اي النصيحة للمواقد

[عاشق بوظبى]

السلام عليكم جميعا

ابي احد ينصحني بافضل موقد عينيين، و وين احصله، والاسعار. الله لايهيينكم.

شكرا

[فلسفة]

بعد تجربة عدة مواقد افضل موقد عينين هو موقد كولمان العادي وسعره تقريبا ٣٧٠ ريال شغل عدل وصناعه امريكيه لكن يحتاج ترهيم بسيط اذا كنت ناوي تستعمله على دبات الغاز الزرقا

[منسدح واقف]

من واقع تجربه بريموس مشتريه من شهر

وهذا صورة مشابهه له وسعرة يتراوح من 275 إلى 290 ريال

http://im29.gulfup.com/2012-04-21/1335023060881.jpg (http://www.gulfup.com/show/Xqs8hq9r8w9w4o)


http://im29.gulfup.com/2012-04-21/133502306172.jpg (http://www.gulfup.com/show/Xqs8hwdsxxwgk8)

[وغلاتك]

ياشباب الموقد الاحمر يصلح حق مقناص وحق طرد ولى لا اخاف اشتري واحد بعدين يتفكك معي وسلام عليكم

[ابو زياد 90]

^^

نفس الكلام ويكفي انه بريموس :)

وكولمان طيب بس الشعلة البريموس اطيب :)

تحياتي لك ,,,

[وغلاتك]

اب زياد يصلح ولى لا

[ابو زياد 90]

ياشباب الموقد الاحمر يصلح حق مقناص وحق طرد ولى لا اخاف اشتري واحد بعدين يتفكك معي وسلام عليكم

ليه يالغالي يتفكك هو وسط العزبة ومنت منزلة الا اذا بغيت تسوي عليه شي :)

وهو موب سيارة عشان يتفكك هههههههههههههههههه <== شطحة :)

واذا انك خايف خذلك دافور وراسة فيه وريح راااااااسك :)



تحياااااااتي

[وغلاتك]

يعطيك العافيه والله دافور الازرق مايصلح ويبطي لابغيت اطبخ علييه ومشكور وماقصرت

[عنان نجد]

السلام عليكم ورحمة الله وبركاته
من واقع تجربتي للقز العادي أللي بالمحطات عين وعينين ممتاز ورخيص 40ريال

[ابو زياد 90]

يعطيك العافيه والله دافور الازرق مايصلح ويبطي لابغيت اطبخ علييه ومشكور وماقصرت


في دافور عند البرية الي بالرياض مرهم ترهيم عل كيفك

يصلح للي شغلة سريع في سريع وشعلتة تطررررب

واشوف اكثر الي يستعملونة حقين المقناص الي ماعنده وقت حامي حااامي :)


تحياتي لك ,,,

[مصلح بن بيئي]

اخوي خذ لك دبة زرقاء 3 او 5 رطل وخذ عين وحدة السوداء صينية اللي بالمحطات وشل مركبها برا وخل العين بس يجي وزنها خفيف تحطها لو تبي تحت المرتبة
استخدم عاد حصى او اي مركب اذا جيت تستخدمها ــ
فيه نوعية من العين السوداء ايطالية وهي ممتازة ورووووعة انا استخدمها من ثلاث سنين سفري تحت المرتبة والدبة بشنطة الموتر ركب وفك او حطها مع الاغراض بالشنطة وشعلتها تطبخ التيس لو تبيزـ

الموقد ابو عينين ابو شنطة ممتاز بس للي يستقر بخيمة او طلعة راكدة ما فيها وقف امشش ــــ صدقني بتدعيلي خذ العين الوحدة السوداء

[سمراني]

اخوي خذ لك دبة زرقاء 3 او 5 رطل وخذ عين وحدة السوداء صينية اللي بالمحطات وشل مركبها برا وخل العين بس يجي وزنها خفيف تحطها لو تبي تحت المرتبة
استخدم عاد حصى او اي مركب اذا جيت تستخدمها ــ
فيه نوعية من العين السوداء ايطالية وهي ممتازة ورووووعة انا استخدمها من ثلاث سنين سفري تحت المرتبة والدبة بشنطة الموتر ركب وفك او حطها مع الاغراض بالشنطة وشعلتها تطبخ التيس لو تبيز

بدل هالتعب والبهذله والحصى يمكن يطيح غازك وينكب طبخك..!!
اطرب نفسك يامال الغنيمة وخذ بريموس الشنطة الحمراء دامه متوفر واستانس ما مدفون معك شيء الله يحييك..

