اعوذ بالله من قلبت الفروه

[عواد الشمري2]

سلام عليكم
الحين يوم اشتري طير يبعد عني تقريبن 1000 كيلو وتعنى للرجال ودق عليه قبل لا امشي يقول ابد تعال حياك بنتظارك
يوم اخش ديرته يقول والله اني استخرت عن البيعه
ولا الطير بعته
المهم انه يصرفك
بالله هذا وش السوات به
ياخي احد ظربه على ايده قاله اعرض الطير للبيع
بنسبه لي لله الحمد ماصارت معي هاسالفه بس صارت مع بعض اخوينا
ورجع لا هو الي اخذ الطير ولا هو الي سلم من العنوه والتعب
ولا هو الي سلم من الخساره
هلي يسوي هسالفه
وش رايكم به ..؟

[راعى شاهين]

صدقت وصارت معى بس وش تقول خلها على الله

[عواد الشمري2]

صدقت وصارت معى بس وش تقول خلها على الله

وش قال لك بالله قال استخرت ولا الطير بيع كا العاده اقسم بالله شي يغبن ودك بس ...

[لاندكروزرVX_R]

تعيش وتشوف اشكال رجال ولا رجال للاسف ,,
الله يبعدنا عنهم ..

[راعى شاهين]

ياليت قال بعته او استخرت يتعذر هذا الى حدث يالشمرى رد على الجول قلتله انا بديرتك وانتظرك عند المكان الفلانى قال اوكيه انا جايك وعلى وجه ماجانى ولايرد على الجول موجود الرجال بالمنتدى يبيع ويشرى والله المستعان

[عواد الشمري2]

ياليت قال بعته او استخرت يتعذر هذا الى حدث يالشمرى رد على الجول قلتله انا بديرتك وانتظرك عند المكان الفلانى قال اوكيه انا جايك وعلى وجه ماجانى ولايرد على الجول موجود الرجال بالمنتدى يبيع ويشرى والله المستعان
وش اسمه اذا هو هنا خله ثاني مره يتوب يعود هاحركات

[عواد الشمري2]

تعيش وتشوف اشكال رجال ولا رجال للاسف ,,
الله يبعدنا عنهم ..
يارجال هو احط سكه على خشمه قال بع طيرك ولا جالس يلعب
انا يوم كتبت هاسالفه نبي اسميهم عشان نعرف طريقت التعام معهاهم تشوف احيانن طيور نتعرض ودك تشريها بس المشوار اذا طلع على ماش هذا الي يغبنك وكثر الطيور الي نتعرض برياضض وحنى بشمال حول 1200 كيلو مهي بصيطه ي

[راعي شلهوب]

وعليكم السلام
الله يعين و
الله يعوضك خير ويبعد ذا الشاكله عن المسلمين

[ســـبــار ربــعـــه]

الله يعين بس.
لاهنت على موضوعك يابعدي.
تقبل مروري

[ولد السبع]

الله يعين

شي يقهر والله لو انه عندي مابيعه لو عطوني فيه دبل قيمته 10 مرااااات ولو قدر الله عليه ومااااات ونا عندي طير غيره باحطه بدااااله

[انور العنزي]

الله يعطيك العافيه اخوي عواد على هالموضوع الي عانى منه كثير بهالمنتدى كنت احسب بس انا الي مر علي هالموقف انا اعرف كم واحد بهالمنتدى قلبت الفروه مثل السلام عليكم بس ولله الحمد اني اعرفهم ولا اتعامل معاهم بي شي في ناس كبار بالعمر يعني ماهم صغار وتطلع منهم هالسوالف ولسانه يلوط اذانه واذا ناقشته يصجك واكثرهم مايبون يخسرون سمعتهم بالمنتدى وعندي وعند ارجال كثير بالمنتدى معروفين بس البلا الضعيف الي يجي ومايعرف هالاشكال ويجذبونه بالحكي المعسول انتبهو من (عزام) هذا واحد من الربع عنده طير. اسمه عزام اشتراه من واحد من اهل الرياض وكانت معرفتهم بالتلفون والرجال على النيه قاله الطير عزام فارط سبق وهادينه على حبارى بعد طيور وثق فيه الرجال. واشترى يحسب الناس كلهى مثل نيته ارسله الفلوس عن طريق الصراف ولحد الان ماشفنى عزام سمعنى فيه ماشفناه قفل جواله الرجال واقفى بالفلوس انتبهو من عزام ماعليش طلعت عن الموضوع بس حبيت اذكرلكم القصه ولوين وصل فيهم حب الدنيا والمال وتركو الاخره مايضيع شي عند الله عز وجل

