المساعد الشخصي الرقمي

مشاهدة النسخة كاملة : وش الحل في صوت الددسن الدفرنسين


مصلح بن بيئي
20/04/2012, 06:06 PM
السلام عليكم جميعا

عندي ددسن 2010 دفرنسين صوت المكينه مزعج
خاصة اذا تجاوز السرعة 130 كأنه صوت مروحه طبعا الصوت طبيعي بالنسبة للدفرنسين لاكن ما فيه طريقه تخفف من هالصوت

شاكرا لمن عطانا النصح وشاكر لمن مر
(((.ابوتميم .))))
20/04/2012, 06:10 PM
عندنا وععندك خير يفقع الراس
ما فيه اي حل الا بتركيب مراوح كهرب وتلغي مروحه عامود الكرنك
بس ما جربته والناس يقولون مشاكلها واجد وقليل جدا الي يضبط تركيبها
انا اقول تصبر وارفع على المسجل ودربك خضر
مصلح بن بيئي
20/04/2012, 06:38 PM
هههههههه الله يجزاك خير ويعينك ويعيننا قل امين
مراوح الكهرب خطأ فادح مشاكلها ما لها اخر واسأل مجرب

اجل نحتسب او ندبل جلد البيبان هه
ننتظر تجارب الاخوان
ابو صقر 111
20/04/2012, 09:14 PM
وعليكم السلام ورحمة الله : ركب فرارات ورايح تخف السياره ويقل صوتها ويخف ايضا استهلاك الوقود وسوف تصبح مثل الداتسون العاديه ولكن ركب الفرارات الأصليه ولا شك انها غاليه عند الحمراني ويمكن تركيب الفرارات البرازيليه اللي لونها ابيض وارد السليماني وابتعد عن البرازيليه اللي لونها اسود عند الموسى بعنيزه لو يقول بريال وهذا عن تجربه وأحب لغيري ما أحبه لنفسي
خبايا انسان
20/04/2012, 09:25 PM
ركب فرارات ,,

وركب مراوح كهرب (عند شخص فنان) ,, وبالنسبه للاشخاص الي يقولون مراوح كهرب مشاكل وخطأ ومالها اخر ..؟؟ بسألكم هل انتم مجربين ؟ ولا سمعتوا ومشيتوا على نهج والله يقولون انها كذا وكذا ؟ ؟
دانفوس
20/04/2012, 10:07 PM
بدل تماتيك المروحه بواحد اخف من الي به
YUKON_GMC
20/04/2012, 10:20 PM
المراوح ركب ثنتين جنب بعض لو خربت وحده تبقى الثانيه لكنها بعد غاليه وافضها مراوح اليوكن والسوبارو


الزينه قيمتها فوق 400 ريال وتعيش هذي سيارات الدفع الامامي كلها مراوح كهرب ولاعمرها خربت - الكامري والهوندا والاكسنت وكل السيارات الدفع الامامي كهرب ولاعمرها خربت الا بالموديلات القديمه جداً

لكن مثل ماقاالك الاخ اللي قبلي دوور لك تماتيك مروحه حق ددسن عاديه او اي سياره المهم انه يركب على مسامير المروحه والمكينه
مصلح بن بيئي
21/04/2012, 12:26 AM
ابو صقر111
خبايا انسان
دانفوس
يوكون جي ام سي
شداد الرحال

شكرا من القلب يا اخوان
بالنسبة للمراوح سبق ركبتها على ددسن 2008 وسببت لي لخبطة كهرب بعت السيارة ما انحلت مشكلتها
نصحني ميكانيكي اركب فرارات كما نصحني ابو صقر وان شاء مركبها مركبها لو ما تحل المشكلة وبطرح رأيي فيها بعد التجربة
لاكن وين القا الاصلية الحمراني وينه بالرياض

شكرا يا شباب مره ثانية
الربذي
21/04/2012, 09:22 AM
شوف اخوي ترا الصوت ماهو من المروحة انا نزلت المروحة كلها ومشيت عليها بدون مروعة طبعا مع طريق الصوت موجود وكان وقت مطر وسيل ونسيت اني نزلت المروحة واهدي واقعد اتمشى مع جنب شعيب سائل حانت مني التفاته موفقه الى الطبلون الا الحرارة قريبه من النص واحط رجلي للبيت تصدقون نزلت تحت نامت مرة
طبعا انا فاكها بالحوش احب الحربثه والتجارب
واحد ركب كهرب وخربت وهو مادري وماعت المكينة من الحرارة وكلفته مكينه جديدة فوق 8000الاف ريال اهرب عن الكهربائية نصيحة بس عينك على الحرارة ولا توقع فقعة المكينة باي وقت
الربذي
21/04/2012, 09:25 AM
ابو صقر111
خبايا انسان
دانفوس
يوكون جي ام سي
شداد الرحال

شكرا من القلب يا اخوان
بالنسبة للمراوح سبق ركبتها على ددسن 2008 وسببت لي لخبطة كهرب بعت السيارة ما انحلت مشكلتها
نصحني ميكانيكي اركب فرارات كما نصحني ابو صقر وان شاء مركبها مركبها لو ما تحل المشكلة وبطرح رأيي فيها بعد التجربة
لاكن وين القا الاصلية الحمراني وينه بالرياض

شكرا يا شباب مره ثانية
انا معي 2007 ومركب فرارات ماراح الصوت موجود ولاتفرق ابد عن تجربه شخصية لان موترك ماشاء الله جديد 10 صدق ماتفرق لاتتخسر
عندك حل كانها تخف على 140حاول تخف من الدعسه فعلا انا اعرف هالصوت بس بكل الدداسن ماهو بس الدبل
شيحاوي
21/04/2012, 02:59 PM
جرب تماتيك مروحة هايلكس 95 كنا نركبه على الددسن الدفرنسين مديل2000ويروح الصوت نهائيا والحراره ماترتفع ابد زي ماهي مثل ماقلت لك مديل 2000 اذا موترك نفس المكينه