وين احسن مكان احصل عنده غطاء الجمس الحوض ...

[عامر يوسف]

مرحبا بالجمييع ..عندي جمس حوض 2007 الحوض اللي يجي مقاسه وسط..

ابحث عن الغطاء اللي يغطي الحوض ..بصراحه شفت انواع كثيرة..

مابين اللي يجي من برا واللي موجود هنا ..مابين الالمنيوم ..والجلد ..والفيبر ..والرول

اعجبني النوع الهدروليكي اللي يفتح من ورا بس يقولون مهوب عملي ..

وش رايكم وش افضل الانواع ..ووين احصله بالرياض ..

الله يوفقكم جميعا ويستر عليكم ...

[مكشآتي للآخر]

ياليت لاركبت تقولي لانه انا معـي سييرا 2010 وودي إركب ..
ليت تكتب تجربتك والسـعر بعد

[عامر يوسف]

ههه مشكور اخوي مكشاتي للاخر ..
انت خل احد يرد علينا وابشر باللي تبي ...

[يزيد 999]

أخوي فيه الهدروليكي وهذا سعره 5000 ريال وفيه اللي هو شد هنقلين (لاصحاب البر ) وسعره من 2000 وفوق وفيه الفيبر والألمنيوم على ماأعتقد 2500 وطالع طبعا تلقاه بالغرابي أو السليماني أما الهنقلين ففيه السنيدي وعروق الشمال
عندي استفسار وش اللي جازلك منها وانت ليش تبي تركبه عشان اقدر افيدك

[عامر يوسف]

هلا اخوي يزيد ...ماقصرت يالغالي ...
انا اشوف نوع هدروليكي تفتحه من ورا له قفل ..يعني ينفتح مثل الكبوت ..
وهو قوي مره يعني لو يطلع الرجال فوقه ولا يجلس عادي .. يجي لونه اسود ..

[دح ديح]

بما ان عندي موتر سييرا 2011 حاب افيدكم لاني مريت بالتجربه ذي ووجع الراس ذا
فيه عدت انواع بذكرها لك بالتفصيل :
1- فيه الغطاء الي يجي جلد تلفه زي الرول و يسير مجتمع خلف القزازه يعني ببدايته الحوض
هذا سعره رخيص و عيبه معى الهواء يلعب و اذا جا مطر راح فيها و الاغراض الي حاطها بالحوض تتغرق من المطر و زياده عليها باي وقت يمكن تنصرق اغراضك بسهوله

2- فيه نوع يجي جلد بس له مشقبيات او اقفال من تحت طريقته مثل الطبق ثلاث قطع متصله في بعض
( بلاستك و مجلد ) ما عرفت كيف اوصفه
ذا انا مركبه بـ 600 ريال بالامارات ما حصلته بالرياض شي يمشي الحال
احسن شي فيه انه اذا جا مطر او هواء قوي ما تخاف على اغراضك الي بلحوض انها تخرب
بس لا يوقف عليه احد بيخفسه لانه جلد و قابل للسرقه لاسمح الله اذا فيه احد بيصرق موس او سكين و انتهينا

3- فيه الطبق الي مثل الي بالافلنش و سعره بـ 2000 و عليها حصلته بالامارات

4- فيه غطى الي يقفل الصندوق كامل تحصله عند السليماني بس مغليه حبتين ابو مساعد و قفلين
يجي نوعين صيني و امريكي ناسي كم اسعاره بس فوق 2800 ريال
عيبه اذا اغراضك تعدت طول الغماره ما يتقفل و اذا فكيته بياخذ مساحه بالتخزين

5- افضل نوع من رايي يجي رول حديد ( زي الشبك حق المحلات ) تفتحه و تقفل على مزاجك و بالمسافه الي تبيها يعني تقدر تفتح الحوض كامل او نصه او ربعه على مزاجك
و هو يجي نوعين شي عادي و شوي بريموت و سعره غالي فوق 5500

و موفقين خير

[ابوسند9]

الشباب ما شاء الله افادوك
لكن اذا كانت اغراضك مسح الصندوق يعني ما تطلع فوق
فموجود عند السليماني بالغرابي وجدا ممتاز وشكله جميل ولو تبغى تنوم فوق الغطاء ما عندك مشكله وقوي جدا
واذكر ان سعره بحدود 2300 ريال

[GM_400]

افضل شي ابو غطاء فيبر يفتح مثل الكبوت يتحمل وعملي ولايدخل المطر ولا الهواء محكم الأغلاق

وعيبه انه يحكمك في التحميل وسعره مناسب

السليماني عندهم عده انواع مر عليهم واختر


شكرا لك

[AUDIO]

السلام عليكم اخوي /

انا معي جمس سييرا 1500 مركب فيه الغطا الجلد اللي فيه زراديات من جوى لتثبيته وفيه على جوانبه ربل لمنع دخول الما ممتاز ومجربه خفيف وتقدر تفكه خلال دقيقه وتنزله ويتسفط ,

سعره تقريبا حول 1000 اويقل بقليل .

[عامر يوسف]

هلا اخوي دح ديح ..فعلا رقم 4 ورقم 5 افضل الانواع برايي ..
أشكر مرورك وتعليقك ..والله يجزاك خير ماقصرت ...

أبو سند 9 فعلا برايي هذا النوع الجيد من ناحية السعر والقوة ..

GM_400 فعلا هذا اللي نبحث عنه اشكر مرورك وتعليقك وربي يوفقك ..

ADUIO أشكر مرورك يالغالي ..ماقصرت ..

اشكركم جميعا ماقصرتو ..والهدف جمع معلومات من اصحاب خبرة حتي الواحد وهو رايح في باله كل الافكار والمزايا والعيوب ...ربي يوفقكم جميعا ..

[3zyiz]

نفس الموضوع يا شباب
اتمنى حد يفيدني عندي سلفرادو 2007 واحتاج له غطا للحوض
اسعار موقع حراج تفوق الخيال .. الاقي الفيبر 1900 ومن امريكا اجيبه بـ 1300 ريال
بشكل عام انا مابغا شي غالي حتى لو مستخدم بحدود 500 الى 600 ريال كويس
الي يخبر لي محل يفصل او عنده سعر مناسب الرياض يعلمني
ان لقيت بهالسعر والا بركب بفصل له خشب او المنيوم وخلصنا