[عبدالله بن الشيخ]

قال صلى الله عليه وسلم : ( البيعان بالخيار مالم يتفرقا )
والمعنى : أنهما إذا افترقا من مجلس العقد وغاب كل واحد منها عن الاخر , تمت البيعة .
فيلزم صاحب السلعة تسليم السلعة , ويلزم المشتري تسليم المال .
ومجلس العقد في زمننا الحاضر يختلف حسب طريقة البيع والشراء , فقد يكون بالهاتف وقد يكون بالانترنت , وغيره من وسائل الاتصال .
فإذا تم الاتفاق واستوفى البيع شروطه , وكان المبيع معلوما , والثمن معلوما , صح البيع وانعقد .
وما فعله صاحب الطائر معك فهو حرام , وتلزمه التوبة إلى الله تعالى , والله أعلم

[جبار1]

لاحولا ولا قوة الابالله


والله كثير هالاشكال وكثير اللي يثاني ذبح

ويذكر سبق وهو يكذب دفعنا الكثير من المبالغ

كلها عشان سعة الصدر وتفاجئنا بخلاف ذالك

ياربع انا ماعاد اسوم طير الا انه مجهول حتى ولو قالو ذابح

اخذه مجهول وسومه مجهول الناس قل الصدق عندهاا...

وبالنسبه لعزام نلتمس له عذر ممكن الرجال صار شي له وفاه سجن

لكن تبقى المحاسبه بالاخره مامن مفر ..

أشكرك اخوي على طرح الموضوع واشكر اخوي انور

على فزعاته .

[رعد المطر]

المفروض عدم التعامل معه والتعريف به
والرجل الصادق يكون ملزوم بقوله الا اللى ماعنده سالفه ياخوى والدنيا تجاريب ونستفيد ياخوى

[ذيب الظلمى]

خيره بالأمر ويعوظك الله بطيب منه

[ابوظافر90]

عواد بيض الله وجهك لطرح هذا الموضوع
واسأل الله ان يكفينا شرهم
لو كل واحد فينا قام يسرد المواقف اللي صارت معه ومع اخوياه يعلم الله يمكن تألف كتب وقصص
لكن الجميل في هذا كله انك تعرف معادن الرجال من هذا المواقف كم وكم تعرفنا على نشامى شرواكم وكم شفنا انذال الله يكرمكم تندم على الوقت اللي ضاع في خوتهم
ارجع وأقول الحمد لله على السراء والضراء
ورب ضارة نافعه

[عواد الشمري2]

ياهلا بكم كلكم بنسبه للاشخاص واجد الي يسون هاسوالف بس فيه اسم انذكر بحدا الردود

[عواد الشمري2]

هذي الربع كلهم مرتن عليهم هاسوالف

[برق حرب]

الله يعينك ياعواد والله شي يغبن

[(هزاع)]

ياكثر ماتجري مشاكل على الناس >> وياكثرناس تنخدع في صورهم
الناس معادن وكل رجل ومعدنه
ومحد محاسب محل احد

[عواد الشمري2]

