وين أهل الأحساء اوالعيون يوصوفون لنا طريق شاطي العقير

[الدوسري دت كم]

السلام عليكم ورحمة الله وبركاته ...
الله يجعل الجميع بصحه وعافيه ,,,
ابي واحدمن أهل الأحساء اوالعيون يعطين وصف دقيق جدا لطريق شاطي العقير
و وشلون اطلع له من الهاف مون فيه طريق سالك ولا لا
وفيه خدمات مثل السكن ومحطات البنزين والمطاعم,
ولا الواحديضرب حسابه ؟؟؟
ودي اروح بس مادري وش السالفه
واذاكان فيه صور وخريطه ياسلام ياسلام سلم ,,
عاد ماودي أتشرط ولاكن عطونا العلم .
ولكم مني سلام يا أهل الاحساء

[برنس الاحساء]

وعليكم السلام
اخوي بالنسبة للطريق فيه طريق من الهافمون على يطلعك على القرية تابعه للارامكو بعدها على خط العقير تروح معه يسار وبتوصل للعقير لكن هالخط مااذكر انه زين مرة يعني لو جيت معه انتبه من السرعه وهو بالنسبة للخطوط الثانية اقرب شيء ، والخط الثاني تجي على طول باتجاه الاحساء الين يجيك اول كبري في العيون تطلع من تحته يسار وعلى طول الين توصل والخط بعد لك عليه تعببان شوي وخط واحد رايح جااي

اما السكن مااعتقد فيه سكن ويمكن ياكدون لك الشباب والمحطات مافيه الا وحده واعتقد ماراح تحصل كل شيء الافضل تاخذ كل شيء معك قبل ماتمشي يمكن تلاقي البساطه على الكورنيش لكن ماادري هم موجودين للحين او لا لاني من زمان مارحت

اتمنى افدتك بالمعلومات اللي عندي بالتوفيق ياارب
ع فكرة الخطين ترى كلهم خط واحد رايح جااي...

[«نجم الخير»]

تمت الاستعانة بالشيخ (قوقل) :) لطريق فقط



http://im21.gulfup.com/2012-04-23/1335186829511.png

[Future]

يعطيك العافيه

[الدوسري دت كم]

ماقصرت يابرنس(امير)الاحساء الله يبيض وجهك ,
يعني شل كل الاغراض والقراشيع معك الله يعين بس ,
يقولون الموقع يستاهل المشوارصح ولا لا ؟؟؟؟؟؟

[الدوسري دت كم]

ابوعبدالله المطرودي هلابولدالعم ,,
مافصرت جبته مطمه جبته من فوق الله يعطيك العفيه...

[برنس الاحساء]

ووجهك والله بصراحة الكوورنيش متعوب وشغل حلوو وللحين يشتغلون عليه لكن لكل شخص وجهة نظر لكن ابحث عن صور له في النت وشوف
واهم شيء اغراضك خذها كلها قبل لاتمشي عشان ماتتوهق
ورحلة ممتعة بااذن الله

[الطامي]

تمت الاستعانة بالشيخ (قوقل) :) لطريق فقط






http://im21.gulfup.com/2012-04-23/1335186829511.png


اهلا بالجميع
زيادة على ماتم من الشيخ قوقل وخارطته
للعلم ان الطرق المذكوره في الخارطه ( قوقل ) لايوجد بها محطات استراحه او بترووول الا قرب العقير من الشمال ،، كما انها طرق بريه وفيها بدو جمالهم تعبر الطريق بشكل مستمر صيفا وشتاء ،، بالاضافه الا كونها خطره لكثرة ردم وبناء السافي والاتربه على اطرافها الشماليه والجنوبيه
لذا لزم التنبيه لما ذكر اعلاه
شكرا لكم

[فيصل الجهني]

يعطيك العافيه اخووووي ع الموضوووع

[ana3883]

من اخطر الطرق العقير ...لو فيه بقاﻻت ومطاعم ومحطه وهتمام كان صح لكن يفتقد للخدمات فهافمون اطلق منه

[ميكا مكشات]

المكان يستاهل يوم واحد بس وترى فيه أثار الميناء القديم لايفوتك

[شيخ العبدان]

المكان جميل ويستاهل ولاتنسى القريه القديمه

[ana3883]

رايي الشخصي ﻻيستحق العنوه

وبالنسبه للخدمات فيه بقاله لكن مافيه محطات وﻻ خدمات وكورنيش الدمام والخبر والجبيل اطلق منه

ومعروف طريق العقير طريق الموت

كم غالي لنا رحل من سبب هالشارع رايح جاي ولفاته العجيبه وهالابل الي تخطف

فماانصحك وهافمون جنة بالنسبه للعقير كلش حولك.
لكنه يمتاز ان ماءه نظيف لكن عيبه من بعد المغرب ﻻتدخل لوجود الثعابين ليلا يخرجون من البحر كم واحد ذبحناه

والقرية القديمه او بمعنى اصح الكم بيت او الميناء القديم تشاهده بس ماتدخله مسكر