

وفي الختام اشكر الجميع مقدما واتمنى ان الجميع يردون بما يعرفون :good2:

شبيه لهذا

http://img.haraj.com.sa/userfiles30/2012-03-29/4f738cf480796.jpg


كما اتمنى من الجميع التصويت

[YUKON_GMC]

ان كان مثل السوبرمان الملكي 25 .. مكينتة 400 وبنزين يصلح له 91 و92 والدبل زوين وقليل اطعال اذا كان الاستخدام عادل ولايتم الجور عليه بالسحب والدفرنس الامامي اعتقد فليورات ماهو دفرنس

قطع غيارة نفس قطع غيار السوبرمان الملكي من 92 -99 وتقريباً نفس اسعار قطع غيار موديل 200 مافيه فرق كبير


العيوب - صرفية البنزين وصوت الشكمان المزعج - وطرمبة البنزين

[التعـ King ـديل]

يعطيك العافيه اخوي يوكن .. ولا عليك امر شلون نعرف مكينته

بس شخص واحد اللي رد ؟

[التعـ King ـديل]

لهالدرجه الموتر غريب ولا احد يعرفه اكثر من 100 زائر للموضوع مارد الا واحد

[بن مانع التميمي]

الموتر شيخ يابعدي


مايحتاج ان شاء الله


والبنزين ابد الي تشوفه ازين لك حطه مايفرق ان شاء الله

انا استخدم سوبر 97 ومريحيني ماشاء الله كيف عاد حوض ؟؟

توكل على الله وخذه ومامن حسوفه ابد ان شاء الله

[التعـ King ـديل]

اول شي ياولد العم نورتني بدخولك ثم زدتني شرف بردك

يعطيك العافيه ..

اللي خلاني اسأل واحد من العيال معه كابرس اس اس وحط له 95 وبدا يعوكس معه الموتر

[طعيميس]

بسم الله
تحيه لولد العم
معي 95 قطع عشرة احمر لووووووووووووووو مرة دبل ارضي
البنزين 91 ممتاز معاه
الصرفيه معقووووووله جدا لان كربريتره فيه حلابات وهي تعني دمج مابين البخاخات والكربريتر
اللي معي شاريه من شهرين ب 25 وزينت فيه ب 5
انصحك بقطع عشره ازين وانت ابخص
تقبل مروري

[التعـ King ـديل]

اخوي طعيمس كل القطع 10 لقيتها مكروفه .. تقولي كربريتر يعني مايجي بخاخ ؟ لان الظاهر الحوض اللي اتكلم عنه بخاخ مكينه سوبربان

[التعـ King ـديل]

باانتظار المزيد من الاراء

[فيصل الدريويش]

.
مرحبا اخوي تعديل

كان عندي موديل 95 بس 1500 شاص طويل دبل 6 مسامير قير عادي 5 غيار

يختلف عن الي بالصورة من حيث المحركات القير والكوارين والدبل والشاص ونظام التعليق الي هو المساعدات والمقصات والسست والإختلاف يكمن ان الـ 2500 هافي ديوتي ولـ 1500 أخف من حيث المتانه ويتشابه بالمحرك من حيث الحجم 350

لكن الـ 96 وما فوق الى ان تغير الشكل اختلف فيه نظام المحرك وتم تطويره إلى نظام الفورتك
وهو نظام تشغير كامل ونظام بنزين وتم إزالة نظام الحلابات وإدخال نظام الفيول انجكشن او البخاخ كامل ونظام الحفاظ على البيئة من حيث إضافة دبات الرصاص خلف القزوز وهذا يحد كثيراً من صوت المحرك

الـ 95 وما تحت فيه ملاحظات في الكهرباء وتم تفاديها فيما فوق هذه الموديلات بحكم تغيير نظام التشغيل بالكامل للمحرك بما فيها الكهرباء وإدخال الكمبيوتر

جربت كذلك الموديلات فوق الـ 95 من هذا الشكل وكان فيه اختلاف ملحوظ بالعزم والأداء وصرف البنزين وقلة الأعطال المتعلقة بالكربريتر الحلاب القديم والكهرباء العامة للسيارة وكهرباء المكينة

ونظام الفورتك اقتصادي بالبنزين ويوفر عزم وقوة أكثر

من ناحية قطع الغيار فهي معقوله من حيث الأسعار وعلى حد علمي متوفرة بكثرة

والسيارة مع المحافظة والمتابعة ستخدمك وتطرب خاطرك لانها فئة 2500 والقير والكوارين في هذا المقاس قوية وتتحمل وتعيش والمحرك اذا كان فورتك فهو عملي وصرف البنزين فيه معقول

أتمنى اخوي تعديل أننا افدناك بالي نعرفه مع قل الخبرة

وبالتوفيق

.