ياكثر ماتجري مشاكل على الناس >> وياكثرناس تنخدع في صورهم

الناس معادن وكل رجل ومعدنه

ومحد محاسب محل احد



هلا والله بابو مشعل
محد محاسب محل احد
اول شي انا مقصد راعي محل معين ولا اقصد شخص معين الي اقصده
الي تحاسب الرجال علومه وتبرباته ياجدي

وهسالفه بعد ردود الرجال الي اشوف انها دارجه وخصوصن هنا بامنتدى

والي مرت هالسالفه عليه وجربها وقطع 1200 كيلو وخر شي يقول استخرت عن البيعه

[عواد الشمري2]

وقول
ياا كم رجالن يعجبك صفه للحروف .. يصف جزلات الحروف ويعده
يبي من هاكلام الزين يجلي الخوف..عن شاري السلعه وعلى جال حده
وسلامتكم

[هاوي هدد 11]

البيعة بنية القلب اذابعت فهو حظ غيرك لو أعطوك دبل القيمة
مايجوز تغير نيتك الفلوس تروح وتجي والسمعة تبقى دوم

[البيان3333]

الله يعين والله مشكله

[(هزاع)]

عواد / موضوعك شيق ومفيد وذو شجون
وجبرني الموضوع للعوده له
وبسبق ان كتبت موضوع مشابه له
http://www.mekshat.com/vb/showthread.php?t=448639
(شراء الطيور والمسافه بعيده)
السلام عليكم اخواني الكشاته
تحيه عطره وموسم يبشر بالخير ان شاء الله
الموضوع ذو شقين
الاول/ بعد المسافه
الثاني/سلامة الطير
الاول راعي الطير يبي مايمشي طيره الا الفلوس مدفوعه له (وهذا من حقه يبي يضمن فلوسه)المسافه مهي شوي
الثاني المشتري يبي يشاهد على الطبيعه ويضمن فلوسه(وهذا من حقه)
اذا البايع ارسل طيره بمبلغ توصيل 800 ريال او 1000 والمشتري قام يتردد لاجل يخفض سعر الطير ويطلع قيمة التوصيل من قيمة الطير والطيور مثل الاوادم يتعبها السفر وقد تتعرض للامراض والتقيء ورتباكات الامعاء وتكسر الريش من سوء النقل والنفوق بيضطر راعي الطير مكره على الموافقه
الحلول بنظري واطلب الرائي من اخواني
1: يتم الاتفاق بشهاده بيطريه بسلامة الطير مع المشتري .
2:تحويل عربون مجزئ يسلم للبايع عن طريق شخص موثوق او البنك.
3:عدم الاستعجال اذا الرغبه موجوده .
4:الصراحه والمصداقيه وعدم المجامله .
5:(المرسول اوالموصل) ليس اي شخص يعرف التعامل مع الطيور من حيث الحراره والبروده وموقع الطير بالسياره وهل المرسول صقار او لديه تعامل بالصقور خصوصا الوحوش الماء والعلف بعض الوحوش من الخوف تعاف الماء والعلف(تصوم)
هذا موضوعي مطروح للمناقشه من قبل اخواني الصقاره ارجو المعذره إن جاء قصور موضوعيه او إملائيه
واتشرف بمروركم وابداء آرائكم .

اخوكم ((هزاع ))

[عواد الشمري2]

ياهلا بابو مشعل
ههههه يابو مشعل مهي مشكله انا ان شريت طير انا اجيه بنفسي
وسلمه الفلوس تسلوم يد وستلم الطير انا وفحصه وكل شي . ورضا سيد الحكام.
بس المشكله قلب الفروه يوم يخليك تطقع مفسافه وتعب وقلت حيا وكسافه
يوم توصل للديرته وتدق عليه يقول والله اني هونت عن البيعه
ولا بعد وكذا سالفه قلوها الاخوان مايرد ولا يقفل جواله
هنا مربط الفرس

[ابوماجد6641]

