المساعد الشخصي الرقمي

مشاهدة النسخة كاملة : وش الفرق بين G و GX و GXR والدفعات الي ماادري وين .. طلب افادة


مسعود2
24/04/2012, 10:33 AM
السلام عليكم ورحمة الله وبركاته

أخواني

الله لايهينكم

أنوي شراء جيب جكسار 2008
وانا صفر بالجيوب


المهم بديت اسأل وابحث واتنشد وانصدمت من كثر الاشياء المتناقضة !

لقيت فيه G
وفيه GX
وفيه GXR
قلت ماشي يعني الجي اقل شي والجي اكس وسط والجي اكس ار فل كامل

ولكن انصدمت يوم شفت ان فيه GX فل كامل !!!!! فتحة وجناح وغيره
وفيه جي اكس ار اقل مواصفات من الجي اكس !!!!!

كذلك لقيت جي اكس ار رقم 1 ورقم 2 ورقم 3 !
يعني الحين وش يصير
هل يصير فيه

G .......... بثلاث ارقام ( رقم 1 ورقم 2 ورقم 3 )
GX ........ بثلاث ارقام ( رقم 1 ورقم 2 ورقم 3 )
GXR ...... بثلاث ارقام ( رقم 1 ورقم 2 ورقم 3 )

كذلك لقيت فيه وارد عبداللطيف
والبريمي
واليحيى
والبازعي
وغيره !

يعني الحين ماادري العلم وش

ابي تفصيل للامور تكفون لان مخي لذع


أنا أنوي اخذ جي اكس ار 2008 تماتيك خلفية لكسز ( بدون استبنة )
طبعا البر بالسنة حسنة
وانلحس مخي على كثر ماشفت

لذلك ان امكن تفصلون لي بالموضوع ولا لكم الا الدعاء
( ارجو عدم ادراج روابط لاني من كثر ماقريت من المواضيع ماعاد اجمع ) ولكن ان امكن الشرح يكون باسلوب كل واحد منكم


الحين عبداللطيف يجي منه G و GX و GXR ؟ أو بس GXR بثلاث دفعات ؟
وهل البريمي يجي منه G و GX و GXR ؟ أو بس GXR بثلاث دفعات ؟
وهل اليحيى يجي منه G و GX و GXR ؟ أو بس GXR بثلاث دفعات ؟
وهل البازغي يجي منه G و GX و GXR ؟ أو بس GXR بثلاث دفعات ؟

ووش الافضل ؟
وكيف اعرف ان الجيب هذا وارد عبداللطيف او البازعي او البريمي او غيره ؟
ماعليش الاسالة كثيرة ولكن تحملوني شوي
المزيدي4
28/04/2012, 05:00 PM
وعليكم السلام ورحمة الله وبركاته

باختصار شديد
دور على اللي
مكينته 8 سلندر
قير تماتيك
هذي أهم شي
الباقي اضافات واكسسوارات زيادة أسعار على الفاضي - وجهة نظري-
وأهم شي إذا شريت مستعمل : افحص الموتر في مركز متخصص

بالتوفيق..
ابو محمد 2011
06/05/2012, 12:53 AM
الاندكروزر يجي انواع ويبدا من جي وجي اكس وجي اكس ار وفي اكس ار

طبعا البريمي واليحيى وبو جميل يختلفوون بالاكسسوارات

طبعا المواصفات تبي بونش او بفتحة او دفلوك

وعلى حسب طلبك مثلا انت تقوول ابي جي اكس ار 8 سلندر طبعا ما يجي الا تماتيك فقط

بالنسبة لموديل 2012

البريمي تحصل عنده فتحة ودفلوك وجنوط 18
اليحيى تحصل عنده فتحة ودفلوك وجنوط 17 ودي في دي

طبعا في كلااام كثيرر بس اختصررت عليك
ابونبيل
07/05/2012, 02:59 PM
الزبده وبختصار اذا انت تبي للبر خذ 6 سلندر عايدي GX سبير علاق ونش

اما اذا ماتطلع الا نادر خذ 8 سلندر تماتك GXR

والله يوفقك
عابر-الحد
13/05/2012, 03:29 AM
G يعتبر ستاندر >> داخليه رمادي ومافيه مكيف خلفي والسعودي يجي ثلاجه والخليجي بدون
يعتبر اقل مواصفات واذا انت منت راعي بر مايصلح لك ،،
Gx يجي سته سلندر علي حسب المواصفات بس مايجي شاشه في خليجيات تجي فل افضل من الجكسار واليحي نزل GX 8
GXR يجي سته سلندر او ثمانيه وعلي حسب المواصفات الي تطلبها لو تبيه بدون فتحه بعد
وعلي حد علمي ان ٢٠٠٨ نزلت كلها GX مواصفات جكسار وجكس

ارجوو اني افدتك وبختصار
والي اشوفه مافيه فرق بين الجكس او الجكسار الا الخطوط بس والجنوط علي حسب المصدر سعودي خليجي ×
جذآآآب
16/08/2013, 11:43 PM
نبي توضيح من الاخوان اكثر

وهل 6 سندر يجي فيه دفلوك
وهل gx يجي فيه دفلوك

والا فقط دفلوك يجي بالفل الكامل

وهل دفلوك يحي مع الونش وانا سمعت انه دفلوك يجي مع الونش فقط يعني سياره مافيه ونش مايجي فيها دفلوك

