شوركم يا الربع وفزعتكم يا الرجاجيل تكفون تراها تهز الجبال ؟

[بن عويشير]

السلام عليكم يا شباب مساكم الله بالرضى والعافيه

الشهر الماضي رحت للتوكيلات لشراء تاهو lt قالو لى 136 الف قلت عطوني فرصه استخير الله تعالى

رجعت لهم الاسبوع الماضي قالوا لى السياره 138 الف

طلعت منهم وانا زعلان المهم بعد يومين اتصل بي واحد منهم

قالى تعال وابشر بسعر طيب

رحت لهم قالو لى 136 الف كامل مع نقل الاستماره واللوحات وغيره يعني صافى 136 الف

المهم الان خفت منهم قلت يمكن يعطوني سياره حقت اول دفعه كيف اعرف انها اخر دفعه وصلت لهم

وقالوا لى ترى السياره ما تجي اصفار لازم تكون ماشيه شوى للتجربه والتشييك داخل المصنع
يمن تكون ماشيه 25 كيلو هل معقول كلامهم :mad:

وهل ادفع لهم عربون للحجز والا انتظر حتى توصل السياره واكمل لهم المبلغ

ابيكم تعلموني الاجراءات قبل الشراء تراني قليل خبره بهدده الامور

افيدوني جزاكم الله خير

[علاوي المكاوي]

روح لفرع ثاني وشوف كم سعره ....إذا قلوا لك 138 ألف ٌقول أنا عندي 134ألف صافي تبونها ألحين وحاول معاهم لين ترسى على 135 ألف وبين إنك صامل وخلهم يشوفون الفلوس .... وإن شاء الله إنك تاخذه بالسعر إلي يرضيك.

[راعي السلقه]

كلام علاوي صحيح .. وحاول انك تصيد موظف نشيط , لأن السعر يختلف من موظف لموظف حسب حماسه او عدم إهتمامه ...

أهم نقطة وانت تفاوض احرص انك تتكلم دايم على التسليم على المفتاح لا يطلعون لك بمصاريف اداريه ولوحات ومدري ايش

[msk1982]

لا يا غالي عادي تجيك السيارة ماشيه 40 او 50 كم طبيعي تشييك الوكاله + الشحن تحميل وتنزيل كله عادي واول تشييك تطلع اذا في مشاكل في السيارة طبيعي لا تفكر اذا السيارة وكاله لزوم تكون ما فيها مشاكل ترى هذا صنع بشر يا غالي والله يوفقك با النسبه للسعر اسال اذا في وكيل ثاني او افتح مواقع الانترنت المتخصصه في بيع وشراء السياراتوتقدر تقارن الاسعار با الوكيل اللي عندك

تحياتي لك وربي يوفقك

[هبــ حريملاااء ـبوب]

لا تستعجل العروض قادمه والصبر زين

شف عروض فورد الدبل بسعر العادي وابتداءا من 115 الف

خذ لفه على المعارض ولا تحد عمرك بوقت وسع صدرك ولا تاخذ الموتر الا بنهار
وعاين تاريخ الكفرات وشهر تصنيع الموتر عند باب السواق فيه لزقه تبين التاريخ

الله يسهل امرنا وامرك

[ساهر اليل2010]

لا تستعجل العروض قادمه والصبر زين

شف عروض فورد الدبل بسعر العادي وابتداءا من 115 الف

خذ لفه على المعارض ولا تحد عمرك بوقت وسع صدرك ولا تاخذ الموتر الا بنهار
وعاين تاريخ الكفرات وشهر تصنيع الموتر عند باب السواق فيه لزقه تبين التاريخ


الله يسهل امرنا وامرك



والله انا رايي من راي الاخ هبوب
الله يكتب اللي فيه خير وصالح
بالتوفيق

[7ابو نواف7]

بالنسبة للمشي عادي عندنا يوكن فاكينه من الجميح وكالة 2005 وكان ماشي 25 كيلو وفكينا ثلاثة مواتر من العيسى وكانت كلها ماشية من 20 إلى 30 كيلو تقريباً ...
لكن أهم شيء انتبه لتاريخ الدفعة لأن كل دفعة يكون فيها تحسين وحل لبعض المشاكل في الدفعة السابقة واحيانا يكون هناك إضافات مثل الايرباقات، وتعرف تاريخ الدفعة إما بسؤال موظف أمين أو بقراءة تاريخ الصناعة على الباب فإن كانت السيارة مثلاً 2012 والتاريخ عند باب السائق 2011 في آخر الأشهر فهذه دفعة قديمة، وأما إن كان التاريخ في 2012 فهذه يحتمل أنها قديمة ويحتمل أنها جديدة على حسب شهر الصنع وعادة يستغرق وصول السيارة إلينا ثلاثة أشهر وفيها .
ومر على الجميح والعيسى والتوكيلات وبالبيد وشف أسعار كل واحد منهم واسأل كل وكيل إذا السيارات عنده فيها مواصفات تختلف عن الوكيل الثاني أو ابحث عن الفرق بنفسك
مثلا :
مرينا على العيسى بنطلع جمس 2005 وسألناه عن الفرق بينه وبين الجميح فقال مافيه فرق ، وبعدين مرينا على الجميح وصار عنده زيادة ايرباقين بجانب مرتبة السائق والراكب وكذلك فيه نظام مانع انزلاق
وأيضا في السنة الماضية بنطلع فان سافانا بضائع وكان توريد الجميح يجي باب البضائع الجانبي (خلف باب الراكب)بدون قزازة يعني حاطين بدالها حديد نفس بدي الموتر، وأما عند العيسى فحاطين في باب البضائع قزازة .
أتمنى أني أفدتك وآسف على الإطالة

[بن عويشير]

الله يكون بالعون بس

الاستخاره وما خاب من استخار بااذن الله

[- النشمي -]

انت قبل كل شي استخير

ومر اكثر من وكاله عندنا ماشاء الله اربعة وكلاء لجنرال موترز وبعد ماتعاين الاسعار

مر المعارض وقارن اسعارهم باسعار الوكالات ان شفت الفرق يستاهل توكل على الله

وبالنسبه لتاريخ الصنع مثل ماقالو الاخوان تلقاه مكتوب على الباب الامامي للسائق وناظر تاريخ تصنيع الكفرات


ومبروك مقدما والله يعطيك خيره ويكفيك شره

[بدوي جنوبي]

شرينا فورد فكتورى 2012 ماشي 37 كيلو
وصدقنى الوكاله ماهم فاضين يفحصوا السياره او يمرنوها

المشي هذا يكون من وقت خروجها من المصنع ودخولها وخروجها من الميناء
أذا كان هذا المشي يضجر منه المشتري
الوكاله بتكون أحرص ويقدرو يصفرو العداد .

عموما لا تشيل هم الممشي

[You Like Me]

وعليكم السلام
بالنسبه للممشى انا مطلع يوكون 2009 في وقته الله لا يعيد هذاك اليوم
استلمته من الوكاله ماشي حول 20 كم تقريبا وعادي ماخبر احد طلع الا يقول ماشي ماعندك مشكله

بس يخوي انت متأكد انه LT ؟
انا عندي رجال قبل اسبوع جاي من التوكيلات
يقول التاهو LT دبل وصل حول 173
و LS مادري بالضبط هل هو دبل او بدون يقول حول 144 الظاهر

[البعير المغوار]

مدري اذا الامريكي يطيح سعره او لا،

بس اذا يطيح سعره كثير، خذ لك شبه مستعمل أخو الجديد، بشرط لايهمك اللون والمميزات.