ساعدوني في تفصيل دكتي من حديد

[خالد77]

السلام عليكم ورحمة الله وبركاته
حياكم الله يا أحبابي وموضوعي عن تفصيل دكة من حديد وأود أن تكون الدكة
متعددة الأغراض ..
يعني أود أن تكون الدكة 4 في 4 ومرتفعة أكثر من متر لأني أود أن أضع في الأسفل
مكان للزل بعد طويها والمساند والمراكي
والمكان الآخر لأغراض الشاي والقهوة وممكن العزبة ..
وياحبذا تعليق جركل ماء 80 لتر
وأود أن تكون الدكة مجزأة حتى يسهل فكها وتركيبها وحملها بخلاف ما لوكانت كتلة واحدة يلزم من هيدروليك وسيارة أكبر ..

وشكراً لكم

[الشلقمى]

الاخ خالد77 تحية طيبه وبعد طلبك متوفر تجده ان شاء الله فى منطقة النعيريه او الونان بالمنطقة الشرقية بسعر 2500 ريال سعودى وتتكون الدكه من قطعتين ودرج وشكرا ....

[خالد77]

الاخ خالد77 تحية طيبه وبعد طلبك متوفر تجده ان شاء الله فى منطقة النعيريه او الونان بالمنطقة الشرقية بسعر 2500 ريال سعودى وتتكون الدكه من قطعتين ودرج وشكرا ....

ياليت تدلني اكثر او تتضح لي الصورة قبل الذهاب

[الشلقمى]

الاخ خالد77 تباع الدكات بالنعيريه بسوق الخيام وعند ورش الحداده المقابله ... وفى الونان على الشارع العام واى استفسار اخر انا حاضر وشكرا

[لاتكب البيالة]

حديد اللي تبي + ايجار الة تلحيم اليوم ب 30 + ايجار صاروخ ب 20 + عامل حداد باليومية اليوم ب 200 = دكة من تصميمك وعلى رغبك واقل تكلفة

[ابوسند9]

اللي اشوفه طال عمرك انك تفصلها انت على ذوقك ومزاجك افضل واجلس مع نفسك وجيب ورقه وقلم وخطط وارسم حتى تطلع بتصميم ممتاز لكن اقترح عليك التالي
انك تضع مغسله صغيره بجانبك وتكون ثابته بالدكه من الخارج كذالك قاعده للجركل وكذالك شنطه للعزبه وقاعدة للقز والغاز وقاعدة صغيره لي سطل نفيات اكرمكم الله بحيث انك تصلح القهوه وتغسل وكل شي بجانبك ولا تحتاج انك رايح جاي وتقدر بالنسبه لشنطة العزبه انك تخليها اسفل بحيث ترفع الفرشه وتاخذ اللي تبغى يعني نظام مخفي
اما با النسبه للفرش والمركي فا اما انك تضع نظام درج وتضع فيها اسفل الدكه وهذي متعبه شوي
او انك تفصل طربال او شراع من النوع الجيد ويكون ثابت يغطى الفرش عن الغبار والشمس ويكون فقط نظام سحب
وكذالك بالنسبه لتصميم ارضية الدكه حتى تخف عنك التكلفه وابرد انك تخليها حديد (بقلوه)
او تضع طبليات بلاط خشب بدل البقلوه والحديد
وان شاء الله الشباب ما يقصرون

[خالد77]

اللي اشوفه طال عمرك انك تفصلها انت على ذوقك ومزاجك افضل واجلس مع نفسك وجيب ورقه وقلم وخطط وارسم حتى تطلع بتصميم ممتاز لكن اقترح عليك التالي
انك تضع مغسله صغيره بجانبك وتكون ثابته بالدكه من الخارج كذالك قاعده للجركل وكذالك شنطه للعزبه وقاعدة للقز والغاز وقاعدة صغيره لي سطل نفيات اكرمكم الله بحيث انك تصلح القهوه وتغسل وكل شي بجانبك ولا تحتاج انك رايح جاي وتقدر بالنسبه لشنطة العزبه انك تخليها اسفل بحيث ترفع الفرشه وتاخذ اللي تبغى يعني نظام مخفي
اما با النسبه للفرش والمركي فا اما انك تضع نظام درج وتضع فيها اسفل الدكه وهذي متعبه شوي
او انك تفصل طربال او شراع من النوع الجيد ويكون ثابت يغطى الفرش عن الغبار والشمس ويكون فقط نظام سحب
وكذالك بالنسبه لتصميم ارضية الدكه حتى تخف عنك التكلفه وابرد انك تخليها حديد (بقلوه)
او تضع طبليات بلاط خشب بدل البقلوه والحديد
وان شاء الله الشباب ما يقصرون


عز الله انك حطيت بعض الافكار في مخي وشي كانت غافل عنه فعلاَ ونبهتني عليه
وشكراً لك

[راجي الفرج]

بتوفيق للجميع

[راعي الفتك06]

اذا كنت تبيه متنقلة بحيث انك تركبه وتفكه مره ثانية ,, تقسمه بحيث تكون اربع قطع .. لوقلنا ان المقاس 4*4 تفصل كل 1*1لحال وبعدين تجمعهن .. الطريقة هذي ممتاز
- اشرط على الحداد نوعية الحديد وسماكته علشان تكون لك ولزمن .



وتقيل تحياتي ,,,,