[* ابو باسل *]

اذا كان المحرك فورتك وباقي على شد البلد والدفرنسات والقير سليم لم يوضب فالسيارة بإذن الله سوف تلبي متطلباتك ولاتنسى ان موديلها قديم وبتعطيك على قد عمرها ولاكن سوووف تبلشك بالطلبات والقطع من فترة الى فتره لسبب انتهاء صلاحية البعض منها .
واذا تقدر على الجديد احسن واحسن وعشر سنين ان شاء الله مايطلب شي .

[YUKON_GMC]

ان كان انه الجمس اللي في حراج

موضح راعيه حجم المكينه

وهي :

المكينة كبيرة 5.7 فورتك
العداد 309 تقريباً

نفس مكينة موتري اليوكن اللي بالتوقيع 99

وهي صراحه مكينه جباره واقتصادي في البنزين بنفس الوقت

الموتر صراحه شيخ خصوصاً انه مجدد فيه كل شيء والمساعدات مدبله والصندون مدبل ومحركاته نظيفه على كلام راعيه بس مغليه واظن ماهو بايع دون ال 30

[التعـ King ـديل]

فيصل الدريويش و ابو باسل بيض الله وجيهكم ومعلومات مفيده



اخوي يوكن الموتر اللي اتكلم عنه غير اللي في حراج ولكن يشابهه بالمواصفات

[Avalanche]

السلام عليكم ورحمة الله وبركاته

تم التصويت :good:

عيب هالموتر ... طرمبة البنزين وحلها بأذن الله سهل (الحل موجود في مكشات)

مميزاته ...
قطع غيار رخيصة و متوفرة ويوجد اكثر من شركة غير الأصلي (اتكلم عن الشرقية)
الموتر شيخ و يبيض الوجه (طبعا اذا كانت محركاته ممتازة)

صرفيه البنزين ... معقولة ولا تنسى ان هالموتر 2500
الـ 1500 اقل في الصرفية لكن الـ 2500 يطرب و اقوى (في امور السحب و التحميل)

طبعا مثل ما ذكر بعض الأخوان موديل 96 مكينته فورتك :good:

احرص على الفحص قبل الشراء ... مكينة - قير - دبل - حرارة - مكيف - البدي + الشاصي

تحياتي للجميع

[.أبوعبدالرحمن]

الموتر ممتاز جدا خصوصا في التحميل

لكن على حسب خبرتي لأنه كان مع أحد أقاربي

يعيبه شيء واحد طرمبة البنزين

طبعا صرفية البنزين حط في بالك يختلف إللي من موديل 91 إلى 95 عن 96 إلى 99

يعني إللي من 96 صرفيته أقل وصوت السيارة أنعم بكثير عن الموديلات اللي تسبقه

[فيصل الدريويش]

.

بالنسبة لـ طرمبة البنزين

هذه الموديلات تأتي الطرمبة مفصلة كقطع غيار

بحيث تكون الطرمبة لوحدها او الجزء الخاص بالضخ او الدينمو

والفلاتر لوحدها

والعوامة لوحدها

الأغلبية يقوم بتغيير المضخة فقط دون الفلاتر والعوامة

تغيير كامل الأجزاء الموجودة في التانكي مع كتاوت الكهرباء الموجود تحت الكبوت والخاص بطرمبة البنزين
ومشكلة الكتاوت انه مع الوقت يضعف اداءه أو يختل تثبيته فيبداء بإعطاء كهرباء غير منتظمة للطرمبة فتتعطل

كل ذلك بإذن الله يجعل الطرمبة تعيش عمرها الأفتراضي المفروض من ثلاث سنوات الى أربع بكامل أدائها

طبعاً المهم أن تكون الطرمبة على رقم الشاص بالضبط مهما قالو أن أرقام أخرى تركب

ثانياً أن تكون أصلية ومن المحلات الموثوقة

وشكراً×

[قناص*07]

ممتاز
بس عيبه شاصيه دايم ينشعر
و الطرمبه مثل ما قالو الاخوان

ومن نظرتي ان 1500 قصير ازين ويتحمل اكثر منه

[بدوي جنوبي]

