الفرق بين اللافلنش والسلفرادو

[free world]

الاخوة الاعضاء السلام عليكم ورحمة الله وربركاته

حابب استشيركم فالفرق بين مواتر الافلانش والسيرا والسلفرود غمارتين ناوي اشتري واحد منهن ومحتار .بخصوص جودة السيارات والخدمه وحط معهن الكشخه

[نسري بالليل]

موضوع جميل أرجو من أهل الخبرة يفيدونا...........:good2:
تراي متابع يا صاحب الاعلان...

[It's Just Me]

و عليكم السلام

السييرا و السلفرادو الفرق بينهم ان السييرا يجي مواصفات اكثر ... مثل المكيف الكتروني و اشارات على المرايات ... الخ

الافلانش يفرق عنهم انه للاستخدامات الخفيفه .. يعني ما يتحمل مثل السييرا و السلفرادو و لكنه اريح منهم بحكم ان المساعدات مثل حقت التاهو .. و الافلانش يشيل 700كيلو اما السييرا و السلفرادو تشيل 1500 كيلو ( و هذه عشان المساعدات و اليايات )

و هذا مختصر عن الفروق اللي بينهم . و اذا احتجت معلومه ثانية انا حاضر

[لحظةوداع]

الافلانش سيارة طريق وبر ورزه وفخامه خاصة LTZ
له معي ثلاث سنين مثل العسل وبعته كان موديله ٢٠٠٧
ورجعت خذيت واحد ٢٠٠٩ بصراحة مواتر

[الدوسري دت كم]

الافلنش مهوب شاحنه على مايقول الخواجه ترك
لاهوسياره ركاب زي مايقول الخواجه ماسنجركار
الافلنش ماله سست ورى له يايات زي التاهو
ولايعتبرسيارة تحميل والمروريعطيك لوحةخصوصي
عشانه سيارة ركاب
اماالسيرا والسلفرادوشاحنات صغيره على ماقال الخواجه ليت ترك والمروريعطيك لوحة نقل وماهومريح زي الافلنش لان له سست ولا فيه فرق ابد غير العلامات
اما المواصفات فهي على حسب الوكيل
اذاجزمت على الافلنش ولاالسلفرادو
خذه من الكويت عشان المكينه عندهم 6 لتر ياعيني بس
والافنلش شاريه شاريه بأذن الي ماتنام عينه وانا هالحين عندي سيرا
بس العيال كبروا واشوف الولد منيش عليه ويبي يزحلقن عنه
هذا الي انا اعرف والسلام

[free world]

تحياتي لكل من رد على الموضوع
وانشاء الله وراره وراه لين ما اشيريه
وللدوسري لجيت رايح الكويت دق علي!!!

[الدوسري دت كم]

ابشربعزك والله
بس ولم الدراهم
ترا حنا نتكلم على جديد
ماهوب على المستعمل

[free world]

الجديد بجدته مثل العيد بلذته

[مرقاب]

اخوي السلفرادو-شفر- والسييرا -جمس- مامن اختلاف كثير
يجن احجام مختلفه 1500-2500-3500
تختلف المحركات 4800 ست سلندر
-5300-6000-8100 ثمانيه سلندر
طبعا يجي غماره وغماره ونص وغمارتين
الغماره ونص والغمارتين نفس الشاص وتباعد الكفرات اللهم الغماره ونص اكبر حوض
واذا تبي رايي خذ غمارتين ولا تاخذ غماره ونص

نجي للافلانش من شفر الافلانش بدا موديل 2002 ومازال
الافلانش فئه افخم ويجي فئات ls -lt-ltz ويشملها z71
ويجي حجمين 1500-2500 ومكينتين 5300-8100 واضنه وقفت
الافلانش حوضه مثل ماقال الاخوان اقصر الا انه يتميز بقرب الكفرات الاماميه للخلفيه اكثر من الغمارتين بالسيير والسلفرادو وهاذي مهمه وشاصه اقصر منهم والسياره عمليه خاصه z71
ويجي تجهيزات خاصه للحوض من اغطيه وحوضين اصغر على الجوانب ويمكن فتح الحوض على المرتبه الخلفيه
والسياره ماعليها كلام وجديره بالشراء



ا

[سعد القاسم]

الله يوفقنا واياك وش ما تاخذ اهم شي حط في اعتبارك ان طول الشاص له دور فمثلا عني انا اخذت التاهو وهو قريب للافلانش وكنت اباخذ حوض على قولتهم يوم شفت حجمه كبير ومتعب بالاستخدام اليومي وايضا تعليقته اسهل من الافلانش والتاهو اخذت التاهو والحمدلله
فطول الموتر له دور خصوصا بالامكان الوعره


_________________

لا اله الا الله محمد رسول الله
استغفر الله واتوب اليه

تقرير طلبية مساعدات بلستين 5100
جي ام وشفر
هنا
Y
Y
https://lh4.googleusercontent.com/-Q1ufrNCsjsA/T0QGDJDrsaI/AAAAAAAAAKo/5qteX3qPFkI/s900/BILSTEN_on_tahoe_Saad005.jpg (http://www.mekshat.com/vb/showthread.php?t=485476)

[مرقاب]

شاص الافلانش هو نفس شاص السوبر بان ونفس تباعد الكفرات
التاهو واليوكن القصير اقصر شاص واقل تباعد كفرات من الافلانش