الله يبيض وجهك أخوي عواد عزالله ما قصرت كفيت ووفيت انت وأخوي ذيبان ’ أنور ألعنزي ’ والسوالف ونا أخوك واجد ’ والله ثم والله ان بعض الآشكال هاذي ودك تحشم السانك ونفسك عنها وكل شاه تعلق بعرقوبها’ الله حسيبهم ’ وأبو نيتين ما يفلح .’’’’’’’’’ يأخوي أنا إشوف اسمك عواد عواد قلت ذا شايب لين شف صورتك ٌههههه ’ الله يحفضك دنيا وآخره

[عواد الشمري2]

ياهلا وغلا بابو ماجد
هههههههه الله يضحك سنك
من ناحيت شايب اي والله ابد عدي شايب مصغر

بس يابو ماجد والله يوم نسمع بعض السوالف تنغبن ويرتفع ضغطك وانت مالك شغل

[محمد ابن سعود]

لاهنت اخوي عواد على الموضوع بس عندي ملاحظه اصابعك ماهي سوا انا حصلي موقف كلمت لي رجال في المنتدئ وشريت منه طير بالسعر الفلاني وقلت يومين وانا عندك في حايل قال تم المهم جاتني ضروف وسحبت عليه اسبوع هههههه لضروف خاصه وعلمته بالضرف في خلال الاسبوع جاته سومات على الطير دبل الى عطيته بس مازال عند كلمته والله يعطيه العافيه وماقصر وهو اخونا ( ابو زايد ) ونعم الرجل واتشرف اني اتعامل معه
واسف على الاطالهههه ....... والسوالف واجد خذ وخل ..

[هاوي وكارى]

المفروض الى يسوي مثل الحركات هذي يتشهر به بالمنتدى علشان ما يطب فية اي احد
من الاخوان ويشهر برقم جوالة وموقعة واذا له محل طيور ولا محل معروف
وانا اشور على المشرفين احداث قائمة سوداء للاشخاص اللي يسوون مثل الحركات هذي
من غش ولا شي ثاني يتثبت في الصفحة
وسلامتكم

[عواد الشمري2]

لاهنت اخوي عواد على الموضوع بس عندي ملاحظه اصابعك ماهي سوا انا حصلي موقف كلمت لي رجال في المنتدئ وشريت منه طير بالسعر الفلاني وقلت يومين وانا عندك في حايل قال تم المهم جاتني ضروف وسحبت عليه اسبوع هههههه لضروف خاصه وعلمته بالضرف في خلال الاسبوع جاته سومات على الطير دبل الى عطيته بس مازال عند كلمته والله يعطيه العافيه وماقصر وهو اخونا ( ابو زايد ) ونعم الرجل واتشرف اني اتعامل معه
واسف على الاطالهههه ....... والسوالف واجد خذ وخل ..

ياهلا والله
وكذالك انا صار معي نفس كلامك مع كم عضو هنا الي جيته بعد سبوع والي جيته بعد اربع ايام وكذا
هذولا مابهم بلا
وشرك على مرورك ياجدي

[عـــرادي]

الله يهدي الجميع لما فيه خير في الدنياء و الاخره

[ابوماجد6641]

أمين أخوي عرادي’’’’’ وخوي محمد بن سعود صادق كل ديره فيها أجوادها

[عواد الشمري2]

امين
وان خلت من الجواد بلت

[عواد الشمري2]

ون خلت بلت
نعم
ونعم بك وبشايب رباك انا من المتابعين لردودك وكنت والله مثل ماقال اخونا ابوماجد احسبك شايب ماشاء الله عليك
لاكن منا وبعد ابا اناديك( عم عواد)
اشكر كل من تداخل واثرا الموضوع
تحياتي وتقديري ياعم عواد



ماعليك زود ياجدي والله يسعدك وان زلت عن المزح انتظر بس ترد وكذالك من التابعين لك بقوه بعد
يهلا وسهلا ياجدي

[ابوظافر90]

اجل مبروك صرت عم عواد

[عواد الشمري2]

اجل مبروك صرت عم عواد






هههههههههههههههههههههههههههههه