أفا كنق تعديل وما تعرف مكينته :)

أسدح لنا صورة للمحرك وأظن ان محركه فورتك 454 يعيب المحرك الحراره
وال 1500 محرك 350 أفضل منه ما يسخن .
الموتر ممتاز لكن أهم شيئ تفحص أذا محركاته زينه وأهم شيئ الدبل
توكلو على الله
بالنسبه للدفرنس حقه كبير الخلفي يعطيك أستجابه سريعه والجنط 8 مسمار
الامامي نظام فريول عكوس وبدأ النظام هذا من عام 92 لكل أنواع الجموس

تأكد هل يوجد مبرد للدبل والدركسون يكون قدام الرديتر .
والقير حقه مبرد قدام الرديتر ولا داخل الرديتر
لان الامريكان ما تعرفلهم مره يحطو مبرد داخل ومره يكون خارجي
يدوخوك بالمواصفات .

[كبسولة2]

الجمسات من موديل 99 وتحت قوووية جداً

وهذا النوع ماشاء الله تبارك الله موووووتر لا غبار عليه

قوي وقطعه متوفره في الصناعية وأفضل من موديلات 2000 وفوق

صرفيتة زايدة شوي بحكم أنه 2500 بس عادي ماتفرق

محركه فورتك

حسب ملاحظاتي الجمس من موديل 99 وتحت القير العادي يعييييييييييييش بدون مشاكل

الجمسات من موديل 2000 وفوق القير العادي دائماً تتعطل تبي لها حنييييييييية

توكل على الله وخذه بس أفحص زيين

أسعارها مابين 14 الف ريال إلى 19 ألف ريال للنظيييييييييييف

2002 شاص طويل دبل حجم 2500 شاريه قبل سنتين بـ 24 ألف ريال

وبعته بعدها بـ 20 ألف ريال

بالتوفيق وإذا أشتريته عطني خبر أعطيك معلومات مهمة قبل أستخدامه

[فيصل الدريويش]

.
أخوي بدوي جنوبي
الونيتات موديلات التسعينات فئة الـ ٢٥٠٠
أحجام البلوك فيها ٣٥٠ وتكون بنظام الحلابات
وهي بختصار كربريتر الإلكتروني من حيث ضخ البنزين بنظام الإلكتروني داخل المحرك عبر أبر ضخ تسمى حلابات
والمحركات حجم البلوك ٤٥٤ كيوبك انش
كانت فقط للصوالين×
ودفعة من سيارات حرس الحدود×
وإصدار خاص في أمريكا قطع عشرة يحمل التصنيف ss
وبمحرك ٤٥٤

أما الونيتات إجمالاً التي تباع للسوق المحلي وللشركات
كانت ٣٥٠
ومن موديل ٩٦ تغير نظام الحلابات إلى نظام التشغيل بالبخاخ الكامل تحت نظام فورتك المتكامل للتشغيل وتطوير الكمبيوتر الداخلي للمحرك
.
إذا كنت غلطان صحح لي

[ســـبــار ربــعـــه]

حلو بس يهرقل ويعاكس.

[التعـ King ـديل]

يعطيكم العافيه على الردود كلا بااسمه ومشكورين على المداخلات

اخوي بدوي جنوبي الموتر انا ماشفته ولكن نقلا عن كلام زميلنا سالتكم .. وانا مالي خبره بالامريكي

[التعـ King ـديل]

باانتظار المزيد من الاراء

[بدوري7]