[جواد النفود]

اخوي عاشق بوظبي
نصيحه عليك بموقد بريموس الاحمر جوده وسعر مناسب ومن شركه عريقه PRIMUS
سعره 290 ريال ..متوفر عند المرباع وعندهم خدمة توصيل وهذا موقعهم الالكتووني WWW.ALMERBA3.COM

[أبو ملاذ]

أبحث عن الخفيف والجودة
والسوق فيه أنواع كثيرة

[AL8AI9ER]

وانا اتفق مع الأغلبيه انو بريموس الشنطه من افضل المواقد الي شفتها بحياتي

هاذا يذكرني بالتويوتا قوة ومتانه ويتحمل معاك افضل من غيره وسعره طيب وشعلته افضل من شعلة المواقد الي تشبهه ولو انه يبيله تقوية شعلة زياده

[أبو دهلوس]

السلام عليكم ورحمة الله وبركاتة
احب أن أشارك مع الاخوان وأقدم نصيحة للاخ عاشق بوضبي وأقول بكل ثقة بريموس الشنطة الاحمر وريح نفسك جودة , متانة , سعر مناسب جداً , موجود في المرباع للرحلات القصيم عنيزة اتصل فيهم تجد الخدمة المميزة والتوصيل لجميع انحاء المملكة ودول الخليج , ومن واقع تجربه جربتهم في التوصيل للخليج وماقصرو.
063646555
063649555
مع تمنياتي لك بالتوفيق ,,,,

[عاشق بوظبى]

السلام عليكم جميعا حاضركم و غايبكم، الله يباركم فيكم ويغنيكم. عزمت على بريموس اللي ذاكرينة الاخوان، بس ليش صناعته صينية ؟ واذا ابي حبتين كيف او منين اشتريهم و هل يوصلون للكويت؟

رحم الله والديكم.

[أبو دهلوس]

أخي الكريم بو ضبي
تم الاتصال بالاخوان في المرباع والاستفسار عن طلبكم وامكانية التوصيل للكويت وافادوني بأن لديهم الاستعداد لذلك وطلبو مني تزويدك بارقام الاتصال للتفاهم .
اتمنى اكون خدمتك ومستعد لخدمتك مستقبلاً
مع خالص الشكر والتقدير,,,,
ارقام المرباع

0096663646555
0096663649555

[ابوعلي العجمي]

عليك ببريموس الاحمر دوا تشبكه على الده الكبيره بدون محول لان معه وصله تشبكه على الدبات الزرقا السنه الداخليه والخارجيه وذراه من وفيه واللي الاصلي ممتاز فيه حركه تزود الشعله ابحث عنه بقوقل مكشات

[مهندس/م]

السلام عليكم جميعا



ابي احد ينصحني بافضل موقد عينيين، و وين احصله، والاسعار. الله لايهيينكم.



شكرا

هلا بك اخوي
لا تتعدى هالموقد !!
من واقع تجربة
على هالرابط
http://www.mekshat.com/vb/showthread.php?t=421036

[عاشق بوظبى]

ماقصرت يابودهلوس الله يقويك و يرحم والدينك

[معاذ0]

انصحك في المرهمات عينين اقوى وافضل اشوف ان الشنطه ناعم شوي وهاذولي اشد تحملا وعيونهن عيون دافور عادي وموجودات عند برق الحيا والفراسه مخرج ١٥ والقيمه ٢٣٠ ريال

[مهندس/م]

انصحك في المرهمات عينين اقوى وافضل اشوف ان الشنطه ناعم شوي وهاذولي اشد تحملا وعيونهن عيون دافور عادي وموجودات عند برق الحيا والفراسه مخرج 15 والقيمه 230 ريال

لو تنزّل صورته الله يجزاك الجنة!!

[عابر الموج]

مثل ماقالو الاخوان بريومس جيد تقبل تحياتي