وفيدوني عن خطوط الموتر هذا هل فقط موديل 2013 والا تجي على الموديلات الجديده من 2011 ومافوق

http://im34.gulfup.com/RT4nQ.jpg
الصخرة
17/08/2013, 12:41 PM
باختصار شديد وقارن بين الصور للتوضح الصورة لك :

http://i00.i.aliimg.com/photo/v0/105603674/TOYOTA_LAND_CRUISER_G9_DIESEL_MANUAL_TRANSMISSION. jpg

http://www.mstaml.com/imagesData/i136446567804320078.jpg
1- G هذا سياحي من الخارج داخلية رمادية مكيف أمامي فقط V6 بعضها بدون ثلاجة .....
وكل وكيل له مواصفاته ثلاجة فتحة دفلك .....


http://www.carsemsar.com/en/media/get/other/20130803_DSC01295.jpg


2- GX سياحي من الخارج داخليه اسود مكيف أمامي خلفي V6 ثلاجة ....تخشيبه ....... كل وكيل له أضافاته ونش دفلك فتحة...وبعض الوكلاء يجي V8 يكون سياحي من برا .

http://img.bey3.com/533000/337/1_preview.jpg

http://img.bey3.com/533000/337/3.jpg

3-GXR مواصفات اساسية دعامية بالصدام - زيق على الابواب وعتبه.... من الداخل بيج للموديل 2012-2013 وتخشيب و الموديلات السابقة داخلية سوداء تخشيب والمراتب بيج ...
يجي مكينة V6 و V8
ويجي نوعين أو ثلاثة حسب الوكيل ....

http://l.yimg.com/qn/uaesm/up/uploads/117953dc43.jpg
http://www.mstaml.com/imagesData/i136413685195000014.jpg

4-VXR مواصفاته معروفه يختلف عنهم كلهم ....

[SIZE="6"]الخلاصة:
G مكيف امامي فقط داخليه رمادي بدون تخشيبه.
gx مكيف أمامي خلفي داخلية اسود تخشيبه على الطبلون.
gxr مكيف أمامي خلفي 2008- 2011 مراتب بيج طبلون اسود تخشيبه 2012-2013 داخلية بيج كاملة..
+ من الخارج الزيق على الابواب جناح خلفي عتبه فيبر دعامية
والستة سلندر يجي تماتيك ويجي عادي .
الثمانية سلندر فقط تماتيك
الصخرة
17/08/2013, 12:44 PM
نبي توضيح من الاخوان اكثر

وهل 6 سندر يجي فيه دفلوك
وهل gx يجي فيه دفلوك

والا فقط دفلوك يجي بالفل الكامل

وهل دفلوك يحي مع الونش وانا سمعت انه دفلوك يجي مع الونش فقط يعني سياره مافيه ونش مايجي فيها دفلوك

وفيدوني عن خطوط الموتر هذا هل فقط موديل 2013 والا تجي على الموديلات الجديده من 2011 ومافوق

http://im34.gulfup.com/RT4nQ.jpg

V6 يجي دفلوك وبدون ونش ....

الخطوط بالصورة تجي وارد عبد الغني قطر واليحيى 2012-2013
ووارد بهوان بريمي 2012
الصخرة
17/08/2013, 12:47 PM
الافضل وبلا منازع
1- وارد اليحيى من بازرعه....
2- وارد بهوان - البريمي-
3- عبداللطيف جميل
جذآآآب
17/08/2013, 01:51 PM
الصخره كفيت ووفيت بيضالله وجهك

يا غااااااااااالي
صياد الجبل
18/08/2013, 10:29 AM
خذلك موتر جديد

gx>R وخذه ثمانيه سلندر وفل كامل دفلوك وفتحه وقيرو اتماتيك وعايدي وخلفيه لكزس وخذ وارد البريمي عليه خطوط شكلها ممتاز
جذآآآب
19/08/2013, 09:24 PM
خذلك موتر جديد

gx>R وخذه ثمانيه سلندر وفل كامل دفلوك وفتحه وقيرو اتماتيك وعايدي وخلفيه لكزس وخذ وارد البريمي عليه خطوط شكلها ممتاز


يعطيك العافيه اخوي ومشكورين
suliman92
20/08/2013, 03:38 AM
اهم شي انحش عن 6 سلندر و انت اما الباقي ميزاتها قددامك و اختار
جذآآآب
21/08/2013, 03:57 PM
طيب يا خوان نظام الزحف هل هو دفلوك والا لا

وهل نظام الزحف يوجد بالجكسار
الصخرة
21/08/2013, 05:28 PM
طيب يا خوان نظام الزحف هل هو دفلوك والا لا

وهل نظام الزحف يوجد بالجكسار


كلا النظامين (Diff Lock) و (Crawl System) تعمل بنفس المبدا
الحد من حرية العجل عند التعلق بين المحاور او الثولثة او المناطق الزلقة
لاكن ما يميز نظام الزحف أنه يعمل على العجلات الأربـع وبحرية تامه بحيث يوزع الكبح والدفع بنفس اللحظة بالتساوي على العجلات الاربع

بينما قفل الدفرنش يعمل على المحور الخلفي فقط.




نظام الزحف ليس موجود بالجكسار

موجود في اللكزس والفكسار وعلى ما اعتقد بالبرادو
جذآآآب
21/08/2013, 06:34 PM
اخوي الصخره بارك الله فيك يا غالي على التوضيح

ويعني الي فهمته من كلامك ان نظام الزحف نفس نظام الدفلوك بالجكسار

تعمل الكفارات الاربع بحركه متساويه؟؟
الصخرة
21/08/2013, 07:37 PM
اخوي الصخره بارك الله فيك يا غالي على التوضيح

ويعني الي فهمته من كلامك ان نظام الزحف نفس نظام الدفلوك بالجكسار

تعمل الكفارات الاربع بحركه متساويه؟؟

طبعا الالكترونيا ،،،،،، شاهد الفديو التالي

http://m.youtube.com/watch?v=eTQuHS_YmPg&desktop_uri=%2Fwatch%3Fv%3DeTQuHS_YmPg