السلام عليكم ورحمة الله وبركاته
اهلين بأخوي الغالي
التعـ King ـديل
بالنسبه للجمس اللي حطيت صورته ما شاء الله عليه
شوف يالطيب انا معاي صالون 97 شفر دنفرنسين دبل ارضي " امريكي "
واعتقد ما فيه فرق بين الجمس والشفر
انا معاي الصالون مكينه 1500 عااد انا ما اعرف قوة المكينه
وله معاي تقريباً 8 سنوات والحمدلله ماشي معاي
وكل ما جيت اغيره لموديل جديد ونفسي بموديل 2006 بصراحه
والله ان الوالده ترفض تقول لا موترنا زوين ووش حليله
ما خليت مكان ما رحت فيه الدمام . مكه . جده . ابها . الطائف . الامارات .
كذا مره اسافر عليه داخل السعوديه كثيرررر وجميع الاجازات اطلع فيه
وغير البررر ما خليت مكان ما رحت عليه
بس اعلمك يا أخوي انا من الناس اللي ما احب المطامر عليه بالطعوس مثل هالشباب اللي ما خلى طعس ما رقاه
انا يا اخوي اشوف رمل اشغل الدبل وامشي بالهون عليه
وعلى فكره تراني كنت ابحث بمثل هالموتر يا اخوي تعبت ما حصلت وااالله
وانت تعرف يا اخوي ان الصالون ثقيل اشوي وانت اعرف عاااد بحديده ما شاء الله
انا ما انسى دخلتي لروضة ملهم عن طريق الثمامه هذي اصعب دخله لي بالصالون برمال بصراحه
بس اعلمك نسم الكفرات واتكل على الله دخلت وطلعت بنفس طريقي
وهذا كان اصعب اختبار لي
بالنسبه للطرمبه انا غيرت طرمبته 3 مرات ما كملت سنه وصرت اخاف انه يتعطل علي بخط
وبالاخير طفت علي ووديته لورشه بالرياض بطريق الحجاز حول منتزه سلام
وقال لي جب طرمبة لاندكروزر موديل 99 واالله جبت الطرمبه وركبها والحمدلله الحمدلله
الان له 5 سنوات حتى الان ما خالفت معاي وانا اعبي بنزين 95 لاني مو مقتنع ب 91 بصراحه
وهذا الموتر ماشي ولله الحمد وكل اللي تكلم عن الطرمبه فوق من الاعضاء انا قلت لك وهذا الموتر قدامك واستخدمه حتى الان واخوي مغير له بعد قوته 2500 مثل مكينتك بالضبط
وانا مغير الطرمبه مثل ما قلت لك
" وأسأل مجرب ولا تسأل طبيب "
وبالنسبه لصرفية الموتر انا اعبي من المزاحميه من اول محطه هالكبيره اللي على اليمين يوصلني الطائف ونازل الامبير تحت النص بشووووي بس سرعتي ثابته 120 , 130 بس ما تعداها
وانا اقول لك اشتر وانت مغمض إذا صار نظيف ووالله لو تحط عليه هاللي يحطونه الشد ورى اللي يرتفع على جنب
صدقني بيطلع موتر صح وبيصير بعد خيمه واااالله لان صندوقه كبير واغراضك بتكون تحت
ان شاء الله تنفعك هالمعلومات مني يا آخوي
وهذي صورة سيارتي بروضة الخفس الشماليه



http://im14.gulfup.com/2012-04-23/1335184260991.jpg (http://www.gulfup.com/show/X2zlkzr8qjnmswo)

[التعـ King ـديل]

اخوي بدوري بصراحه رد مشجع ويعطيك العافيه

وماشاء الله تبارك الله على موترك الله يطعمك من خيره ويكفيك شره

[Jeep 2005]

توكل على الله وافحص الموتر مضبوط

نظام الحلابات .. نزل من موديل 1987 واستمر إلى 1994 << نص كاربريتر نص بخاخ

ونزل بخاخ كامل من موديل 95 وانت طالع .. واختلفت طرمبه البنزين عن الموديلات الي قبله

كذلك بالنسبه للقير العادي إلى موديل 1994 يجي 3 نمر وL والقير حديد
ولو تبي تفصيل اكبر بمعرفه الفروقات بين الموديلات .. ابشر راح افصلك





عندي واحد موديله 1989 والحمدلله .. ماشاء الله تبارك الله امشي واضربه الطعوس لييييين يأذن وادخل فيه بدون ما اشبك الدبل ومكينته 350


والقطع متوفره ولله الحمد


والله يسخر لك مافيه خير

[سيف نجد_]

عن نفسي افضل مكاين ال350 الفورتك الي تجي من 97 الى 99 وميزتها انك اول ماتشتري الموتر توديه الورشه تسوي له صيانه كامله والاهم تغير وجيه الثلاجة وتحدث نظام البخاخ او الاخطبوط فيه له تحديث بقطعه مطورة بالكامل شكلها نفس الاصليه لكن شغلها مختلف تقدر تقول تصير بخاخ فعلا لكن داخل الثلاجة وتوسع او تجيب بوابة موسعة ودبه رياضيه صدقني بتستمتع باداء جميل جدا بر وطريق ولا عاد بتستخدم الا هي بسواقتك اليومية والبر شخصيا ادمنت هذا الموديل والحراره لها حل بسيط جدا جدا جدا ورخيص وطول عمرها ما بترتفع عن الربع لو انت وش مسوي فيه وحتى البنزين صرفيته تقل كثير والاداء رائع ماشاء الله

