ممكن خدمة يالنشاما

[جايب العيد]

السلام عليكم ورحمة الله وبركاته

عندي طلب لو تكرمتوا الي يعرف يتفضل بالرد والي مايعرف بدون تعليق مع وافر التحية للجميع

ابي أقرب روضه للرياض ووصفه واضح وتدخل فيه السيارة الصغيرة او مكان فيه ربيع طيب قريب من الرياض يصلح لعائلة وتكون طلعة خفافية على الأقل نبعد عن زحمة الرياض ونستنشق الهواء النقي وياليت يكون باسرع وقت لأني باطلع من بكرا الظهر

[الخيال100]

عندك روضة الخفس بعد الثمامة طريق المجمعة القديم 80 كيلو عن الرياض

[جايب العيد]

مشكور اخوي الخيال100 بيض الله وجهك

[الخيال100]

مشكور اخوي الخيال100 بيض الله وجهك
بس ترى فيه اكثر من مكان غير روضة الخفس تصلح اذا تبي غيرها ابشر بعزك

[جايب العيد]

اذا فيه مكان اقرب ولاعليكم امر ياليت تفيدوني واذا كانت روضة الخفس اقرب شي بالنسبة للي من الرياض فان شاء الله الطلعة من الساعة 9 يكون افضل

[الخيال100]

اذا فيه مكان اقرب ولاعليكم امر ياليت تفيدوني واذا كانت روضة الخفس اقرب شي بالنسبة للي من الرياض فان شاء الله الطلعة من الساعة 9 يكون افضل
شف اخوي روضة الخفس ترى الاشجار قليلة وتعرف هالايام الشمس قوية في النهار شوي اذا تبي جبال افضل تطلع صوب حريملا والعيينة وتشوف لك شعيب زين وتدخل فيه بسيارتك وبتحصل الظل والجو الزين واقرب للرياض

[جايب العيد]

صادق والله الخيال ممكن يكون الجو حار وشلون فاتت علي يمكن تقلبات الجو هالايام نستني الحر عاد بشوف بكرا حسب الجو ومشكور ماقصرت

[الموعود1]

أخي الكريم : في هذه الأجواء الممطرة أنصحك تروح تتمشى في صلبوخ وحريملا أمطار وسدود أشجار

صلبوخ أقرب مكان مع طريق جامعة الملك سعود الدرعية استمر لين يجيك صبوخ حوالي 40 كيلوا
حريملا 80 كيلوا

اسأل عن سد صلبوخ وسد حريملا

اللي يميز هذه الأمكنة وجود الشجر والديرة قريبة ( الخدمات )

وإذا وقتك قصير أو في الليل اذهب لبحيرة سد نمار جديدة تدخل لها مع مخرج 24 شارع الترمذي الدائري الجنوبي جلسات على بحيرة السد تصلح من بعد صلاة العصر

تحياتي