Sent from my GT-I9505G using Tapatalk

[سيف نجد_]

السلام عليكم ورحمة الله وبركاته
اهلين بأخوي الغالي
التعـ King ـديل
بالنسبه للجمس اللي حطيت صورته ما شاء الله عليه
شوف يالطيب انا معاي صالون 97 شفر دنفرنسين دبل ارضي " امريكي "
واعتقد ما فيه فرق بين الجمس والشفر
انا معاي الصالون مكينه 1500 عااد انا ما اعرف قوة المكينه
وله معاي تقريباً 8 سنوات والحمدلله ماشي معاي
وكل ما جيت اغيره لموديل جديد ونفسي بموديل 2006 بصراحه
والله ان الوالده ترفض تقول لا موترنا زوين ووش حليله
ما خليت مكان ما رحت فيه الدمام . مكه . جده . ابها . الطائف . الامارات .
كذا مره اسافر عليه داخل السعوديه كثيرررر وجميع الاجازات اطلع فيه
وغير البررر ما خليت مكان ما رحت عليه
بس اعلمك يا أخوي انا من الناس اللي ما احب المطامر عليه بالطعوس مثل هالشباب اللي ما خلى طعس ما رقاه
انا يا اخوي اشوف رمل اشغل الدبل وامشي بالهون عليه
وعلى فكره تراني كنت ابحث بمثل هالموتر يا اخوي تعبت ما حصلت وااالله
وانت تعرف يا اخوي ان الصالون ثقيل اشوي وانت اعرف عاااد بحديده ما شاء الله
انا ما انسى دخلتي لروضة ملهم عن طريق الثمامه هذي اصعب دخله لي بالصالون برمال بصراحه
بس اعلمك نسم الكفرات واتكل على الله دخلت وطلعت بنفس طريقي
وهذا كان اصعب اختبار لي
بالنسبه للطرمبه انا غيرت طرمبته 3 مرات ما كملت سنه وصرت اخاف انه يتعطل علي بخط
وبالاخير طفت علي ووديته لورشه بالرياض بطريق الحجاز حول منتزه سلام
وقال لي جب طرمبة لاندكروزر موديل 99 واالله جبت الطرمبه وركبها والحمدلله الحمدلله
الان له 5 سنوات حتى الان ما خالفت معاي وانا اعبي بنزين 95 لاني مو مقتنع ب 91 بصراحه
وهذا الموتر ماشي ولله الحمد وكل اللي تكلم عن الطرمبه فوق من الاعضاء انا قلت لك وهذا الموتر قدامك واستخدمه حتى الان واخوي مغير له بعد قوته 2500 مثل مكينتك بالضبط
وانا مغير الطرمبه مثل ما قلت لك
" وأسأل مجرب ولا تسأل طبيب "
وبالنسبه لصرفية الموتر انا اعبي من المزاحميه من اول محطه هالكبيره اللي على اليمين يوصلني الطائف ونازل الامبير تحت النص بشووووي بس سرعتي ثابته 120 , 130 بس ما تعداها
وانا اقول لك اشتر وانت مغمض إذا صار نظيف ووالله لو تحط عليه هاللي يحطونه الشد ورى اللي يرتفع على جنب
صدقني بيطلع موتر صح وبيصير بعد خيمه واااالله لان صندوقه كبير واغراضك بتكون تحت
ان شاء الله تنفعك هالمعلومات مني يا آخوي
وهذي صورة سيارتي بروضة الخفس الشماليه



http://im14.gulfup.com/2012-04-23/1335184260991.jpg (http://www.gulfup.com/show/X2zlkzr8qjnmswo)

للاسف في السوق الامريكي فيه طرمبة كامله تركب مباشرة من دون توليف من شركة دينسو اليابانيه وهي الي مصنعه طرمبة اللاند كروزر!

واهم شي دائما تغيير فلتر البنزين لانه هو اكثر شي يأثر

Sent from my GT-I9505G using Tapatalk

[جني صغير]

واحد نصحني وقالي حاول ما تخلي البانزين ينزل تحت الربعلان يخرب الطرمبه
وهو له فوق ثلاث سنوات ماغير طرمبته لان ماينزل البانزين تحت الربع